* * *
Каятăп хулана ыйăхăма йăтса,
Тул çутăлман, çапах кăшт çуталма пуçланă.
Килне кӗртмен кушак унта-кунта утса
Каç тӗртнӗ шур пире эрешлесе тултарнă.
Вăраннă кÿршӗ арӗ пуринчен малтан —
Вăл пурăннă чухне телей курса юласшăн.
Ав ӗнесем те лайăх хуçине хывсан —
Ирех укçа шутла-шутла сӗтне парасшăн.
Тулли витре йăтса утаççӗ урампа...
Çӗн юр çинчи ура йӗрри ире чуптунă.
Тавра сенкер-кăваклăхне каллех тăман
Ӗçмешкӗн хатӗр антăхса та юратуллăн.
Ан тив, ял сӗмлӗхрен хăтăлаймасть вăрах —
Телейлӗ çын вăл ӗлкинчен те паллă.
Суясăрлăх, тасалăх çуралать умра...
Ялти çынсен тути хӗлле епле хăймаллă!
Мӗнле нуша мана хуланалла хистет?
Таçта çамрăклăха сапаласа пӗтертӗм.
Пӗр тӗссӗр кун иртсессӗнех тепри çитет:
Чечеклӗ утăсăр, ула ӗнесӗр, тертлӗ.
Каятăп хулана ыйăхăма йăтса...
Хыçра хăварăп юмахри пек сӗтлӗ кÿлӗ,
Тата юлать унтах чӗрем чăмпăлтатса —
Ула ӗнесӗр чунăм пурăнаймӗ ÿлӗм.
* * *
Прервав свой сладкий сон, я в город еду,
Рассвет рождается полоской света,
А кошка у дверей, бродя по снегу,
Оставила узор на ткани снега.
Всех раньше, как всегда, сосед проснулся —
Он хочет стать успешным в жизни всё же.
Такой настрой его коров коснулся,
Они уже приносят прибыль тоже.
Сельчане с молоком на сдачу вёдра
Несут с утра, следы в снегу — веснушки,
А вьюга синеву мороза бодро
Готова выпить всю до дна из кружки.
И пусть не рассвело ещё в деревне,
Людей счастливых видно и по стану.
Вся чистота и правда здесь, наверно,
И на губах зимой у всех сметана.
Что за нужда мне в город ехать снова?
Вся молодость растеряна впустую,
Вслед за бесцветным днём ты ждешь другого:
Без пестроты коров, лугов тоскую.
Прервав свой сладкий сон, я еду в город,
Молочные озёра объезжая,
И пёстрый бок коровы стал мне дорог,
Я в этой сказке сердце оставляю.
