Ош Юмын калыкше
Эссе-влак
«Мыланна шергын шога Юмын семын илымаш»
«Эртыше жап мемнан тачысе илышнам рашемда», - ойленыт пеш шукерте ожно мудреч-влак. Марий кугезына-влак тыге каласен коденыт: «Ожнысо жапым таче налына уш куатлан». Шергалына калыкнан икмыняр эртык лончыжым, тоштыеҥын шонкалымыжым.
Эше шукертак огыл мландымбалне тӱрлö калык-влакым шымлыше наукышто тыгай ойлуктыш озаланен: акрет саманыште илыше айдемын уш-акыл вийже кызытсе жап дене таҥастарымаште ӱлнырак лийын. Тоштыеҥ тунам пуйто логике манмын темлымыж почеш шонкален моштен огыл, тудын кöргö шонымашыже, шкенжым шке шижмашыже изи йочан гай волгыдо да куанле лийыныт. Тиде теорий дене келшаш гын, тыге лектеш: акрет жапыште илыше айдеме ошо ден шемым, тамле ден кочым, кӱшыл ден ӱлыл кокласе ойыртемлам шижын моштен, но тыгодым тудо ушыштыжо нимогай вашшшогымашым, вашпижмашым кучен огыл, кöргö чон туржмашым шинчен огыл, раш койдымо ойыртемым ужын моштен огыл. Но жап эртыме семын айдемын уш-акылже утыр пӱсемын, тӱням, пӱртӱсым, вес айдемым умылымашыже келгемын, шонкалымаштыже тӱрлö вашшогышо умылтыш-влак вожым колтеныт. Лектеш: айдемын шижмашыже веле огыл, умылымашыже кугемеш. Наукышто айдемын тошто илышыжым тыге ончыктымаш кужу жап эволюций нерген туныктымаш маналтын да тӱҥ верым налын шоген. Тудым негызлыше умылтышлан цивилизаций, формаций, прогресс мут-влак шотлалтыныт. Тыгеракын, мландымбалнысе калык-влакын илыш-йӱлажым, тӱвыражым, шокте гоч колтымо семын шымлен, кажныжым шонен лукмо тошкалтышыш шындылыныт. Кöжö кӱшкырак логалын, кöжö гын – ӱлкырак. Марий калыкынат ты тошкалтышыште шке посна верже уло.
ХХ-ХХI курымла ушнымо пагытыште наукыш айдемын шочмыжо да вияҥ толмыжо нерген йодышым рашемдыше шуко оҥай шонкалымаш-влак шыҥдаралтыт. Тунам утларакшым шанчызе-влак Касвел Европышто илыше-влак ӱмбак огыл, а ончыч шымлалтдыме тораште верланыше Океанийын, Австралийын, Индийын, Китайын, Японийын, Африкын, Америкын калыкышт ӱмбак тӱткышым кусареныт. Нуныжым вес семынже тӱп (коренной) калык але абориген-влак маныт. Чыла тидыже шанчызе-влакым тӱрлö калыкын тоштойышт (миф) ден тынышт (религий) ӱмбакат утларак кугу тӱткыш дене ончалаш тарватен. Молан манаш гын, лач нине лончылаште моткоч шуко йодышлан вашмутым муаш лиеш.
Меат тиде очеркыштына марий калыкын эртыкшым тӱжвачын гына огыл, а, таҥастарен ойлаш гын, кошкен пытыше мландыш лыжга йӱрын эркын шыҥен пурымыж семын, курымла кöргыш вашкыде пурена да тушечын тачысе саманым ончалына. Тунамже ме тыгай рашемдалтше сӱретым ужына: тошто саманын кӱкшытшö, келгытше, тӱвыргö улмыжо нимынярат айдемын начар уш-акылже нерген огыт ойло. Мöҥгешла, мландымбалын сылне деч сылне аланыштыже илыше кугезына-влак илыш-йӱлашт, йырваш улшо пӱртӱс, айдеме ден айдеме кокласе вашкыл, жапын йогынжо нерген моткоч мунлын шонкаленыт.
Коча-кована-влак, очыни, мемнан семынак, куаненыт, йöратеныт, кочо шинчавӱд дене шортыныт, йöсланеныт. Илышын негызше, йыжыҥлаже, айдемын рыскалже, вий-куатше, осалым чактарен моштымыжо нерген нимучашдыме келге шонымаш-влак калыкнан муро ден йомаклаштыже, тоштойлаштыже, кумалтышмутыштыжо тачат палынак шижалтыт. Нуныжо мыланна, илышыште вашлиялтше тӱрлö тöрсыр ден чарак деч ойырлен, эрыкан кайык семын кавашке кӱзымыла, шкенам шке аклен ончалаш полшат. Тыге марий илыш тасма умбакыже шуйна. Теве кугезына-влакын сугыньышт:
«Нарашта-шамыч, ме ынде шоҥго улына, вашке вес тӱняшке каена, капна мландеш кодеш, чонна узьмакыште лиеш. Кужу илышнам порын илен эртараш тöченна, вашке уке лийына, поро ойнам умылен налза.
Илен эртарена шке курымым. Эшеат ожныжым мыланна кочана-шамыч тыге ойлат ыле: «Илат-илат, тынарыш шуыт: пел кидыште кинде лиеш, пел кидыште паша лиеш. Айдеме мыняре куштылгым кычалеш, тунаре илышыжлан кӱчыкым муэш, сулыкыш пура. Сулыкыш пурымо ӱмбач мландымбалне илыш пужла, юмын умыр еҥ деч торла, осал койыш вожаҥеш. Кӱртньö кынелеш, киямат лишемеш, еҥ пелен кӱзö печалтеш, айдемын вийже иземеш, шыдыже овара. Юмын пӱрымö поро сугыньыш кӱртньым кутынь-йожек-тореш кыркалат, тӱрлö семын вурседылыт, улыжымат-укежымат каркалат. Ожно годым шакше мутым коденыт, юмын лӱмым, поро койышым нöлтеныт. Пеш шыдешкыме годымат тыге веле вурсеныт: “Руашет оварген велже! Кочкышетым пий кочшо!”»
Тиде сугыньмутышто коча-кованан акрет годсо тÿняумлымашыже, шÿм-чон яндарлыкше, поро пашан поро лектышыжым ужын моштымыжо палдырна. Тыгодым ме тоштыеҥын каласымыжым важмалдыкын туштен ойлен кодымо семын шижына:
«Уныка-шамыч, нарашта-шамыч! Кызыт окса шерге. Жап эрта, оксат шулдештеш, а Юмын пӱрымö илыш шергештеш. Оксам кочкаш ок лий, окса дене мӱшкыр ок тем, эртак кӱлеш Юмын пӱрымö. Кызыт кеч-кузеат оксалан пижын толашат, Юмо олмеш жаплат да саде оксат садак йокрокеш кодеш. Еҥ чоным окса кияматышке веле наҥгая. Окса чон налше, окса поянлык огыл, уш-кид вий дене ыштыме пого – кугу поянлык.
Мыланна шергын шога Юмын семын илымаш. Еҥым пызырымаш – сулыкан паша, вурседыл илымаш – сулыкан койыш. Те, нарашта-шамыч, тыгане пашаш ида пиж, Юмым жаплыза, кугуракым пагалыза, изиракым аралыза. Тыгай еҥ шарлен-тӱланен ила, кудо нигунамат осалым ок ыште. Осал ыштыше осалын пыта, сайым ыштыше сайым шуна. Поро ой поро дене пöртылеш, изи кÿ кугурак кÿ лийын пöртылеш. Юмын пÿрымö деч кораҥат, тудын ваштареш кает, ойöрым пудыртет – тыйым азап вуча, чоныштет ласкалык йомеш, кап-кылет лунчырга».
Сугыньмутын ты ужашыштыже поро ден осалын вашшогымышт келгынрак умылтаралтеш. Осал саманын лишеммыжым кугезына-влак окса дене кылденыт. Окса илыш ваштареш шогалеш, шÿм-чоным алгаштара, икте-весылан мыскынь кöранымашым луктеш, осалын кöргыжым ужын моштымым иземда. Тугеже кушкын шогышо нарашта тукым палышаш:
«Чон перегаш нимо деч йöсö. Пасум лекташ нимом ок шого, ӱмырым илен эртараш чот неле. Неле гынат, Юмо полшымо дене пиалан лият. Шкан мо порым шонет, весыланат тугак. Еҥ кӱм кудалта гын, тый поро мутым кудалте. Поро ой поро дене пöртылеш, изи кӱ кугурак кӱ лийын пöртылеш. Кертам-моштем манын, ӱчым ит ыште, изи ӱчат кугу титакыш наҥгая. Поро паша туртшо чоным кандара. Кузе мӱкш-шамыч ваш-ваш полшен йытыран илат, тугак айдемыланат илаш кӱлеш. Ош Кугу Юмо авам-ачам ончен-колыштын илаш каласен.
Пашаде кочкын илаш каласыме огыл. Юмын еҥ пашаште тырша, капыштыже эртак вӱр коштеш, таза лиеш. Кö мланде ӱмбалне узьмакыште улшыла илаш йöрата, тудо, Юмын сугынь деч торлен, ӱмыржым кӱчыкемда».
Тиде ужашым пуйто Библийым возышо пророк-влак коденыт. Мемнан кугезына-влак пророк семынак лийыныт, кеч нуно арий, христиан, мусульман мудречла шнуй книга-влакым возен огытыл. Нунын дечын мыланна суапле миф логалын – айдемылан кумда корным ончыктышо тоштой, кеч-кöланат – изи ийготан тудо, але кугу – илымашым да колымашым умылаш лийше да тыгодымак шинчалан койдымо илыш тöртыкым ӱмырешлан шарныктарыше сугынь.
Марийын кöргö чон пÿртÿсшö вераҥдыше вер-шöр, пукшышо-йӱктышö мланде да вӱд дене ойыраш лийдымын кылдалтын:
«Пушеҥгым арам кӱрышташ-тодышташ каласыме огыл. Ме, чимарий-влак, пушеҥгым чонанлан шотлена. Тудым логалаш ок лий, сусыр пушеҥге айдеме гаяк шортеш, кошка.
Чылажымат шот дене ыште. Шуко огыл, шагал огыл, илышлан ситышым веле нал. Налмет годым Ош Кугу Юмылан удылын-ысмылтен нал. Чодыра Ава деч – пум, Курык Ава я Мланде Ава деч – киндым, шудым, Вӱд Ава деч – вӱдым да колым, Пиамбар деч – вольыкым, Мӱкш Ава деч – мӱйым.
Шойышташ каласыме огыл. Тӱрлö вере шӱвалаш каласыме огыл. Эҥер йогыныш шӱвалат гын, черланет.
Нимомат Ош Кугу Юмо эпере тавалаш каласен огыл, эпере тавалет – икшыветлан ок код.
…Илышым у чон дене, у шÿлыш дене эре сöрастарен илымаш веле пиалым конда. Шочын Ава семынак илышлан шочаш-кушкаш полшыман, Шочын Аван солыкшым тÿрлö-тÿкö тÿр дене сöрастарыман…».
Тыге шонкаленыт эртыше курымлаште марий-влак. Нуно тачат мемнан чоныштына илат, шке лывырге йылмышт дене мемнан гоч мутланат. Тидым илыш негыз семын аклыман да саклыман. Кажне у тукымлан тоштыеҥын сугыньжо аралтыш семын лиеш: начар уш дечын, у озам шочыктымо але ужалалтме дечын.
Ожно илыше-влак ямле марий тÿням чоҥымо шотышто сугыньыштым ик саман гыч весыш кусарен моштеныт. Туге гынат, нуно шкеак мутым огыт нал, кугезынан чаҥ гай йöҥгышо сугыньжым тачысе талешке-влак йÿкаҥдат, эртыкысе волгыдым у жапыш кусарат. Тыге тошто жап мемнан тачысе кечынам рашемда. Мыланна шергын шога Юмын семын илымаш.
«Пич чодыра – мыйын ачам…»
Кеч-могай тÿвыран шкешамже пÿртÿс йыр пöрдеш, тÿҥтÿҥалтышыш наҥгая.
Кажне марий айдемат пÿртÿсым (Пÿрышын тÿсшым) тыгак умыла. Тыге лийын ожно, тыгак – кызытат. Нимогай идеологий тыгай тÿняумылымашым сеҥен кертын огыл. ХХ курым марте черемис-влак нерген возышо автор-влакын пÿртÿс мутым кучылтмышт огеш шижалт. Нуно чыланат палемдат: пеледыш, пушеҥге, янлык, айдеме, памаш, курык, чодыра, ото, пасу – чылажат черемисын чонан улыт. Ме таче ойлена: марий чиййÿлаште пÿртÿс нерген умылымаш Юмо дечат виянрак (Юмо деч Ю патыр). Тиде йодыш тошто марий мурышто тыгерак сынлалтын: «Пич чодыра – мыйын ачам, ужар олык – мыйын авам, канде кава, волгыдо эр ÿжара – мыйын йöратыме йолташем-влак» («Дремучий лес – отец мой, зеленый луг – мать моя, голубое небо, яркая зарница – любимые мои друзья»). Черке миссионер Сергей Нурминский возен: «Чодыра - черемисын шнуй тÿняже. Черемисын чыла шонкалымашыже чодыра йыр пöрдеш. Тыштак тудын йомак чондайже. Черемисын ÿшанымыж почеш, чодыра шуко тÿрлö - поро да осал - юзо вий дене темын. Лач тыштак тудо Юмыжлан кумалеш». Озаҥ университетын профессоржо Николай Фирсов XIX курымышто кугезынан койыш-шоктышыжо йырваш улшо пÿртÿсын ойыртемжылан келыштаралтмым ончыктен: «Юл серысе финн йылман калык-влак шкеныштын чодырашт гаяк шып улыт, мутланаш огыт йöрате. Нуно шукыж годым вожылшын, öрмалгышын койыт гынат, пеш пеҥгыде, чытыше, пашам йöратыше, писын тогдаен моштышо улыт».
Шуко-шуко тыгаяк кидвозыктышлаште Айдеме ден Тÿня кокласе ойыраш лийдыме вашкыл, нунын икте улмышт ончыкталтеш. Пÿртÿсат ача семын саклыше, пукшышо-йÿктышö, илашлан йöным ыштен шогышо улеш. Тыгай тÿняште айдемылан ушан, чолга, чулым лийман. Теве посна-посна марий тукымла шке илемыштым, пÿртÿсын чыла лончыжо дене келыштарен, тÿзатат: чодыраште – ик семын, курыкан верыште – вес семын, вÿд воктене – кумшо йöн дене. Тыге пÿртÿс деч эҥгек, нелылык кораҥдалтыт. Кугезына-влак лудын-возен моштен огытыл гынат, чодырасе емыж, поҥго, ир мÿкш, янлык, кайыквусо нерген биолог да зоолог семынак паленыт, эҥер гоч кÿварым инженер семын чоҥен моштеныт. Нуно шке кумалтышмутыштышт Юмын пӱрымö илышым чапландареныт, тÿняште лектын шогышо тöрсырым, Тÿтыра осалым кораҥдаш тыршеныт. Тыге кугезын сугыньжым шарныше да аклыше марий айдеме Ош Юмын полшымыж дене шке Сандалыкшым чоҥен.
Илыше пÿртÿс нерген чын умылымаш – марий ментальностьын томжо. Тоштыеҥ тыгай ыҥгайлык деке уш дене шонкален моштымыжлан кöра огыл, а эреак пÿртÿс дене кылдалтше чийÿлам шуктен шогымыжлан кöра толын. Тоштыеҥын лач тыге, пÿртÿсым шижын, илен моштымыжо эн кÿкшö шинчымаш деке конден. Вараракшым тыгай шнуй шинчымаш посна нерге-влакым шочыктен – теологийым, философийым, наукым, сылнымутым, музыкым. Таче мартеат аралалт кодшо марий йÿла радам, пайрем-влак, айдемын койыш-шоктышыжо, чонпоянлыкше йырваш пÿртÿсышто улшо кöргö тöртыкым аралат, мландымбалне асу илышым чоҥат.
«Кавасе Ӱдыр кÿнчылам шÿдыра …»
Ала-кунам шукерте ожно Тÿтырем лоҥгаште Волгыдо почылтын, Кава ден Вÿд кугыжаныш койылалтыныт. Тыге Тÿня шочын, а вараракшым – Юмо-влак …
Марий Ош Поро Кугу Юмын Ӱдыржö улмаш – Юмынÿдыр. Тудо Шордышӱдыр маналтше кугу пӱкеныште шинчен. Тиде вер – Тÿня рÿдö улеш. Марий тоштымурышто ойлалтын: «Кавасе Ӱдыр кÿнчылам шÿдыра, шӱдыр йыр мундыражым пӱтыра». Тугеже, Ӱдыр-Шÿдыр Кава меҥгыште шинчалеш да кÿнчыла йырже чыла пылвомышым пöрдыктылеш. Тудын ший шÿртö мундыраже – тиде пӱтынь Кӱшыл шӱдыр тӱнян пöрдмыжö. Каваште кÿнчылам шÿдырымаш Айдемылан тӱвырам шочыктымо паша семын лудалтеш.
Сандалыкысе икмыняр жап эртымеке, Ош Юмын кÿтÿжö чумырга, Юмынÿдыр Кавасе кÿтÿчö лиеш. Юмын кÿтÿштö юмын тага, юмын ÿшкыж, юмын ушкал ден ончычсо кавасе шордым алмаштыше юмын имне шогат. Шӱдыр-влакын Шордышӱдыр йыр пöрдмыштым ынде Юмынÿдырын Кавасе кÿтÿм кÿтымыжö семын умылыман. Вараракшым юмын вÿта ден юмын эҥер – Кайыккомбо корно – ончыкталтыт. Тиде эҥер деке вӱд йӱаш юмын кÿтÿ коштеш. Тетла Кавасе Ӱдырын пашаже – тиде пӱтынь Сандалыклан ритмым пуымаш, шӱдыр тӱням шотыш-ратыш кондымаш. Тыге курымашлыкым палдарыше кавасе Жап мландымбалысе дечын ойыртемалтын кая.
Миф умбакыже Кавасе Ӱдырын кумшо паша радам нергежым рашемда. Тидыже Покшел тӱнян – Мландын – айдемылан илаш йöршö лиймыже дене кылдалтын. Ош Юмо Ӱдыржым, порсын лӱҥгалтышыш шынден, имне, ушкал да шорык кÿтÿжым кÿташ мландымбак колта. Умбакыже икымше Айдеме нерген уверым вучыман. Чынак, лач тудым Кавасе Ӱдыр мландымбалне шошым эрдене эрак памаш воктене ужылалта. Кугу капан, канде шинчан, ош чурийвылышан Айдеме – икымше Мари – Кавасе Ӱдыр ончыко лектын шогалын. Иканаште Юмынÿдыр ден Айдеме коклаште ныжыл йöратымаш ылыжеш. Кавасе Ӱдыр куэ укшыш мотор тÿран ош солыкшым сакалта –мландымбалне икымше Айдемын шочмыж нерген уверым Ачажлан колта. Кавасе Оръеҥ Покшел тӱняште Мари вате семын кодеш, пеленже кузык – Ачажын кÿтÿжö.
Мландымбалне самырык вате-марийым Ош Юмын шольыжо Керемет тӱткын эскерен. Тунам тудо Мланде ден Вӱдын кугыжаже лийын. Керемет Юмынÿдырым йöратен, марийжылан моткочак кöранен. Икана самырык еш, эрге аза шочмеке, Ош Юмо деке каваш уналыкеш кӱзен улмаш. Тидын дене пайдаланен, Керемет Юмын веҥым пуштын кудалта. Шуко ужашлан шаланен, ÿлык камвочшо Марийын капше олмеш икмыняр жап гыч шнуй ото-влак нöлталалтыт. А Кавасе Ӱдыр уэш мландымбак волен да, Юмо гай лияш туныктен, марий эргыжым ончен куштен.
Умбакыже миф Юмынÿдыр ден мландысе марлан кайышаш ÿдырым уша, оръеҥын кузыкшым юмын кÿтÿ дене кылда. Сÿан годым кузыклан кондымо вольыкым Кавасе кÿтÿчö самырык марий озаватын посна погыжо семын аклаш кÿшта. Икмыняр янлыкым суртпече пелен ончаш тÿҥалме нергенат ме тыштак пален налына. Эртыкым шергалын, каласаш лиеш: таче мартеат сурт вольык марий ешыште озаватын погыжлан шотлалтеш. Кызытат яллаште марлан кайыше марий ÿдырлан ача-аваже кузык шотеш чомам, презым, шорыкым колтат. Сӧсна ден каза кузыклан огыт йӧрӧ, нуно Ош Юмын пÿрыдымӧ вольыклан шотлалтыт. Тыге марий илыш йÿла радамыште Юмынÿдырым жаплымылан кӧра, марий ÿдырамаш нужна лийын огыл да мер илышыште пеҥгыде верым айлен.
Марий тӱняумылымашыште икымше Айдемын вӱд гычын лекмыже Сандалыкын шочмыж деке лишемда. Моло калыкын шнуй йӱлашт семынак, марий ойпого вӱдым тӱнян негызшылан шотла; молан манаш гын, вӱд шочыкта, шалата, лугалта, языкым касара, эрыкта, у чоным конда. Арамлан огыл Юмынӱдырат икымше Мари айдемым памаш воктене эр шошым, айдеме тукымын шочмо пагытыште, вашлийын. Марий йылме гочат тиде раш умылтаралтеш: кол, колаш мут-влак лач тидын нергенак ойлат. Колаш мутшо кок ужаш гыч шога: кол ден аш (шарныктыш). Тиде мыланна икмыняр пагыт гыч уэш колыш савырныме нерген ушештара. Арамлан огыл йӱла почеш эртаралтше колышо родо-тукымым шарныме татыште ÿстембаке кол гычын ыштыме кочкыш (кол когыльо, кол шÿр да т. м.) шындалтеш.
Тыгеракын, иктешлен каласена: Юмынÿдыр нерген марий ойпогым Сандалыкын рÿдö Вержым да Тÿҥтÿҥалтыш Жапшым ушен шогышо кугу Увер семын аклыман. Кöргö Уверже тыгайрак: Ӱдыр-Шÿдыр рÿдö Кава меҥгыште шинча да кÿнчыла йырже чыла пылвомышым пöрдыктылеш. Тудын ший шÿртö мундыраже – тиде пӱтынь Кӱшыл шӱдыр тӱнян пöрдмыжö. Тышечын, порсын лӱҥгалтышыш (кечыйолыш) шинчын, тÿҥтÿҥалтыш Жапышкат, Покшел тӱняшкат (Мландыш) логалаш лиеш. Марий ойпогышто шинча сортала аралыме Кавасе Ӱдыр – тиде Ош Поро Кугу Юмын Ӱдыржö. Тудо марий илышын шӱм-чон поянлыкше, яндарлык кÿкшытшö, моторлык шÿдыржö. Юмынÿдырын кумылжо дечын шога тачат Ош Юмын калыкшын пÿрымаш асужо, чеченже, ямже.
Люди Белого Бога
Эссе
«Живите, как Белый Бог велел…»
«Прошлое толкует нас», — говорили мудрецы древности. Наши марийские предки примечали: «Былые времена просвещают наш разум». Обратимся и мы к седой старине, прислушаемся к заповедным словам наших праотцов.
Но вначале нужно вспомнить, что еще совсем недавно в исторической науке доминировала такая идея: архаический человек по своему интеллекту сильно уступал современному. На заре человечества он был лишен рефлексии, его мысли и чувства были еще совсем детскими — светлыми и радостными. Согласно этой идее, древний человек, конечно же, различал белое и черное, вкусное и горькое, верхнее и нижнее, но при этом его разум и сердце не обуревали логические противоречия, противоборство внутренних переживаний, духовных парадоксов. Тем не менее с течением времени человеческий ум развивался, углублялось мировоззрение, понимание природы, другого человека, а для сознания открылись всевозможные дилеммы. Такой концепт лег в основу эволюционной теории, которая долго доминировала в науке. Ее ключевыми понятиями стали «цивилизация», «формация», «прогресс» и т. п. Такой подход позволил произвести аксиологическую фильтрацию народов мира по культурным традициям и иным достижениям, определяя им отдельные формационные стадии. Кто-то оказался на верхних ступенях, а кто-то — на нижних. У народа мари тоже есть свое определенное место на этой эволюционной лестнице.
Современная наука изобилует множеством интересных антропологических идей. Ученый мир уже давно не разбирается с изученными вдоль и поперек западноевропейскими народами, а обращает внимание на народы и племена далеких Океании, Австралии, Индии, Китая, Японии, Африки, Американского континента. Их еще называют коренными народами, или аборигенами. Это побуждает исследователей более внимательно относиться к мифам и традиционным верованиям различных, в том числе немногочисленных, народов и племен. Множество этих нарративов открывает человечеству завесу древнего священного мира.
И мы в наших эссе не спеша будем проникать в духовную археологию исторического прошлого уникального народа мари (как летние дождинки попадают на растрескавшуюся от долгой засухи землю), дабы из глубин старины увидеть современность и себя в ней. С уверенностью можно предположить, что такое духовное усердие гарантирует нам знакомство с прошлым, которое толкует нас, открывает нам духовные высоты, глубокую мудрость, поразительную интуицию наших прародителей, дает нам знание внутренних потаенных законов жизни, тончайших движений человеческой души. Жившие в красивейших ареалах земли, наши марийские предки оставили нам в наследство свои представления о жизненных ценностях, красочные обряды, нравы и обычаи, праздники, исполненные глубокого смысла, чтобы будущие поколения могли жить на этой поистине священной земле, обогащая ее и себя еще более глубокими идеями и достижениями.
Очевидно, наши предки, как и мы, радовались, любили, горько плакали, страдали. Об этом сегодня красноречиво говорят народные песни, легенды, предания, сказки, пословицы, поговорки, молитвенные слова. Всё это помогает нам освободиться от сиюминутных забот, суеты сует, почувствовать, как у вольных птиц, крылья, и парить, парить над грешной землей, ибо большое видится на расстоянии. Так продолжается линия жизни. И слышатся голоса праотцов и праматерей:
«Наши юные создания! Мы теперь старые, скоро покинем этот мир, тело наше уйдет в землю, душа улетит в рай. Мы старались жить долго и добродетельно, скоро нас не станет, вам следует усвоить наши добрые наставления.
Еще раньше прадеды нам говорили: “Живут-живут, и доживают до поры, когда в одной руке будет хлеб, в другой — труд”. Насколько человек ищет легкой жизни, настолько укорачивается его жизнь, настолько он “входит в грех”. Вхождение в грех приводит к испорченной жизни на земле. Поднимется железо, приблизится владыка подземелья, рядом с человеком взойдет забор из мечей, человек ослабевает, растет его злоба.
Заповеди Белого Доброго Великого Бога не должны быть отданы на поругание. Не должно быть сквернословий, пустой болтовни, гнева. В старые времена боялись этого. Если и случалось прогневиться, только и говорили: “Пусть твое тесто убежит! Пусть твой обед собака съест!”
Злого человека ждет злая участь. Добро возвращается добром, маленький камень возвращается большим камнем».
В этих наставлениях сквозит архаическое миропонимание марийских мудрецов, чистота их помыслов, идея воздаяния. Звучит в них и завуалированный намек:
«Внуки наши, юные создания! Сейчас деньги всему голова, людям они как Бог. Пройдет время, деньги обесценятся, но будет ценна жизнь в заповедном мире. Деньги портят людей, разъедают их души. Деньги — не богатство. Созданное умом и руками — вот богатство.
Жить как Бог — вот что нам дорого. Унижать людей — это грех, скандалить — значит быть порочным. Вы не будьте такими, почитайте Бога, уважайте старших, берегите младших. Злого человека ждет злая участь. Отойдешь от Божьего промысла, пойдешь вопреки Его воле, нарушишь табу — тебя ждет беда, ты потеряешь благость, тело твое ослабнет».
В приведенной заповедной части проясняется противостояние добра и зла. Наши предки связывали обожествление денег с приближением апокалипсиса, ибо это ведет к кровожадной зависти, близорукой алчности, братоубийству. А потому надо предостеречь подрастающее поколение:
«Самое трудное — сберечь душу. Ничего не стоит поле перейти, а свой век прожить очень трудно. Но с божьей помощью построишь свое счастье. Что себе доброго желаешь, того и другому пожелай. Тому, кто бросит в тебя камень, протяни хлеб. Добро возвращается добром, маленький камень возвращается большим камнем. Никому не мсти — маленькая месть приведет к большой вине. Доброе дело расширяет душу. Как пчелы живут дружной семьей, так и людям надо жить. Белый Великий Бог завещал почитать отца и мать.
Не сказано жить без труда. Божий человек в труде живет, у него хорошее кровообращение, он здоров. Кто хочет жить на земле как в раю, тот отойдет от Божьих заветов и сам себе укоротит жизнь».
Наставления звучат как проповедь из уст библейских пророков. Наши праотцы и были пророками, хотя они не передали нам священную мудрость в книгах, как арийские, христианские, мусульманские мудрецы. Они предпочли в качестве духовного ориентира мифы, которые с глубокой древности открывали людям глубинное измерение существования. Мифы и сегодня способны поведать нам нечто очень важное о нашей человеческой природе: как жить насыщеннее и полноценнее, выносить страдания плоти, относиться к жизни и смерти.
Марийская традиционная вера — это природосообразность. Человеческое в человеке взращивается в лоне вмещающего и кормящего ландшафта:
«Не сказано понапрасну рвать-уничтожать деревья. Мы, чимари (истинные мари), полагаем, что дерево имеет душу. Его нельзя лишний раз трогать, раненое дерево так же плачет, как и человек; оно может высохнуть. Всё делай разумно. Бери не много и не мало, а столько, сколько нужно для жизни. Когда берешь — делай это с молитвенной благодарностью Белому Доброму Великому Богу. Белый Бог не велит быть наглым рвачом. Будешь таковым — своим детям ничего не оставишь.
Только украшение жизни новой душой, новым дыханием ведет к счастью. Как и Богородица, надо помогать зарождению и становлению жизни. Всё время надо украшать платок Богородицы разными вышитыми узорами».
Так мыслили люди минувших эпох. Они живы для нас благодаря нашей памяти, продолжают общаться с нами через оставленное ими наследие. Мы находимся во власти заветов праотцов. Перед каждым новым поколением будет стоять задача осмысления такого отношения к заветам, которое сможет уберечь от предательского беспамятства, сотворения новых кумиров, повального карьеризма.
Люди прошедших эпох продолжают жить с нами, ибо правила духовного выживания известны издревле. Они проясняются и углубляются от эпохи к эпохе. Однако прошлое само никогда не возьмет слова и не изречет своей мудрости. Чтобы оно высказалось, нужна работа активно живущих, извлекающих этот свет из прошлого. И тогда прошлое начинает толковать нашу жизнь.
«Дремучий лес — отец мой…»
Для самосознания культуры идея природы является ключевой в понимании жизни, ее истоков. Для каждого мари и сегодня этот постулат очень важен для понимания мироустройства. Марийское слово пÿртÿс в значении природы понимается как Пÿрышын тÿсшö — лик Создателя. Исторически никакая идеология не смогла справиться с такой архаичной мировоззренческой константой.
До ХХ века в многочисленных сочинениях о миропредставлении народа мари встречается единодушие авторов в том, что у черемисов абсолютно всё имеет душу — цветок, дерево, лесной зверь, человек, родник, гора, лес, роща, поле. В марийской духовной традиции идея природы как основы всего чувственного опыта понимается еще более абстрактнее и изощреннее, чем идея Бога. Вот как этот многовековой опыт оформился в старинной марийской песне: Пич чодыра — мыйын ачам, ужар олык — мыйын авам, канде кава, волгыдо эр ÿжара — мыйын йöратыме йолташем-влак («Дремучий лес — отец мой, зеленый луг — мать моя, голубое небо, яркая зарница — любимые мои друзья»). Православный миссионер Сергей Нурминский писал: «Лес — это волшебный мир черемиса. Около леса вертится всё его мировоззрение. Весь сказочный мир черемисов вертится около леса и его обитателей, все загадки и поговорки — около него же... Здесь он молится своему Богу». Профессор Казанского университета Николай Фирсов в XIX веке отмечал зависимость характера финноязычных народов Поволжья от особенностей природной среды: «Столь же сумрачные, как их леса, но стойкие, терпеливые и трудолюбивые финны положили начало земледельческой культуре в дремучих лесах».
Многие аналогичные тексты прошлых времен указывают на то, что в духовном наследии марийского народа ярко и выразительно проводится идея гармонии Человека и Мира, в которой природа является культурно организованным пространством, обителью с источником энергии жизни. Человек в такой структуре Вселенной играет не пассивную роль, но активно включается в деятельность по обеспечению своего успешного существования. Чтобы не навредить природе, он встраивается в разные уровни мироздания, не строит больших селений, адаптируясь к своеобразным условиям жизни: в лесу ли, у воды или на возвышенности. Не умевший читать и писать, он знает о лесных ягодах, грибах, диких пчелах, зверях и птицах, как автор книг по биологии и зоологии; строит мосты через реки, как дипломированный инженер. В своих молитвенных гимнах он стремится умилостивить Белого Бога и просит содействия в культурном освоении пространства, пытается предотвратить возможные нарушения космического порядка, предупредить появление элементов Хаоса. По сути, человек соучаствует в творении Космоса, выполняя с помощью высших сил работу вселенских масштабов.
Идея живой природы составляет ядро марийской ментальности. Древние мари пришли к концепции природного порядка не через рациональное наблюдение и логическое мышление, а через мистерию. Благодаря этой высшей форме знания, которым обладал древний человек, долгое время управлялась человеческая жизнь, из него же в ходе развития древней культуры появились теология, философия, наука, художественная литература, музыка. Сохранившиеся и поныне древние марийские обряды, обычаи, праздники, поведенческие модусы, повседневные привычки и навыки имеют смысл лишь при сохранении изначальных способов установления связи с природой, окружающим миром.
«Небесная Дева пряжу прядет…»
Когда-то давным-давно в глубине Хаоса прорезался Свет, оформились Небо и царство Воды. Так возник Мир, а позже — и боги...
У марийского Белого Бога была Дочь — Юмынудыр. Она сидела на троне — Полярной звезде. Старинная песня рассказывает про Дочь Бога: «Небесная Дева пряжу прядет, вокруг веретена мотает клубок…». Значит, марийская Небесная Пряха находится на самой Мировой Оси, вращая вокруг себя на Небесной Прялке весь небосвод. Ее серебряные нити — это Верхний звездный мир. Идея прядения читается как процесс творения культуры.
В другой ипостаси Юмынудыр является Небесной пастушкой, т. к. у ее Отца — Белого Доброго Великого Бога — есть Небесное стадо, в котором присутствуют небесный баран, небесный бык, небесная корова и небесный конь, пришедший на смену небесному лосю. При этом вращение звезд вокруг Полярной звезды понимается как пастушество Небесного стада, погоняемого пастушкой Юмынудыр. Если раньше астральный мир заключался лишь в пространстве близ Полярной звезды, то теперь осмысливаются и возникают новые образы: Небесного хлева и Небесной реки. Под Небесной рекой понимали Млечный путь. К реке спускалось на водопой Небесное стадо. В этом случае роль Небесной девы заключается в ритмизации космоса, разумной упорядоченности, организации астрального мира. В мифе естественным образом Время воспринимается не как земная последовательность событий, а как космическое время — течение вечности.
Миф определяет и третью ипостась Небесной девы, что связано с переменами на Земле, которая стала пригодной для жизни людей. Дальнейшее развертывание мифических событий связано с тем, что Белый Бог стал посылать свою Дочь по шелковой лестнице на землю со стадом лошадей, коров, овец. Далее ожидается появление первого Человека. Перед взором Небесной девы он предстал ранним утром у родника. Это был человек по имени Мари — высокий, голубоглазый, светловолосый (такое антропологическое описание марийского пращура дает миф). Юмынудыр и Мари полюбили друг друга, стали мужем и женой. Небесная дева своим белым платком на березовой ветке оповещает своего Отца о том, что на земле появился первый Человек. Она остается с ним в Среднем мире как Жена со своим Небесным стадом — приданым от Отца.
Рядом с молодоженами на земле обитал брат Белого Бога — Керемет. Тот был Властелином Воды и Земли. Керемет любил Юмынудыр и очень завидовал Мари. В тот момент, когда молодая семья с новорожденным сыном гостила у Белого Бога, Керемет в небесах растерзал Мари. В местах падения праха первого Человека со временем выросли священные рощи. Юмынудыр воспитала сына на земле — наследника первого Человека и Белого Бога.
Так происходит корреляция Небесной девы и марийской невесты, согласно которой приданое невесты тождественно праву наследования собственности. Небесная пастушка утверждает сакральное право собственности, открывает дорогу одомашниванию животных. У мари на протяжении истории домашняя живность являлась собственностью женщины как хозяйки дома. И поныне нередко деревенская невеста получает в качестве приданого жеребенка, телку, овец. А вот свиньи и козы считаются не регламентированными Белым Богом домашними животными. Благодаря распространенному культу Юмынудыр в земной традиции марийская женщина занимала довольно прочное социальное положение.
Для Марийского мира близка универсальная идея происхождения Человека из воды по аналогии с идеей сотворения Космоса. Фактически у всех народов мира вода считается основой мироздания, всеобщего становления, всякого творения. В каждом религиозном контексте она выступает в одной и той же функции: разрушает, растворяет формы, «отмывает от греха», одновременно очищает и дает новую жизнь. Неслучайно и Юмынудыр увидела первого Человека на земле ранней весной — на заре появления человечества — у воды (родника). Лингвистическим доказательством данной версии являются слова кол — «рыба» и колаш — «умирать». Последнее слово можно разложить следующим образом: кол («рыба») и аш («память», «истина»), т. е. памятование о рыбе, новое превращение в рыбу. И тогда неслучайным является рыбное блюдо в числе основных в ритуале поминовения умершего человека.
Так марийский миф о Юмынудыр выступает средоточием сакрального пространства и сакрального времени — Центра мира и времени Начала. Это происходит потому, что Дочь Бога вращает вокруг себя звездный мир, работая с веретеном на Мировой Оси, откуда по солнечным лучам (шелковой лестнице) возможен переход как в Правремя, так и на Землю. От благосклонности Дочери Великого Белого Бога и сегодня зависит благополучие Марийского мира.
2006
