ШАЧМЫ ВӒРӸШ — КУДЛУ ШӸМ ИШТӸ
Мӹнь ти событи гишӓн мытыкын сирӓлтӓлӓшок лим.
А цилӓ тӹнгӓлӓлтӹ мӹндӹр Новгород Великий хала гӹц телефон доно увертӓрӹмӹ доно: «Поисковый (кӹчӓлшӹ) отряд Кого Отечественный войнаэш ямшы боецӹн медальонжым мон».
Анжалына «Книга памяти» сборникӹштӹ сирӹмӹм: «Изиков Мефодий Гурьевич, 1911 г.р., д. Изикино Еласовского с/с, рядовой, пропал без вести в декабре 1941 г.».
...Анзылны корны кужы – тӹжем кымшӱдӹ уштыш. Адресшӹ: Новгородский область, Демянский район. Тӓрвӓнӹшнӓ. «Лада» автомашинӓ ӹнянӹн, пӹсӹн кыдалеш. Шофёр опытан, махань-шон халавлӓш шукы тӹжем уштышым кыдалыштын.
Шукы хала дон солам эртӹмӹлӓ. Трасса кок велнӹ ӹлӹштӓшӓн шӹргӹ, южнам йонгы вӓрӹштӹ ныр кайын колта.
Москвам эртӹшнӓ. Клин хала лишнӹ, корны лишнӹрӓкок, кок кого якшар кӹрпӹц здани сарта гань тӧр, кӱкшӹ кожвлӓ логӹц каеш. Тидӹ руш кого композитор П.И.Чайковскийӹн тома-музейжӹ.
Шайылан Тверь (Калинин), Торжок, Вышний Волочек, Бологое халавлӓ кодевӹ. Кӓндӓкш цӓшӹн Валдай халаш кыдал мишнӓ. Ӹнде мӹндӹрӓт агыл Новгородский областьын Демянский районыш.
Валдай изи хала, районын центржӹ, Новгородский областьыш пыра. Кӱкшӹ вӓрӹштӹ ылеш. Ти кӱкшикӓжӹ Йыл тӹнгӓлтӹшӹм, Западный Двинам дӓ Ильмень кого йӓрӓн бассейнӓн рекӓвлӓм пеле-лош айыра. Тӹдӹн кӱкшӹцшӹ кымшӱдӹ метр утла. Ти кырыкшым Каменник (Каместик) маныт. Тиштӹ, лапата вӓрӹштӹшӹ гань агыл, йӓктӹ, кож шужген шалгат. Нырвлӓӓт кымдан шӓрлен вазыныт. Хала лишнок ӱштӹвелнӹлӓ кого йӓр коэштӓлтеш.
Валдай кӱкшикӓштӹ, самой Волховерховье сола доны, Йыл тӹнгӓлӓлтӓш. Шолын лӓктӹн, карем ӓнгӹр гань веле йога. Пакыла кымдаэм миӓ, Зубцов хала доны туран Тверь докыла сӓрнӓлеш, варажы кымда Рыбинск водохранилищӹшкӹ пыра, пакыла Ярославль хала докы йоген вала.
Перви тоштын Йыл Ра маналтын, покшал курымвлӓн – Итиль. Тӹдӹ Европыштышы сек кого дӓ кужы рекӓ, Каспий тангыжыш шомешкӹжӹ, 3530 уштышым йога. Йылышкы изи дӓ кого кокшӱдӹ рекӓ йоген пыра. Шукы притокшок лап шалахай сирӹштӹ ылеш: Молога, Шексна, Кострома, Вӹтлӓ, Кама; вургымла велнӹ: Ока, Сура, Свияга. Мары Элӹштӹнӓ– Вӹтлӓ, Шур, Рутка, Кого дон Изи Какшан (Кокшага), Элнет. Йылеш кӓндӓкш ГЭС-ӹм стройымы.
Лӹмлӹ сӓндӓлӹк
Новгородский областьышкат миэн шона. Тӹдӹ Российӹн ӱштӹвел-вадывелнӹжӹ ылеш – Ленинградский, Псковский, Калининский дӓ Вологодский областьвлӓ лошты. Тӹштӹ шӹмшӱдӹ тӹжем утла эдем ӹлӓ. Кудлу куд процентшӹ – лу халашты. Центржӹ – Новгород хала, Волхов рекӓштӹшӹ пристин. Рекӓжӹ Ладожский йӓрӹш йога. Тӧр кымдемӓн сӓндӓлӹк. Кечӹвӓлвел дон ирвелнӹжӹ – Валдай кӱкшикӓ. Областьышты – коклы кӓндӓкш район. Пел территорижӹм шӹргӹ йӓшнӓ. Кого халавлӓжӹ: Новгород, Боровичи, Старая Русса.
Вадывел частьыштыжы купвлӓ дӓ йӓрвлӓ шукы. Лу процент территорижӹ коклышы курымын ӹндекшлушы и якте кыралмы ныр ылын. Тӹнӓм колхозвлӓ утларакшы ыржам, шӹльӹм, итӹнӹм куштенӹт.
Господин Великий Новгород
Тенге маныныт первижӹ ти халам. Шукердӹ первишӹ хала торгейӓш каштмы вӓрӹштӹ ылын. Кӓндӓкш курым перви тишец «путь из варяг в греки» манмы эртен. Ти сӓндӓлӹкӹштӹ самой Новгородский князь Александр Невский 1240 ин шведвлӓм сӹнген, а 1242 инжӹ – немец рыцарьвлӓм («Ледовое побоище»).
1944 ин июль якте Новгород Ленинградский областьын районный центр ылын. Халашты тошты курымаш историко-архитектурный памятник шукы. 1939 ин тӹштӹ нӹллӹ тӹжем эдем веле ӹлен. Кого Отечественный война паштек хала угӹц строялтын, кушкын, уэмӹн. Тӹштӹ ӹнде кокшӱдӹ тӹжем утла эдем ӹлӓ.
Армыж, лӱдӹш тышман сӓндӓлӹкнӓ вӹкӹ 1941 ин шыралтын. Тӹ ин июньынок Кого Отечественный войнан фронт Новгород докы лишемӹн. Кӓндӓкшӹмшӹ июньын фашиствлӓн самолётвлӓ хала вӹкӹ пиш шукы бомбым кӹшкенӹт. Хала ураш, йылаш тӹнгӓлӹн. Седӹндон июль-августын сакой грузым, оборудованим, тӹжем доно эдемвлӓм эвакуируйымы. Хала йӹр оборонительный рубежӹм строенӹт.
Август покшалны фашиствлӓн войскавлӓ Ленинград гӹц палнышы мӓмнӓн оборона линим ванжен сӹнгенӹт дӓ Новгород дон Чудово халавлӓ докы тӓрвӓненӹт. 15 августын нӹнӹ Новгородын вадывел частьшым хватен нӓлӹнӹт. А халан ирвел частьшы верц кого кредӓлмӓш 19 август якте шыпшылтын. Советский войскавлӓлӓн Малый Волховец рекӓ вес векӹ цӓкнӓш вӓрештӹн. Но тышман пакылажы кен кердде, дӓ фронт хала лишкок шӓрлен. Тенге Новгород фронтовой халаш сӓрнӓлтӹн.
Оккупантвлӓн дӓ испанецвлӓн «Кловой дивизи»-н частьвлӓ халаштышы шукы первишӹ шергӓкӓн архитектурный памятникӹм пыдештӓренӹт, урыктенӹт, пыдыртенӹт. Нӹнӹ Новгород лишнӹшӹ вӓрвлӓмӓт «пиш когон вооружайымы укреплённый» манмы районыш сӓртенӹт. Халан дӓ областьын оккупируйымы частьыштыжы гитлеровецвлӓ 15 тӹжем мирный эдемӹм пуштыныт. А тӹштӹшӹ концлагерьвлӓштӹ 186 тӹжем советский военнопленныйым лӱэн пуштыныт.
Область кымдыкеш кого бойвлӓ кенӹт. Шӹргӓн вӓрвлӓштӹ партизанвлӓӓт пыт кредӓлӹнӹт, тышманлан кого эксӹкӹм ӹштенӹт.
Новгородым 1944 ин 20 январьын Новгородско-Лужский наступательный операци годым веле тышман гӹц ирӹктӹмӹ. Тӹнӓм тиштӹ Волховский фронтын 8-шӹ, 14-шӹ, 59- шӹ дӓ 54-шӹ армивлӓ когон кредӓлӹнӓт, Ильмень йӓр якте позицим нӓлӹнӹт, Волхов рекӓн шалахай сирӹштӹ кымда плацдармым кыченӹт. Демянск районышты гӹнь кым и нӓрӹ паснаок кого бойвлӓ кенӹт. Фашиствлӓ ӹшкеӓт ти вӓрӹштӹшӹ кредӓлмӓшӹм «Демянский котёл», «Старо-Русский» котёл маныныт.
Волховский фронтын ти лӹмлӹ операцижӹ годым тышманын кӓндӓкш пехотный дӓ ик танковый дивизим шин шӓлӓтӹмӹ дӓ эче нӹл дивизим лаксыртымы ылын. Цилӓжӹ 82 тӹжем утла фашистым пуштмы.
Цилӓ йӹрвӓш пыдештӓрӹмӹ, пыдыртымы, йылатымы. Новгородышток 2500 утла ӹлӹмӹ тома гӹц нӹллӹжӹ веле тӧрлӓш ярал кодын. Хӓрдӹмӹ тышман гӹц ирӹктӹмӹ якте живой эдемжӹ цилӓжӓт 30 веле кодын.
Война жепӹм кӹзӹт тиштӹ «Курымаш тыл» мемориал, Сӹнгӹмӓш монумент, Совет Союзым Геройвлӓлӓн икманяр обелиск, герой-пионер партизан Лёня Голиковлан памятник дӓ вес ӓшӹдӓрӹмӹ объектвлӓм шагалтымы.
Демянск районышты
Валдай хала гӹц ӱштӹвекӹлӓ мӹндӹрнӓт агыл кого йӓр киӓ. Тишец ӹнде Демянск хала якте шӱдӹ утларак уштыш веле.
Корны йӓр тӹр мычкы шыпшылтеш. Шӹргӓн вӓр. Пушӓнгӹвлӓжӹ сӓмӹрӹк ылыт – мӓ донышна гань тӧр, кӱкшӹвлӓ агылеп, тӹшкӓн-тӹшкӓн йӹгӹре мыржанг кушкыныт – луды каргыжан шапки, куги, нолгы, лӱлпӹ.
Корны седок кырык тӹр доно аймылтылеш. Йӓр ти сӓндӓлӹкӹштӹ шукы. Седӹндон кол хозяйствывлӓ шукердшен ровотаят. Колжым вӓпш дӓ махань-шон вес хӓдӹрвлӓ доно лоат.
– Документ гӹц пасна йӓрӹш пыраш ак ли, – чичӓлген шӹцшӹ лицӓӓн пӱэргӹ мӓлӓннӓ попа. – Пыт оролат. Браконьервлӓм цецаш хватят...
Ӹндекш цӓшӹн ирок когоок агыл солаш кыдал пырышна.
– Мӹндӹр вӓр гӹц толында, тама? – кого магазин доран шагалмыкына ядыт.– А-а, Демянскыш кедӓ ылын. Ти кого йӓр вес векӹ кемӹлӓ. Мӹндӹрок агыл, ну, коклы уштышыжок лиэш. Йӓрӹн лӹмжӹ Велье. Соланажат ти лӹмӓнок. А-а, Морзунов тӓлӓндӓ келеш? О-о, тӹдӹм цилӓн пӓлӓт.
Пиш керӓл пӓшӓм ӹштӓ. Отрядшы война годым ямшы фронтовиквлӓм кӹчӓлеш...
Теве иностранный когорак шим автомашинӓ пӹсӹн толын шагальы. Руль гӹц валышат, цаткыды сӓмӹрӹк пӱэргӹ мӓлӓннӓ вургымла кидшӹм лӱктӓльӹ. Пӓлӹмӹ линӓ.
– Тӓ ылмыдам мӓ тӧрӧк пӓлӹшнӓ, – манеш тӹдӹ.
Хытыралмы, ядышталмы паштек, веремӓм ямдыде, пакылатӓрвӓнӹшнӓ. Икманярышты шагална. Ужына, корны вургымла покашты пӓлӹк панды шалга. Маншинӓвлӓ гӹц лӓкнӓ.
– Мӓ цецаш тишец кырык вӹкӹлӓ кузенӓ, иктӓ кокшӱдӹ метрӹм, – ынгылдара Александр Петрович Морзунов.
Ӹнде кудытын лин шӹцнӓ. Тидӹ – поисковый отрядын командиржӹ Морзунов. Институтым пӹтӓрӹмӹкӹжӹ, тишкӹ Орёл хала гӹц толын. Пелӓшӹжӹ Мария Юрьевна андак Оборона министерствын Подольскыштышы центральный архивӹштӹ пӓшӓлен. Сагашты – студентка-практикантка ӹдӹр. Мӓӓт кымытын ылына: Фаина Мефодьевнан шыжаржын марыжы Владимир Ипполитович Сапожников, «Лада» машинӓн мастар водительжӹ, пиш пуры йӓнгӓн, Алексей Мануилович Ярандайкин (коктынат Изиксола ылыт) дӓ мӹнь.
Олен кӱшкӹлӓ кузенӓ. Морзунов, экскурсовод гань, цилӓ раскыдын шайыштеш.
Сакой ӹлӹштӓшӓн пушӓнгӹвлӓ лошты тӹштӹ-тиштӹ лаксаквлӓ, йӓмвлӓ, келгӹ, кужы тошты канававлӓ пӓлдӹрнӓт.
– Тиштӹ оборона лини ылын, – ынгылдара Морзунов. – Тидӹм мӓ тӹнӓмшӹ военно-полевой картывлӓ семӹнь, архивӹштӹшӹ документвлӓ гӹцӓт, военный эдемвлӓн мемуарышты гӹцӓт пӓлен нӓлӹннӓ. Фашиствлӓ Новгородымат цилӓ хӓлӓ нӓлӹн сӹнгӹделыт. Кого военный техника ти кытлаш пырен кердде. Ужыда теве – кырыкан, купан, цышмекӓн вӓр. Седӹндоно сек нелӹжок пехотылан ылын. Тышманат тӹжемӹн салтаквлӓжӹм ямден. Мӓмнӓнвлӓӓт шукын коленӹт. 249-шӹ дивизи гӹц моло ик полк лач кодын. Ик пашкуды солам перегӹмӹ годым тӹжемӓк-пелӓк мӓмнӓн салтак колен. Демянск донат техеньок ылын. Но немецвлӓ купвлӓ дӓ Велье йӓр гӹц пакы кен кердделыт...
Эче изиш кӱшкӹлӓ кузенӓ. Теве иктӓ лу нолгы сага-сагаок шалга. Иктӹштӹжӹ – тавар доно локсыцмы луатик ладем. Тидӹ – пӓлӹк. Тӹнгӹштӹ – капайымы вӓр. Тӹштокрок вӹкӹ лыктын оптымы лулегӹ дӓ ӹрдӓнгшӹ хӓдӹрвлӓ.
– Теве тиштӹ самой мӓ тӓмдӓн землякдӓн яммы окопшым монна, – анжыкта Александр Петрович.
– А кыце?
– Миноискатель палшен. Кӱ техень ылмыжым медальонжы гӹц пӓлен нӓлӹннӓ. Кышак, кынам шачын, семняжӹ махань – цилӓ тӹштӹ сирӹмӹ. Цат пӹтӹрен шӹндӹмӹ пумагажы лӹмӹн капсулышты ылын. Теве, анжалда.
Сирӹмӹжӹ теве мам:
«Изиков Мефодий Гурянович (Гурьевич), красноармеец, год рождения 1911, уроженец Марийская Автономная Советская Социалистическая Республика, район Еласовский, с/с Емелевский, деревня Изикино, мобилизован Еласовским РВК, адрес семьи: Изикова Анна, Мар. АССР, район Еласовский, с/с Емелевский, деревня Изикино...»
Цилӓ тӧреш толеш.
– Медальонжым мӓлӓннӓ пуэдӓ?
– Конечно. Обязательно. Теве, гильза гӹц когорак капсул. Перегӹдӓ.
Поисковый отряд кок протоколым сирен. Ик экземплярым Кырык мары районын военный комиссариатыш колтат, кокшыжым мӓлӓннӓ пуэвӹ. Тӹштӹ тенге сирӹмӹ:
«Дата: 07.12.2007.
Место эксгумации: Новгородская область, Демянский район, с/с Никольский, деревня Белье, ЮЗ (юго-запад) 500 м по дороге Валдай-Демянск. Медальон, регистрационный номер 4. В ходе эксгумации обнаружены:
останки одного человека, фрагменты обмундирования: ремни и остатки шинели, советские винтовочные патроны и остатки гранат РГД-3, сохранность костей частичная, череп раздроблен.
На склоне сопки. Бывший передний край немецкой обороны.
Останки обнаружены миноискателем по боеприпасам и металл, предметам, принадлежавшим бойцу. Вместе с костями обнаружены: продырявленная каска, противогаз, кружка, подсумки с патронами, опасная бритва, перочинный нож, ложка. Убитый найден в ячейке.
Адрес: Поисковая экспедиция «Долина», д. Балуево, Дубровский сельсовет администрации Демянского района. Тел. 8-921-021-45-78. Поисковый отряд «Находка». Состав комиссии: Морзунов А.П., Павлов А.С., Антропов А.В.»
– «Долина» лӹмӓн экспедицин комиссижӹ техень шанымашыш толын, – манеш Морзунов. – Мӓмнӓн салтаквлӓ окопышты ылыныт. Трӱк снаряд лишнӹшток пыдешт кен. Осколкы тӧрӧк Изиковын вуйыш попазен. Боецвлӓм рок мӱден пиштен. Тенге тинӓр шукы и киэнӹт. Тайышы группат нӹнӹм цаклен кердде.
– Отряддажы кыце пӓшӓлӓ?
– Ик группа кырык вӹлнӹ кӹчӓлеш, весӹ – лапаташты, шӹргӹ лошты. Война годшы воюйымы вӓрвлӓш «Находка» кӓнгӹж йӹде, южнам телӹмӓт экспедициш каштеш. Кӱм мона, нӹнӹ гишӓн медальонышты сирӹмӹ семӹнь шачмы вӓрӹшкӹштӹ увертӓренӓ. Ӓль районыш, сельсоветӹш ӓль военкоматыш. Тевеш, тӓмдӓн Изиков Мефодийӹмӓт медальонжы гӹц пӓлен нӓлӹннӓ. Дӓ звоненнӓ сельсоветӹш дӓ ти фамилиӓн вес эдемӹм ядынна...
– Кого тау тӓлӓндӓ тидӹ гишӓн.
– Шукы и эртенӓт, векӓт, момы салтаквлӓн кӓпӹштӹм нӓнгеӓш цилӓнжок ак толеп. Дӓ эче кыдыжы ответӹмӓт ядмашешнӓ ак колтеп, – манеш отрядын командиржӹ.
– Ӓнят, родственниквлӓжӹ кодделыт.
– Тидӓт лин кердеш. Ик боецӹм, теве, шукердӹ агыл монна ыльы. Увертӓрӹшнӓ кок шӱмбелжӹлӓн. Но нӓнгеӓш отказевӹ. Техень годым мӓ вес вариантым кычылтына. Братский манмы шӹгереш таенӓ. Районыштынаат тӹдӹ улы. Мӓмнӓн отрядна Демянск районыштына шӱдӹ вӹцлӹ ӹндекш колышы салтакым мон. Мӓжӹ тидӹм кого пӓшӓэш шотленӓ доко.
– Пиш керӓл пӓшӓ.
Ти районышток Кырык мары гӹц Ларьков Гаврил Афанасьевичӹн кӓпшӹм момы. Политрук ылын. Тӹдӓт 1941 ин колен. Исаково лӹмӓн солаштышы братский шӹгереш тайымы.
– Кӱвлӓ отрядышкыдажы пырат?
– Тӹштӹ шукынжы ӹлӓлшӹрӓк эдемвлӓ ылыт. Армиштӓт служенӹт. Пӓлӹмӓшӹштӓт чӹдӹ агыл. Цаткыды пӱэргӹвлӓ ылыт, – пакыла шайыштеш Александр Петрович. – Студентвлӓм тӹш ана ӱж. Сӓмӹрӹквлӓ тӹ лӱдӹш война гишӓн цилӓнок акат пӓлеп. Дӓ акат интересуеп. Тидӹжӹ самой худа. Кӹзӹтшӹ жепӹн патриотизм шанымаш чӹдеммӹлӓ чучеш…
Мары Элӹштӹнӓӓт Поисковый отряд улы. Лӹмжӹ “Демос”. Тӹдӹн командиржӹ Дмитрий Яковлевич Шипунов. Тӹдӹн членвлӓжӓт, утларакшы студентвлӓ, пӓлӹдӹмӹ, увердеок ямшы фронтовиквлӓм кӹчӓлӓш экспедициш каштыт.
Кого Отечественный вырсын фронтыш Кырык мары районна дӓ Козьмодемьянск хала гӹц 15500 нӓрӹ эдемӹм нӓнгемӹ ылын. Пелӹжӹ веле сӹнгӹмӓш паштек токышты живой сӓрнен толыныт. Ӹнде кыды-тидӹ солаштыжы ик ветеранат кодде.
Изиксолаштышывлӓ ӹндекшӹн фронтеш коленӹт. Нӹлӹтшӹн колымы вӓрӹштӹ пӓлӹ агыл. «Книга памяти» сборникӹштӹ «пропал без вести» манын сирӹмӹ. Теве нӹнӹ: Изиков Мефодий Гурьевич, Антиков Федор Иосифович, Львов Вениамин Васильевич, Никитин Александр Петрович.
Война гӹц сӹнген толшы салтаквлӓм ужын, ядыштыныт: мӓмнӓн Мефодимӓт ужделда вӓл? Тӓгӱ келесен, вуйта танк ташкен шуэн. Тенге и шотленӹт семняштӹжӹ кудлу шӹм и.
Каждый солашкы кого ойхы яддеок тӹнӓм пырен, красноармеецвлӓн семняш сӹнзӓвӹдӹм канден, шӱмеш ясым коден. Тидӹм мондаш ак кел. Угӹц кушшывлӓ анзыкылаат нӹнӹм ӓшешӹштӹ кодышты, нӹнӹ доно когоэшнӹштӹ.
...Колышы салтакын ма кодшыжым поген машинӓш оптышна. Мӹндӹр Новгород сӓндӓлӹклӓн, Демянск мӱлӓндӹлӓн шӱм таум ӹштен, цилӓн юкде шӹп шалгалална. Поисковый отрядын патриотвлӓжӹлӓн, пуры согоньым келесен, изи подаркавлӓнӓм пушна.
Корны лишнок вӹдваж, толын, тьырге пиш кымда Велье йӓрӹш йога. Когон ире, ӱштӹ вӹд. Подылна. Ямдарвлӓшкӓт оптышна. Левӓш лӹвӓлнӹшӹ будкан чыката стӧл лошты шӹнзӓлӓлӓшӓт лиэш. Вӹд важыш валымашты хангаэш сирӹмӹ: «Святой источник р/б Елизаветы»...
Соок тенге: айырлымы годым тама сылык шӱлӹш пырен кеӓ.
– Тау! Цеверӹн! Пӓшӓдӓ ашныжы. Пыдештӓлтмӹ юк нигынамат ӹнжӹ шакты!
Шачмы вӓрӹш
Кечӹвӓл. Аяран гӹнят, лу градусат уке. Ӹнде толмына корны мычкок токына ладна шӱлӹш доно тӓрвӓненӓ. Содыки ти мӹндӹр вӓрӹш такеш толделна.
...Кудымшы май. Кышкыжмы. Айыртемӹн кечӹ.
Изиксолаш кечӹвӓлэш миэн шона. Тиш уже Козьмодемьянскыштышы «Ритуал» цех гӹц якшар матери доно сӹрӹмӹ коропым, венокым, кӹртни крестӹм канденӹт. Мефодий Гурьевичӹн кӓп кодшыжым дӓ момы предметвлӓжӹм коропыш оптевӹ. Вара – Пистерлӓ церкӹш. Тошты яжо овуца семӹнь тӹштӹ священник отпевани манмым эртӓрӹш. Тӹшецӹн улы халык ти приходын кого шӹгерлӓш кеш.
Тагачы – самой шошымшы праздник, Радоница маналтеш. Цилӓ роды йыхым, колышывлӓм ӓшӹндӓрӹмӹ кечӹ. Марлажы тӹдӹм «родительский кечӹ» маныт. Седӹндон тидӹн лӹмеш цилӓ соборышты, церкӹштӹ службам эртӓрӓт. Шӹгерӹм ирӹктӓт, мыгилӓвлӓ вӹкӹ пеледӹшӹм пиштӓт, семнян-семнян, роднян-роднян поминани манмым ӹштӓт.
Мефодий Гурьевичӹм вӓтӹжӹ Анна Федоровнан мыгилӓ сагаок тайышна. Шукы эдем ыльы. Пуры шамакым сола поселеним вуйлатышы, военкоматын офицервлӓ, молат келесевӹ.
* * *
...Тенге «без вести» ямшы салтак, кудлу шӹм и эртӹмӹкӹ, шачмы вӓрӹшкӹжӹ тольы. Тенге тӹдӹн ик иӓш кодшы ӹдӹржӹ, пелӓшем Фаина Мефодьевна, кудлу шӹм иштӹ ӓтяжӹм вӓшли дӓ ыжатыш.
2008 ин май.
Возвращение на родину через шестьдесят семь лет
Эта история началась с одного телефонного звонка из далекого Великого Новгорода: «Поисковый отряд нашел медальон бойца, погибшего в Великой Отечественной войне».
В сборнике «Книга памяти» напечатано: «Изиков Мефодий Гурьевич, 1911 г. р., д. Изикино Еласовского с/с, рядовой, пропал без вести в декабре 1941 г.».
...Впереди длинный путь — тысяча триста километров. Адрес: Новгородская область, Демянский район. Отправились. Автомашина «Лада» едет уверенно и быстро. Шофер опытный, преодолевший уже тысячи километров.
За окном мелькают деревни, города. По обеим сторонам трассы остаются лиственные леса, иногда на открытом месте виднеются поля.
Проехали Москву. Около города Клина, рядом с дорогой, среди высоких, стройных как свечи елей выделяются два больших красных здания. Это Дом-музей великого русского композитора П. И. Чайковского.
Позади остались города Тверь (Калинин), Торжок, Вышний Волочёк, Бологое. К восьми часам приехали в Валдай. Теперь уже недалеко до Демянского района Новгородской области.
Валдай — небольшой город в Новгородской области, районный центр. Расположен на возвышенности, разделяющей бассейны рек Волги, Западной Двины и озера Ильмень. Ее высота — более трехсот метров. Этот холм называют Каменник (Каместик). Здесь не как в долине — шумят сосны и ели, широко раскинулись поля. Рядом с городом, с северной стороны, волнуется большое озеро.
На Валдайской возвышенности, около деревни Волговерховье, начинает свой путь Волга. В этом месте она бурлит, словно горная река. Дальше расширяется, около города Зубцова резко поворачивает к Твери, затем соединяется с Рыбинским водохранилищем и держит свой путь к Ярославлю.
В древности Волга называлась Ра, в Средние века — Итиль. Это самая широкая и протяженная река в Европе, до Каспийского моря она течет 3530 километров. В Волгу впадают двести маленьких и больших рек. Большинство притоков находится на левом берегу: Молога, Шексна, Кострома, Ветлуга, Кама; на правой стороне: Ока, Сура, Свияга. В нашей Марий Эл — Ветлуга, Сура, Рутка, Большая и Малая Кокшага, Илеть. На Волге построено восемь гидроэлектростанций.
Знаменитый край
Вот и доехали до Новгородской области. Она расположена на северо-западе России между Ленинградской, Псковской, Калининской и Вологодской областями. Там живет более 700 тысяч человек, из них шестьдесят шесть процентов — в десяти городах. Столица — город Новгород, пристань на реке Волхов, впадающей в Ладожское озеро. Это равнинный край. На юге и востоке — Валдайская возвышенность. В области двадцать восемь районов. Половину территории занимают леса. Крупные города области: Новгород, Боровичи, Старая Русса.
В западной части много болот и озер. До 90-х годов прошлого века десять процентов территории занимали пашни. Тогда колхозы выращивали рожь, овес, лен.
Господин Великий Новгород
Так в старину назывался этот город, который издревле был местом бойкой торговли. Восемь веков назад отсюда проходил «путь из варяг в греки». В этих краях новгородский князь Александр Невский в 1240 году победил шведов, в 1242 году — немецких рыцарей («Ледовое побоище»).
До июля 1944 года Новгород был районным центром Ленинградской области. В городе много историко-архитектурных памятников. В 1939 году жителей здесь насчитывалось сорок тысяч человек. После Великой Отечественной войны город был отстроен заново, он вырос и обновился. Теперь там живет более двухсот тысяч человек.
В 1941 году фашистская армия вторглась на территорию нашей страны. В июне того же года фронт Великой Отечественной войны приблизился к Новгороду. Восьмого июля вражеские самолеты сбросили на город бомбы, он начал разрушаться и гореть. Поэтому в июле—августе эвакуировали разного рода грузы, оборудование, тысячи людей. Вокруг города построили оборонительный рубеж.
В середине августа фашистские войска прорвали оборонительную линию около Ленинграда и направились в сторону Новгорода и Чудово. Пятнадцатого августа они захватили западную часть Новгорода. А в восточной части города бои шли до 19 августа. Советским войскам пришлось отступить за реку Малый Волховец. Дальше враг не смог пройти, и фронт раскинулся близко к Новгороду. Так город стал фронтовым.
Части оккупантской и испанской «Голубой дивизии» в городе взорвали и разрушили множество архитектурных памятников. Земли рядом с Новгородом они превратили в сильно укрепленные вооруженные районы. В оккупированных частях города и области гитлеровцы уничтожили 15 тысяч мирного населения. В концлагерях было расстреляно 186 тысяч советских военнопленных.
По всей области шли жестокие бои. В лесах боролись партизаны, они наносили врагу большой урон.
Новгород освободили от вражеского гнета лишь 20 января 1944 года, во время Новгородско-Лужской наступательной операции. Тогда здесь сражались 8-я, 14-я, 54-я и 59-я армии Волховского фронта, они укрепили свои позиции до озера Ильмень, а на левом берегу реки Волхов держали широкий плацдарм. В Демянском районе около трех лет шли суровые бои. Сами фашисты эти бои назвали «Демянский котел», «Старорусский котел».
Во время этой знаменитой операции Волховского фронта нашими войсками было разгромлено восемь пехотных и одна танковая дивизия, убито более восьмидесяти двух тысяч фашистов.
Всё вокруг было взорвано, разрушено, сожжено. В Новгороде из более чем 2500 домов можно было отремонтировать лишь сорок. К моменту освобождения от захватчиков в городе осталось около тридцати человек.
В память о военных днях здесь установлены мемориал «Вечный огонь», монумент Победы, несколько обелисков Героев Советского Союза, памятник пионеру-герою, партизану Лёне Голикову и другие объекты.
В Демянском районе
Недалеко от города Валдай, в северной его стороне, раскинулось большое озеро. Отсюда до города Демянск чуть более ста километров.
Дорога идет вдоль озера. Местность лесистая. Деревья молодые — не как у нас: высокие и стройные, они растут группами и кажутся хилыми — с серой корой осина, береза, ильм, ольха.
Дорога всё время вьется около холма. В этих краях много озер, поэтому с давних времен здесь работают рыбные хозяйства. Рыбу ловят сетью и другими рыболовными снастями.
— Без документов нельзя ходить на озеро, — говорит нам мужчина с загорелым лицом. — Сторожат. Браконьеров ловят…
В девять часов утра заехали в небольшую деревню.
— Из далеких мест, что ли, приехали? — спросили нас, когда мы остановились у большого магазина. — А-а, в Демянск едете? Надо ехать за это большое озеро. Недалеко, но, возможно, километров двадцать будет. Название озера — Велье. И деревня наша также называется. А-а, вам Морзунов нужен? О-о, его все знают. Он делает очень нужную работу. Его отряд ищет без вести пропавших на войне фронтовиков.
Быстро подъехала большая черная иномарка. Выйдя из машины, молодой крепкий мужчина приветственно поднял правую руку. Познакомились.
— Мы сразу поняли, что это вы, — сказал он.
После небольших расспросов, не теряя времени, мы отправились дальше. Через какое-то время остановились. Смотрим — с правой стороны от дороги стоит знак. Мы вышли из машин.
— Мы сейчас поднимемся на холм, это где-то метров двести, — объясняет Александр Петрович Морзунов.
Теперь нас стало шестеро. Командир поискового отряда Морзунов, окончив институт, приехал сюда из города Орёл. Его супруга Мария Юрьевна сначала работала в Подольском центральном архиве министерства обороны. С ними — студентка-практикантка. И нас трое: Владимир Ипполитович Сапожников, муж сестры Фаины Мефодьевны, водитель «Лады», очень добрый человек Алексей Мануилович Ярандайкин (оба из Изикино) и я.
Медленно поднимаемся. Морзунов, словно экскурсовод, всё подробно рассказывает.
Среди лиственных деревьев местами видны воронки, ямы, глубокие длинные старые канавы.
— Здесь проходила оборонительная линия, — объясняет Морзунов. — Это мы выяснили по военно-полевым картам тех лет, по архивным документам, по мемуарам военных людей. Фашисты Новгород полностью не победили — крупная военная техника не смогла сюда проникнуть. Видите — холмистая, болотистая, заросшая кочкарником местность. Поэтому труднее всего пришлось пехоте. Враг потерял тысячи своих солдат, и наших много погибло. Из 249-й дивизии остался лишь один полк. Во время обороны соседней деревни погибло полторы тысячи наших солдат. И с Демянском было так же. Но немцы не смогли пройти дальше болот и озера Велье…
Еще немного поднимаемся. Вот стоят рядышком десять ильм. На одной из них топором сделано одиннадцать зарубок. Это примета. У основания вырыта ямка. Там же на землю выложили кости и заржавевшие предметы.
— Вот здесь мы нашли окоп вашего земляка, — показывает Александр Петрович.
— А как?
— Миноискатель помог. Кто он такой, мы узнали из медальона. Где, когда родился, какая семья — всё там написано. Крепко свернутый листок бумаги находился в капсуле. Вот, смотрите.
Написано вот что:
«Изиков Мефодий Гурянович (Гурьевич), красноармеец, год рождения 1911, уроженец Марийской Автономной Советской Социалистической Республики, район Еласовский, с/с Емелевский, деревня Изикино, мобилизован Еласовским РВК, адрес семьи: Изикова Анна, Мар. АССР, район Еласовский, с/с Емелевский, деревня Изикино...»
Всё правильно.
— Медальон вы нам отдадите?
— Конечно, обязательно. Вот капсула. Храните.
Поисковый отряд составил два протокола. Один экземпляр позже отправили в военный комиссариат Горномарийского района, второй отдали нам, там написано так:
«Дата: 07.12.2007.
Место эксгумации: Новгородская область, Демянский район, с/с Никольский, деревня Белье, ЮЗ (юго-запад) 500 м по дороге Валдай — Демянск. Медальон, регистрационный номер 4. В ходе эксгумации обнаружены: останки одного человека, фрагменты обмундирования: ремни и остатки шинели, советские винтовочные патроны и остатки гранат РГД-3, сохранность костей частичная, череп раздроблен.
На склоне сопки. Бывший передний край немецкой обороны.
Останки обнаружены миноискателем по боеприпасам и металлическим предметам, принадлежавшим бойцу. Вместе с костями обнаружены: продырявленная каска, противогаз, кружка, подсумки с патронами, опасная бритва, перочинный нож, ложка. Убитый найден в ячейке.
Адрес: Поисковая экспедиция «Долина», д. Балуево, Дубровский сельсовет администрации Демянского района. Тел. 8-921-021-45-78. Поисковый отряд «Находка». Состав комиссии: Морзунов А. П., Павлов А. С., Антропов А. В.»
— Комиссия экспедиции «Долина» пришла к такому выводу, — говорит Морзунов. — Наши солдаты находились в окопе. Вдруг рядом взорвался снаряд. Осколок сразу же попал в голову Изикова. Бойцов накрыло землей. Так они пролежали много лет. Группа, занимающаяся перезахоронением, не могла их заметить.
— А ваш отряд как работает?
— Одна группа на возвышенности ищет, другая — в долине, среди леса. На места боев «Находка» ходит в экспедиции каждое лето, иногда и зимой. Кого находим, по информации из медальонов сообщаем на их родину. Или в район, сельсовет или военкомат. Вот и про вашего Изикова Мефодия мы узнали из его медальона. Позвонили в сельсовет и спросили про человека с такой фамилией…
— Большое вам спасибо за это.
— Много лет прошло, видимо, поэтому не все приезжают за найденными телами солдат. Некоторые еще и не отвечают, — говорит командир отряда.
— Может, родственников не осталось…
— Это тоже возможно. Но вот недавно нашли одного бойца. Сообщили его двум братьям. Но те увезти его останки отказались. В таких случаях мы используем другой вариант — хороним в братской могиле. В нашем районе она имеется. Наш отряд в Демянском районе нашел сто пятьдесят девять погибших солдат. Мы считаем это великим делом.
— Очень нужная работа.
— В этом же районе нашли тело Ларькова Гаврила Афанасьевича из Горномарии. Политруком был. Он тоже погиб в 1941 году. Похоронен в братской могиле деревни Исаково.
— Кто входит в состав вашего отряда?
— Большинство — пожилые люди. Отслужили в армии. Обладают знаниями и информацией. Крепкие мужчины, — рассказывает Александр Петрович. — Студентов в отряд не приглашаем. Молодые не всё знают про ту жестокую, кровопролитную войну. И не интересуются — это самое страшное. В наше время, кажется, патриотические чувства уменьшились…
У нас в Марий Эл тоже есть поисковый отряд. Называется «Демос». Его командир — Дмитрий Яковлевич Шипунов. Но члены отряда — в основном студенты, они ходят в экспедиции искать пропавших без вести фронтовиков.
Из нашего Горномарийского района и города Козьмодемьянска на фронт Великой Отечественной войны ушло около 15 500 человек. Лишь около половины из них после Победы вернулись домой живыми. Теперь в некоторых деревнях не осталось ни одного ветерана.
Из деревни Изикино на фронте погибло девять человек. Место гибели четверых из них неизвестно. В сборнике «Книга памяти» написано: «пропал без вести». Вот они: Изиков Мефодий Гурьевич, Антиков Федор Иосифович, Львов Вениамин Васильевич, Никитин Александр Петрович.
Вернувшихся с войны солдат-победителей расспрашивали: не видели ли нашего Мефодия? Кто-то сказал, будто его танк раздавил. Шестьдесят семь лет думали так в семье.
Тогда горе входило в каждую деревню — в семьи красноармейцев приносило слезы, в душах оставляло боль. Забывать об этом не следует, надо, чтобы подрастающие поколения помнили их, гордились ими.
…Мы собрали в машину то, что осталось от солдата. Выражая сердечную благодарность Новгородскому краю, земле Демянска, мы все постояли молча. Патриотам поискового отряда выразили признательность и вручили небольшие подарки.
Рядом с дорогой источник впадает в широкое озеро Велье. В нем очень чистая, холодная вода. Мы попили воды и наполнили бутылки. Под крышей небольшой беседки за аккуратным столиком можно посидеть, отдохнуть. У спуска к источнику на доске написано: «Святой источник р/б Елизаветы»…
Во время расставания на душе у нас стало грустно — это всегда так.
— Спасибо! До свидания! Успехов в работе. Да не будут никогда слышны взрывы!
На Родину
Полдень. Хоть и солнечный день, нет и десяти градусов тепла. Теперь с легкой душой той же дорогой отправляемся домой. Все-таки не зря мы приехали в такую даль.
…Шестое мая. Вторник. Особенный день.
В Изикино приехали к обеду. Туда из Козьмодемьянска сотрудники ритуальных услуг уже привезли обшитый красной материей гроб, венок, железный крест. В гроб сложили останки Мефодия Гурьевича Изикова и найденные предметы. Затем направились в храм села Емелево. По принятым обычаям там священник совершил отпевание. Оттуда весь народ отправился на большое кладбище этого прихода.
Сегодня весенний праздник — Радоница. В этот день поминают всех умерших родственников, предков. По-марийски его называют «Родительским днем». Во всех соборах, храмах проводят службу. Люди убираются на кладбище, кладут на могилы цветы, поминают всей семьей.
Мефодия Гурьевича похоронили рядом с могилой его супруги Анны Федоровны. Было много людей. Добрые слова сказали председатель сельского поселения, офицеры военкомата и все присутствующие.
* * *
Так «без вести пропавший солдат» через шестьдесят семь лет вернулся на родину. Так оставшаяся когда-то годовалым ребенком его дочка — моя супруга Фаина Мефодьевна — через шестьдесят семь лет встретила и проводила отца.
Новгородская область, Горномарийский район
Май 2008 г.
