Признаки благородства
Эздела куцаш
Укх дунен тIа цхьаккха
къам дий-те гIалгIаша санна
сий долчун сий деши
Эздел лоархIаши!
Са хьамсара дешархой, цхьан замалахьа хинна хIама дувцаргда аз шоана, сай хьаькъал дIакхачарца. Дац из кица, бац из фаьлг… Вай гаргарча наха леладаь хIамаш да уж. Царех цаI хиннав Чурнаькъан БIази.
Шоайла безаш а чIоагIа тIера болаш а хиннаб цхьа кIанти йоIи. Цар цIераш хиннай БIазии Iайшети. Бакъда, йиIий да раьза хиннавац цу хIаманна, хIана аьлча дукха пхьенаш даьхкад БIазега, тIаккха чIоагIа молаш а хиннав из. Новкъостий болчара а гаргарча наьхацигара а ший говро чукхийлав БIази. Iогора отташ хиннай говр, ший баьре IотIавужаргволаш, тIаккха хьалъура а этте чувугаш хиннав цо из. Дала чIоагIа хьаькъал денна хьайба да говр.
Цхьан дийнахьа Буро тIара чубоагIаш хиннаб Iайшета даи нанеи. Буро тIа Iочуводаш хиннав БIази. Чона тIаь тIа нийссбеннаб уж. Духьала хьатIабоагIараш байзача а, юхаверза доастама хийттад зIамигача сага…
Хур хургда — кх укхох, аьнна, ший говр, шод а теха, ше ма йодда тIаь тIара чухийцай БIазе. Из сурт бIаргадайнад фаэтона тIа баьгIача йиIий даьнеи наннеи.
— Аьъ-аьъ, из фу дар? — аьнна корзагIваьннав воккха саг. — Ай, Тийрка чу ма вахарий из, ший дин тIа а вагIаш!
— Вададай, вададай, Iовежар шоана! — яхаш, цIогIа дийттад кхалсаго.
Бакъда, говрабаьри малав хайча, Iайшета да раьза хилар йоI дIаяла. Цун деналахи эзделахи хайнад йиIий даьна, из фу саг ва. Ше бакъ-дунен чу дIаваххалца нейцина тешал деш ваьхав уст-да.
Дукхача шерашка вIаши беза а безаш, нахаца Iимерза а болаш баьхаб БIазии Iайшети. Бакъда, цхьа бала боаллар цар дегашка… Бер дацар цар. ТIаккха а саг йоалае тугаш хиннадац БIазе. Сесаго дехар дора маьрага, цо кхетадора тIехье йоаца саг ираз дайна волга. Цхьа ха-зама яьлча, Дала жоп делар царна. БIазе вошас Жабаза ший духьашха яь йиIиг дIаелар вешийнеи веший сесагаи. Доккха совгIат дар из дезал боацача фусаме. ЧIоагIа дукха езаш, боча а йолаш кхейора цар йиIиг.
Берах са доаллаш бар мари сесаги. ЦIен юхе гIолла дIадолхача берех цаI дитацар цар чу ца дехаши мерза хIама ца луши.
Шоайла дукха тIехьа а ца бусаш дIакхелхар уж шиъ. Цигара моттиг Дала даькъала йойла цар.
Тахан латтача заманчухь вай даьй хинна эздел, денал, гIулакх дицдалийта йиш яц кагийча наха. ГIалгIа яхача дешаца дувзаденна да уж дешаш. Царгара дIа мел ийккха хIама эца йиш я, бакъда, цар мах баь саг варгвац!
Признаки благородства
Вряд ли найдется в мире народ, чтущий честь и благородство так же, как ингуши!
Мои дорогие читатели, в меру своих способностей я поведаю вам о давних событиях. Не выдумка это, не сказка это... Это поступки наших предков. И один из них — Цуров Бази.
Жили в далекие времена парень и девушка, которые очень любили друг друга: Бази и Айшет. Но отец девушки был против их брака, так как у Бази было много кровников. И к тому же он любил выпить. Он напивался так, что не мог держаться на ногах. Тогда его конь ложился, чтобы хозяин мог взобраться на него, и шел с ним домой. Ведь конь — очень умное животное!
Как-то мать и отец девушки на фаэтоне возвращались из Владикавказа. А Бази ехал в город. На Чугунном мосту они встретились. Молодой человек узнал едущих ему навстречу, но повернуть обратно ему показалось ниже своего достоинства. «Будь что будет», — подумал Бази и, пришпорив коня, направил его на перила моста. Конь перепрыгнул через перила и вместе с всадником полетел в реку.
Это видели родители Айшет.
— Ай, ай, что это такое? — встревожился старик. — Да он же в Терек ушел вместе с конем!
— Вададай, вададай, упал в реку! — кричала женщина.
Узнав, кто был этим всадником, отец Айшет согласился отдать за него свою дочь. Мужество и благородство всадника показали отцу девушки, что это за человек. И всю свою жизнь, пока он не ушел в праведный мир, тесть уважал и хвалил зятя.
Многие годы прожили Бази и Айшет, как говорится, душа в душу. Они любили друг друга и ладили с односельчанами. Но одно обстоятельство омрачало их жизнь — у них не было детей. А они очень любили ребятишек: всех соседских детей они приглашали в свой дом и всегда угощали их чем-нибудь вкусненьким.
Но Бази не соглашался взять в дом вторую жену, хотя жена и упрашивала его: она понимала, что без детей в семье нет счастья.
Когда брат Бази Жаба женился, у него первой родилась девочка и он подарил ее брату и невестке. Это был большой подарок для бездетной семьи. Они души не чаяли в девочке, любили и лелеяли ее.
Бази и Айшет жили долго и счастливо и умерли почти одновременно. Пусть Бог благословит их пребывание в том мире.
Сегодня молодежи необходимо помнить о благородстве, мужестве и обходительности наших предков. Все эти качества связаны со словом «ингуш». Все остальное в этом мире можно купить, но эти качества бесценны.
