Казне
«Кодамо казне анокстасть тень покштям ды сырькаем? – арсесь Алиса. – А монсь мейсэ пандса парост? Покштянь кевкстьса, сон ёвты тень, кинень мезе алтамс. Аванень мерян: «Лоткан ярсамо шкасто телевизоронь ваномо». Тетянь шнаса ды ёвтан тензэ сюкпря таргамонть кадоманзо кис. Сон ней а сырти сигаретанзо косо понгсь».
– Сяткинем, мезде таго арсят? – пшкадсь «сяткиненстэнь» Куля баба.
– Сырькай, мелявксом пек покш, а содан, кие мезе тень кази чачома чистэнь.
– Иля тално, левкскем, – ванды несак, мезе теть казтяно, – оймавтызе Куля баба Алисань.
Окойники сась валскесь. Столенть перька инжеть, весе мизолдыть, ломантнень сельмест цивтёрдыть.
Алисань тетязо стясь ды ёвтась вал:
– Алиса, весе минь пурнавинек те валдо чинть, тонь чачома чинть тешкстамо, арсетяно теть седе курок касомс, улемс свал кеме шумбрачисэ. Ней кирдть казне, конадо свал тон арсить.
Ашо коня кискалевкскесь аштесь кептернесэнть ды бажась кирнявтомо. Алиса пижакадсь:
– Те – монень?! Кода лемезэ?! Вай, кодамо мазый! Лия казнетнень лангс Алиса эзь ванояк, сонзэ элесэ озадо аштесь сехте эрявикс ялга.
– Алиса, лем тонсь кочкак, кодамо теть вечкеви, – мерсь покштязо.
– Родя! Родя монь казненть лемезэ! – кудонть келес каятотсь од лемень гайтесь.
Курок ютась чачома чись, тукшность инжетне – сынь кадсть Алисань седейс истямо покш лембе валдо, теке сонсь Чись совась ды кадовсь минек кудос.
Подарок
«Какой подарок приготовили для меня дедушка с бабушкой? — гадала Алиса. — А чем я отплачу за их добро? Спрошу у дедушки, он мне скажет, кому что посвятить. Маме скажу, что перестану смотреть телевизор во время еды. Папу похвалю и поблагодарю за то, что бросил курить».
— Искорка моя, о чём ты снова задумалась? — обратилась к своей искорке бабушка Куля.
— Бабушка, забота у меня большая: не знаю, кто и что подарит мне на день рождения.
— Не волнуйся, дитятко. Завтра и увидишь, что мы тебе подарим, — успокоила Алису бабушка Куля.
Наконец наступило утро. Вокруг стола гости, все улыбаются, глаза сияют.
Отец Алисы встал и сказал слово:
— Алиса, все мы собрались отметить этот светлый день, твой день рождения. Желаем тебе поскорее вырасти, всегда быть в добром здоровье. А сейчас держи подарок, о котором всегда мечтала.
Белолобый щенок, который сидел в корзиночке, попытался выпрыгнуть. Алиса закричала:
— Это мне?! Как его зовут? Ой, какой красивый!
На другие подарки Алиса и не смотрела, на её коленках сидел самый желанный друг.
— Алиса, кличку сама подбери, какая тебе нравится, — сказал дедушка.
— Родя! Мой подарок зовут Родя! — раздался на весь дом звук нового имени.
Вскоре день рождения прошёл, гости разошлись — они оставили в сердце Алисы такой большой тёплый свет, будто само Солнце зашло в дом и в нём осталось.
