Тядянь калма вельхксса виденцяма
Тячемс мяляфтса, Тядяй, ся кунардонь иляднять,
Кода пялонк сувафтонь тейть аф содаф стирня;
Комор потмосон кирдень эвотьф нармоннякс кяднянц...
Кеворсь каршезонк эльстот акша сюрень крня.
Кати эводеть, Тядяй, кати кенярдеть эста? —
Кядьруцяняцень эшксса коськф трватне трнасть;
Пади, сельмоведь эрьхксот арась павазцти тесна,
Сон сия ожнань уськокс курьгодсь, щёкават прась.
Шарфтоть шкайнятнень шири, сюконять, каять крёскя,
Кельгозь паламасть кафцьконь, пряньконь мяштезт
люпштайть.
Летьке сельмотне эста пялевес ашесть коське,
Валхт бславамань тошкать, лемонц азонкшнить
Шкайть.
Сотовсть шкайгиньке фкя-фкас, — улень поваднай
мирдекс, —
Вятнеськ кядьбеда павазть, ульсть и явомс туфталхт.
Тон рьвяняцень ширенц наголь аралать-кирдеть,
Лямбе седисот ванфнеть кяжень аценьфти валхт.
Эряфсь эсь тевонц содась, ётасть кизот и тялот...
Монга пуроптонь пиза, «аляй» мярьгине шачсть.
Тячи, Тядяняй-Тядяй, виденцяма сань «пялот»,
Калма марняцень вельхксса ризфти сельмоне начксть.
Пильге пезот стяфтф крёзстот палан тонь ликоняцень,
Крёскянь каязь пряпезот, Тядяй, тейть сюконян.
Явсезь эняльдян: Тядяй, простяк пежу идняцень —
Тейне парце изь пандов, сянкса мон муворан.
Тяни вестеньге, Тядяй, кенкшцень тейне аф панчсак;
Мезень кальдяв ульсь ётксонк, сянь кунара юкстайть.
Калма марняцень, Тядяй, тячи мазептьса панчфса.
Кода идькс пингстон прязень, мяштезт панчфнень
люпштайть.
Исповедь у материнской могилы
Помнишь, Мама, тот день, день и встречи
и сразу разлуки:
Я привел к тебе в дом познакомиться счастье свое
(У нее так дрожали в моих ее детские руки)
Ты взглянула на нас и с колен уронила шитье.
Твои губы дрожали — от страха, от счастья, от боли?
И слезам было тесно в озерах взволнованных глаз.
Ты как будто представила всю нашу жизнь поневоле,
Когда в эти минуты сквозь слезы смотрела на нас.
Сколько счастья желала, как долго в слезах целовала,
До земли поклонилась, когда принесла образа,
До полуночи, помню, крестилась и благословляла,
До полуночи так и не высохли, помню, глаза...
Наши судьбы срослись, мы с женой жили долго
и дружно —
Но бывало такое!.. теперь-то понятны и мне
Твоя мудрость и то, как нам было действительно
нужно,
Чтоб ты в ссорах нечастых была на ее стороне.
Жизнь идет чередом, мы знавали и бури, и грозы...
Я и сам уже «папа», семьи, как ни странно, глава.
Ты прими мою исповедь — только беззвучные слезы
На могиле твоей проливаются, а не слова.
Поклонюсь до земли, открещусь от житейского хлама,
Поцелую твой лик, так призывно глядящий с креста.
Ты виновного сына прости меня, Матушка-Мама —
Без ответа, без слова осталась твоя доброта.
Ты не встретишь меня на пороге, как прежде, с дороги,
Но хорошее с нами, плохое давно позади.
Как на вечный алтарь, положу тебе розы под ноги —
Как ребенком меня обнимала, прижми их к груди.
