“ХIинтеллигенция абаъану?”
“ХIинтеллигенция абаъану?” ЙыздзыргIвуа ачIвыйа? ХIара – абаза уагIа – ари азаман гвыгIвмыгIв хIаламдзра, тшадхIкIылта, хIацIагылта хIуагIахъара хIхчара, хIгвбайара культура гIащаквыжьра ахIатырла йхIчпара атахъу згIахIарымхIвуайа? ХIызцбзазауа анахьанат ауагIахъаква ринтеллигенция йзыршIымпшуайа?” – араса йгIахIцIгIазапытитI хIгазет апхьагIвчва. Арат азцIгIараква джьауап рыхIтра апхъала уыскI хIаквгIашIасра атахъызшва йызбитI. ДзачIвыйа йара “интеллигент” ззырхIвауа? “Сара синтеллигентпI” – хIва тшзыркIьышвуа йцIырквауа азджьакI йгIаргваласыршвахитI ари: зджьара хIадагIвача диплом гIапшцIызгаз гьйакIвым йинтеллигенту, зкърар багъьу, хъацIара злу, дырра цIола зму, зуагIахъагьи агIвычIвгIвара зымгвагьи ргвбайара культура йахагIвазу, момо – зща йалу, зансимш бзазара акультура хIаракIу, зуагIахъа руыс зхъауыс апхъа йзыргылуа, ауи ахъазла зхъа пшцIазцIарныс йхIазыру, зборч архъйара апны йфанатику (бзира гIанасыркIуата йгIасрысабапитI ари ажва), згви змуради йанакIвызлакIгьи йцкьу йакIвпI. Арат рыуа закIыла йбжу агIвычIвгIвыс “синтеллигентпI” – йхIварныс дгьахвитым. Араса рхIварныс йахвитта заджв-гIвыджь хIымахарныс ауаштI. Ауаса заджв-гIвыджь ужвыгьи йгьинтеллигенцияркIвам. Ауи акIвпIта, “абаза интеллигенция”-хIва хIызпхьуш гьгIанымшастI ужвыгьи. ХIапхъахьыла гIвба-хпа абанпара анагIвсра йгIаншарныс закIгьи гьазхIвам. Ауаса ауылагьи схъагвы гьаквым. Йзаквымгьи хIара – уахьчIва тшзыринтеллигентквауа – хIшаъу, хIшалакву, хIхъауыси хIуагIахъа руыси хIшрыдгылуа, дунейазхъвыцщата йхIыму, хIкультура надзарата йызтагылу агьиква збитIта акIвпI. (ЙсхIваз шцIабыргу йаквшахIатхауата, арат сажваква гвабгъара шгIархъшахъыцIуашгьи здыритI).
Щта, хIара хIинтеллигентзарквныз анахьанат ауагIахъаква “ринтеллтгентква” гIагылта абазаква хIпIатIу аннадыркъвуа, хIара хIнахъыс-гIахъыста, ари хIызквбзазауа адгьылгьи хIара йхIчIвымкIва, йара “абаза”-хIва уагIахъа аъамкIва, хIара ахъазыкI адгьаква йгIарцыршвшваз (йа йрымарыцхIахата йрыдыркIылыз) хIакIвта анырхIвауа йгьырзыгIмурызтI. Ауи йгIанасыркIуа ауат хIырпшIагылта напIыршIашIала хIрайсырныс гьакIвым. ХIтурых цIабыргы гвыбзыгъата йгIахIрысабапта ауат рымц ауатыкв йгIаквхIцIарныс акIвпI.
ХIара хIинтеллигентзарквныз хIуагIа ргвбайара культура гврыдзгата йшщаквысуа, зщапIы багъьата йхвнымгылс хIлитература хIылаква шгIапшуамца йшыдзуа (ари ажва ахърыкъьаракIгьи гьалам) гIбарынта гвжважвагIва гIахIыланацIарын. Момо, йгьгIахIыланацIум, закIгьи нымшузшва тынчдза хIалачIвапI. Йара акIвпIта, абаза литература ужвы апшта ауысква зынгьи йгьтахшвахмызтI: агIвгIвчва ахIбачва райхIарагIв закIгьи гьыргIвыхуам, узайгвыгъа йауаш гIвгIвы шIакIгьи дгьгIадзынгылуам. Йара хIуагIагьи рлитература ахьыла йгвалымсдза йцатI, арат асквш къом руацIала агIылахIва йгIацIцIыз абаза книгаква рымхвгIауата йщтIапI. ХIапхъахьыла йара закIгьи гацIымцIхырныс шварагIварапI. Араъа мышкIы хIреспублика акнигагIацIщтырта аплан анлырхуаз аредактор ауи аплан йалайцIуш абаза гIвыраква дырзыпшгIауа днагIвгIагIвуан. Йарагъла закIзаджвыкI йхIазырта йгIайаутI…
“ХIара хIинтеллигентзарквныз ари хIчпарын, ани хIчпарын”, – хIва ужвыгьи щарда хIашIыпхьадза ауаштI, йгIанацIгIуш дукI гьаъам акIвмызтын. Сара йгьсыздырхуам йара зны уыскI гIаджвыквхIцIата йа амакIыракI гIащтIыхIхта пшдзата, гвыбзыгъата, хIуагIа рсабап гIалцIуата йалхIыргата. УыскI гIаджвыквхIцIарквын йызгIаджвыквхIцIаз хIхъаштылхындзкIьа йанхIкъьаныхIхитIта закIгьи алхIмыршауата йкIахIрышвхитI. АмакIыракI гIащтIыхIхырквын азаджв йхIвауа азаджв йгьйагIахуам, хIамхъаквыдзындзкIьа хIамакIитIта закIгьи йгьхIзазырцум.
Абар ужвыгьи уыскI, амакIыракI ауатыкв йатагIатагIгахтI: абазакви апсуакви (абхазква) ралфавит йазакIыта йчпара. “Йатахъума ауи, момкIва йгьатахъымма? Йатахъыта йызпхьадзауа швнапIква щтIышвх… АхIы… Ужвы йатахъымкIва йызпхьадзауа швнапIква щтIышвх… ХIы, йамгIаныйа ауи атахъымкIва йызшвпхьадзауа?.. Швара йатахъыта йызшвпхьадзауа ачIвыйа?!” – ари акIвпI хIара хIуысадгылщи хIамакIыщи шаъу. Ари адуней зацкIыс аргваны ыквым, йайщчву, зща азакIу агIвуагIахъакI – абазакви апсуакви – хIалфавит азакIхарыквын йызчвымыгъу угIагылта тшгIасырбастI? Ауи магIныта йаму зымгIвагьи йыгIдыритI. ЙгIымдыруа датшапI: йара абызшва (йкIылкIгIата аорфографиягьи гьсхIвахуам) ахабзаква. ЙыгIдырзарквныз, “ХIыбызшва хIрымайрара атахъыпI”, – хIва хIалалцIыргIауа хIгьажвымхъвпалрызтI. ЙзачIвытагьи йласуысйа ауи: ауагIахъа йгIандыршата сквшызыкьла йызлагIабзазаз абызшва йанутахъхара йурымайрауа, ари абызшва ахIарыфква йанутахъхара йурыщардауа, йанутахъхара йуырмачIуа! (Ауи йгьапшым агIвычIвгIвыс закIгьи зылйымдыргIауа ауыс далащщырквын йымхъахIвуши йымхъачпуши). Абызшва гьакIвым “йрымайрара”, “йагъьчIвра” атахъу, ауи ахабзаква гIазрыбергьыльуа, йзырхъвыхуа абызшвадырра акIвпI. Ауи – датшауыспI. Ауаса ауи зымч аквхъуш йазалхта абызшва йадынхалуа аъачIвагIагIвчва, апхьахьаква ракIвпI. Ауи ахIатырла сызлашвыхIвуш абар: чвала тшыхIымчпауата хIуагIа йрылахьхуш ахъазла хIжьы хIыхьуазтын ари ауыс агьагьара апны мгIан шIацIакIгьи змам амакIра йаламшскIва йашIахIшвыррыста абызшвадырра йадынхалуа апсуа йгьи абаза апхьахьаква ркомиссия шгIанхIыршуш, ауи акомиссия сабапра гIанагуата йынхара ахъазла хIшацхърагIуш ацIыхъва хIташвыргыл. Апхьахьаква ари ауыс цкIыцкI йаналдыргара амщтахь йырхIвауа хIаздзыргвыпI. Йауашма?..
Ауаъадза хIаргьи, йхIтахъхарыквын, йхIчпара хIауаштI. “Чвы змам жвы ацIайхIвитI” – шырхIвауа апшта, ага хIара хIинтеллигентмызтынгьи, дасу хIуагIахъа наспынтша рыхъазла йхIылшуш бзира тшыткI хIшвырха. Ауи акIвмызтын абаза интеллигенция зынгьи йшгIанымшуш хIакъпI.
«Где же наша интеллигенция?»
«Где наша интеллигенция? Почему она молчит? Почему они не подскажут нам, что нужно делать, чтобы в это тревожное время наш народ смог сохранить себя, свое духовное богатство? Почему они не берут пример с интеллигенции наших соседних народов?» — с такими вопросами часто обращаются к нам читатели газеты. Мне кажется, что, прежде чем ответить на них, нужно сначала определиться: кого мы называем «интеллигентом»? Тем, кто бьет себя в грудь и кричит, что он интеллигент, хочу объяснить: интеллигент не тот, кто где-то как-то получил диплом о высшем образовании. Интеллигентом можно считать только человека, обладающего честью, мужеством, глубокими знаниями; того, кто не просто знаком с культурой своего и других народов, а пропитан ею до мозга костей, кто в повседневной жизни несет с собой высокую культуру, кто ставит интересы народа превыше своих и готов бороться за них, кто фанатично (в хорошем смысле этого слова) предан долгу, кто чист в душе и в помыслах. Если у человека нет хотя бы одного из этих качеств, он не вправе называть себя интеллигентом. А имеющих право у нас, возможно, один-двое. Но один-два интеллигента — это еще не интеллигенция. Так что «абазинская интеллигенция» еще не образовалась. Возможно, в будущем, через два-три поколения, она появится. Но и в этом я не уверен. Не внушает оптимизма то, как мы, желающие выглядеть «интеллигентами», ведем себя, относимся к личному и общественному. Вызывают сомнения наше мировоззрение, наш уровень культуры. (Я знаю, что эти мои слова вызовут у многих негативную реакцию, и это можно считать подтверждением моей правоты).
Если бы мы были интеллигенцией, мы не позволяли бы «интеллигентам» от других народов унижать наше достоинство, называть «пришлыми», говорить, что мы живем не на своей земле и вообще такого понятия, как «абазины», не существует, что мы — отколовшиеся от адыгов (или принятые ими к себе из жалости) люди. Я не говорю, что нам следует кидаться на них с кулаками. Но рассказать публично правду о своей истории мы обязаны.
Были бы мы интеллигенцией, мы бы обеспокоились тем, что наша духовная культура угасает, наша еще неокрепшая литература остановилась в своем развитии (здесь нет никакого преувеличения), и забили бы тревогу. А мы сидим спокойно, будто ничего такого не происходит. А если посмотреть правде в глаза, никогда еще ситуация в абазинской литературе не была столь плачевной: из старшего поколения писателей уже мало кто пишет, а нового поколения нет. Да и сами люди стали равнодушными к своей национальной литературе — даже те редкие издания, которые увидели свет за последние годы, лежат на полках магазинов, никому не нужные. А в будущем, возможно, и издавать уже ничего не будут. Недавно республиканское книжное издательство составляло план выпуска книг — так редактор бегал в поиске абазинских произведений, издание которых можно было бы включить в этот план. С трудом нашел одну готовую рукопись…
Можно перечислять еще многое, что мы должны были бы делать, будь мы интеллигенцией. Но пользы от этого мало. Я не могу вспомнить ни одного случая, чтобы мы затеяли какое-то дело или спор, спокойно, по-умному все обсудили и воплотили идею в жизнь с пользой для народа. Любое затеянное дело мы забалтываем до того, что забываем даже, зачем мы его затевали, спорим до изнеможения и ни к чему не приходим.
Вот и сейчас на обсуждение вынесен спорный вопрос: сделать абазинский и абхазский алфавиты единым алфавитом. «Нужно это или не нужно? Кто за? А кто против? А почему вы против? А вы почему за?!» — вот и весь подход. Встаньте и покажитесь: кто не хочет, чтобы у двух самых близких, единокровных народов — абазин и абхазов — был единый алфавит? Все понимают его значимость. Не понимаем другого: законов самого языка (даже не выделяю орфографию). Понимали бы — не кричали бы: «Мы должны сделать наш язык более легким!» Как это просто: захотел — сделал язык, формировавшийся тысячелетиями, более легким; захотел — увеличил или уменьшил количество знаков алфавита! (Когда за дело берется человек, который в этом ничего не смыслит, еще не то можно от него ждать.) Не язык нужно делать «более легким», «лучшим», — нужно развивать языкознание, изучающее законы языка. Но это могут сделать только специалисты, ученые, занимающиеся именно этим направлением. И я прошу вас: если мы действительно болеем душой за судьбу своего народа, давайте прекратим бессмысленные споры на эту тему, образуем комиссию из абазинских и абхазских языковедов и создадим условия для ее продуктивной работы. Когда ученые изучат досконально этот вопрос, послушаем, к каким выводам они придут. Согласны?..
А пока и мы, если захотим, найдем чем заняться. Говорят, тот, у кого нет вола, запрягает корову. Что ж, хотя мы и не интеллигенты, каждый из нас может сделать что-то полезное для нашего горемычного народа. Иначе абазинская интеллигенция так и не появится.
