Мунё
Эшелы выль мунё басьтӥзы. Мынам но мунёе вань. Но эшелэн мукет – выль, чебер, горд дэремен, сяськаё кышетэн. Мыным но сыӵе кулэ.
Дорын мемей гинэ: корказьын пуке, ялан черсэ, черсэ… Вӧзаз кариськи.
– Мемей, мыным выль мунё кулэ, эшелэн кадь, – шуныт синъёсаз учкисько.
– Ма, мунёед вань ук, дыдыке, – бордаз ӟыгыртӥз мемей.
– Мыным эшшо кулэ на, – лулӟи мон.
Меми кубозэ палэнтӥз но пальпотӥз:
– Ойдо ас киынымы лэсьтом, вай кыӵе ке басма.
Сьӧдо-тӧдьыё кечато юдэсъёсты вуттӥ. Мемей бадӟым киосыныз куасалляз соосты, шорт сӥньысэн озь-тазь керттылӥз. Я, пе, мунё дась.
Мон шып учки кечато арбери шоры – кык пыдыз, кык киыз, одӥг йырыз. Тунсыко. Но лавкаысь басьтэм мунёен уд ӵошаты: синъёсыз но, нырыз но, горд дэремез но, сяськаё кышетэз но – ӧвӧл!
Ӝожомемме адӟыса, мемей монэ бордаз ӝиптӥз но йырам чупыштӥз:
– Мон тыныд одно ик мукетсэ, чеберзэгес, лэсьто!
Но мемей ӧз вутты. Со нуналэ ик анай выль мунё басьтӥз. Эшелэн кадь – горд дэремен но сяськаё кышетэн.
Со дырысен уно аръёс ортчизы. Лавкаысь турлы буёло басмаос пӧлысь син азям йӧтӥз сьӧдо-тӧдьыё кечатоез. Ӧйтӧд малы, но мон басьтӥ сое…
Кукла
Подружке купили куклу. У меня тоже есть кукла. Но у подружки другая — новая, красивая, в красном платье, в цветастом платочке. И я хочу такую.
Дома только бабушка. Сидит на крыльце, всё прядёт, прядёт… Я присела рядышком.
— Бабушка, я новую куклу хочу, как у подружки, — смотрю в её тёплые глаза.
— У тебя же есть кукла, гулюшка моя. — Бабушка прижимает меня к себе.
— А мне ещё надо, — вздыхаю я.
Бабушка отложила свою прялку и улыбнулась:
— Давай сами сделаем, принеси кусочек какой-нибудь ткани.
Я нашла чёрно-белые в клеточку остатки. Бабушка своими большими руками заворачивала-сгибала их, затем завязала шерстяными нитками, расправила. Всё, кукла готова.
Я тихо смотрела на клетчатое существо — две ноги, две руки, одна голова. Интересно. Но с куклой из магазина не сравнишь: ни глаз, ни носа, ни красного платья, ни платочка в цветочек — нет!
Увидев моё разочарование, бабушка обняла меня и поцеловала в макушку.
— Я тебе обязательно другую, краше этой, сделаю!
Но бабушка не успела. В этот же день мама купила новую куклу. Как у подружки — в красном платье и цветастом платочке.
С тех пор прошло много лет. В лавочке, где продавались разнообразные яркие ткани, я наткнулась на чёрно-белую в клеточку. Не знаю почему, но я купила именно её…
