Маркуж милякъла хъали
Маркуж милкъила хъали
Саби къакъра канира,
Ил хъулиб печ агара
Я улкьайти агара.
Амма ил чIумаси саб,
Гьар шайчибад кIапIси саб.
Имиайс ил гIяхIбизур,
ТIентI абацIес хьулбиуб.
Уди кабацIибхIели
Хъисхъас тамашабизур,
БухIна абацIес ила
Шинна милякъ хьулбиуб.
Маркуж халбарес ибси
Пикри чумлара акIуб,
БецIлис, кигьас ва гIярас,
Гурда балли хьулбиуб.
Илгъуна хъалиличи
Гьарилла иштяхIдухъун,
Илизиб паргъатдеш леб.
БухIнаб ванадешра леб.
Чина дигара бихес
Милкъила гьунарра леб,
ЦабехIтас юртгъуна саб,
Идилтас биштIабилзан.
ХIябэстас хIязтабиркьес
ХIязла ваяхIгъуна саб
Ил се саби викIадли?
Милкъила хъали саби.
