Участие семьи Галкиных в Великой Отечественной войне

Автор:
Геннадий Лукин
Перевод:
Надежда Большакова

Галкин пӣрас туа̄ррпаль

Эжесь а̄жь баяс э а̄йя э моа̄нтар а̄йя баяс, моайнэс мыннӭ Мыккла Сымман.

Сон аджь, По̄ввель Мыккла, шэ̄ннтма 1901 эгесьт, ля̄йй Луя̄вьр са̄ммлешь. Шентӭ шӯрр, ваптэгк пӣррсэст, аджь ля̄йй Сымман По̄ввель. Сост ля̄йй эжянт пуаз чуэз. Ефем Сымман, ляйй сон а̄джь э моантар айя Мыккла Сыммнэ, сон  шэ̄нтма 1800 эгесьт. Ныдт ше нӯрр паль пэне ижесь пӯдзэтҍ, вуэ̄мь агесьт иле Нюннҍ сӯллэстҍ. Ма̄ӈӈа тэн сӯллэ алькэнҍ ко̄ххче, сон нэмэнҍ Сымман суэл. Сымман сӯллэстҍ ля̄йй кудтҍ (6) пэ̄ҏҏтӭ Галкинэ: Ефим Сымман, Сымман По̄ввель, По̄ввель Мыккла, Моаксан Федот, Моаксан Ульсэ, Моаксан Ыльй. Сымман По̄ввлэстҍ ля̄йй е̄ннэ па̄рнадтӭ: Мыккла, Кондратҍ, Галя, Варвэнҍ, Афанаска, Вуэннҍтре. Мыккла э Кондрат лӣйен пуазнэгк о̄ллмэ. По̄ввель Мыккла – ля̄йй а̄вьтма о̄ллмьен няльянт чӯдзъесьт, колхоз «Тундра». 1939 эгесьт ля̄йй финскэ туарэстҍ. А̄кь сост Цаха А̄ннҍ пай шэ̄нтэд нийтат: Главдя, Моренҍ, Нина, Валя – э ни эфт парна.

Колхоз «Тундра» пуэрсэнне вэгэ пуаз туе̄т э 1940 эгесьт Москва эхтнэгесьт колхоз туен выставкасьт э̄ннҍтэнҍ а̄вьтмус диплом.Тэгк шиг туй шэннтэнҍ шӯрр лэккмужэстҍ пуазпынней о̄ллмэ гуэйк, кейт коа̄ввэ ывнэнҍ цысст лувьт колхоз «Тундра»: Н.П. Галкин, Ф.Н.Юрьев, Г.Ф.Кириллов э мудта пуазпынней о̄ллмэтҍ.

Кыдта 1941 эгесьт са̄мь лэгкенҍ тэйт туетҍ, мэн сый лэкен пуэдтӭй кыдэтҍ – ёдтсыллен пуаз шэннтэй компания. Ке̄ссьма̄н ча̄рэсьт ля̄йй поа̄к, сунтэ вэ̄дз, суэгенҍ, пуйгэнҍ шэнтэшкудтҍэн лэст, ывнъешкудтэнҍ ла̄мьп, ёгэнҍ, я̄вренҍ сунтэшкудӭ ӣӈӈ. Шэнтэнҍ та̄ввял пе̄йв, пырр пейв э ыйй пе̄йв, пе̄ййв пай чувэ э е̄ммне а̄втэ, Ра̄сь шэ̄нтэд. Туар баяс тидсэнҍ радио мильт кэ̄сск пейвэсьт. Тынн шэ пейвесьт, пугк Куэлнэгк нёрк са̄мь сыйтэнҍ копчнэдтэнҍ сельсоветэ лӯннҍ  э клубэ лӯннҍ. Янаш пуаз пынньет воа̄льтэн туаррэ, а По̄ввель Мыккла Галкин кӯдтэнҍ пӯдзэтҍ пынньен а̄вьтма о̄ллмэн. Олм пӯгк уййтэнҍ, кӯдтъен эфт нэзан: По̄ввель Га̄ль Кузьмина, Мыккла Главдя Галкина, Ульян Юрьева. Карвулленҍ чӯдзъетҍ, векхэнҍ терхэ пӯдзэтҍ, когк лийен вулкха фронтӭ вуэ̄ннҍчен э выйем варас, Пулявврь рӯввьт чӯккэ ра̄йя, Вял векхэн па̄лле. Авьтма олмэш По̄ввель Мыккла пэре нэзнэтҍ кыйтэ. Са̄рнэ: «Ев нюэзя, олм о̄лмэ лыгкнэв». Тэн паль лӣйенҍ па̄ллтас, се̄внес ыйе мӣлльт по̄дтлэнҍ чӯдзъе, кышшькен пӯдзэтҍ, тэль нэзан ыйе мильт, толсэнҍ. Навьт пэ̄ллен толэст, е̄в тӯсстма, э̄ллтнэ чӯдзъе, о̄ллвэнҍ о̄лкла чӯдзэ. Пуаз пынней ло̄ссесь туй ли. Пай быдт пӯдзэ луннҍ е̄лле, лыкгхэллэ кон горрэ быдт пуазпыннъетҍ, воа̄рьдэ ноа̄втэнҍ, е̄лле луннҍ коа̄всэст. Тэль ко̄ххт нэзан э нийт ӣлленҍ.

Ӣӈӈма̄нэсьт (ноябре) 1941 эгесьт, ля̄йй а̄ннтма рӯшш о̄лмэнҍ,па̄ккмуж лыххкэ Куэлнэгк нёркэс пуаз пынней батальонэтҍ, 14-е армияст. Тэль тэ̄нн армияст копченҍ 77 пэря пуазпынньет, пуаз выйем турьве гуэйм. Фронт быдтӭ ля̄йй а̄нтханна пӯдзэтҍ: выйемь, вуэ̄ннченҍ, легкҍ, возовэ соанэтҍ,  пуазпынней пе̄ннгэтҍ, подаскэтҍ.

Эфтэс толмэгуэйм, вылькэнҍ фронтӭ саамь нийт: Главьдя Галкина, Главьдя Матрёхина (по мужу Юшкова) э мудта. Лэццей вуэррьпнэнҍ Мытре Марф Кобелева (ка̄ллас фамилья мильт Захарова) лэццэй вуэррпнэнҍ Оленк Данилова, ко̄ннтъя туа̄рэст. По̄ввель Вуэ̄ннҍтре Галкин ля̄йй ва̄ллтма армияй оа̄лкхэш туарэст, Берлин ра̄йя костэ туаррмэнҍ. Соннӭ а̄ннтма лӣйен туа̄р медалеть: орден Славы э медаль «За отвагу».

 

Участие семьи Галкиных в Великой Отечественной войне

 

О своем отце, дедах и прадедах рассказал мне Семен Николаевич Галкин.

Отец его, Николай Павлович Галкин 1901 года рождения, был из ловозерских саамов. Рос он в большой семье богатого оленевода Павла Семеновича, имеющего собственное стадо. Семен Ефимович, отец Павла Семеновича и прадед моего рассказчика, был 1800 года рождения. Тоже оленеводством занимался, а на старости лет жил на Семен-острове озера Ловозеро, названном его именем. На Семен-острове стояло шесть домов саамских семей Галкиных: Семена Ефимовича, Павла Семеновича, Николая Павловича, Федота Максимовича, Алексея Максимовича, Ильи Максимовича.

В семье Павла Семеновича было много детей: Николай, Кондратий, Галина, Варвара, Афанасия, Андрей. Николай и Кондратий работали пастухами. Николай Павлович — бригадиром четвёртой оленеводческой бригады колхоза «Тундра». В 1939-м участвовал в финской войне. Жена его Анна Александровна рожала мужу только девочек: Клавдию, Марину, Нину, Валентину — и ни одного сына. А отец так ждал мальчика.

Колхоз «Тундра» успешно развивал оленеводство и в 1940-м на Всесоюзной сельскохозяйственной выставке получил диплом первой степени. Эти успехи стали результатом упорного труда оленеводов, чьи фотографии украшали Доску почета колхоза «Тундра»: бригадиров Н. П. Галкина, Ф. Н. Юрьева, Г. Ф. Кириллова и пастухов.

Весной 1941-го саамы занимались теми же хлопотами, что и в ранние весны, — готовились к отельной кампании. Июнь в тундре был теплым, сошел снег, на березах, ивах пошли листочки, запестрели болота зеленью, вскрылись реки и озера. Вступил в свои права полярный день, солнце не заходило за горизонт.

О начале войны саамы узнали по радио в полдень 22 июня. В тот же день во всех селениях тундры состоялись митинги. Стихийно собирались около сельсовета или у клуба. Большинство оленеводов призвали на войну, а Николая Павловича Галкина оставили бригадиром оленеводческой бригады. Пастухами у него стали женщины: Галина Павловна Кузьмина, Клавдия Юлина, Ульяна Юрьева. Караулили стада оленей, помогали перегонять забойных и транспортных (для фронта) на железнодорожную станцию Пулозеро, участвовали на убое оленей. Бригадир Николай Павлович был очень доволен их работой. Говорил: «Не хуже мужчин с оленями справляются». В то время, бывало, тёмными ночами прибегали в стадо волки, задирали оленей, и тогда женщины стали жечь костры. Волки, боясь подойти к стаду, только выли в отдалении. Пасти оленей — тяжелая работа. Надо постоянно находиться возле них, направлять стада в ягельные места, беречь от хищников: волков, росомах, жить в куваксе... Девушки стойко переносили все тяготы пастушьей жизни.

В ноябре 1941-го было принято решение о создании на Кольском полуострове оленьих транспортных подразделений, которые вошли в 14-ю армию. И тогда в армию ушли 77 лучших оленеводов с упряжками. Фронт надо было снабжать оленями: ездовыми, грузовыми и оленями на мясо. Нужны были легковые сани, упряжь и оленегонные собаки. Вместе с мужчинами ушли воевать и саамские девушки: Клавдия Юлина, Клавдия Матрёхина, по мужу Юшкова, другие. Санитаркой воевала Марфа Дмитриевна Кобелева, по мужу Захарова, медсестрой — Елена Данилова, погибшая на фронте. Анд­рей Павлович Галкин был призван в начале вой­ны в ряды вооруженных сил СССР, встретил победу в Берлине. Награжден боевыми наградами: орденом Славы и медалью «За отвагу».

Рейтинг@Mail.ru