Медвежий угол

Автор:
Василий Брыжинский
Перевод:
Василий Брыжинский

Сёлмов сёрмат

Някань театрань туртов налксема

 

Налксицятне:

 

МИКИТА

АНЮРА, низэ

БОРИСКА, цёрынест

КИРЯ, Микитань ялгазо

СЁМКА, Борискань ялгазо

ДАВОЛ

ЛОВНЕ, Даволонь батюкинезэ

ГУЛИНЕ, сёрмань кандтний нармунь

КАРГО

КАРГАВА, низэ

КАРГАЛЯ, цёраст

ПЕТРЯ ПЕТРИЧ, атякш

УР АТЯ

УР БАБА

КАРЦИГАН

Саразт, гулькат, раужо крёстсо тешкстазь кшнинь нармунть

 

Васенце невтема

Ливтясть нармунть лембе масторов

Менельчиресь артозь якстересэ — истя чипаесь валгомадонзо икеле апак вансто кази валдонзо-лембензэ пертьпельксэнтень. Чопода-сэнь тюс менельсэнть карми неявомо тештень куро, конань лемдить Каргонь Кикс. Эрзятнень кезэрень ёвтамосост пачтяви: карготне лембе ёндо пелевеёнксов ливтямсто ды мекев сонзэ коряс муилизь тиринь масторост. Раужо сёлмопе марто карготне ульнесть чуросто вастневицякс: покштояк покшт, ашодояк ашот, каштандояк каштант. Неть нармунтнень аламолгадомасонть сехте пек чумольть ломантне, конат чавность сынст ярсамопелекс. Ансяк мазый ды виев неть нармунтне бажасть эрямо ды эсь мазычист ванстсть теке ломаненть ды весе масторлангонть туртов.

Течи каргонь полкось валгсь оймсеме лейчирес, ванды валске таго кепети менельс. Кизэ — чилисемав, эрямонь лия тарказонзо.

Апак учо полконь ветиесь ды весе лия карготне марить икеле амарсевиця увт, кона яла малавгады ды малавгады. Курок карготне чарькодить: сась кажо.

Полконь ветиесь гайтевстэ серьгеди: «Кур-лур-лур!». Прянзо верев кепедезь, сон апак лотксе тандадозь пижни-терди карготнень менельс кепедевеме, зыяндонть оргодеме. Тесэ кшнинь колмо нармунть, конатнень сёлмост песэ палыть якстере толнэть, ливтить менельс кепедевиця каргонь полконть трокс ды кекшевить. Мельгаст аламонь-аламонь лепами увтосткак. Ансяк тарказонзо карми марявомо изниця ломанень гайтев ракамо. Истя ракить кшнинь нармунтнень ветицяст. Окойники ракамоськак лепами. Менельганть талнозь ливтнить урозокс кадовозь каргот. Малавиксэст вешнемстэ сынь нусманясто ды лужанясто пижнить: «Кур-лур! Кур-лур!». Верде кармить певереме маштовозь карготнень ашо толгаст. Теке ловбельгинеть ацыть масторксонть…

Таго маряви тердема. Те виев Карго пурны раськензэ.

 

КАРГО. Кур-лур-лур! Кур-лур-лур! Кунсолодо, вечкевикс раськень! Маштовсь превей ветиенек, маштовсть ламо малавиксэнек. Кежей ломанесь эзь арсе седе: Моданть лангс истякак кадовинек аламонек. Эзь арсе сон седеяк: карготнень маштовомаст марто ёмась масторлангсто ламо мазычи, конань Пазось теекшнизе ломантнень туртов. Сынь мик ракасть, зярдо неизь, кода кулы те мазычись. Ансяк миненек, чуросто вастневиця ашо карготненень, эряви ванстомс прянок. Тенек эряви пачкодемс лембе масторов ды тов кинть невтьсы тенек Каргонь Кись. Сетнень эйстэ, кить содасызь се кинть, кадовинек кавонек — мон ды Каргава. Минь снартсынек ветямс тынк тиринь тарказонок. Ансяк эряви капшамс. Менельс кепедевезь, тынь неинк, кода палыть оштне ды велетне. Те толсонть миньгак течи ёмавтынек малавиксэнек… Миненек эряви икельдямс те толонть. Лиякс минь зярдояк а несынек тиринь масторонок…

Карго кепедеви менельс, мельганзо ливтямсто ужокс арыть лия карготнеяк. Ветиесь нолды тердемань вайгель, ды нармунтне туить ливтязь вить пелев. Кинть тенст невти Каргонь Кись.

Менельчиресь карми валдомгадомо. Чипаенть лисеманзо марто сыргози эрямоськак.

 

Омбоце невтема

Фронтов сёрмань кандтниця марто

Ризксэв весь полавтови чипаев валскесэ, куш кецнемс а мезень коряс. Велесь ильти цёранзо фронтов. Войнав пурны трактористэсь Микитаяк.

Микитань покш-келей кардазозо. Керш ёно — кузтемпе, вить ёно — панжадо кенкш марто кардо. Кардонть латонзо лангсо — гулькань кирдема кудыне. Веёндо неяви пирявкс ды ортыне марто велеушов лисема кенкшке.

Кардазось зярс чаво. Ансяк Петря Петрич атякшось азоркс яки кардонь кенкшенть икельга, шкань-шкань ванкшны потс, косто марявить саразонь котномат. Верде кайсети гулькань гулдордома.

Кузтемпес лисить Микита, низэ Анюра ды цёрынест Бориска. Никитань лангсо килангонь оршамот, кирзань кемть, лавтовонзо трокс каязь аволь пек покш кескавне. Никита валги кузтематнева, велявты кудонзо ёнов, сюкони.

МИКИТА. Учок эйсэнь, тиринь кудом… Сюк теть лембеть кисэ, конань тон казить монень ды кудораськенень — вечкевикс Анюра ним ды Бориска цёрынем туртов. Содан, аволь шожда тенст ули кудазортомо… Секс тонеть кармавтомам истямо: ванстык сынст туртов лембеть, иля нолда тенст кажот-зыянт…

Анюра ды Бориска лекшкадыть Микитанень. Сон кеместэ кутмордасынзе. Анюра ниреждезеви.

БОРИСКА (варшты гулькатнень ёнов). Тетяй, варштака, гулькатне течи кодат-бути лият… А гулдордыть… Паряк, сыньгак чарькодить: тон туят…

АНЮРА (сельведензэ нардтнезь). Чарькодить, цёрынем. Кие, тетядот башка, истя карми мартост налксеме?

МИКИТА. А кадсынь мон сынст, Анюра. Ансяк аламос мартост простян… Маштсынек ятонть, ды таго карматано менелев кепсевеме.

Микита вешксты. Гулькатне сезевить таркастост ды кепетить менельс. Тетянзо мельга вешксты Борискаяк. Нармунтнень мельга ванозь, кудораськесь тунь стувтсы: азоронтень эряви сыргамс килангов.

БОРИСКА. Тон иля тално, тетяй. Зярс тон а улят, мон карман мельгаст ваномо… Андсынь, ливтнемеяк карман нолдтнемест, сёлмост иляст лавшомгадо.

МИКИТА. Ванстыть, цёрам. Сынь монень зняро кеняркс кандсть! Вант, кода мазыйстэ налксить вейкест-вейкест марто! Эрсесь, валске марто сан паксясто сизезь, вачомозь… Ансяк коникенть ваксс пачкодемс ды прамс… А тесэ сынь — ливтнить, сёлмосост ахолить, гулдордыть… Ков ансяк удомам тукшны! Масторлангсонть нармунтнеде мазый мезеяк арась, цёрам! (Менельс варштазь.) Учомизь, гулдордыцян… Сан кудов — цёрам марто истямо мазый кудо тенк тейтяно! (Менельстэнть мезе-бути реди.) Ванодояк! Каргот ливтить…

Менельстэ марявить каргонь аволь виев вайгельть.

АНЮРА. Неть аволь каргот. Карготне сёрмавт. А неть — ашот.

БОРИСКА. Пижнить каргокс: «Кур-лур, кур-лур…».

МИКИТА (абунгадозь). Неть… Неть аволь истяконь каргот. Неть ашо каргот! Пек мазыйть ды чуросто вастневицят. Эйстэст кадовсть аламо. Кудов ливтить. Од пизэнь тееме. Мон ловнынь эйстэст. Книганть Иван Кузьмич тонавтыцям макснизе. Сёрмадыцянть буйлемезэ — Брем. (Арсезеви.) Ужодо, ужодо… Мекс сынь тия ливтить? Кист Уралонть, Сибиренть трокс таргазь… Лисни, мезесь-бути туевтинзе виде кистэст… Зыян кодамояк… Ды кодат сизезь!

АНЮРА. Сёлмосост эль-эль ахолить…

БОРИСКА. Тетяй, эрьга лездатано тенст. Ледстнят, ливтиця карготненень морылинек… зярдо икеле ливтицятне сизильть.

МИКИТА (кутмордасынзе Анюрань ды Борискань, ушоды морамо).

Каргот-каргинеть,
Пазонь кива ливтницят!

ВЕЙСЭ.

Кие сизесь ливтямс варманть каршо,
Кадык ары полконть пес.
Оймси ды таго сёлмонзо келемтьсынзе,
Икельцетнень полавтомс анок.

БОРИСКА. Ванта, ванта, тетяй, полкось паксяс валги…

АНЮРА. Аволь весе. Колмо карготне ёнонок ливтить. Тунь маласот… Кодат покшт! Мон истят эзинь некшне…

Верде, састыне пижнезь-кортазь, валгить колмо каргот. Неть — Карго, Каргава ды пек томбавозь левксэст-цёраст Каргаля. Меельцесь чалги мода лангс вейке пильгесэ ды сеске сявори. Вийтеме вить сёлмозояк.

КАРГО (сюкони). Чевте седей ломанть, лездадо тенек… Минь рединек, тынь вечктядо нармунть. Кардазсонк гулькат, саразт ды атякш оно кодамо мазый…

Петря Петричнень, улема, шнамось вечкевсь, мельспародонть мик кокостнеме кармась.

КАРГАВА (сюкони). Лездадо, инескеть, тенек… Илямизь пане…

МИКИТА (сюкони каршост). Мезе мартонк лиссь?

КАРГО. Вана… цёранок… Виензэ арасть ливтямс седе тов. Кудонок васоло… ёми. Сёлмозо сивсь… Ды пильгезэ томбазь... Тынк видьс эль-эль пачкодинек… Кинек пезэ васолодояк васоло…

АНЮРА. Мекс эйстэнк аламодояк аламо?

КАРГАВА. Кажос понгинек… Истямо зярс арасель… Наксадыця терьгендавксонь тюссо кшнинь кодат-бути нармунть. Сёлмост лангсо крёстт. Видьстэ лангозонок ливтясть… Менелесь ашо толгадо пешкедсь. Теке лов тусь... (Аварди. Карго, сельведензэ кекшемга, велявтсы прянзо.) Сеть, конат крёст мартольть, истя ракасть, истя ракасть…

КАРГО (нинстэнь, кувсезь). Кур-лур… Кур-лур… Берянь, полынем… Пек берянь… Каргонь зяро буеть маштозь…

КАРГАВА (кемема марто ломантнень лангс ванозь). Минь марсинек, ломантне нармунень лецямояк маштыть… Секс минь тыненк ливтинекак… Инескеть, стявтынк пильге лангс цёранок…

МИКИТА (Каргаля лангс варштавозь). Мезе минь тейтяно! Цёрантень тунь берянь, минь кортамот кортатано… (Борисканень.) Эрьга, цёрам, кандта лазпеть ды сюлмот… (Карготненень.) Тыненк седе тов ливтяма. Цёранк а ливтяви…

Бориска сови кардс вешезенть кисэ.

КАРГО (талакадозь). Кода ней тенек улемс? Тынь — ломанть. Максодо превть. Сон минек истямо превей, истямо вадря!

АНЮРА (аламос арсезь). Эрьга истя тейтяно. Тынь сонзэ кадынк. Минь лецясынек. Ярсамо карми саразтнэнь марто вейсэ, оно Петря Петрич марто. Тунда, зярдо карматадо ливтямо пелевеёнксов, човоргады юткозонк.

КАРГАВА (авардезь). Сюконян теть, чевте седей ава. А содан кодамо валсо тонь шнамс. Минек эдь мезенекак арась…

МИКИТА. Иля корта истя, Каргава. Тынь макстадо тенек аонкставишка мазычи, конань питнепезэ арась. Кода сыньгак. (Ваны менельга эрязасто ливтниця гулькатнень лангс.) Мазычивтеме, маряви, эрямояк а улевель… Монгак течи туян те мазычинть, кудораськем ды кудом ванстомо…

КАРГО (седеймарязь). Неть кшнинь нармунтнень марто тюреме?

МИКИТА. Сынст мартояк.

КАРГО. Вай, кодат сынь тандавтыцят! Ды кшнинь!

МИКИТА. Ломанентень аволь весть савкшнось кшнинть каршо тюремс ды изнямс!

Кардсто лиси Бориска, ды кудораськесь пуроми Каргалянь перька. Каргаля кувси. Анюра ды Бориска лездыть каргонтень стямс, кирдить эйсэнзэ, зярс Микита тапари томбавксонзо.

АНЮРА (Каргалянень). Тон ансяк иля кувсе. Минек кеденек шождат, ёроковт. Весемесь ули паро, пичкат… Бориска, лездак тетятень. Сон теть ялгакс карми. Несак, кодамо покш, малав тоньшкат. Лецясынек, листядо ушов, ды весе кармить абунгалеме: «Вана те ялга!».

Петря Петрич, кортамонть кунсолозь, талнозь яказеви тей-тов. Ваксканзо ютыця сёрмав саразкенть мик нерькстасы касмос. Тона, гайтевстэ котнозь, оргоди кардс.

БОРИСКА (раказеви). Киньгак лиянь уш иляк шнаяк. Ансяк сон вадрясь. Иля пондакшкале. Ней кардазсонок тондеть виев карми.

ПЕТРЯ ПЕТРИЧ (кавтолдозь). Карми-арась? Сёлмозояк, пильгезэяк оно кода томбазь.

АНЮРА. Иля кавтолдояк. Карми!

Карго ды Каргава стамбарнэ якить «лецицятнень» перька, мелявтыть цёраст кисэ, укстнить.

МИКИТА. Эрьга, максодояк тарка алянтень. (Каргалянень.) Тон иля пеле, чалгак пильгенть лангс…

Каргаля чалги томбавозь пильгенть лангс ды кеняркстонть гайтевстэ пижакады: «Кур-лур, кур-лур!».

МИКИТА. Несак! Ней сёлмот варштасынек.

Колмонест витнить Каргалянь сёлмонзо. Бориска сёлмонть кирдемстэ мик сти кумажа лангс.

МИКИТА. Весе! Зярыя чить иляк менче… Ды весемесь ули ладс… Се шкантень, зярдо тетят-ават велявтыть мельгат, минь тонеть одирьваяк мутано. Оно, Петря Петричень зяро саразкензэ. Паряк, вейкешка максы?

ПЕТРЯ ПЕТРИЧ. Илязо учояк!

Карго ды Каргава шаштыть цёраст малас, стамбарнэ скирить нерьсэст Каргалянь толганзо, кирьганзо. Мейле велявтыть кудазортнэнень, сюконить тенст.

КАРГО. Сюконятано тенк, чевте седей ломанть... А содатанояк, мейсэ паронк пандомс... Паряк, мейле чарькодема сы...

КАРГАВА (аламос арсезь). Паряк, тунда мекев ливтямсто лоткатано маласонк луганть лангс оймсеме ды паксянь тевтнес кундамодо икеле озксонк ютавтомс алыятано тенк ламо-ламо алт.

ПЕТРЯ ПЕТРИЧ (покордавозь). Мусть мейсэ пря шнамс! Миненек эстенекак те тевесь топавтовикс… Минь зняро алт алыятано…

КАРГО. Тон уш алыят! Те неяви… (Каргалянень.) Мезе, цёрам, сави явовомс. Кинек кувака, стака. Учок эйсэнек. Тон уш покшат, виеват. Ванстт кардазонть берянь нармунде. Сынь, мон содан, тесэяк улить. Ципакинеть салсить. Петрич лангс, маряса, кемемась берянь… Оно мезе таго, цёрам. Иля нусмакале. Кенярдовтт ломантнень. Несак, тенст берянь, оймавтыть. Невтик, кода минь кенярдтано эрямонтень, кода кишттяно, моратано…

Каргава кодаяк а туеви цёранзо эйстэ, кирьгасонзо ёзы тонань кирьганзо.

Паро, ава. Шка. Полкось, секень вант, талнозевсь уш… Арсить, паряк, од ветицясткак ёмавтызь…

Карготне тагояк сюконить кудазортнэнень ды, сёлмосост виевстэ ахолязь, гайтевстэ серьгедить. Мейле ушодыть кирнявтнеме ды окойники ливтязевить, кепетить менельс.

Модалангс кадовозтне кувать ваныть мельгаст. Каргаля ниреждезь ильти малавиксэнзэ «кур-лур, кур-лур» нусманя пижнемасонзо.

Ушосто марявить ламо ломанень кортамот, гармониясо седямот, войнадо нурька моронь морыця од тейтерень гайтев вайгельть.

Анюра ды Бориска лекшкадыть Микитанень.

МИКИТА. Содан, аволь шожда тенк ули. Каргонть марто мелявксонк ламолгадыть. Паряк, седе аламо шканк кадови берянде арсемс.

АНЮРА. Минек кис иля мелявто. Тонсь прят ванстык. Миненек седе сеедестэ кулят пачтнек. Ансяк сёрмат кие нацяс карми пачтнеме? Кода, каня, почтась карми важодеме?

Микитань лавтовлангс ливти Гулине, скири пилензэ, гулдорды.

МИКИТА (абунгадозь). Мезе, мезе?

ГУЛИНЕ. Саемак мартот.

МИКИТА (пейди). Тон истя алкукс?

ГУЛИНЕ. Алкукс. Мон эдь кулянь кандтниця гулине. Ледстясак, зярдо тунда ведесь сэденть салылизе, мон сёрманк вейке-вейкенень пачтнилинь?

АНЮРА (визделгадозь). Гулдордозевсь, визькстэме! Тон куш Борискадо виздевлить.

МИКИТА. Мезекс визделгалемс, Анюра? Мезе ульнесь, се ульнесь. Теде монськак Борисканень ёвтнинь. Пароль шкась! Тон, мон, Гулине, а мейле Бориска…

ГУЛИНЕ. Сайсамак-арась?

МИКИТА. Те, вечкевиксэм, аволь чадо — война. Тосо леднить… Бомбат сезневить…

ГУЛИНЕ. Мон верьга-верьга карман ливтнеме. Мон улян сёрманк пачтницякс…

МИКИТА (нинстэнь ды цёранстэнь). Ну, кода, вечкевиксэнь?

АНЮРА. Арсек, Гулине… Тосо ули мезде тандалемс… Понгат ледемс…

ГУЛИНЕ. Аволь весе понгонить… Бути мезе, мон — солдат…

БОРИСКА. Саик, тетяй… Седе курок кулят пельдеть кармить само…

МИКИТА. А тон арсят, кода мон тонь фронтов пачтятан?

ГУЛИНЕ. Седееть вакссо, оршамот потсо. Ансяк прям оляс кадык. Кинть неемс, превс цётамс… Вана кекшемак, варчик.

Микита нерькстасы Гулинень понгозонзо, вейке повонзо кадсы апак чоча.

ГУЛИНЕ (ливтьсы прянзо варяванть). Истя мон весементь неса ды маряса. Тесэ тень пек паро!

Ушосто маряви машинань увт ды фронтов туицятнень морост:

Вастомазонок, ошт ды велеть,
Минек васоло ки учи.
А пелиця виев од цёрат
Чилисемасто сыргить походс…

Ортатне панжовить, сови Микитань ялгазо Киря. Сынь вейсэ важодсть тракторсо. Киря, кода Микитаяк, таштола оршамосо, кирзань кемсэ, лавтовонзо трокс поводезь сёрмав коцтонь аволь покш кескавне.

КИРЯ. Мон тонь кисэ, Микита. Машинась учи… (Каргалянь редязь, абунгадозь.) Те кие истямось? Косто сон?

МИКИТА. Менелень ды пазонь кучовкс. Кода весе. Гулькатне, Петря Петрич саразонзо марто, скалось ды вазось, Хруня вете трёшникень судонзо марто ды минек од эрицянок — Кур-Лур Каргаля… (Ютавтсы вановтонзо кардазганть.) Мон анокан, Киря. Ансяк кудонть марто простян…

Микита ары кардазкуншкас, сти кумажа лангс, сюкони кудонть ёнов. Пильгелангс стязь, кутмордасынзе нинзэ ды цёранзо, сырги ортатнень ёнов. Анюра ды Бориска авардить.

КАРГАЛЯ (нусманясто). Кур-лур, кур-лур… (Петричнень). Карматано паро ялгакс эрямо, Петрич. А эряви кудазортнэнь мелест колсемс… Сыненст ней тентемеяк аволь шожда…

ПЕТРЯ ПЕТРИЧ. Мон чарькодемс чарькодян, ды обуцям монь атякшонь. Лиясто нерькстаса кодамояк саразкенть пряс, мезекс — монсь а чарькодьса… Тонь марто, маряви, теевтяно оякс… Тон оно кодамо покшат! Сёлмот ало пиземедеяк а начкат.

КАРГАЛЯ. Ёжоват! Сон карми лато ало, мон пиземеде начконеме…

ПЕТРЯ ПЕТРИЧ. Ды тыненк начкось аволь пелькс. Те минь, саразтнэ, сеске теевтяно невтерякс.

КАРГАЛЯ. Тон эдь аволь саразат.

ПЕТРЯ ПЕТРИЧ (апак кежиявтне). Аволь, ды теке саразонь сыместэ… Ялатеке паро улевель! Пиземе, а тон аштят покш сёлмо ало ды арсят эсеть туртов покш сёлмодо… Ды вана мон ливтян! Верьга-верьга, васов-васов! Паро, улема, тосо, менельсэнть?

КАРГАЛЯ. Паро, Петрич! Вельть паро! Седеяк пек — тетять-авать марто ве полксо… Сынь ансяк тусть, мон уш тошнакадынь кисэст…

ПЕТРЯ ПЕТРИЧ. Иля мелявто! Минек марто а зярдо ули тошнакалемс. Валскестэ чокшнес кардазсонок лажт. Мон кирьга тетьксян, саразтнэ котныть, гулькатне гулдордыть, вазось пары, реветне ремедить, тулевкстнэ рокныть, куш киштезь тук… Алкукс, карготне мазыйстэ киштить?

КАРГАЛЯ. Пря а шнан, ансяк киштеме машттано. Моронокак мазыйть. Вана кунсолок. (Моры.) Кур-лур-лур… Кур-лур-лур…

ПЕТРЯ ПЕТРИЧ (тевень содазь). Вадрясто! Паро улевель миненек молемс школав, нилеце классос, Борисканень! Концерт невтевлинек!

КАРГАЛЯ (пейди). Аха! Каряз ланга рицягасо истямо концертэнть кисэ…

ПЕТРЯ ПЕТРИЧ. Арсят?.. (Арсезевезь.) Паряк, истяяк. Алкуксонь шкинеманть аволь эрьвась чарькодьсы.

 

Колмоце невтема

Коштонь сэдьга

Теле. Ве. Танкистэнь блиндаж. Куншкасонть апак лаксе чувтынень стувор. Лангсонзо палы снарядонь пельксстэ теезь фитиль. Модакудыненть васоло ужосо кие-бути састо налкси гармониясо, цёрань зяро-бути вайгельть морыть моро:

Весь чопода, а неяви
Менельсэ ков, —
Кода сизезь солдат,
Нувси сон.
Ансяк леенть тона чиресэ
Косо-бути пек од боец
Моры моро, ды састо
Налкси баян.
Содан мон: вальма вакссо
Сыре авам,
Монь учозь,
Талны.
Тон иля мелявто кисэнь,
Тон иля аварде кисэнь,
Содак, велявты кудов
Тиринь тонь цёрат.

Стувор экшсэ Микита ды Киря, лангсост танкистэнь оршамот, тетрадень пельлопа лангс карандашсо сёрмадыть кудов сёрмат. Гулине пачтясь тенст кудосто кулят. Ней сон ярсы солдатонь соргавксонь вельтямо лангс каязь кашадо, сими ведте.

МИКИТА (нармуненть лангс варштавозь). Вачомить, Гулине? Тон иля капша, ярсак топодемс. Икеле — ве. Оймсят. Ашолгадозь — килангов.

ГУЛИНЕ. Виде, сизинь… Ды якшамояк… Ды мезеяк… Минь якшамос тонадозь… Верде истя паро мода лангс ваномс… (Ялгатнень мештестэ ордентнэнь редязь.) Тынь мезеяк эйстэст а ёвтнетядо?! Те аволь вадря, монь эйстэ сёпомс!

МИКИТА. Минь а сёптано. Сынь вана, мештесэнек.

ГУЛИНЕ. Сындест кудовгак сёрмадодо. Бориска кенярдозеви!

МИКИТА (пейди). Мезекс теде сёрмадомс? Бориска, секень вант, мери: «Тетям пря шны».

КИРЯ. Мекс а шнамс? Тон — откерь. Дивизиянь газетасо эйстэть сёрмадсть.

Киря сравтсы газетанть Гулинень икелев.

МИКИТА. Мекс ансяк мондень? Минь вейсэ ульнинек. (Гулиненень.) Стакаль тюремась. Ансяк минь кадовинек эриекс. Ды танконтькак ванстынек… Вана кодамо-бути корреспондент снимимизь танконть вакссо. (Зепестэнзэ тарги фотография ды путсы Гулинень икелев.)

ГУЛИНЕ. Кодат мазыйтядо! Берянь, кудов тень а пачтяви. Кись кувака. Мезеяк илязо лисе. Фотографиясь — те ледстнема.

МИКИТА. Виде, ледстнема.

КИРЯ. Войнань стака шкасто кеме ялгаксчиде ледстнема. Сондензэ кеме лия а эрси, Гулине. Т-60 минек танкось аволь покш. Экипажось — кавто ломанть. Ансяк ятонть марто тюремстэ минь прок теевтяно вейке ломанекс. Чарькодят?

ГУЛИНЕ. Мекс а чарькодян… Тынь теке кавтаськеть. Ансяк вейкесь муюк марто.

КИРЯ (пейди). Монгак кастовлинь, ды мекс-бути а касыть.

Гармониясо седицясь ушоды лия моронь лув.

МИКИТА (кунсолозеви). Маряви, те тондеть, Гулине. Кунсолок, кунсолок… Те минек эйстэ… (Састо моры гармониянть мельга.) «Зярдо сы почтась, солдаттнэнь седеест лембесэ эждевить…»

ГУЛИНЕ (визделгадозь). Ды мон мезе... Мон ансяк тыненк лездан… А фронтонь почтальонось…

КИРЯ (апак сёпо). Тондеть алкуксонь лия арась, Гулине. Тон почтальонтнэнь эйстэ сехте эрязась…

Гармониясь чатьмонезеви. Зярс-бути чатьмонезевить колмотнеяк.

МИКИТА (ёжос сазь). Тонеть эряви оймсемс, Гулине… Нейке тапарясынек сёрманок — ды сёлмот алов… (Ризнэзь.) Паряк, сынь мешитькак теть ливтямсто, ялгинем, ды мезе теят, важодемат истямо. Тонсь сонзэ кочкик…

ГУЛИНЕ. Кода тыньгак.

КИРЯ. Истямо важодеманть, кодамо ней минек, а кочксить, Гулине. Цёратнень уцяскаст истямо — ванстомс тиринь масторонть.

Гармониясь таго седязеви. Цёрань вечкевикс вайгель серьгеди моро.

Прядови войнась, ды ледстнемакс кадовить
Сеть тюремань иетне минек эрямосо.
Ды кепедтяно минь пешксе цяркине
Почтальонтнэнь шумбрачист кисэ…

КИРЯ. Алкукс, кудосто сазь кулядонть седе покш кеняркс арась.

ГУЛИНЕ. А кудосо — фронтсто кулясь.

Гармониясь яла седи секе лувонть. Колмонест чатьмонить, кунсолыть.

МИКИТА (ёжос сазь, Гулиненень). Тонеть килангодо икеле оймсемс эряви, оинем… Минь яла кортатано… Вана оштё мезе, Гулине. Теде сёрмадомс а мезекс… Тонеть ёвтаса… Озак лавтовом лангс, кунсолок… (Гулине озы Микитань лавтовлангс.) Пачкодят кудов, ёвтнесак Борисканень. Курок сыргатано ятонть лангс… Арсетяно сравтнемс виензэ… Зярдо мекев сат, ёвтнеса мезе лиси… Ансяк Петря Петричнень теде иля ёвта. Сонзэ келезэ варяв.

ГУЛИНЕ. Сон ней полавтовсь. Каргаля марто оякс теевсть. Каргинекс сонзэ лемди…

МИКИТА. Те паро. Пичкась-арась каргонть сёлмозо? Кода пильгезэ?

ГУЛИНЕ. Сон уш кишти. Ды истя мазыйстэ!.. Сёлмозояк, ловт, пичкась.

КИРЯ. Лисни, тынк весемесь вадря… Моньгак… Монсетнеяк кенярксов кулят пачтясть. Берянь вейкесь — велес кадовсть ансяк покштят-сырькайть, ават ды эйкакшт…

ГУЛИНЕ. Весе кевкстнить, курок-аволь прядови войнась… Мусть кинь кевкстнемс! Ушмодейтнеяк тень а ёвтасызь. Монень косто содамс? Монь тевем сёрмат пачтнемс ды карцигантнэде кекшнемс… Ды сеть куцькантнэде, конатнень сёлмост лангсо крёстонь кондят тешкст.

МИКИТА. Саты, Гулине, эряви мадемс… Стямс сави пиже зорят. Паряк, седеяк рана, зярдо стявтсамизь.

Микита тапарясы сёрманзо цилимекс. Текень тейсы Киряяк.

Рацякавтыть, ялгинем, сёлмот. Секень вант, валске а кенертяно сюлмамс сёрматнень сёлмозот.

ГУЛИНЕ (рацякавтсынзе сёлмонзо). Седе кеместэ сюлминк, иляст лыка…

Гармониясь чатьмонезеви. Микита ды Киря теить эстест удома таркат. Алксокс ацасызь ланга оршамост. Микита юкстьсы гимнастёркань сивензэ ды мештензэ ёжос путсы Гулинень.

МИКИТА (вадяши нармуненть). Кить кувака ды аволь шожда, ялгинем. Оймсек парынестэ…

 

Нилеце невтема

Вирень кулят

Ламо пингень тумонь ундосо уронь пизэ. Кирьксала валдо вальмине. Каршонзо — истямо жо парцунсо совамо тарка, кона вельтязь кузонь тарадсто кодазь кендесэ. Стенасо лавсятнева путнезь ярсамопель марто эрьва кодат кескавнеть. Эрьванть лангсо сёрмадовкс: пештть, костязь пангот, тумонь сэрят, костязь кстыйть, костязь инзейть…

Ур атя озадо вальманть вакссо, сельмукшонзо судонзо лангс путозь, верьга вайгельть ловны «Вирень кулятнень». Каршонзо вишка эземне лангсо озадо Ур баба. Сон мезе-бути коды-каярды ды кунсолы, мезде ловны полазо.

УР АТЯ (ацирьгадозь). Мезть тейневить верьсэнек! Ух, душмант, ух, салыцят!

УР БАБА. Мезе, покштя?

УР АТЯ. Кунсолок, мезде сёрмады кулялопасонть Сезьган. «Килейпулонть малава палыть аволь ансяк пичевиртне, лопавтнеяк. Палсть нармунень весе пизэтне. Весе лия эрийтне — сярдотне, идем тувотне, нумолотне ды лиятне — тусть васоло виртнес. Стясть удомсто овтотне, ды ней сынь вачо урозокс якить вирьганть. Крёст марто кшнинь нармунень покш полкт велетнень ды оштнень лангс ёртнить куломань кандыця сезневемапельть. Ломантне кадыть эрямо таркаст ды кекшнить вирьга, ансяк тосояк идема а муить…»

УР АТЯ лотки ловномодо, каясынзе сельмукшонзо, арсезеви.

УР БАБА. Тон мезть, покштяй? Минек вирьс те зыянось, паряк, а сы?

УР АТЯ (кеждязь). Тон превсэть, сырькай?! Кода те тонеть ёвтавсь! Сеть виртнесэ минек лелянок-ялаксонок эрить… Паряк, ней тосот эйкакшонок-батюканок. Эдь минь кувать а аштекшнетяно вейке таркасо, яла седе шожда эрямо вешнетяно, косо седе ламо пештть, пангот, кстыйть…

УР БАБА (чумонь марязь). Каик монь, сыренть, чумом. Теде мон эзинь арсе… Сестэ тенек кувать инжеть а сыть? Мон батюкатненень лембе оршамот кодынь. Ялгам, Нумолава, тень чевте суре казсь…

УР АТЯ. Вай, сырькай, седеем мари берянь. Пачкодить тей кшнинь нармунтне, ашожда тенек ули. (Ванкшны ярсамопель марто кескавнетнень.) Аволь ансяк таштазенть, пизэтькак кадсак.

Маряви вальмас чакамо. Ур атя пелезь варшты вальмава.

УР АТЯ. Кие тосо?

ГУЛИНЕ (ризнэзь). Нолдамизь седе курок! Зыян!

УР БАБА (тандадозь). Вай! Аволь се зыянось, конадонть Сезьган сёрмадсь?

УР АТЯ. Арась, арсян, аволь се. Вельть курок… Ансяк теяк нармунь. (Моли кенкшентень, панжсы.) Совак. Ансяк седе курок. Ушосонть пек якшамо.

Ушосто ливти Гулине, валги поровт икелев. Лекси стакасто. Ур атя сайсы кавалалдо, ютавтсы икелев, озавтсы эсензэ эзементень.

ГУЛИНЕ. Ведне пароль монень… Ды мезеяк ярсамс… Мон пек вачоян…

УР АТЯ. Эрьга, сырькай, капшака. (Килеень керень цяплынесэ венсти Гулиненень ведь.) Мезе мартот теевсь, пазонь нармунь? Кода леметь?

ГУЛИНЕ (явавтсы симеманзо, мейле кортазеви). Гулине мон… Фронтсто ливтян. Сёрмат кудов пачтян. Малавикстнэнень… Ливтян ды неян: ало пакся, лангсонзо крёст марто ламодояк ламо кшнинь нармунть… Чарькодинь: нетне маштызьгак карготнень…

УР АТЯ. Кодат каргот? Сынь минек виренть велькска а ливтнить…

ГУЛИНЕ. Савсь тенст ливтямс. Войнань шкасто эрьва мезть эрсить. Сынь монь азоронть кардазс томбавозь цёраст кадызь. Пичксеме… Ну, мон валгинь ловонть лангс, вейке кшнинь нармуньстэ омбоцес ливтнян, ванкшнан. Эрьванть ало пшти нерь марто ламо цюркат понгавтозь, конатнень верде ёртнить, эйстэст весемесь калали-лондали, эриесь кулы. Эряви мезеяк теемс…

УР БАБА. Вай, атя, мезе ней теема? Арази сынь миненек изнявить? (Аварди.) Эйкакштнень, батюкатнень кис мелявтан… Сынь мейсэ чумот?

УР АТЯ. Иля лайше, сыре… Эряви арсемс… Тон инженть андык вадринестэ. Вант, пильгелангсо эль аштеви.

Ур баба цяплынес каи чиньжарамонь видьметь, венстьсынзе Гулиненень. Тона ушоды капшазь калгамо.

УР АТЯ (Гулиненень). Мезеяк арсетяно… (Аламос чатьмонезеви.) Тесэ аволь васоло эри Давол. Якшаматянь цёразо. Ловне батюкинензэ марто. Минь сынст курок мусынек. Тон — ливтязь, мон — кирнявтнезь… Давол чевте седей. Ансяк зярдо кежиявтсызь, сестэ кирдть. Зняро лов канды, истя вешкезеви, а лоткавтови! (Вановтозо пры газетанть лангс, конань аволь умок ловнось.) Вантака, Сезьган теде эзь маря. Лисни, сон берянь пачтницясь-сёрмадыцясь. Тон иля тално, сырькай. Минь Давол марто истямо давол вирьсэнть тейтяно! Кувать весе кармить ледстнеме.

 

Ветеце невтема

Даволонь даволозо

Даволонь ловонь кудозо. Стенатне, кияксось, потолокось — весемесь ловонь. Вальматне, кенкшесь — эень. Давол ашти озадо эземнесэ, чувтосто пеельсэ керси налкшке. Ловне аноксты-пурны стувор лангс ярсамопельть.

ЛОВНЕ. Покштяй, кодат прякат керсян: кельмезь чевгель эли чейумарь марто?

ДАВОЛ. Чевгель марто. Мон седе пек чапамненть вечкса… Чапаксонтень ламо эй ичить? Канзёрдыть?

ЛОВНЕ (апаркстомозь). Мерят, мон а содаса, кодат тон вечкат! Нама, канзёрдыть. Ансяк ушосто совавтынь… Якшамось течи виевне! Инепокштям, Якшаматя, улема, виензэ невтни. Ансяк течи сон мекс-бути пек кежей.

ДАВОЛ. Сырелгадсь, секс весень лангс кежиявтни. Тевень коряскак, тевтемеяк. Эряви марямс, зяро якшамо нолдамс. Мон, меремс, содан, зяро лов кандомс паксятнес, виртнес. (Чевтестэ варшты Ловне лангс.) Лиясто батюкинемгак лезды тень, чевте ловбельгинесэнзэ канды кеняркс ломантненень, ракшатненень…

ЛОВНЕ (визделгадозь). Тонгак, улема, сыредеме кармить, покштяй. Ламо кортамо кармить… Прякатненьгак стувтыть.

ДАВОЛ. Паро эно, кандыть. Икелевгак содан: сынь пек тантейть.

Ловне путы покштянзо икелев келей цяпласо прякат. Давол ушоды ярсамо. Ловне, озы каршонзо, вечкезь ваны лангозонзо.

ДАВОЛ. Сюк, Ловне! Пек тантейстэ андымик. Ней оймсемаль аламос.

ЛОВНЕ. Тон удок. Течи мон теветь топавтса. Чевте ловбельгинеть ёртнян…

Зярс Ловне уряды стуворонть, Давол матедеви, ушоды корномо. Корномадонзо вальмасо эеськак гайгезеви. Ловне пейдезь озы малазонзо, келей сэмесэ ушоды сравтомо покштязо тусто сакалотнень.

Маряви кенкшес чакамо. Ловне а кенери панжомо, кода каршонзо ливти Гулине, мельганзо капшазь кирнявты Ур атя.

УР АТЯ. Истя арсиньгак! Тесэ зыян поровтлангсо, а сон уды!

ЛОВНЕ. Мезе теевсь? Мезесь талновтыдизь?

ГУЛИНЕ. Раужо крёст марто кшнинь нармунть арсить каявомо паксянок, виренек, веленек, ошонок лангс. Эряви сынст сокоргавтомс даволсо, чаравтомс-велявтомс вармасо. Кадык пряст веляськадыть, кадык машты виест, ды сыненст а ёртовить лангозонок пшти нерь марто цюркатне.

ЛОВНЕ (токасы покштянзо). Покштяй, зыян, секень вант, тееви…

ДАВОЛ (теке эзь удояк). Мон весементь мария, Ловне… (Ур атянь неезь.) А-а, те тон, пулакшке! Кода вечксынь неть ракшинетнень! Пухлянят, лембеть! Эрьга, палатан.

УР АТЯ. А эряви! Кельмевтьсамак!

ДАВОЛ. Мон аволь кельмеян. Мон ансяк вармаван. Оймем ялатеке вечки лембе. Мон секс весементь ловсо вельтян, илязо кельме.

ГУЛИНЕ (апак цидярдо). Теде минь содатано, Давол покштяй. Ней лиядо…

ДАВОЛ. Мон мария весементь. Косот сынь, неть кшнинь нармунтне? Васолот?

ГУЛИНЕ. Маласот. Мон танкисттнэнь пеле ульнинь. Кулят тенст кудосто пачтинь, ней сёрмаст малавиксэст туртов кандан. (Кепедьсынзе сёлмонзо, конатнень алдо неявить цилимекс тапарязь конёвнеть.)

ДАВОЛ. Лисни, тон служиця-одиця. (Нардтни сельведтнеде начкомозь сельмензэ.) Эрьга, палатан, вечкевикс гулине.

Гулине озы Даволонь кедьлапушка лангс. Давол паласы пряс.

Ушмантнэнь ломантне свал вечкилизь. Вана зярдо ушманокс тееви нармунь!.. Шнатан, пазонь нармунь, пек шнатан. Кадык сёрмат свал пачколить сетненень, кинень сынь алтавить… (Велявты икелень кортамонтень.) Косот эно сеть, крёст мартотне? (Кежейстэ.) Ух, оймень саить! Ух, мон сынст! Те мезе истя? Ливтить маштомо сетнень, кить чачозь масторонь ды менелень мазылгавтомакс?! Маштомо сетнень, конатненень Пазось казсь эрямо? Эрьга, Ловне, сравтытяя сакалон. Сась шка кежень невтнемс!

Ловне саи седеяк покш сэме, ушоды покштянзо сакалотнень-чертнень сравтомо. Чевте обуця Даволсто тееви тандавкс, кона карми велямо вейке таркасо. Кудось пешкеди виев вешкемадо, выжнэмадо, кода эрси даволонь шкасто.

Ловне сайсынзе элезэнзэ Ур атянь ды Гулинень, вельтясынзе икельга пацясонзо.

Чаразь-велязь, Давол лиси кенкшка ушов.

Кудосонть тееви чопода, мейле сультезэ ёми допрок.

Сонзэ таркас сценась пешкеди качамонь тюсонь сувдо, конань пачк редявить цивтёрдыця пелькскеть.

Маряви моторонь увнома. Те менельга ливтить кшнинь нармунть. Сынь а неявить, ансяк увномаст яла виевгады-малавгады. Курок менельсэ кармить неявомо якстере толт.

Даволось виевгады. Неяви ёндолонь кивчкаема, маряви пурьгинень цяраема, кода эрси ансяк кизна.

Мотортнэнь увтост лавшомгали, шкань-шкань допрок лоткси.

Чоподасонть редяви Даволонь сулеезэ, кона ахоли кедьсэнзэ, теке тюри кодамояк асодавикс апаро вий марто. Окойники сон зярыяксть кепедьсынзе кедензэ верев ды виень путозь нолдасынзе алов. Эрьваксть теде мейле маряви виев зэрть ды аламос тееви општ.

 Окойники сэтьмелгады. Аламонь аштезь валдомгады, ды ашо паксясонть тесэ-тосо кармить неявомо кшнинь нармунтнень ловс нерькстнезь ирдезэст.

Давол, таркасонзо аштезь, вадяши сравтневезь-путлявозь черензэ ды сакалонзо. Сон несы, кода кшнинь нармунтнень алдо лисить колмо ломанть, конат оршазь кедень курткасо, прясост шлёмт, сельмесэст сельмукшт. Атянть редязь, сынь снартнить оргодеме, ёзмолдыть ловонть ланга.

ДАВОЛ (пурьгинекс). Аштеде! Кеденк верев!

Ломантне стить, пряст велявтсызь вайгеленть ёнов.

Тыненк мерезь: кеденк верев!

Ломантне топавтсызь кармавтоманть.

А ней налксетяно налксемасо. Канкстомодо!

Ломантне канкстомить, теевить ловонь палманекс.

Истя аштедеяк пингень прядовомас, зярс якшамось, псись, пиземетне ды варматне а сравтнетядызь челькекс. Ульниде — ды арастядо!

Давол велявты эйстэст. Каршонзо чии Ловне, конань лавтовлангсо ашти Гулине, кедьсэнзэ — Ур атя.

ДАВОЛ. Менелесь ванькс, Гулине. Ливтяк, пазонь нармунь, кандт паро кулят. Течи кить оля. Ансяк моньгак аволь свал сатыть виень ванстомс вадря ломантнень ды тынк раужо ойметнеде. Сынь ней пурныть седеяк покш вийть. Ней ливтяк, нармунь.

Давол ёртсы Гулинень верев. Ловне ды Ур атя ахолить тензэ.

 

Котоце невтема

Уцяскав чи

Микитань кудозо. Вальматне лекшевть. Пецькасо пукштордозь палыть пенгеть. Стуворонть экшсэ Анюра ды Бориска. Сынь кодыть варьгат фронтовиктненень. Пецьканть вакссо мадезь ашти Каргаля. Сон, ловт, пичкась. Яки аламодо кромождозь, ахоли сёлмосонзо.

БОРИСКА (тонгсы варьганть кедезэнзэ, раказеви). Солдатонь варьгатне дюниянь. Теке апак прядо сурварьгат. Кавто сурт ансяк. Колмотне прок а эрявитькак. Лепштнек ды лепштнек куроконть яттнэнь каршо.

АНЮРА. Нама, яттнэ ансяк текень теить, пряст ледемс максыть… (Ноцковтсы Борискань кедьстэ варьганть, тонгсы эсензэ кедьс.) Вантака, тонсесь монседенть паро лиссь. Кода тетят кецяволь, пачкодевельгак тензэ казнеть!

БОРИСКА. Мон варьгатнень потс сёрмадовкске путан: «Ушмонь 9102-це пелькс. Никита Андреевич Митякиннэнь…».

АНЮРА (домкасто лексти). Арась, цёрам, а пачкодить тетятень. Фронтось оно кодамо покш — чилисемасто чивалгомав… Ды те ялатеке. Лия солдат кедензэ эждьсынзе. А тонь тетятень варьгат коды лия цёрыне.

КАРГАЛЯ (уксты). Сон тынк истямо вадря! Теке монь тетям. Авамгак Анюра ёнов моли. Гулинеяк вадря. Сон превей, аволь кода Петря. Эно, сонгак вадря, ансяк прянь верьга кандыця… А Гулине…

АНЮРА. Тошнакадыть кисэнзэ?

КАРГАЛЯ. Тошнакадынь… Учан, учан эйсэнзэ, а сон яла а сы. Икеле истя эзь кирдевкшне.

АНЮРА. Миньгак Бориска марто мелявттано… Колмоце чи учотано. Течияк уш чопотеме кармась, сон яла арась…

Те шкастонть маряви вальмас чакамо. Истя чакакшны Гулине. Васенцекс пильге лангс сти Каргаля ды кромождозь каяви вальмантень.

КАРГАЛЯ (верев кирнявтнезь). Сась! Сась!

Каргаля састыне сырги кенкшентень, ансяк сонзэ икельдясы Бориска. Курок сон сови кудос. Лавтовонзо лангсо ашти Гулине. Каргаля чаразеви перькаст. Анюра венстьсы кедензэ Гулине ёнов. Тона ливти кедензэ лангс.

АНЮРА. Минь мелявтынек кисэть. Каргаляяк тонтеметь тарка эзь мукшно. Мезеяк лиссь?

ГУЛИНЕ (кекшезь). Истяк… Мезеяк… Тень кис мон моро тенк кандынь! (Визделгадозь.) Киря ды Микита кортыть, келя, те морось мондень… Мон тыненк сонзэ мораса, ансяк тынь васня сёрматнень ловнынк.

Гулине кепедьсынзе сёлмонзо. Анюра таргасынзе цилимнекс тапарязь сёрматнень.

БОРИСКА. Те сёрмась Киря лелянь. Ага патянь туртов. Авай, паряк, тонсь тензэ кандсак? (Прянь нолдазь.) Зярдо макссак сёрманть, сон сеске полавтови. Авардияк, пейдияк… Лангозонзо ванозь, монгак эль а аварьгадан. Монень а ён авардемс. Мон — цёра…

АНЮРА (сельведень пачк). Цёракс тонеть оштё кувать касомс, цёрынем. Ды пароль аварькшнемс ансяк кенярксто… Эрьга, ловныка тетять сёрманть.

БОРИСКА (ловны). «Вечкевиксэнь, Анюра ды Бориска! Минек весемесь ладс, живтяно, шумбратано. Минек кис илядо мелявто. Минь — танкистт. Т-60 танконь эчке лангось минек вансты кеместэ. Меельце тюреманть кис тенек макссть ордент. Андыть парсте. Ямгак, кашаяк… Пачтядо, мезе одось велесэнть. Кода тосо гулькатне? Мон тошнакалян кисэст. Валске лисят блиндажсто, варштат менельс… ды сы мелеть вешкстамс! Арсян, нейке кепетевель менельс гулькань полком… Кода тосо Каргаля? Ванстодо эйсэнзэ. Карготнеде масторлангсо кадовсть вельть аламо… Вастомазонок, вечкевиксэнь. Лиянть ёвтнесы Гулине. Паронь арсезь, Микита».

Анюра аварди. Бориска одов ушоды ловномо. Каргаляяк ванкшны конёвонть, теке бажи ловномс тосто эседензэ.

КАРГАЛЯ. Тосо, паряк, араськак шка минденек арсемс… Сон ялатеке а стувтни… Эрьга, невтика тарканть, косо минденек сёрмады…

БОРИСКА. Ды онот… Монь тетям кидеяк а стувтни. Гулькатнедеяк, тондетькак. Сон эдь тонь лемдезь тетят.

КАРГАЛЯ. Те кода истя, лемдезь?

БОРИСКА. Лемдезь — те… лемдезь…

АНЮРА. Ломантнень лемдезь тетясь — те се, кона эйкакшонтень максы омбоце эрямо.

КАРГАЛЯ. Те кода Микита монень?

АНЮРА. Малав истя.

ГУЛИНЕ. Валсо мерсь ёвтамс… Войнань салавачи те. (Ванкшны, кияк лия илязо маря.) Сынь анокстыть яттнэнь лангс каявомо… Тюреме.

АНЮРА (тандадозь). Вай, Осподи!

БОРИСКА. Тон уш сеске «Осподи»... Иля тандале. Сынь эдь минек оно кодат! Сынст орденэст улить! Танкосткак Т-60! Аволь покш, тень кис пек эряза!

ГУЛИНЕ (войнадо кортамотнень айгезь). Содатадо, блиндажсост улемстэнь од моро маринь. Теке мондень.

КАРГАЛЯ. Моро? Тондеть? Эли истят эрсить?

ГУЛИНЕ. Лисни, эрсить. Анюра, седяк гитарасо, мон лувонть ёвтаса.

Гулине ёвтасы лувонть, Анюра седи.

ГУЛИНЕ (ливти Борискань лавтовлангс, моры.)

Ки ульнесь фронтсо, икельцетнень ютксо,
Се идесы ды чарькодсы сонзэ,
Кона куломадо ды пулядо а пели,
Анок киштемс сазь тензэ сёрманть кис.
Якшамосо ды псисэ чентязь,
Зяроце ие войнава юты.
Мельганзо фронтонь почтальонтнэ
Кандыть сёрмат малавиксэнь пельде.

Анюра лотки седямодо, аварьгады.

БОРИСКА. Иля аварде, авай! Тетянень маштовомс а кода. Сон тонь оно кода вечктянзат! Моньгак! Сон весень вечксынзе. Гулькатненьгак, карготненьгак…

ГУЛИНЕ. Видеяк, Микитанень ды Кирянень а кода маштовомс. Сынь оно кодат кеме ялгат! Моросонтькак морави… (Моры.)

Колмо ялгат, колмо паро ялгат —
Боевой машинань экипаж…

Нама, сынь аволь колмонест — кавонест, ды ялатеке.

КАРГАЛЯ. Анюра, мезекс авардемс? Весемесь паро. (Лембестэ.) Моньгак ледстимим! Лисни, алкукс тосо сэтьме-паро... Вана мон киштян икелеть — ды весемесь ары таркаванзо.

АНЮРА (кеждязь). А илевне арась мелеть варчамс?

КАРГАЛЯ (раки). Кур-лур-лур, кур-лур-лур! Илевне зярс эзинь варчне.

АНЮРА. Сон киштевель! А мейле кода? Пильгеть ансяк пичкамо кармась. Кирдевть аламос… Сы шка — минь тонь марто кавонек кишттяно.

КАРГАЛЯ (вемельс празь). Эно паро. Молян сестэ Петря Петрич марто бакулян.

АНЮРА. Ансяк зярс киштемат стувтыть. Сон ялатеке а чарькодтянзат. Сон куш нармунь, ансяк аволь ливтниця.

КАРГАЛЯ. Тень кис мон ливтниця… (Весть кирнявты. Анюрань кежей чамазонзо варштавозь, энгами ды чумонь марязь нолдасы прянзо.)

 

Сисемеце невтема

Азор, ансяк аволь ванстыця

Микитань кардазозо. Саразтнэ ярсыть чувтонь очкинестэ. Перькаст чары Петря Петрич.

ПЕТРЯ ПЕТРИЧ (музгордезь). Ярсамопелень стяконь порицят! Андыть, андыть эйсэнк, ды весемесь стяко! Куш вейке алнэ алыявлиде… Аволь умок Бориска ормалгадсь… Кияк эйстэнк арсезевсь шумбрачидензэ?

ОДАВАКШКЕ. Саевлить ды тонсь алыявлить! Кие истямо якшамоне алыякшны? Бути ансяк тонь кондямось.

Саразтнэ, ярсамост аламос кадозь, раказевить.

ПЕТРЯ ПЕТРИЧ. Алыянгак! Невтьса тонеть, кода те теевкшни.

Те шкане косто-бути верде саразкенть лангс апак учо пры Карциган. Сехте икеле кекшеме напусти Петря Петрич. Мельганзо кардазс совить саразтнэяк. Карциган ушоды кундазь саразкенть калгамо.

САРАЗКЕ. Петря Петрич, идемак! Вай, пек мари, пек мари!

Петря Петрич салава ваны кенкшчирева. Саразтнэ тандадомадонть гайтевстэ котныть.

Те шкане кудокенкшесь панжови, ды ушов кирнявты Каргаля. Сон нерьсэнзэ кундасы Карциганонь кирьгадо, ушоды эйсэнзэ тей-тов ёртнеме.

КАРЦИГАН (пижни). Вай, повасамак! Истямо покшат, тонсь вишка ялаксот чават… Вай, вай!

КАРГАЛЯ. Розбойник! Эсеть сазорнэть лангс каявить! Истятнэнь каршо, кодамат тон, тусь азором тюреме. Моньгак идимим кшнинь лелят эйстэ, конатнень сёлмост лангсо крёстт… Кодак сорновттан, весе толгат ловонть ланга сравтовить!

КАРЦИГАН. Вай, а эряви… (Аварди.) Пизэсэ вачо левкскень… Сынь кулыть монтемень вачодо…

КАРГАЛЯ. Иля лавга, розбойник! Кодат левкст тельня?

КАРЦИГАН (лайши). Авакшкемгак ормалгадсь, тунь сокоргадсь…

КАРГАЛЯ. Вант, омбоцеде неемстэть прякасмот вариявтса!

Каргаля люкштядьсы Карциганонь пирявкс велькска. Саразкетне, виевстэ котнозь, лисить кардазсто, пуромить идицяст перька, мейле, кавто сёлмодо кирдезь, сайсызь сазорост, совавтсызь кардазс.

Каршост, прок мезеяк эзь теевеяк, прянь кепедезь лиси Петря Петрич. Каргалянь теке ансяк редязь, лоткави.

КАРГАЛЯ. Тон аволь атякш, Петрич! Тонь пацянть ды пулонть керямс, ды улят алыиця саразкекс. Куш алт пельдеть ялатеке а учовить.

ПЕТРЯ ПЕТРИЧ. Оймак, Каргаля! Те авакшкесь сонсь чумо — прянзо невтни. Секс Карциган редизе ды тонавтызе. Карми содамо, кода каршон кортамс.

КАРГАЛЯ. Ды кода каршот а кортамс, зярдо тон авакшкенть кадык ёмамо?! Монь тетям авань кисэ ки соды мезе теевель. Чумось сеске толгавтомо кадоволь!.. А тесэ… Мон ялаксокс лемдиксэлитинь… Якат ансяк прянь кепедезь…

ПЕТРА ПЕТРИЧ. Муевсь малавиксэсь…

КАРГАЛЯ. Чаво пря. Пря шнат мазый толгасот, пшти кенжесэть. Невтевлить кенжеть Карциганонтень!

ПЕТРЯ ПЕТРИЧ. Тонеть вадря. Тонь тетят-ават улить. Ризныть кисэть. Тунда кисэть сыть… Мон таго превтеме авакшкень марто ськамон кадован. Эно паро, молян кедьстэст чумом каявтса… Монень алкукс визькс. (Сови кардазс.)

Кардазсо лисезь тевенть мельга реди Бориска марто ве классо тонавтницясь, берянь обуця Сёмка. Зярдо Петря Петрич туи, сон салава чии Каргалянень ды ёрты лангозонзо чаво кескав. Каргаля пижакады, ансяк вайгелезэ а маряви. Сёмка канстонзо марто капшазь туи, стувтсынзе пекстамс ортатненьгак.

 

Кавксоце невтема

Берянь цёрыне

Сёмка кандсы Каргалянь кудов. Сайсы лангстонзо кескавонть. Каргаля сти пильге лангс, ванкшны пертьпельга. Сёмка, стакасто лексезь, кайси.

СЁМКА. Кодамо стакаят ды покшат! Теке куцькан. Кортыть, сынь тондеть покшт эрсить ды тенст монь кондят цёрынеть салавить. (Раки.) Тесэ монсь оно кодамо бегемот салынь.

КАРГАЛЯ (апак тандадо). Мезекс?

СЁМКА. Кисэть ярмакт саян.

КАРГАЛЯ. Тон монь мисамак? Кинень мон эряван?

СЁМКА. А арсянгак. Мон мартот сырган якамо малавикс велетнева. Тон кармат киштеме, мон ярмаконь таштамо. Мон содан, кода карготне киштить.

КАРГАЛЯ. Киштить… ды мезе?

СЁМКА. Мон карман тутушкасо седямо, тон — киштеме. Те тутушканть покштям каргонь пильгестэ теизе. Валгсть сынь пиже кснавдо калгамо, сон сынст — хлоп! (Ушоды тутушкасонть седямо, мейле — морамо.)

Карго ды каргава
Киштить «Боярава»,
Мартост вейсэ кишти цёраст —
Карть калавтсь уш истя ветенст.

КАРГАЛЯ. Превтеме тонь покштят. Тонгак истямат.

СЁМКА (ацирьгадозь). Монь покштям превтеме?! Сонензэ кснавонь ванстоманть кисэ орден макссть.

КАРГАЛЯ. Минь кснав а тапсетяно. Минь кизэнть ютавтнесынек чивалгома ёно. Тосо кснав арась.

СЁМКА. Сестэ лият кснавонть лангсо киштсть. (Апак цидярдо.) Эрьга, ванса, кода киштят. (Седи тутушкасо.)

КАРГАЛЯ. Иля седяяк, киштеме а карман. Монь пильгем сэреди, сёлмомгак аволь кеме.

СЁМКА (цидярдомань апак кирде). Теде мон содан. Ялатеке ней чалгават ды сёлмосоткак ахолят.

КАРГАЛЯ. Шумбра улевлиньгак, ялатеке а киштевлинь икелеть. Тынь зобнят. Эйкакштнень кедьстэ трёшникть пурнавлиде…

СЁМКА (сайсы стенасо эскес поводезь локшонть, згилязь). Вай, пиштяка! Пильгинезэ сэреди… Нейке пички… Покштянь самс тонадат киштеме… А кармат, минь кавонест пильгеть синдьсынек ды эйстэст од тутушкат тейтяно… Кармат-арась киштеме?!

КАРГАЛЯ. Мон валон ёвтынь: зобнятнень туртов а киштян!

Сёмка ахолды локшосонть, ансяк Каргаля икельдясы: нерьсэнзэ мезе вий пупстасы коняс. Сёмка сэредькстэнть пижакады апаро вайгельсэ, правтсы локшонть. Ёжос сазь, коми локшонть мельга. Те шкастонть Каргаля кирнявты копорензэ лангс, ушоды нерьсэнзэ прянзо пупстнеме. Тандадомадонть Сёмка ушоды рангомо, бажи пильгелангс стямо, ансяк Каргаля а нолды.

СЁМКА (гайтевстэ). Нолдамак… мон истя а карман…

КАРГАЛЯ. Нолдатан. Ансяк копореть лангсо пачтямак кудов. Анюра марто Бориска, паряк, уш талномо кармасть. Кадык сыньгак несызь, кодамат тон… превтеме зобня… Локшонть теске кадык, сон а эряви.

Сёмка, авардезь, ниле пильге лангсо лиси ушов. Каргаля, лангсонзо киштезь, моры: «Кур-лур, кур-лур…».

 

Вейксэце невтема

Ды таго ливтязь

Анюрань кардазозо чаво. Кардсто маряви саразонь аволь гайтев котнома, латопрясто — гулькань гулдордома, сёлмосо ахолямо.

Анюра ды Бориска, конань лавтовонзо лангсо ашти Гулине, мелявтозь якить кардазганть, вешнить ёмазь Каргалянь. Анюра панжадо ортатнева варшты ушов.

АНЮРА. Паряк, кискат тандавтызь, туевсь васов.

БОРИСКА. Ортатне пекстазельть, те пек парсте ашти мельсэнь. Кудосто кияк эзь лисне ушов, кияк тенек эзь сакшнояк…

Ушосто маряви Каргалянь морозо: «Кур-лур-лур-лу! Кур-лур-лу!» ды Сёмкань авардемазо.

ГУЛИНЕ (кенярдозь). Ды онот сынь! (Ливти велеушов.)

Курок ортатнева кумажа лангсо сови Сёмка. Копорензэ лангсо аштить Каргаля ды Гулине.

АНЮРА (тандадозь). Нишкепаз, те мезе истямось?

БОРИСКА. Мон содан, Сёмка бажась саламс Каргалянь. Сон умок кевкстни, зярдо пички каргось. Сон, келя, пек мазый. Дюния!.. Сон, марят, маштови ламо ярмаконь нажовамс.

СЁМКА (авардемань пачк). Те весе покштям… «Велеланга ушодтано якамо… Каргонь киштемат карматано невтнеме…»

АНЮРА. Саты уш… Каргаля, Гулине, валгодо лангстонзо. Сон чумонзо чарькодизе, истя тейнеме а карми…

Каргаля ды Гулине топавтсызь мереманть.

Кемемс-арась теть, Сёмка?

СЁМКА. Седе тов мон вейкеяк нармунь а токан… Мик вишкинеяк… Ней весе кармить пейдеме лангсон… Каргось ломань лангсо ардсь… Теке лишме лангсо… (Нирежди.) Мон эно туян?

АНЮРА. Азё, Сёмка, азё.

СЁМКА (Борисканень). Тон уш теде иля ёвтне, Бориска…

БОРИСКА. Паро, азё уш…

Сёмка капшазь туи.

ГУЛИНЕ. Берянь цёрынесь. Сон минек, гулькатнень, лангс кевсэ ёртнесь.

АНЮРА. Ней а карми… Пек парсте тонавтык сонзэ, Каргаля! Конясонзо таргозьксэсь — тонь тешксэсь?

КАРГАЛЯ (прянь апак шна). Превтеме сон. Паряк, превии… (Саразонь кардонть ёнов варштавозь.) Сеяк, паця ды кенже марто мазыгась…

АНЮРА. Ванодояк, менельсэ тештеть. Шка мадемскак. Ярсатано — ды оймсеме.

ГУЛИНЕ. Монень оймсемс а зярдо. Мон — сёрмань кандтний. Тынь, Анюра ды Бориска, сёрмадодо сёрма. Мон валске ранаяк сырган килангов… Чись нурькине.

 

Кеменце невтема

Т-60 танконть од эрямозо

Тюремань покш пакся. Куншкасонзо яжазь танконь ламо пелькстнэстэ теезь памятник. Пулемётонь трубась ваны менельс. Башнянзо лангсо валдо-якстере теште.

Памятникентень сы танкист. Кедьсэнзэ кшнистэ теезь цецянь пусмо. Те — Киря. Цецятнень путозь, сон сти кумажа лангс, комавтсы прянзо.

Верде лавтовонзо лангс озы Гулине.

ГУЛИНЕ (кенярдозь). Муидизь! Окойники муидизь! А мон ливтнян-ливтнян. Вейке таркасто омбоцес… Тынь яла седе икелев тутадо.

КИРЯ (сайсы Гулинень кедьс). Шумбрачи, Гулине! Мон пек кенярдан теть! (Прянь нолдазь.) Ансяк мон ней ськамон… Тонь азорот лия ялганзо марто уды тесэ… Вана сон… (Невтьсы буйлемензэ лия маштовозтнень лемест ютксто.) Митякин Никита Андреевич… (Ожасонзо нардасынзе сельведензэ.) Стака тень, ялгинем… Пек стака… Кода ней те кулянть Анюра марто Борисканень ёвтамс? Макст превть…

ГУЛИНЕ. Те тон макст тень превть… Монень эрямс сонзэ вечкевикс гулькатнень марто. Весе учить эйсэнзэ. (Карми ледстнеме.) Эрсесь, озат кедезэнзэ… Сон турванзо аравтсынзе, паламс макссынзе… А зярдо те лиссь?

КИРЯ. Сеске, кода тон туить кудонок ёнов… Кавто тюремасто лисинек. Колмоцестэнть понгинек певтеме толс. Сон маштовсь… Мон кадовинь.

Киря таго нолдасы прянзо. Танкистэнь шлёмось пры прястонзо. Кирянь оймавтомга, Гулине озы лавтовонзо лангс, ушоды састыне гулдордомо.

КИРЯ (тарги зепестэнзэ цилимнекс сювордазь конёвне, венстьсы Гулиненень). Вана меельце валонзо Анюранень ды Борисканень… Минь сонзэ марто ладякшнынек тюремадо икеле раськенек туртов сёрмат сёрмалемс… Акемемадо — кияк живстэ кадови… Те стака тевесь монень сатотсь. Монсесь, аванень, танксо мартонзо палсь… (Бажи менемс стака мельтнеде.) Тынк… Минек тосо уш тундо… Идемкатне пелевеёнксов сыргить ливтямо… Каргаляяк туи мартост…

ГУЛИНЕ. Тошнакадтано кисэнзэ. Сон тенек истят киштемат невтни, цяпазь сизят.

Сундерьгады. Менелесь аламонь-аламонь чополгады. Эзганзо сравтовить тештеть. Танконь панжадо люкстонть менельс ливти валдо нал. Менельсэ сон тееви покш тештекс, кона цитни ды липни.

ГУЛИНЕ (тандадозь лекшкады Кирянень). Те мезе истямось?

КИРЯ (а чарькодезь). А содан… Марсинь, куломадо мейле ломаненть оймезэ туи эрямо Каргонь Ки лангс ды тееви тештинекс. Паряк, те тештесь улияк Микитань оймезэ…

 

Кевейкееце невтема

Тештетнес, тетянстэнь

Микитань кардазозо. Чокшне. Менельсэ вейке омбоце мельга кирвазить тештеть. Анюра ды Бориска аштить кузтемлангсо, ваныть менельс. Борискань лавтовлангсо — Гулине. Аламодо веёно эйстэст — Каргаля. Сон пек нусманя.

БОРИСКА. Авай, тон редик кудонок велькссэ од тештенть? Сон валдо-валдо! Ды кончтни… Ансяк аволь истя, кода лиятне… Теке пейди. Кода тетям.

АНЮРА. Маряви, те улияк тетят, цёрынем. Сонзэ оймезэ теевсь тештекс ды мусь тарка Каргонь Кистэнть.

ГУЛИНЕ. Минь Киря марто, зярдо аштинек вейсэнь калмонть вакссо, косо калмазь Микитаяк, неинек, кода танконь панжадо люкстонть лиссь валдо нал ды мейле, менельсэ, теевсь валдо тештекс.

АНЮРА. Сон истямокс ульнеськак эрямстонзо… А ней сон эрьва чокшне карми аштеме кудонок велькссэ ды ваномо лангозонок.

БОРИСКА. Ней мон эрьва чокшне карман лиснеме сонзэ марто вастовомо. Сестэ, паряк, сонгак а карми тошнакалеме минек кис.

КАРГАЛЯ (теке эстензэ). Паро улевель мартонзо вастовомс. Ливтямс Каргонь Кив ды муемс те тештенть.

БОРИСКА (варшты лангозонзо). Те теевикс?

КАРГАЛЯ. Миненек, карготненень, теевикс. Эрявить кеме сёлмот, кодат минек.

БОРИСКА. Эх, косто бу саемс истят сёлмот?! Мон ливтявлинь тов карготнень марто, муевлия тетянь, кортавлинь мартонзо… Вензэ перть, зярс тештетне палыть, зярс оймезэ липни…

АНЮРА. Монгак ливтявлинь тов, цёрынем! Ансяк ломаннень те а тееви… Ломанесь — аволь нармунь.

БОРИСКА. Бути Каргалянь аванстэнь ды тетянстэнь пшкадемс? Паряк, сайсамизь минекак? Куш ансяк монь… Мон кортавлинь тетянь марто ды мекев тонеть велявтовлинь… (Каргалянень.) Тон тонсь Каргонь Кинть видьс ливтнить? Те васоло?

КАРГАЛЯ. А содан. Мон зярс тов эзинь ливтне. Ансяк ледстнян, зярдо ливтилинек, Каргонь Кись пек вере аштиль…

БОРИСКА. А бути сёлмот теян? Тонавтыцянок, Зоя Петровна, ёвтнесь, келя, кавто ломанть, тетя ды цёразо, нармунень толгасто ды штасто тейсть эстест сёлмот ды тусть ливтязь. Ансяк цёрынесь кепететсь пек верев. Чипаесь солавтызе штанть, ды сон прась. Мон а кепетевлинь пек верев. Монень ансяк тетянь неемс…

Чополгадыця менельстэнть каяты каргонь турдолдома. Васенцекс тень марясы Каргаля. Сон нацяс кепедеви пильгелангс.

КАРГАЛЯ. Марясынк? Неть монсетне!

Турдолдомась малавгады.

АНЮРА. Ды неть каргот!

КАРГАЛЯ. Те монь полком! Сынь сыть монь мельга! (Кунсолозеви.) Онот, авань ды тетянь турдолдомаст марявить!

Каргаля ушоды киштеме: кирнявтни, сёлмосонзо ахоли, гайтевстэ турдолды. Сонзэ марязь, турдолдыть малавгадыця карготнеяк.

Курок Карго ды Каргава валгить верде, арыть цёраст ваксс ды кармить Каргаля ладсо киштеме. Кенярксоволь те киштемась, валдоль. Киштемаст прядозь, Карго ды Каргава сюконить Анюранень ды Борисканень.

КАРГО. Миненек Каргава марто, арсян, зярдояк а пандови паронк цёранок идеманть кисэ…

КАРГАВА. Паряк, мезеяк теема тынк туртов?

БОРИСКА (сонсь а соды, кода мени кургстонзо). Монь ули мелем пачкодемс мартонк Каргонь Кив… Тетянь неевлия… Оймензэ… Сон маштовсь фронтсо… Танкистэкс ульнесь… Калмазь тосо, косо ней война моли…. Вейсэнь калмосо. Оймезэ тусь ливтязь Каргонь Кив…

АНЮРА (тандадозь). Тон мезть, цёрынем?! Монь кадовлимик?! Кода мон ськамон карман эрямо?

БОРИСКА. Мон аволь кувать, авай. Кортан тетянь марто — ды мекев сан.

КАРГО. Мелеть чарькодеви, цёра. Ансяк кода улемс аватень тонтеметь? Вана минь Каргава марто зняро мелявкст печтинек, зярдо кадынек цёранок. Вейкесь оймавтсь — Каргаля паро ломанень кедьсэ.

БОРИСКА (авардезь). Авай, монгак паро карго марто туян. Каргаля прок ялаксом.

КАРГО (раки). Ужока… Кода тон ливтямо снартнят? Сёлмот арасть… Тетять видьс таркась аволь нурькине. Школасо истят васолкстнэде эзть ёвтне тенк?

БОРИСКА (талакадозь). Виде, мон теде эзинь арсе… (Апак учо.) Тынь эдь ливтнетядо!.. Тетянь кис пек тошнакадынь, неевлия…

КАРГО. Несак, нолдындерятанзат ават… Мон пачтятан тов ды мекев. Макстано теть сёлмот. Мазыйть. Ашот. Пест раужот. Полконь эрьва каргось максы толга — вана теть сёлмот… (Анюранень.) Нолдык, Каргаля вакссо карми ливтямо. Минь Каргава марто карматано ванномо мельгаст.

АНЮРА. Каргаля мартояк стака явомс. Сон истямо превей! Истя пек лездась тенек.

КАРГАЛЯ (визделгадозь). Мезть тон, Анюра…

АНЮРА. Эли а истя? Карцигандо саразонок идизе, берянь цёрыненть превензэ витинзе, Петря Петричень каштанчинзэ валгстызе…

КАРГАВА (сельведь марто). Сон монь истямо…

БОРИСКА (кемевезь). Ну, кода, авай? Мон тов — ды мекев.

АНЮРА (сельведень нардтнезь). Ансяк тон, цёрам, тетять весемеде кевкстник: кода тосо, тоначисэ, эри, мезде ярсы, кодамо тев тензэ макссть… Пароль, трактористэкс ладявлизь… Сон модавтомо а эряви. Сокамс, видемс — те сонзэ эрямозо…

БОРИСКА. Весемеде кевкстнеса, авай…

КАРГО (чумонь марязь). Минь тутано. Валскес эряви теемс сёлмот…

АНЮРА (аварди). Истя курок. Мон казне кодамояк а кенерян анокстамс…

КАРГО. А эряви. Сталмо марто а ён ули ливтямс. Казнекс сонсь ули. (Ваны Бориска лангс.) Миненек шка велявтомс полкс.

КАРГАЛЯ. Тетяй, паряк, мерят венть печтямс Анюра ды Бориска марто? Паряк, икелепелев неемаяк а ули.

КАРГО. Нама, удок тесэ. Ды туемстэ иля стувто сюконямс те кудонтень, косо тонь идидизь. Валске марто сатано кисэнк.

Анюра аварди, кутмордасы Борискань.

Иля аварде, ава. Цёранть ули мелезэ молемс тетянзо, солдатонть ёнов. Те ней сехте эрявиксэсь. (Каргаванень.) Кепетевтяно менельс… (Лисить ортатнева.)

Кузтемлангсо, вейке-вейкес лекшкадозь, аштить озадо Анюра ды Бориска. Вакссост Каргаля ды Петря Петрич. Гулине Борискань лавтовлангсо.

Маряви сёлмонь ахолямо. Ортава совить Карго ды Каргава.

КАРГО (сюкони Анюранень). Иля аварде, ава. Аволь эрьва ломанентень савкшны кепедевемс менельс. Истя, кода Бориска вечксы тетянзо, аволь эрьвась машты. Сон аламотнестэ вейке, кона топавтсы мелензэ. Сонзэ бажамозо — пачкодемс тештетненень — сасави. (Сравты ашо сёлмот, конатнень пест раужот.) Тонгитя, Бориска. (Анюранень.) Иля мелявто, ава, минек карготнень сёлмост кеметь.

ГУЛИНЕ. Саемизь моньгак. Монгак пек вечкса азором. Монень сёлмот а эрявить. Эсень улить. Сыньгак кеметь. Оно зяроксть фронтов ды мекев ливтнинь…

КАРГО. Мон содан, Гулине. Тон а пелиця ды кемевикс сёрмань кандтниесь. Фронтсо тонтеметь а кода. Одяк солдаттнэнень, зярс войнась а прядови.

ГУЛИНЕ. Тон содат, кода стака пачтнемс берянь куля марто сёрматнень?

КАРГО. А содан, ансяк чарькодян.

ГУЛИНЕ. Зярдояк эдь фронтонь сёрмат а улить… ды берянь куляткак…

КАРГО. Те виде. Тень ансяк учить солдаттнэ ды сынст малавиксэст… Миненек эряви капшамс. Чипаесь кармась стямо. (Борисканень.) Велявтт тенек кутьмере ёндо. Карматано пурнамо килангс.

Карго ды Каргава кемекстасызь Борисканень сёлмотнень.

Ахоляк, Бориска, сёлмотнесэ ды кирнявт. Вансынек кемечист.

Бориска топавтсы меремаст. Сёлмотнесэ ахолязь, сон васняяк перьгеди моданть эйстэ, мейле валги теке таркантень.

БОРИСКА (абунгадозь). Авинем, мон ливтнян! Те истя паро! Истя тетянень курок пачкодян.

КАРГО. Арась, Бориска, шожда ливтямо а ули.

АНЮРА (авардезь). Тон састыне, цёрынем… Кунсолок полконь ветицянть. Тетятень кись пек кувака!..

КАРГАВА. Иля ризнэ цёрат кис, Анюра. Кемть тенек. Карготне — кемевикс нармунть… (Ливтямо сыргицятненень.) Сюконядо Анюранень…

Весе сюконить Анюранень. Гулине озы азораванзо лавтовлангс, апак лотксе ахоли сёлмосонзо. Истя сон ильти туицятнень. Анюра, Петря Петрич ды Гулине лоткить орталангс, ваныть, кода карготне ды Бориска кепедевить менельс.

 

Кемгавтовоце невтема

Мода лангсо седе паро

Тесэ-тосо теште марто чопода-сэнь менель. Редявить башка тештеть, тештепурнавкст: Валскень Теште, Покш Кече Пуло, Вишка Кече Пуло.

Менельсэнть редяви каргонь ливтиця полк, кона яла кепедеви седе верев. Тештетнеяк яла седе покшолгадыть, валдомгадыть. Карготне ливтить сэтьместэ, ансяк шкань-шкань маряви аволь гайтев турдолдома. Полконь ветицясь, Карго, карми ёвтнеме Борисканень тештень киденть, конань коряс карготне мукшносызь кудост. Марявить ансяк вайгелест.

КАРГО. Тештетнень эрямонь эсест коест. Сынь кирдить ялгаксчи, тейнить велеть, ошт, кода ломантне. Вана вант: вить ёно Кавтаськеть, лангсост — Покш ды Вишка Кече Пулотне, ютксост — Пелевень Тештесь, седе товоло — Курцякскетне… А ней вант: минь малавгалетяно Каргонь Кинтень.

БОРИСКА. Неса! Миньгак, ломантне, веть сонзэ коряс кудов ки мукшнотано.

КАРГО. Виде. Сон ашти ламодояк ламо тештестэ. Неть тештетне, кода арсить ломантне, — кулозтнень оймест.

БОРИСКА (кенярдозь). Лисни, курок тетянь несынек?!

КАРГО. Арсян, несынек. Ансяк вадрясто вант. Тон — цёразо. Сонзэ оймензэ тон эсеть седейсэ марясак…

Тештетнень ютксто редявить цёрань, авань, эйкакшонь, солдатонь, матросонь, лётчикень, танкистэнь чачот. Апак учо каргонь полконть икелев сти танкистэнь оршамосо цёрань чачо. Бориска содасы сонзэ.

БОРИСКА (пижнезь). Тетяй! Тетинем! (Каяви тетянстэнь, тона ашти таркасонзо, аварди.)

МИКИТА. Монень а кутмордаваткак, цёрам, мон ней аволь ломанян, — оймеян. Мон эрян лия эрямосо. Ансяк мон нетядызь, ризнан, талнан кисэнк… Рунгом ды кедень, конат вадяшасть принеть, кадовсть тосо, войнасо, палозь танксонть. Ансяк мон ялатеке улян. Ялган ледстнемасо. Берянь, мекс явовинек Киря марто. Сонзэ ней лият ялганзо, лия танкозо… Кадык сон шумбрасто-парсте велявты кудов.

БОРИСКА (авардезь). Кода эрят тесэ, тетяй? Авам истя мелявты кисэть, апак лотксе аварди.

МИКИТА. Минь пек вечкинек вейке-вейкенек, цёрам. Те вечкемась кирдияк монь тесэ, цёрынем… А стувтындерясамизь, карман эрямо седе товгак… Тестэ, тештень масторсто, мон карман ваномо лангозонк, арсеме тенк паро…

БОРИСКА. Мон мартот кадовлинь, тетяй… Тон истямо вадрят! Откерят! Оно зяро ятт танксот маштыть…

МИКИТА. Арась, цёрынем. Тонь шкат — улемс мартон — зярс эзь са… Иля капшавтт тень. Сон сонсь сы. Мейле… Тонь масторлангонь теветь ансяк ушодовить. Сокамс, видемс, моданть цецясо мазылгавтомс… Седе паро тевть масторлангсонть арасть… Тосо, моданть лангсо, истя мазый, вадря! Чувтот, лейть, сюронь паксят! Виде, тесэяк ули мазычи. Ансяк якшамо. Тештетнеяк кельметь. Эрямо, кодамо мода лангсо, арась. Арасть малавикст, ялгат, конатненень молевлить инжекс, моравлить, киштевлить мартост покш чистэ… Эряк тосо, авать марто, цёрынем. Монь покштояк покш мелем — улемс мартонк — а топавтови. Мон ульнинь трактористэкс, танкистэкс… Ломанесь сеедестэ манчеви. Лиясто сон калавты се мазычинть, конань сонсь теи… Мон кода маштынь ванстынь те мазычинть… Ды вана мон тесэ…

БОРИСКА. Мезе эно тень теемс, тетяй? Ськамот тесэ тошнакалеме кармат…

МИКИТА. Нама, карман. Ансяк аваткак, ськамонзо кадовиндеряй…

БОРИСКА (мелявтозь). Видеяк, сон истякак а лоткси авардемеде.

МИКИТА. Иля мелявто, цёрам. Тынь свал карматадо монь марто. Мон карман ваномо мельганк, ванстомо зыяндо. Арседе вейкеде: зярс а стувтсамизь, мон карман эрямо. Тон, цёрынем, лиядояк иля стувтне: мода лангсо тетят ульнесь эрявикс ломанекс. Сокинь мода, видинь-кастынь сюро, шка сась, туинь ятто модам-мастором ванстомо. Ней сюконятано вейке-вейкенень ды явтано. Кадык Карго пачтятанзат аватень.

Карго ливти малазост.

КАРГО (Микитанень). Мон топавтса тень, Микита… Сёксня, мекев ливтямстонок, ульть теке таркасонть, кармавтомат-валот пачтясынек малавиксэть туртов.

Бориска сюкони тетянстэнь ды ары Карго мельга. Сёлмосост ахолязь, сынь туить ливтязь ды курок ёматыть.

 

Кемголмовоце невтема

Эрямось поладови

Анюрань кардазозо. Тундонь чокшне. Менельсэнть неязевить тештеть. Васенцекс, валдосто кончтнезь, лиси Микитань тештезэ.

Кузтемлангсо аштить Анюра ды Бориска. Борискань лавтовлангсо — Гулине. Маряви гулькань гулдордома. Кудораськесь лиссь Микитань тештензэ марто вастовомо.

Косто-бути верде марявить асодавикс гайтть. Весе варштазевить менельс. Микитань тештезэ седеяк валдомгады. Маряви Микитань вайгелезэ.

МИКИТА. Шумбра чокшне, малавиксэнь! Мон тошнакадынь кисэнк. Колмо чить пиземепельтнень пачк эзиде неяво… Тень кис течи прок маласотадо… Кода тон касыть, цёрынем! Курок монь полавтсамак. Азорокс кудосонок улят. Тунь аволь умок берякшкелить, пондаря принелить. Истямолить се фотографиясонть, конась мартон танксо палсь… Авать фотографиязояк палсь… Сон тосо истямо мазыель, вадряль, ашо носка марто туфлинесэль…

Анюра, менельс ванозь, нирежди.

Иля аварде, Анюра. Тон эдь зярдояк а авардилить… Ды авардемскак а мезень кисэль… Нейгак… Цёранок оно кодамо! Тетянзо полавтыця!

БОРИСКА. Тон а полавтоват, тетяй. Тон ськамот истямат. Авамгак ськамонзо… Тон иля мелявто кисэнек. Минек весе вадря. Оно Петря Петрич нувси. Чокшне сон беряньстэ неи, сокоргали… А Гулине… Сон вечки лавтовом лангсо аштеме. Истя, кода аштиль тонь лавтовот лангсо… Сёрмат ней а кандтни. Пели, а мусы Киря лелянь, сон ней танконзо марто косо-бути лия масторсо. Газетасо сёрмадыть, келя, минек ушмотне пачкодсть яттнэнь прявт ошс… Лисни, минек ушмантнэ курок сыть кудов… Ансяк тон ютксост а улят. Берянь тонтеметь, тетяй!

МИКИТА. Содан, цёрынем… Ансяк тон иля арсе, прок тонь тетят арась. Сон ули. Эри. Ансяк ялганзо марто эри тиринь кудодонзо веёно. Ды эрямо минь карматано семс, зярс а стувтсамизь.

 

Шаршавось новоли.

Медвежий угол

Пьеса для кукольного театра по мотивам мордовских сказаний

 

Действующие лица:

ДЕД ПИЧАЙ, пасечник

ИНЯВА, его внучка

ВИДЯЙ, ее жених

ОВТАЙ, медведь

ОВТАВА, медведица

МИШКА и МАШКА, их медвежата

ТЕТЯ ЗАЯ, зайчиха

ВИРЯВА, божество леса

МОДАВА, божество земли

 

Картина 1

Ради деток малых

Лес. Утро. Берег реки. Через небольшие кусты виднеется блеск ее быстро текущих волн. Поют птицы. Где-то кукует кукушка, стрекочет сорока. Вдруг в эту лесную музыку врываются звуки двух ружейных выстрелов. Птичий гомон сразу же прекращается. Нарушает тишину лишь журчание реки.

Вскоре, тяжело дыша, из-под толстых деревьев выходит медведица Овтава, неся в охапке деревянную колоду-улей. Опустив улей на землю, она устало опирается передними лапами о крышку колоды, тяжело дыша.

ОВТАВА. Уф, вырвалась-таки! Думала, старик еще не проснулся… Слышала, как храпел под навесом своего домика… А он, старый пень, как пальнет в меня! Да еще и второй раз… А дробь как засвистит мимо моих ушей!.. Так и детишек своих без матушки оставишь. Надо думать, пасечник дед Пичай теперь от барина своего получит! А может, как-нибудь обойдется… Вон сколько ульев на его пасеке… Может, и не заметит пропажу… А мне не одним же молоком Машку с Мишкой кормить… Они у нас с Овтаем вон какие хорошие! И красивые! Наши детки, наши медвежатки… Им же и сладенького хочется… (С любовью.) Да еще один ребенок у меня… Мой медведик, мой Овтушка… Недавно на день рождения вон какие подарки мне преподнес! (Погладив шею.) Вот они! Две связки бус. Вот эта — из желудей. Будто янтарные. Так и светятся! А эта — из дубовых яблочек, что на листочках красуются: пестренькие, красненькие, синенькие… (С беспокойством.) Как он там, мой болезный? Пересидел в речке — рыбу ловил… Простудился… Кашляет и чихает… Вот и пришлось самой на охоту выйти. (Сбрасывает с колоды крышку.) Ну-ка, посмотрим, что нам пчелки нанесли… (Вытаскивает из улья рамку с медом, рассматривает.) Вот молодцы! Уж такие молодцы! Теперь Машке с Мишкой есть чем полакомиться. (Быстро вставляет рамку с медом на место, начинает отмахиваться, приседать, кружиться вокруг колоды.) Ай! Налетели! Отстаньте! Я же не для себя… Для детишек своих… Мишки с Машкой… (Поднимается во весь рост, обозленно.) Ужо я вам! Конечно, я понимаю, как жалко расставаться вам со своим медком. Еще бы: от цветка к цветку летать, сладкий сок по капельке собирать…

Берет колоду в охапку, несет к реке. Видно, как она несколько раз опускает улей в реку, поднимает, прислушивается, жужжат ли пчелы, после чего несет колоду снова на берег и еще раз прислушивается, живы ли пчелы.

Ну вот, успокоились… Теперь и старика своего подлечу, чаем с медком напою. И ребятишек своих побалую… (Поднимает колоду на берег, еще раз прислушивается, жужжат ли пчелы, и, успокоившись, закрывает улей крышкой. Раздается ружейный выстрел. Овтава опускает голову на колоду и медленно приседает на землю.)

ОВТАВА (с болью). А Машка с Мишкой как же теперь?.. И Овтушка мой?..

Овтава замолкает, пытается встать, падает на голову и кубарем скатывается в реку. Слышится сильный всплеск.

Через какое-то время, осторожно продвигаясь вперед и держа ружье наготове, выходит пасечник Дед Пичай. Подойдя к колоде, он замечает следы крови, но медведя не видит. Посмотрев вниз, в сторону реки, и никого не обнаружив, он возвращается к улью, снимает крышку, поднимает друг за другом несколько рамок.

ДЕД ПИЧАЙ (плачет). Ни одной живой души! Ах, разбойник! Ах, ворюга! Медку захотелось ему… Какую семью погубил! Самую крепкую, заботливую… Теперь барин меня со свету сживет. Разлютуется… У него каждая пчелиная семья, каждый фунт меда на учете… Потребует расплатиться за каждую погибшую пчелку… Последнюю шкуру с меня сдерет… И как я теперь свадьбу внучке сыграю? У меня и была надежда только на пчелок. Думал, выделит сколько-нибудь медку барин, продам его, куплю внучке приданое — шубу, сапожки, телочку… А этот, басурман, где? (Увидев на траве кровь, меняется в лице.) Не убил же я его… Я только поругать хотел… И стрелял-то выше его головы… Утопнуть-то он не утопнет… Лучше нас плавает… Даже рыбу в воде ловит… А может, на тот берег переплыл?.. Поди, у него и детишки есть… Малые… Подсластить им язычки хотел… Вот и подсластил… Пришел бы ко мне — сам бы ему туесочек налил… А теперь… Вирява накажет меня за него… Она каждого зверя защищает… Только, боюсь, теперь не одному мне, но и моим пчелкам помешает работать… Но дело-то уже сделано. Что уж будет… А в этот улей новую семью переселю…

 

Картина 2

Без мамы плохо

Просторная изба — логово Овтая, устроенное глубоко под корневищем огромного дуба. Стенами жилища являются густо переплетенные корни дерева. В избе довольно светло. Солнечный свет падает через два окна под самым потолком, там, откуда начинают разветвляться корни дерева. Выход на улицу происходит через дверь, встроенную в нижние сплетения корневищ дуба. Дверь приоткрыта. В проеме виднеется земляная лестница, ведущая вверх, к солнцем залитой площадке перед входом в жилище.

В избе чисто. Чувствуется, здесь обитает культурная семья. На окнах — занавески, стол покрыт вышитой скатертью, две кровати для медвежат и одна, большая, для батюшки с матушкой. Вдоль стены, под окнами, стоит широкая лавка, вместо табуреток к столу приставлены два больших чурбака с приделанными к ним спинками.

Изба наполнена ревом медвежат. Папа-медведь Овтай, посадив на руки Мишку с Машкой, ходит по комнате, качая их и напевая песню.

ОВТАЙ

Ну-ка, Машенька,
Не реви, не реви!
И ты, Мишенька,
Замолчи, замолчи!
Пойдем с Машенькой
Во лесок, во лесок,
Нарвем ягодок
Туесок, туесок.

МИШКА (сквозь слезы). А меня куда?

ОВТАЙ. Тебя — с нами.

МИШКА. А как ягодки будешь рвать? Зубами?

ОВТАЙ. Почему зубами?

МИШКА. А лапы-то у тебя обе будут заняты. На них же мы сидеть будем.

ОВТАЙ. А я вас на травку посажу. Вы и будете своими лапками ягодки собирать. Вот матушка удивится! Вот как похвалит вас! «И медвежатки мои уже выросли!» — скажет.

МАШКА. Не скажет…

ОВТАЙ. Почему не скажет?

МАШКА. А нет нашей матушки… Пропала… Пошла в лес и заблудилась…

Медвежата заревели пуще прежнего. Овтай растерянно ходит с ними по избе, не зная, как унять их.

МИШКА. Я к маме хочу… Кушать хочу… Молочка…

МАШКА. Я тоже молочка хочу… Вон у теткиного Аношки пузо вот-вот лопнет… Насосался мамкиного молока… А у меня в животике совсем-совсем пусто…

МИШКА. И у Марфутки ихней пузо как луна. Круглое-круглое… А мое, послушай, батюшка, как гырчит… Гыр-гыр-гыр. Гыр-гыр-гыр…

По земляным ступенькам в медвежью берлогу спускается Зайчиха Зая, громко стуча палочками по барабану, висящему у нее на груди, делая это для успокоения медвежат. Чувствуется, она здесь не впервые, поэтому ведет себя как дома. Поздоровавшись и окинув взором орущих Машку с Мишкой, она садится на один из чурбаков-кресел, продолжая бить в барабан и заглушая рев медвежат.

ТЕТЯ ЗАЯ. Эт-то что такое?! Весь лес вверх корнями подняли! Что у вас случилось?

МАШКА. У нас матушка пропала, тетя Зая…

МИШКА. Мы голодные… Молочка хотим…

МАШКА. Ходили к тетке… Напоила нас немножко…

ОВТАЙ. Как тебе не стыдно, Машка? Вчера же сыты были…

МИШКА. Да-а, то было вчера… А сегодня…

ТЕТЯ ЗАЯ. Сегодня… И сегодня, и завтра, и… послезавтра нужно ждать… Придет ваша матушка. Придет. Задержалась где-то. Наверно, рыбку для вас ловит…

МИШКА. Да-а, ловит… Вон, в прошлый раз и батюшка ловил. Днем ловил, а вечером пришел. И такую большую рыбину принес!

ТЕТЯ ЗАЯ. А матушка еще больше принесет… (Не может смотреть на медвежат.) А пока я вас немного покормлю…

ОВТАЙ (усмехаясь, с болью). Да что ты, Зая… добрая ты душа… После них что у тебя своим ребятишкам останется? Ведь у тебя их вон сколько!

ТЕТЯ ЗАЯ. Да уж! Целых шестеро… (С любовью.) Такие мягонькие, такие пушистенькие!

ОВТАЙ. Ну вот, видишь… А этим насосам знаешь сколько надо!

ТЕТЯ ЗАЯ (в сердцах). Да знаю я… Но ведь что-то надо же делать… (Повеселев.) Нашла я! Нужно лосиху Зорьку попросить. Она добрая. И молока у ней много. Ее теленочек уже и сам травку щиплет…

ОВТАЙ (повеселев). А что, может, и вправду… (Понурив голову.) Не даст. Я — медведь… Ее враг… В прошлую осень мой дед ее телочку зарезал… Забоится меня… Увидит — спрячется…

ТЕТЯ ЗАЯ (с осуждением). Все вы такие, лесные хозяева! Сильны, пока вас другая сила не задавит. А кланяться, просить помощи у более слабых — считаете выше своей гордости. Ну да ладно. Ты нам и не нужен. Мы найдем тетю Зорьку в лесу. Я знаю, где она бывает. В осиннике… Осиновые ветки она любит. Найдем — и молочка попросим. Может, и про запас даст. На завтра. Ты же вот что… Налови рыбы, набери малинки. Малинка с молоком — это такая радость будет для Мишки с Машкой! (Тетя Зая снимает с груди барабан, ставит на стол, передает медвежатам барабанные палочки.) Стучите сильнее. Пусть тетя Зорька услышит нас и приготовит нам молочка. А мы придем к ней, попьем ее молочка, спасибо скажем. Придем домой, батюшку с охоты будем ждать…

Медвежата начинают стучать палочками по барабану. Тетя Зая отворачивается, отходит в сторонку, где стоит пустая столовая посуда, делает вид, что отбирает для молока берестяные туески. Овтай понимает, что Тетя Зая скрывает от него что-то важное, подходит к ней.

ОВТАЙ. Ты что-нибудь знаешь?

ТЕТЯ ЗАЯ. А что?

ОВТАЙ. О матушке моих медвежат. Об Овтаве.

ТЕТЯ ЗАЯ. Да нет… Откуда ты взял?

ОВТАЙ. Я же вижу…

ТЕТЯ ЗАЯ (мнется). Да тут, говорят… Сорока все трещала…

ОВТАЙ. О чем?

ТЕТЯ ЗАЯ. Будто ружье стреляло в лесу… Кто-то улей стащил с пасеки… Искупал пчел в реке, чтобы они все захлебнулись… И не жалили… А в это время ружье еще раз бабахнуло…

ОВТАЙ (обессилев, садится на стул). Я чувствовал… Это она из-за меня… Чаем с медком решила напоить… Горло мне вылечить… (Склонив голову, молчит.)

ТЕТЯ ЗАЯ (успокаивая Овтая). Да, может, это совсем не она… Мало ли Сорока настрекочет… Она и часу не проживет, если чего-нибудь не натрещит…

ОВТАЙ (задумавшись). Нет, это она… Значит, это было где-то вблизи от пасеки… Там малинник густой и рыба хорошо ловится…

 

Картина 3

Подарок невесте

Пчельник. Домик пасечника деда Пичая. Под окнами домика пристроен небольшой верстачок, на котором дед рубанком строгает тонкие дощечки. Здесь же, на верстаке, стоит незаконченная крышка пчелиного улья, приставленная к стене домика. Над ее завершением Дед как раз и работает. Рядом с ним на крылечке сидит его внучка Инява, вышивая свадебную рубашку для своего жениха Видяя.

ИНЯВА тихо поет для себя.

ДЕД ПИЧАЙ (прекращает работу, прислушивается к песне внучки). Голосок у тебя, внученька, что у матушки твоей. Небольшой, но теплый. Будто из сердца идет.

ИНЯВА. Да откуда же, как не из сердца? Ведь кругом так хорошо! И солнышко светит, и птички поют, и лес шумит, и речка журчит…

ДЕД ПИЧАЙ (продолжает, хитро). И сердечко ноет по Видяю…

ИНЯВА (стесняясь). Ну, дед… Так уж и ноет…

ДЕД ПИЧАЙ. А то я не знаю, внучка! Поди, и сам когда-то был молодым… И матушка твоя от тоски по твоему батюшке зачахла. Пошел на войну и не вернулся. А уж каким зятем он был для меня! Не знаю, кто больше любил его: мама твоя или я… (Замолкает, отворачивается.)

ИНЯВА (встает, подходит к дедушке). Не надо, дедушка… А нам с тобой разве плохо?

ДЕД ПИЧАЙ. Нам-то хорошо… А вот как с твоим Видяем будет… Уж больно скор да смел… Не обидел бы тебя в чем…

ИНЯВА (стесняясь). Да что ты, дед!.. Он хороший…

ДЕД ПИЧАЙ. Женихи все хорошие, внучка… (Дотрагивается до рубашки.) Ну-ка, покажи, что ты здесь вышила… (Рассматривает рисунок вышивки.) Ага, понятно… Вот твое сердечко, вот — его… Вот твоя лебединая верность… А где его верность?

ИНЯВА. Я не знаю такого знака… Спрошу его самого. Уж сам-то, поди, знает…

ДЕД ПИЧАЙ. Это было бы хорошо… Я-то знал. Потому с бабушкой твоей мы хорошую жизнь прожили… Только вот теперь… как пойдет у нас…

ИНЯВА (обеспокоившись, видя печаль на лице деда). Что-нибудь случилось, дедушка?

ДЕД ПИЧАЙ (чуть улыбнувшись). Да ничего такого… Только вот… обещанной приданки сделать уже не смогу… Барин накажет меня…

ИНЯВА. Из-за улья?

ДЕД ПИЧАЙ. Из-за него. Это же был лучший улей в его пасеке… Медом пчел из этого улья он перед всеми гостями похвалялся…

ИНЯВА (улыбаясь). Ну-у, дедушка… А я так испугалась! Разве в наследстве дело? Был бы ты у нас… Остальное мы с Видяем… (Застеснявшись.) Уж положись на нас…

К лесной сторожке подходит Видяй. На нем охотничья одежда — куртка, подпоясанная патронташем, сапоги с высокими голенищами, кожаная кепка. На плече двустволка.

ВИДЯЙ (весело улыбаясь). Шумбра чи*, дед! Здравствуй, Инява…

ДЕД ПИЧАЙ. Здравствуй, сынок. Ты куда это в такую рань?

ВИДЯЙ. Да какая же это рань, когда солнышко вон оно где.

ДЕД ПИЧАЙ. Солнышко-то, может, и высоко, да до охоты еще не дошло… Виряву спрашивал, можно ли в его лес заходить?

ВИДЯЙ (весело). А я ее обману. Потихоньку, без хруста буду бродить по ее лесу… Да мне многого и не надо. Двух куниц, двух лис на воротник и опушку к шубе Инявы… Может, кто-то еще встретится… Нам с ней многого не надо. Ноги-руки у нас есть, остальное наживем… Главное, ты у нас есть, дедушка…

ДЕД ПИЧАЙ. Я-то есть, сынок, только вот большего я вам ничего дать не могу… Не могу я вам богатую свадьбу справить… А время-то идет. Скоро осень. Вот озимые посеем, и тогда уж называй меня хоть дедом, хоть отцом. Я ведь для Инявы был и тем и другим… А другого у нас с ней ничего и нет. Никакого богатства… Думал, хоть барин за мое верное служение ему чем-нибудь поможет… А он… Когда медведь побывал на пасеке, меня самого чуть не выкинул с моей верной ему службы…

ВИДЯЙ. Я уже сказал, дедушка: нам с Инявой многого и не надо… Как и тебе… А барин наш пусть объестся твоим медом, которым ты его откармливаешь уже столько лет!..

ДЕД ПИЧАЙ. Ну спасибо тебе, сынок… Только ты осторожно там… в лесу… Не гонись за большим… Большое из малого вырастает…

ВИДЯЙ. Спасибо, дед. Чую, хорошим внуком тебе стану…

ДЕД ПИЧАЙ. Дай нам бог, сынок…

ВИДЯЙ. Может, Инява немного проводит меня, дед?

ДЕД ПИЧАЙ. Ну а как же, сынок… Иди, внучка…

Инява идет провожать Видяя. Дед Пичай делает крестит уходящих.

 

Картина 4

Оборотень

Бурная лесная речка, на берегу которой еще совсем недавно произошли события, приведшие к гибели медведицы Овтавы. Берега этой реки славятся богатым малинником, сама же река не менее богата рыбой. Принадлежат эти места злому и бессердечному барину, поэтому крестьяне почти не ходят сюда. Только раз в году хозяин привозит своих богатых друзей поохотиться на зверя и погулять на его богатой пасеке. Именно здесь решил поохотиться на богатого мехом зверя и Видяй.

Но сегодня до него здесь побывал еще один охотник. Он был не с ружьем, а с двумя березовыми туесами: с небольшим для малины и большим для рыбы. Это был Овтай. Туесок, наполненный малиной и прикрытый широкими листьями, он оставляет на берегу, а с большим туесом собирается спуститься вниз, к реке. Посмотрев себе под ноги, он вдруг вскакивает, отступает назад, осматривает местность, наклоняется, проводит рукой по траве и снова выпрямляется, рассматривая и нюхая лапу, которой он только что гладил траву.

ОВТАЙ (медленно опускается на траву). Это она… Овтава… Мама моих ребяток, Машки и Мишки… Значит, недаром молва идет по лесу о ружейных выстрелах… Ах, Овтава, Овтава… Зачем нам этот мед был нужен! Горло мое так бы прошло… Вот сейчас уже совсем полегчало… Любила ты меня, поэтому хотела, чтобы я быстрее выздоровел…

Посмотрев немного вперед, Овтай вскакивает и поднимает из травы знакомые ему две нитки бус — желудевых и дубово-яблочковых, которые он дарил жене еще совсем недавно. Прижав бусы к глазам, Овтай испускает страшный рев.

Через какое-то время рев прекращается. Собрав в комок нанизанные бусы, Овтай поднимается вверх, к туеску с малиной. И тут с глазу на глаз встречается со взглядом Видяя, наставившего на него ружье. Не помня себя от злости, он делает шаг в сторону охотника.

ОВТАЙ. Это опять ты! Оставил детей моих, малышей Машку и Мишку, без матери…

ВИДЯЙ. Не подходи! А то оставлю их и без отца…

ОВТАЙ (немного придя в себя). Правильно у нас в лесу говорят: человек хуже зверя — никого не пожалеет, только бы ему было хорошо, тепло и сытно… А ведь у нас тоже малые дети остаются… без пап и мам… У меня вы отняли жену, у детей моих, Машки с Мишкой, — маму. А они у меня такие умненькие, мягонькие… Опусти ружье, или я тебя поломаю!

ВИДЯЙ. Да ты и так меня поломаешь… Глаза кровью налились. (Подумав.) Подожди-ка… У тебя детки, а у меня — невеста. Осенью свадьбу справлять будем… И свадебный подарок почти готов: сам ко мне идет. Вот он, передо мной! Такую шубу справим! Теплую, мягкую… Не у каждого барина такая сыщется.

ОВТАЙ. А зачем вам такую богатую шубу? Барин все равно снимет ее с вашего плеча… Не по бедности вам такое богатство…

ВИДЯЙ. Не век же нам в лохмотьях ходить… Когда-то нужно и человеком быть. Мы тоже люди. Нас тоже родили жить по-людски… (Клацает затвором ружья.)

ОВТАЙ. Погоди, не стреляй… Ты же человек… И сердце у тебя совсем другое… Человечье…

ВИДЯЙ. Нет, сегодня во мне родилось другое сердце…

ОВТАЙ. Ведь и у тебя будут ребятишки… Ты поймешь, как жалко их терять… Машка с Мишкой без меня не выживут… Подожди, послушай мою последнюю просьбу… Знаешь, где в дубовой роще глубокий ров?

ВИДЯЙ. Ну, знаю.

ОВТАЙ. Найди мою берлогу. Там Машка с Мишкой… Возьми к себе… Они умные… Ты их многому научишь… По селам с ними будешь ходить... Людей удивлять…

ВИДЯЙ. Людей уже ничему не удивишь… Нет, пожалуй, удивишь… Шубой из твоего меха…

ОВТАЙ. Подожди, не стреляй… Только чуть-чуть… (Поднимает взгляд к небу, громко, на весь лес обращается к Виряве.) Вирява-матушка, хозяйка леса! Спаси моих детушек… Умрут они без матушки с батюшкой… Я не успел их вывести в жизнь… Найди им хорошего отца…

По всему лесу прокатывается звук ружейного выстрела. Видяй осторожно подходит к убитому Овтаю, наступает ногой на его грудь. Громкий голос, раздавшийся за его спиной, заставляет его обернуться.

Перед ним стоит высокая женщина, одетая в длиннополую мордовскую рубаху, подпоясанную длинной веревкой, обернутой много раз вокруг ее стана. К веревке прикреплено несколько мешочков со склянками, наполненными снадобьем.

Вирява наклоняется над убитым Овтаем, поливает из склянок его раны, встает.

 

* Добрый день! (эрзя)

Рейтинг@Mail.ru