Бөөп-бөөп
Ужа-тура базарымга, дөрде ширтээм
Ужу-кыдыы көзүлбес шөл ышкаш болган — бөөп-бөөп.
Чалыы, чараш күжүр авам сөлей тудуп:
— Чассыг оглум, бас-ла, бас — деп чаптап орган —
бөөп-бөөп.
— Эрес эрлер ужупкаштың ыглавас чоор,
Эдээң тоглаар, идииң элээр үең кээр — деп,
ачам чагаан — бөөп-бөөп.
Тос орук белдиринге доңгая кээп дүжеримге,
Дошкун, шириин Дээр-Адам тургузуп каан —
бөөп-бөөп.
Ишти-хөңнүм даттыг демир апарганда, кежиктиг кыс
Иштии хойнун чадып берип, тынгарып каан —
бөөп-бөөп.
Карыш дурту чуртталгамда ушсумза-даа, тайзымза-даа,
Хайыралыг авайымның Чолу-кежии мени кагбас —
бөөп-бөөп.
Ийи-бирлеп база берген, хеймер оглум, эки туттун,
Идиктериң элээр өйү ам-даа келир — бөөп-бөөп.
Эки аътты кымчы чайбайн мунуп чораан күжүр ачаң —
Эгей оглу эктин сөлеп, өстүрүп каар — бөөп-бөөп.
Бөөп-бөөп
Был первый шаг мой совершён в юрте родной.
Белый ширтек степью большой был подо мной —
бооп-бооп.
Мама красива очень была и молода,
«Мало прошёл» — мама, смеясь, пела тогда —
бооп-бооп.
Если упал, терпи — любил отец повторять, —
Есть у земли, есть у родной сила поднять — бооп-бооп.
Девять дорог, вместе сойдясь, измучат тебя.
Дивный Небесный Отец — он охранит, любя —
бооп-бооп.
Душу грызёт злая тоска и сожрёт вот-вот —
Девушка милая душу спасёт, счастье вернёт —
бооп-бооп.
Быстро проносится жизнь, коротка, как пядь,
Бережно карма матери белая будет тебя спасать —
бооп-бооп.
Сын, и другой, вот уже внук встал и пошёл,
Сильным будь, скоро сотрётся твой детский подол —
бооп-бооп.
Эх, и ещё вот что усвой: опора твоя на земле —
Эгея сын, твой отец, что всегда держался в седле —
бооп-бооп.
