Вий
Масторланга шашты ине виесь —
А кирдеви кодамояк пикссэ.
Аволь молезь моли, чии чиезь,
Эрьва ойменть тешксты сырнень кикссэ.
Пексты сельметнень ярмак лопасо,
Коморотнес кинетема кайси,
Манчи цивтёрдыця човалясо,
Олячисэ, модалангонь райсэ.
Сайть-габордак! Седе ламо ноцковтт!
Виздят? Пелят? Ней истямо коесь!
Весе салыть, тонгак иля носко,
Сестэ кшить лангсто а ёми оесь.
Пазось теске, вант, кудонзо зяро:
Молят — ве пежететь а кадови.
Пек домкасто потсот иля кара.
Ойметь ризны? Лепштик! Кершик! Повик!
Сэпей, вай, кодамо сэпей ёжось!
Кирты, кирты потсто кирвитолось!
Кери, кери сельметь сырнень ожось!
Ансяк… ансяк оймень тюсось олась.
Сэрейть, пек сэрейть ошонь кудотне,
Анокт пелемс прясост менельчачонть.
Чинек-венек важодить вардотне,
Ансяк оймест — теке кискат вачот.
Важодть, уре! Кадык чуди сырнесь!
Кинень — зепес, кинень — зепе вакска.
Цидярдт, ойме! Аштек кекшезь-кирнезь!
Нать, истямо сатотсь теть уцяска!
Масторланга шашты ине виесь,
Аноксокс ломанень ойметь веши.
Весе миевицясь умок миезь,
Кадовсть ансяк манчемась ды кежесь.
Сыргозть, Ломань! Баягатнес вачкодть!
Сырнень кисэ потстот ойменть нельгить!
Токить сельметь! Каня алкукс начкот?
Авардят? Арась, те та-кинь сельге.
Сила
Сила по земле идёт такая —
Нет преграды ей на белом свете.
Вихрем мчится, удержу не зная,
Золотою меткой души метит.
Денежной купюрой очи застит,
По ладоням — зудом, сладко-больно,
Манит блеском дорогим и властью,
Раем на земле да волей вольной.
Ты дери-грабастай! Да побольше!
Стыдно? Иль боишься? Ныне можно!
Тащат все, и ты не мешкай тоже,
Будет хлеб твой с маслом. Аль не гоже?!
Бог — под боком он, церквей вон сколько:
Сходишь — вновь безгрешен, и… по новой.
А внутри, поди, бывает горько?
Ах, душа щемит? Её — в оковы!
Жгучей горечью нутро вскипает!
Адским пламенем нутро объято!
Ярче солнца золото сверкает,
А душа… Души линяет злато.
В городе высотки величавы,
Тычут в небо острые вершины.
А холопам жить даётся право
По законам не людским — звериным.
Гнись, спина! Теки рекою, злато,
По карманам! А кому — и мимо.
Такова, душа, твоя расплата —
Век молчать, чтоб быть неуязвимой!
А по свету силища несётся,
Требуя людские души в жертву.
Распродали всё, что продаётся,
Но в наличии и ложь, и зверство.
Ну очнись же, Человек! Довольно!
Бей в колокола, да что есть мочи!
Но душе, увы, уже не больно, —
Дьявольским плевком залиты очи.
