Тысячи
литературных
произведений на59языках
народов РФ

Партбилет

Автор:
Нурдин Кодзоев (Кодзой)
Перевод:
Хаваш Накостоев

Партбилет

 

Кхаьла ди дар. Еза Iаьржа морхаш ядар сигала. Ибаша дег чу-м малх хьежар! ГIадваха воагIар Ибаш – киса доаллар дукха хáна денз цун дагалаьтта коммунистий партбилет. Тахан хьаделар из цунна. Дог гIоздаьнна дар. Илли áла безам боагIар. Даьга– наьнага-м дIахайта йиш яц – кIордабергба уж... Ишта а мел дийцад цар: «Даьла эгIазгIоргва…» Сенна вода Из Ибаша эгIаз – партбилет бахьанцеи? ГIоргвац Из-м!

Сов гIадваха, ший ийлаш еш водача Ибаша зиензар тIадоагIа догIа. Цхьа ха яьлча, сигалара форд чухийцача санна хетийташ, доладелар догIа. Лачкъа моттиг яцар Ибаша. Кхай тIа трактор бIарьгаяйр цунна. Ведда, ваха трактора кабина чу ваьлар из. Цу чу вагIар цун юртархо Башир.

– Салам Iалейкум, Башир, – аьлар Ибаша, – чувуте Iа хье волча?

– Ва Iалейкум салам. Суона новкъа вац хьо, – юхааьлар Башира. – ЧIоагIа догIа-м да ер!

Ди техар. ТIехьа кхы а чIоагIагI техар ди. Дуне эккха доаллаш санна, тата даьлар. Цхьаннахьа юхе ди кхийтача санна меттар Ибаша. ТIоа сегар. Ибаша меттар, из тIоа ераш чубагIача трактора кхеташ санна. Оагавелар из.

– Шелвеннав хьо? – хаьттар укханга Башира.

– Ай, хIама дац, – аьлар Ибаша.

Костума киса доаллача билетах кильг хьокхаделар Ибаша. Дега чу кхерам чубессар. Даьла эгIазвахав! Дагахьа Даьла цIи яьккхар цо. Шорттига ший кисара партбилет ара а даьккха, Башира гургдоацаш, цунна киса делар из Ибаша. Дагахьа Даьлага кхайкар Ибаш: «Ва Веза–Воккха Даьла! Хьайна бIарьга ма гой Хьуона: суога дац из партбилет!»

ДогIа саццалца трактор чу ваьгIар Ибаш. ДогIа лаьгIденначул тIехьагIа, Башира баркал а аьнна, вахар Ибаш, Башира киса доалла ший партбилет диц а денна.

ЦIагIа Башира тIера Iояьха тIаьда хIамаш йокъае, аьнна, пишка юхе хьалъохкаш йоаллача цун нанна корадир костума кисара партбилет.

– Х1ай, цIерахвагарьг! – аьлар Напсата. – Даьла моастагIех дIакхийттавий!

Из а аьнна, пишка чу кхессар цо цIе партбилет. ТIаккха, Iочу а яха, ламаза цIока тIа вагIача ший маьрага дIааьлар шоай виIий киса шийна фу кораяьй. КорзагIваьлар Исхьакх.

– Фу ях Iа? – цIогIа техар цо, бIарьгаш тIа а дайта. – Коммунист ва са воI? Аз бергба хьуона цун болх, – хьалъура а этта, гIадж бе еллар цо. – Мичав из? Хьавехал со волча!

Ший цIагIа вижа улла Башир чIоагIа цецваьлар, цIимхаро шийга нана кхайкача:

– Вале, дá кхайк хьуога!

«Фу хиннад-хьогI цига?!» – аьнна дагахьа, дá волча Iочувахар Башир. ЦIагIа дIачувоаллашшехьа букъбIоаххал гIадж техар дас.

– Аз вергва хьох коммунист! Вошшийна вир! Даьла моастагIа!

– Фу ях Iа, ва дадá? – аьлар Башира, цIаькхаза тоха аьнна айяьча гIаджах лоравала гIерташ. – Фу коммунист ва Iа вувцар?

– Хьа нанна корадаьд хьа кисара парбилет! – аьнна, IотIалостайир дас гIадж.

ЦIагIара араведар Башир:

– Вац со коммунист! Вац! Фу партбилет да Iа дувцар?!

– Хьа нанна хьа кисара корадаь партбилет!

– Са дац из!

– Хьа деце, хьа киса мишта нийсденад из?

– Хац суона– м!..

Дагавехар Башира шийца тахан трактора кабина чу ваьгIа Ибаш.

– Ибаша хила мег из...

– Ибаша каьхат хьа киса мишта нийсденнад?

– Тахан, догIах лечкъа, суоца са трактора кабина чу ваьгIав из. Хоаттаргда аз цунга. Даьла Возлора, са ма дац из!..

ТIехьагIа, Ибаша чIоагIа халахетар хилар, партбилет даьгад, аьнна, Башира шийга хьааьлча.

– Даьра, со дIабIара хьежжашехьа, сийна áла а баьнна, даьга-м даьгар, – иттазлагIа дувцар Башира, мистъеннача Ибаша батá бIара а хьежаш.

Дас шийна гIадж теха, лозабаьча букъа чIир яр из.

ХIаьта Ибаш, билет доадар бахьан долаш, партера дIаваьккхар...

Партбилет

 

День был пасмурный. В небе висели черные тяжелые тучи. Но в сердце Ибаша светило солнце! Радостно шагал он — в кармане у него лежал партбилет, о котором он мечтал очень давно. Сегодня ему выдали его. Сердце веселилось. Хотелось петь. Родители не должны знать про партбилет — они не поймут. И так они надоели: «Бог рассердится...» И почему Он рассердится на Ибаша — за партбилет, что ли? Нет, не рассердится Он!

Увлеченный радостными мыслями Ибаш не заметил, что собирается дождь. Через некоторое время начался ливень, будто в небе прорвало море. Ибаш не знал, где спрятаться. Вдруг он увидел трактор на поле. Он подбежал к трактору и забрался в кабину. В ней сидел его односельчанин Башир.

— Салам алейкум, Башир, — воскликнул Ибаш. — Пустишь к себе?

— Ва алейкум салам. Мне ты не мешаешь, — ответил Башир. — Сильный дождь!

Грянул гром. Потом еще сильнее. Звук был такой силы, что казалось — мир раскалывается. Ибашу показалось, что молния ударила в их трактор. Он вздрогнул.

— Замерз, что ли? — спросил его Башир.

— Да нет, ничего, — ответил Ибаш.

Вдруг Ибаш вспомнил про партбилет, лежащий в кармане костюма. В сердце прокрался страх. Бог рассердился! Он произнес про себя молитву. Ибаш потихоньку вытащил партбилет из своего кармана и незаметно положил его в карман Башира. В душе Ибаш взмолился: «О Всемогущий Бог! Сам видишь — у меня нет этого партбилета!»

Когда дождь несколько утих, Ибаш поблагодарил Башира и ушел, забыв про свой партбилет в кармане Башира.

Вечером Башир вернулся домой. Мать, развешивая его одежду около печки для просушки, обнаружила в кармане костюма этот партбилет.

— Да гори ты огнем! — воскликнула Напсат. — Присоединился, оказывается, к врагам Аллаха!

И бросила партбилет в печку. А потом пошла к мужу, который в это время сидел на коврике для молитвы, и рассказала ему, что она нашла в кармане их сына. Исхак встревожился.

— Ты что городишь? — вскричал он, выпучив глаза. — Мой сын — коммунист? Я ему устрою. — Он встал и взял в руки трость. — Где он? Позови его ко мне!

Спавший в своей комнате Башир очень удивился, когда мать грубо позвала его:

— Иди, отец зовет тебя!

«Что же случилось?» — думал Башир, идя в комнату к отцу. Только он шагнул через порог, отец тростью огрел его во всю спину:

— Я сделаю из тебя коммуниста! Осел брату! Враг Аллаха!

— О чем ты, дада? — спросил Башир, пытаясь увернуться от следующего удара. — О каком коммунисте ты говоришь?

— Твоя мать нашла в твоем кармане партбилет! — опять замахнулся тростью отец.

Башир выбежал из комнаты:

— Да не коммунист я, не коммунист! О каком партбилете ты говоришь?!

— О партбилете, который твоя мать нашла в твоем кармане!

— Это не мой!

— Если не твой, то как он оказался в твоем кармане?

— Не знаю я!..

И тут Башир вдруг вспомнил Ибаша, который сегодня сидел у него в кабине трактора.

— Это, наверное, Ибаша партбилет...

— Как это документ Ибаша оказался в твоем кармане?

— Сегодня, спасаясь от дождя, он сидел со мною в кабине моего трактора. Я спрошу у него. Клянусь величием Бога, это не мой партбилет!..

Ибаш сильно расстроился, когда Башир сообщил ему, что его партбилет сгорел.

— Клянусь, прямо у меня на глазах сгорел синим огнем, — десятый раз рассказывал Башир, глядя на расстроенное лицо Ибаша. Это была его месть за спину, которая до сих пор болела от удара отцовской трости.

А Ибаша исключили из партии за утерю партбилета...

Рейтинг@Mail.ru