Бӧра «кӧмӧтісӧ»
Кыдзкӧ неважын Ӧнись баб дын вовліс скорӧй, мый дивитіс деревняись быдӧс оліссесӧ. И былись, ась и старушкаыс ӧддьӧн ни пӧрись, но сія котрасис эшӧ чожа, мукӧдпыр нельки бедьсӧ одзалас. И кӧть некин эз вермы висьтавны, кыным сылӧ год, но быдӧнныс тӧдісӧ, что чужӧма сія кытӧнкӧ тринадцатӧй годдэзӧ. Только кынымӧт векӧ — сюраыс, натьтӧ, оз паметуйт.__ Пӧрись и пӧрись, чукыль пусӧ он эд пӧ веськӧт, олӧ тай мортыс, некинлӧ умӧльсӧ оз кер, рам сьӧлӧма. Кин тӧдӧ, поди, Еныс сы йылісь вунӧтчис ни, он эд сюйышт ловйӧн, кытчӧдз эшӧ чушыктӧ да.
А ӧні, видзӧт тэ, сюрӧма больницаӧ. И кӧть враччес невна повзьыштӧмась сыись, мукӧдыс нельки пернапасасьӧмась, а кольӧмась дынаныс. Да и кыдз вашӧтан бӧр, кӧр мортыс и революция годдэсӧ видзӧ тӧдвылас, и войнася кадсӧ пешліс ас вылас? Ась пӧ туплясьӧ, не сэтшӧм и ыджыт беда, нырыштас кӧ сійӧ Господьыс ны дын. Да и отделеннёас сія миян только ӧтік пӧ эттшӧм музейнӧй экспонатыс, оз мешайт некинлӧ, дырсӧ оз ни пӧ повзьӧтлы шогаліссесӧ. И быд этӧ адззис и вежӧртіс: уна-уна олас пӧ кык понедельник мымда. Веськыта кӧ баитны, Ӧнись баб — неумӧль мортыс. Колас кӧ тӧдны, кыдз кӧркӧ отирыс олісӧ, мый керсис странааным — оз ков котӧртны библиотекаӧ, сё ни быдӧс висьтасяс Ӧнись баб. Челядёк, кажитчӧ, историяись тӧдісӧ унажык сысянь, нежели школаын велӧтчикӧ. Да и нылӧн аймам уна мый ас понда босьтісӧ сысянь жӧ. А вот ӧні старушка буракодь, тыдалӧ, джӧмдіс. Нем он кер — годдэз. Отир этӧ вежӧртісӧ, но некинлӧн эз вӧв юрын мӧдік дума, мыйсянь сія эшӧ вермис сюрны больницаас.
Кольӧм субботаӧ старушка, кыдз и пыр эта числоӧ, гортсис некытчӧ эз мун. А кытчӧ шатӧвтас, сія эд не Каля Вара, кӧда ассис ӧнджасӧ кыскалӧ быдлаи, кӧр почтальоныс вайӧ пенсия? Да и гажсӧ содтіс ачыс Президентыс, кӧсйис лэбтыны сылӧ сійӧ. Но кыдз только почтальоныс юӧртіс, кыным руб вылӧ содіс сылӧн пенсияыс, старушка, кӧр буржыка эшӧ нем эз вежӧрт, медперво вакьявтӧн паськӧтіс пиньтӧм ӧмсӧ да клопнитіс киэзнас пидзӧссэз бердас. Сэтчӧдз гажӧтчис-вакьяліс, нельки ачыс эз казяв, кыдз кӧтӧтіс дубассӧ, жыв кинкӧ казявтӧг тальччис кудз гадь вылас кирзовӧй сапогӧн. А сёрӧнжык — мый и думайт — топ пиньӧвтіс кинкӧ ӧмсӧ, пондіс сідз треситны, что некӧй пору давленнёыс чеччӧвтіс пенсияыс вылынжыка. И кыдз оз чеччӧвт, эд Москвасяняс, кыдз горзӧмувья причитайтіс бабыс, сералӧны ни сы вылын бӧрнаныс. Выборрез одзын, мед трон вылас кайны, уна мый тай пӧ кӧсйисӧ, морттэзӧн вӧлісӧ. Вот пӧ и спасибо содтӧтыс понда, бурмӧтісӧ сьӧлӧм, кӧсйисӧ да кӧстісӧ бӧра, кужӧны серӧтны-бӧбӧтны, вот кыдз нія думайтӧны пӧ пӧриссез йылісь, вот кыдз радейтӧны Ӧнисьсӧ, жыв каннез шырӧс. Не я вунӧтісӧ пӧ, что бабыс сетӧма ассис голоссӧ ны понда?
Чулаліс неделя ни, кыдз старушка туплясис больницаас. Зоныс висьталӧм сьӧрті петӧ, мамыслӧ кокнитжык ни лоӧма. Нельки враччесӧ диво босьтӧм: не я пӧ эта рушмӧм пельняньыс аслас коккезӧн петас татісь? Мый бӧрсянь старушка лӧгасьӧма ны вылӧ, керӧма выводсӧ асмоза: враччезлӧн ӧтік пӧ юраныс, медбы чожажык иньдӧтны сійӧ кытчӧ колӧ. Только тӧдӧ пӧ, что ме некытчӧ эшӧ ог лӧсьӧтчы, одзӧв пӧ. А ковсяс кӧ, кольлала быдӧннытӧ кулисвӧн гвардияӧс ачым. И кера пӧ этӧ сьӧлӧмсянь. Конечно, не пенсия вылӧ, а сэтчин, кытчӧ нія очередьтӧг лӧсьӧтчисӧ командируйтны Ӧнись бабсӧ.
Очередной облом
Как-то недавно к бабе Анисье приезжала скорая помощь, что удивило всех жителей деревни. И вправду, хотя старушка, кажись, уже надолго задержалась на этом свете, тем не менее, была шустрой. И хотя никто не мог припомнить, сколько ей годков, но все были уверены, что родилась она в году тринадцатом. Только в каком веке — задачка не из лёгких. Ну что поделаешь если господь её лелеет? Выходит, свою миссию на этой земле она выполнила ещё не полностью?
А вот нынче, что ни говори, попала в больницу. Увидев её, врачи немного оторопели, некоторые даже перекрестились, но всё же решили её госпитализировать. Да и как откажешь, ведь она ещё помнила грозные события Октябрьской революции, пережила страшные годы Великой Отечественной. Пускай отдыхает, не велика беда, если Господь подберёт её прямо у них. Тем более, в отделении она в единственном экземпляре такой музейный экспонат, никого не утруждает своим присутствием, не так и долго попугает больных. И каждый это видел и понимал: протянет не дольше двух понедельников.
Действительно, баба Анисья — приятная старушка, общительная, гостеприимная. Если кого интересует, всё выложит из истории страны, своей деревни, не нужно бежать в библиотеку, удивит своими знаниями не только любопытных детишек, но и взрослых. А вот нынче немного сдала, приболела. Понятное дело — годы. Односельчане это понимали, но никому и в голову не могло прийти, что причиной её недуга может быть что-то другое.
Как-то в субботу, как и всегда определенного числа и месяца, она сидела дома. Да и куда сиганёт, ведь она не Каля Вара, которая беспричинно шастает-летает по деревне? День этот особенный — порадуют очередной пенсией. К тому же сам Президент обещал прибавить её. Разве это не подарок? Но когда почтальон сообщила ей, на сколько рублей прибавилась пенсия, старушка, прихлопнув сухонькими ручонками по коленкам и не разобравшись в сумме очередной подачки, чуть не упала со смеху. Так заливалась от души, что и не заметила, как обмочила свой холщовый сарафан. Такое ощущение, как будто кто-то невзначай наступил на её мочевой пузырь кирзовым сапогом. Ну а в дальнейшем, немного поразмыслив, с ней произошло непоправимое: сначала, кажись, немного в сторону свело рот, потом так затрясло, что давление подскочило намного выше своей пенсии.
— Что ж это выходит, — причитала обиженная старушка, — начальство в очередной раз объегорило меня? А ведь обещали, божились-клялись обрадовать старушку. Вот спасибо за прибавку, вот поклон им земной, здравия и долголетия всем, уважили душу. А разве они забыли, что при выборах я проголосовала именно за них?
Увидев, что творится с бабой Анисьей, почтальону ничего не осталось, как вызвать скорую.
Незаметно пролетела неделя, как бабка загорала в больнице. По словам сына, матери, кажись, стало легче. И врачи не могли не заметить улучшения. А некоторые в очередной раз удивлялись: неужели этот антиквариат покинет их на своих двоих? Заметив удивление врачей, баба Анисья по-своему рассудила их недовольство: начальство с врачами в сговоре, им бы поскорее откомандировать бабку куда следует. Но старушка в обиду себя не даст: она напомнила всем, что не собирается пока туда на вечный покой, рановато, мол. А в благодарность за их внимание к ней, она готова уступить свое место и с удовольствием проводить каждого. Разумеется, не на пенсию, а туда, куда пожелали они определить на постоянное место жительства бабу Анисью.
