Къарачайны аралыгъы – Учкулан
Алимле айтханнга кёре Учкулан 1395-1396 джыллада къуралгъанды. Ол Учкулан бла Хурзукдан келген суула бир-бирине къошулгъан джерде, Россияны къыбыла джанында эм уллу суу джолу - Къобан башланнган джерде – юч ёзенни арасында орналгъанды. Учкулан сууну бойну (ёзен) бла къыбылагъа атлансанг, Уллу Кавказ Тауланы ауушлары бла Къара тенгизге бурунгу джол барды. Уллу Къарачайны эллеринден хоншу Дууут ёзенни эллерине тау джолла болгъандыла, алайдан да аууш бла Теберди ёзеннге джол баргъанды. Джай кёзюуде ат белинде Учкуландан Тебердиге барыр ючюн бир кюн джарым керек болгъанды.
Шаркъгъа, Уллу Хурзук сууну ёзени бла барсанг, Джылы Суугъа (Приэльбрусьеге) чыгъаса. Учкуландан Минги Тау къол аяздача ариу кёрюнеди. Элни тёгерегин такъыр таула, къонгур къаяла къуршоулагъандыла. Кёкден алыннган суратлада ол бек ариу кёрюнеди. Ол табигъатны бир сейирлигиди. Нек десенг, Уллу Кавказ Таулагъа дери кириш таула бир-бири ызындан тизилиб, тамам да толкъунлагъа ушашдыла.
Элни аты эки тюрлю магъананы ачыкълайды. Бир айтыу бла Учкулан - юч улан – юч джаш, айтыугъа кёре элни къурагъан юч къарнаш – Къоркъмаз, Джанибек (Джалмек), Семен болгъандыла. Башха хапаргъа кёре эл юч ёзен – Хурзук, Учкулан, Къобан - бир-бирине къошулгъан джерде орналыбды.
Тарих-география адетге кёре, Учкулан эл тукъум тийрелери бла 3-ге юлешинеди: Тёбен Учкулан, Огъары Учкулан, Кюн-Бет. Эл тенгизден 1365 метр мийикликде орналыбды. Къарачай элле тукъумлагъа кёре тийрелеге юлешиниб джашагъандыла. Учкуланда аллай тукъум тийреле кёбдюле. (Тийрелени юсюнден толусу бла энгишгеде хапарларыкъбыз).
Къарачай Эресей империягъа къошулгъандан сора (1928 дж.), тау Къарачайны мюлк айныуу ёссе да джер къытлыкъ ачыкъ бек сезилгенди. Учкуланда орта тергеу бла бир адамгъа 0,12 десятина (1,09 гектаргъа тенг джер ёлче) джер джетгенди.
Башларына эркин болгъан элчилени энчиликде джерлери болмагъанлары себебли джерни юсюнден къаугъала (Къарачайда 1868-чи джыл) джалчы тутхан эркинликлени къурутхандан сора джангыдан къозгъалгъандыла. Алай бла патчахны оноу этген органлары (администрация) къарачайлылагъа казна джерлени (1829-1864 джыллада Кавказ къазауатха дери къарачайлыланы джерлерин) бериб таулуланы джангы эллери къуралыб башлайдыла. Алагъа Джангы Къарачай дегендиле. Алгъынгы «эски» эллеге Уллу Къарачай неда Эски Къарачай ат джюрюгенди.
Учкулан юч ёзенни арасында орналгъаны себебли, ХIХ-чу ёмюрню ортасы сюреминден былайын бютеу Къарачайгъа административ аралыкъгъа сайлагъандыла. Совет власть орналгъандан сора уа, 1943-чю джылны абыстол (ноябрь) айыны аягъына деричи, ол район аралыкъны дараджасында тургъанды.
Уллу Къарачайда бютеумиллет байрамла Учкуланны базар майданында орта кюн бардырылгъандыла. Базарда башха джерледен келген таулула бла къазакълыла сатыу-алыу этгендиле, къарачайлыла мал, джюн, бал, агъач, джамчы, кийиз, дагъыда аны кибик затлары бла сатыуларын этгендиле.
Базар Учкуланны тёбен джанында Уллу Хурзук сууну эки джагъасында болгъанды. Сол джагъада мал, онг джагъада къалгъан затла сатылгъандыла.
Былайда правлениени къатында къоду къычыргъан ташны юсюнде кючлю ауазлы адам базарчыла бла элчилеге Къарачайда болгъан джангылыкъланы айтыб билдиргенди. Къодуну ауазын эшитгенлей, базарчыла шум болуб тынгылагъандыла. Ма алай бла ол заманлада къодучу радиону, телевидениени, газетни, журналны, Интернетни да орнун тутханды.
Базар майданда сатыу-алыу битгенден сора къобуз согъулуб той этилгенди, джырла джырланнгандыла, спорт эришиуле бардырылгъандыла.
Алай бла Учкулан XIX-чу ёмюрню 70-чи джылларындан башлаб Къарачайны бютеу эллерин бирикдирген иш эмда сытыу-алыу аралыгъы болгъанды.
1865-чи джыл Уллу Къарачай кирген Минги Тау (Эльбрус) округга (кърал джерни бир кесеги) тамадагъа (прустопха) капитан Николай Григорьевич Петрусевич салыннганды. Ол къуллукъда Петрусевич беш джыл ишлеб, 1871-чи - 1878-чи джыллада полковник чынында Баталпаша уездге (революциягъа дери Эресейде эмда 1929-чу джылгъа дери СССР-де губернияны административ - джер кесеги) башчылыкъ этгенди.
Къарачайны прустопу Н.Г. Петрусевич къарачайлыланы тарих бетлерин, адетлерин, юй-турмушларын, джашауларын тинтгенди, этнография бла адет сюдюлюкню юсюнден илму ишле да джазгъанды. Къарачай тилге иги юрениб, бизни миллетге ана тилибизде сёлешгенди. Сёз нёгерине кёзлюклерини башы бла къарагъан къылыгъы (халиси) ючюн таулула анга чам эте «зукку-прустоп» дегенлерин билсе да, кёлкъалды болмагъанды ол. Революциягъа дери Къарачайны тамадаларындан андан уллу сыйы болгъан оноучу чыкъмагъанды. Тюз миллетге къайгъырыуу, тюзлюкню тутханы бла табханды ол кесине сый.
Николай Григорьевич кеси тамадалыкъ этген джерде джашагъанлагъа кёб игилик этгенди. Аны башчылыгъы бла биринчи школла, больницала, эл правленни мекямлары ачылгъандыла, ёзен джолла бла кёпюрле ишленнгендиле. Ол, Ставрополь, Нальчик гимназиялада фахмулу къарачай сабийле окъурча орунла ачдыргъанды, къарачайлылагъа Меккягъа хаджиликге барыргъа джолоучулукъ къагъытларын джарашдырыб болушханлай тургъанды.
1878-чи джыл Николай Григорьевич генерал-майор чында Закаспий крайгъа (Туркменистаннга) джангы къуллукъгъа джиберилиб, анда 1880-чы джыл эндреуюк (декабрь) айда ауушханды. Петрусевични ёлген хапарын эшитиб, Туркмениягъа къарачайлыла бла къазакъланы атлы делегациялары барыб, аны ёлюгюн сандыкъ агъачда Пашинка (пёлк) стансени клисасыны къабырларында уллу сый бериб асырагъанды. Къарачай миллет ол адамны бюгюн-бюгече да эсинде тутады. Бу арт джыллада Н.Г. Петрусевичге эсгертме Къарачай-Черкес Республиканы ара шахарында салыннганды.
XIX-чу ёмюрню 1970-чи джылларында Къарачайда биринчи больница аты болуб Учкуланда ишленнгенди, аны къатында да аптека ачылыннганды.
Бу мекямланы баш тапхырында 1878-чи джыл Учкуланда биринчи кърал школ ачылгъанды, ары дери уа Къарачайда сынгар дин школла - медреселе болгъандыла.
1937-чи джыл Уллу Къарачайда биринчи гидроэлектростанция ишлениб, Уллу Къарачайны эллерине - Къартджуртха, Хурзукга, Учкуланнга - электрочыракъ келгенди.
1942-чи джыл Уллу Ата джурт къазауатны кёзюуюнде Учкуланда юч школ ишлегенди: орта, джетиджыллыкъ эмда ал башланнган классланы школлары. Орта школда 800 сохта окъуугъанды. 1941-чи джыл Учкуланда джети малчы колхозну, анга джууукъ гитче суу тирмен, джети да межгити болгъанды.
Учкуланны тийрелери
Къайсы бир къарачайлыгъа да: «Дунияда къайсы джер багъалыды сеннге? – деб сорсанг, аз-кёб да сагъышланмай, оюмламай:
– Уллу Къарачайны юч ёзени, – деучендиле. Дагъыда:
– Юч ёзенде уа къайсысыды, къалайыды джюрегинг алгъан? – деб соргъаннга:
– Учкулан элни Кюн-Бет джаныды чынг аламаты, - деген джууабын эшитесе.
Учкуланны иги таныгъан адам болса: «Ай, сен кертини айтдынг, кесинг Семенледен болурса» - деб чам да этиледи… Тау эллени чынг ариуу Учкуланны Кюн-Бет джаны болса да, хапарыбызны къургъакъ чам-накъырдагъа бурулмаз ючюн, миллетибизни тарихчи-этнографы Шаманланы Ибрагимге тюбеб, оноу соруб, Учкуланны тийрелерини суратын аны бла бирден джарашдырдыкъ. Алим билдиргенден, 1897-чи джылланы аягъында джолоучула бла алимле Къарачайгъа келиб, аны этнография-тарих илмуну тамалында талай тамамлы хапар басмалагъандыла. Аланы бирлери А.Н. Дьячков-Тарасов бла В.М. Сысоевну ишлеридиле. Аланы илму ишлери къарачайлылагъа сый, махтау салына джазылыныб, багъалары тюшмегенлей хайырлы материалладыла.
1897-чи джыл тарих китабха джазылгъаннга кёре, Учкуланны сабанлыкъ, биченлик джерлери, таш къалауланы, таш хуналаны орталарында тилимди джер устуккуладан къуралгъандыла, кеслери да илипин суучукъла бла сугъарылгъандыла. XIX-чу ёмюрню аягьында элни тамадасы Албот улу болгъанды. XX-чы ёмюрню ал джылларында уа Байчораланы Хаджи-Махмутну аты айтылынады. Элни архив къагъытлары 1871-чи джылдан бери сакъланадыла. Тукъум тийрелени атлары алагъа таяныб джарашдырылгъандыла.
Учкуланны тукъум тийрелери
Уллу Къарачайда хар бир тукъумну энчилиги тийрелерине кёре болгъанды. Тукъум тийрелени узунлугъу ёзен ичинде 7 къычырымгъа (1,067 км) созулгъанды. Аны 13 тукъум-тийреси бла аланы ичинде болуб, тукъум арбазла, Тёбен Учкуланда, къалгъаны да - 22 тийреси - Кюн-Бетде бла Огъары ёзенде (Учкуланда) джерлешгендиле. Бютеулей да статистика белгилегеннге кёре арбазланы саны элде 800-ге джууукълашханды, элни миллет саны уа 1898-чи джыл 6820 адам болгъанды.
Къартджурт бла Хурзукдача, Учкуланны бай-бий тукъумладан тийреси джокъду. Учкулан эл ёзден тукъумладан къуралыбды. Анда тукъумланы асламысы Трам, Науруз къауумнукъуладыла, андан къалса, Будиан къауумдандыла.
Тёбен Учкуланда орналгъан тукъум тийреле:
1. Аджилары;
2. Кипкелары;
3. Къайытлары;
4. Къочхарлары;
5. Къоркъмазлары;
6. Джалмеклары (Орус билимде – Джанибеклары).
Учкуланда Къобанны онг джанында Къоркъмаз бла Джанибекланы тийрелери орналыбдыла. Башында сагъынылгъанча былайда ХIХ-чу ёмюрню аягъында биринчи базар ачылгъанды, ол да - Къоркъмазланы тийрелерини тёбен джанында болгъанды. Андан бери, Къоркъмазланы бир атаулларына, базаргъа, сатыугъа таукел атланнганлары бла - «Базарчылары» дейдиле.
Къоркъмазлада (Эчкибашлары атауулну тийресинде) Трамны аны джашы Гиназны эмда туудукълары Уллу Къоркъмазны, Джанайны, Соганы эмда башхаланы къабырлары сакъланыбдыла.
7. Байрамкъуллары
8. Гапполары
9. Къобалары
(Къобаланы тийре бла Ёёзенчиланы бир къауумуча кюн батхан джанында тау этегинде болгъаны себебли, тау кёлеккеден юч айны бу тийреге кюн тиймей турады. Аны бла алагъа чам халда «Кюнтиймезлери» деучен эдиле. Алай а джай чилледе, ассыры иссиден адам солууун алалмагъан кёзюуде, бу тийреле хауа болуб къалгъанладан башхасы джокъду…
10. Акъбайлары
11. Алботлары
11 А. Темрезланы арбаз
XX- чы ёмюрню ал он джылларында Ардуханлары, Гюзюлары, Курманлары, Хаджилайлары дегенча арбазла белгиленнгендиле.
12. Бостанлары
13. Биджилары
Биджилары бла Бостанланы тийрелери бир-бири къатында эркин джерде Тёбен бла Огъары Учкуланны арасында орналыбдыла. Бу тийрелени тёгереги бла уллу сабанлары, биченликлери барды. Учкулан ичи ёзенден саркъыб келген суу аланы сабанларын, биченликлерин сугъарыргъа урбун илипинлеринден эркин джетеди. Биджилары бла Семенланы (Бычакъсызланы) орталары бла саркъгъан Учкулан ичи суу бу джуртлада чынг тазагъа саналады. Бу тийрелени туураларында уа Къобанны сол джанында сейирлик Кюн-Бет орналыбды.
Кюн-Бетде орналгъан тукъум тийреле быладыла:
14. Абайлары
15. Эрикгенлары
16. Байчоралары
17. Дотдулары
18 Долалары
19. Абайханлары (арбаз)
20. Текелары
21. Тамбийлары
(Къобан сууну джагъасына джууукъда орналгъан Текелары бла Тамбийларыдыла. Ала тургъан джерге айырыб Къылды деб да айтыучандыла. Учкуланны онг джанында тийреле бла байламлыкъ тутхан, Къобан сууну юсю бла салыннган Къылды кёпюр алайындады).
22. Семенлары (Хыджилары, Айдабуллары, Белкъаулары, Гурпайлары, Закалары, Къабдырмазлары атауулларыны тийрелери къонушлу болгъанды).
23. Шидакълары (Шыдакълары)
24. Батдылары
25. Каппушлары (Гаппушлары)
Учкулан элни Кюн-Бет джанында бир табигъат сейирлик кёрюрге боллукъду. Джылны сууукъ чагъында, кюн къысхарса къоргъазинде Семенлары бла Тамбийланы тийрелеринде кюн суткада эки кере тау джитиледен къарайды. Къалай? Кюн чыкъгъандан сора тау артына бугъунады, талай замандан уа тауну джанындан чыгъады. Алай бла бу эки тийрени джамагъаты кюн таякълагъа эки кере тюбейдиле.
Къарачайны белгили халкъ джырчысы Семенланы Унухну джашы Исмаил да Кюн-Бетде Семенлада Хыджиланы тийреде туууб джашагъанды кёчгюнчюлюкню къыйынлыгъына деричи. Бюгюнлюкде Семенни алты тийреси орналгъан джерде сынгар бир юй тукъумуна эсгертме кибик сакъланады.
Семенланы Азрет, Джырчы Исмаилны джашы, Учкуланда «Орта илипинни» юсюнден хапарында Кюн-Бетге тукъумланы юслеринден былай джазгъанды: «…Семенланы Къалтурну уланындан туугъан, Семенланы Хусейин хаджи айтханнга кёре, ол, Семенланы гёджеб Хасанны атасы, джюзден артыкъ джыл джашаб, 1936-чы джыл ёлгенди. Чынг алгъы бурун Кюн-Бетге, Къобанны онг джанында Къоркъмаз бла Джанибекден айыры болуб, Семен къонуш салгъанды.
Ол заманда ёзен ичини эки джаны да къалын чегет ёсгенди. Семен, тёнгертге агъачланы бир джерден бир джерге ташыб кюрешмей, юйюн, башха мекямларын да, алайда ёсген деу агъачладан кесиб, мамматла тутуб ишлегенди. Терек агъач тюблени ариулаб, сабан ыз айыргъанды. Семенни тогъуз уланы да бирге, кюнбетде тийреле болуб джашагъандыла. Огъары ёзенде джерни бегитир ючюн, тогъуз уландан Семен Тинибекни - (Бычакъсызны), андан сора Джиджиу бла Мырзачыкъны айырыб, ёзенни огъары башына ашыргъанды.
Уллу Семен бла аны тогъуз уланы Шидакълада - Семенланы эски къабырларында асыралыбдыла.
Талай замандан Кюн-Бетге Тамбийлары, Текелары, Долалары келиб, бирер джерге тюшюб орналгъандыла.
Кечирек Шидакъ келгенди. Чынг артда уа Кюн-Бетге Гаппуш (Каппуш) кёчюб келиб, эки ырхыны ортасына тау этекге тюшгенди. Халкъ айтыу бла андан сора Батдылары (Батды Каппушну джашыды) джерлешгендиле.
Дагъыда Кюн-Бет джаны бла байламлы бир айтыу джюрюйдю. Къарча, Учкуланны джерини юсю бла Дууут ыбчыкъгъа атланыб бара тургъанлайына, тохтаб, муджурасын джерге уруб, былай айтханды:
– Ма бу джерден суу чыгъарыкъды, ол суудан ичиб джашагъанланы насыблары, рысхылары-хадеклери да, кёзлеу кеси таркъайгъынчы юзюлмей турур, - дегенди. «Къарча алай нек айтды?» - деб, Адурхайны джашы, Къарча бла нёгерлери кетгенлей, муджура чанчылгъан джерни къазыб кёргенди. Кёзлеу суу да боркъулдаб къотарылгъанды. Сора ол, ташланы ууатыб, тёртгюллеб, сыйдамлаб, бир-бирине уста къысдырыб тёшегенди, кёзлеуню юсю бла аркъа кёпюр ишлегенди, эки джанына да аллай тёртгюл ташладан къабыргъачыкъла сюегенди. Къатына да бир акъ къанга ташны ат илкичге буюруб сюегенди. Алайда кесине багъана уруб къазан асханды. Адурхай къауумгъа кирген тукъумланы бир къаууму Байчоралары бла Эрикгенлары бу къара сууну тёгерегинде арбазларын джарашдыргъандыла.
Эшта бу буруннгу айтыуда бир ышан болса керекди. Нек десенг, аланы арасындан Къарачайда эм рысхылы, табышлы адамланы бири Байчораланы Тилмек чыкъгъанды. 1898-чи джыл тарихчи В.М. Сысоев Къарачайгъа атагъан ишинде Учкулан элни джер иелери да белгиленеди. Байчораланы Тилмекни, Учкулан джамагъатда къой, бютеу Къарачайда алыб къарасакъ да, не джаны бла да мюлк хыйсабы онглу болгъаны чертилинеди. Аны Терк областны джеринде (Нарсананы тёгерегинде) 3 мингнге джууукъ сомгъа сатыб алгъан джеринде 1500 аты, 600 тууар малы, талай минг ууакъ аякълысы бла 300 бал четени болгъанды. Байчораланы Тилмекни «уллу юйюрю» да 60 башлы болгъанды, адетдеча ала барысы да бир къазаннга къараб джашагъандыла.
Огъары Учкуланда орналгъан тийреле:
26. Семенлары (Бычакъсызлары);
27. Айбазлары;
28. Шаманлары (Тёбен Шаманлары);
29. Оруслары;
30. Гемсокъурлары;
31. Шаманлары (Огъары Шаманлары);
32. Тебулары;
33. Шайлылары (Джанибекладан айрылыб энчи тукъумгъа кёчюб болгъандыла);
34. Кечерукълары;
35. Чегемлилары (Балалары);
36. Текелары (Джауба юйюрю);
37. Акъбашлары;
38. Хабичлары;
39. Сылпагъарлары (Суу джагъада айрымкан халда орналгъан Биченчи бла Добар атауулланы тийрелери);
40. Сылпагъарлары (Дженгиллары, Юфкелары атауулла);
41. Сылпагъарлары (Хаколары);
42. Семенлары (Джиджиулары);
43. Мамчулары;
44. Лайпанлары (Бехтелары бла Къаназлары);
45. Суюнбайлары (Суюнмайлары);
46. Къазанчыкълары (Текелени тукъумну бир къаууму тукъум болуб чыкъгъанды).
Эм башында айланма тюзню чегет бауурунда да уа:
47. Мыркаклары (арбаз);
48. Джантотайлары (арбаз);
49. Баболары (арбаз).
Учкуланда эм кёб джамагъаты болгъаннга Огъары Ёзен чыкъгъанды. Адам, юйюр саны бла да эм уллу тийре Оруслары болгъандыла. Учкуланны эм уллу межгити да Орусланы тийрелерини джериндеди.
Центр Карачая — Учкулан
По утверждению ученых, Учкулан был основан в 1395–1396 годах. Там, на юге России, где реки Учкулан и Хурзук соединяются и где берет начало Кубань, посередине трех ущелий расположился Учкулан. Если идти на юг вдоль реки Учкулан, через горный перевал Большого Кавказского хребта есть старинная дорога к Черному морю. Села Большого Карачая с соседним ущельем, с селениями долины Дууут, соединяли горные тропы, оттуда горная дорога вела в долину Теберды. В летнее время по горным тропам из Учкулана в Теберду всадник мог добраться за полдня.
Если вдоль реки Хурзук идти на восток, можно выйти в Джылы суу в Приэльбрусье. Из Учкулана Эльбрус виден как на ладони. Селение окружают горы и скалы. Фотографии сверху получаются удивительные. Это одно из чудес природы. Потому что до Большого Кавказского хребта сплошные неприступные скалы напоминают волны.
Название селения имеет два значения. По одной легенде, Учкулан — юч улан — три сына, три юноши, селение образовали три брата — Къоркъмаз (Бесстрашный), Джанибек/Джалмек (Сильная душа), Семен. По другой версии, село образовано на месте слияния трех рек — Хурзука, Учкулана и Кубани.
По историко-географической традиции родовые патронимические кварталы (тийре) Учкулана разделены на три: Нижний Учкулан, Верхний Учкулан и Кюн-Бет (Солнечная сторона; Солнечный склон). Селение находится на высоте 1365 метров над уровнем моря. Карачаевские селения делились на родовые кварталы. В Учкулане таких родовых (фамильных) кварталов много. (Речь о них пойдет ниже.)
После присоединения Карачая к России (1928) хозяйства горного Карачая начали подниматься, в связи с этим остро ощущалась нехватка земли. В Учкулане, по средним подсчетам, на одного человека приходилось 0,12 десятины земли.
Сельчане, получившие свободу после отмены крепостного права (в Карачае — в 1868 году), не имели земли в собственности, поэтому начались недовольства. Администрация, орган царского управления в 1829—1864 годах, земли, принадлежавшие карачаевцам, а теперь казенные, начала возвращать обратно, и стали образовываться новые поселения. Их стали называть Новый Карачай. А прежние селения называли Большой Карачай или Старый Карачай.
Так как Учкулан находится в середине трех ущелий, в середине XIX века он стал административным центром. После провозглашения советской власти и до конца ноября 1943 года он был в статусе районного центра.
В Большом Карачае народные праздники проходили по четвергам на рыночной площади Учкулана. В базарный день за покупками приезжают казаки и горцы с других мест, карачаевцы продают скот, шерсть, мясо, мед, древесину, бурки, войлочные ковры и т. д.
Базар находился в нижней части Учкулана по обоим берегам реки Большой Хурзук. На левом берегу продавали скот, на правом все остальное.
Здесь, около правления, на специальном камне, где объявлялся сбор (камень глашатая?), люди с хорошими голосовыми данными оглашали новости для сельчан и гостей, приехавших на базар. Так в то время глашатай заменял радио, телевидение, газеты, журналы и интернет.
После завершения торговли на базарной площади играла гармошка, начинались народные танцы, пели песни, проводили спортивные соревнования.
Итак, начиная с 70-х годов XIX века Учкулан был рабочим и торговым центром, объединявшим все селения Большого Карачая.
В 1865 году на должность пристава Эльбрусского округа, куда входил и Большой Карачай, был назначен капитан Николай Григорьевич Петрусевич. Проработав на этой должности пять лет, он в 1871–1878 годах в чине полковника стал во главе Баталпашинского уезда.
Пристоп (пристав) Карачая Н. Г. Петрусевич хорошо изучил страницы истории, традиции, жизнь и быт карачаевцев и написал впоследствии научные работы про этнографию и традиционный народный суд (тёре). Он изучил карачаевский язык и с карачаевцами общался на их родном языке. Так как у него была привычка смотреть на собеседника поверх очков, горцы меж собой в шутку прозвали его Зукку пристоп (букв. «косоглазый пристав»). Он знал о своем прозвище и не обижался на него. Из дореволюционных руководителей Карачая не было более уважаемого человека. За честность, за правдолюбие, за отношение к народу полюбили его карачаевцы.
Николай Григорьевич сделал много хорошего в этой должности. Под его руководством строились первые школы, больницы, здания сельского правления, дороги и мосты. В гимназиях Ставрополя, Нальчика он выбивал места, чтобы учились талантливые дети, карачаевцам, собравшимся в хадж в Мекку, помогал оформлять бумаги.
В 1878 году в чине генерал-майора Николай Григорьевич был направлен на новое место службы в Туркменистан и умер там в 1880 году в декабре. Услышав горькую весть о его кончине, карачаевцы и казаки отправились туда, привезли его тело и похоронили в православной церкви станицы Пашинка с большими почестями. Карачаевский народ до сих пор помнит и чтит его. В последние годы памятник Н. Г. Петрусевичу был установлен в столице Карачаево-Черкесской Республики.
В 1870-х годах XIX века в Учкулане были построены первые больница и аптека. Чуть выше этих зданий в 1878 году заработала первая государственная школа, до этого в Карачае были только медресе, где обучали азам религии.
В 1937 году была построена первая гидроэлектростанция, и в селениях Большого Карачая — Картджурт, Хурзук, Учкулан — зажглись электрические лампочки.
В 1942 году во время Великой Отечественной войны в Учкулане функционировали три школы: средняя, семилетняя и для младших классов. В средней школе обучались 800 учеников. В 1941 году в Учкулане было семь мечетей, водяная мельница и семь колхозов, выращивающих крупный и мелкий рогатый скот.
Патронимические кварталы Учкулана
Если спросить любого карачаевца: «Какая земля дороже всего на свете для тебя?» — он не задумываясь ответит: «Три ущелья Большого Карачая». А на вопрос: «А среди трех ущелий которое ближе сердцу?» — ответит: «Кюн-Бет (Солнечная сторона) селения Учкулан».
Если человек хорошо знает Учкулан, скажет: «Ай, правду говоришь, сам, наверное, будешь из рода Семеновых?» Чтоб быть объективными насчет красоты горного ущелья Кюн-Бет и другой информации про Учкулан, мы обратились к известному ученому-этнографу Ибрагиму Шаманову и вместе составили карту родовых кварталов Учкулана. По словам ученого, в конце 1897 года ученые и путешественники были с экспедициями в Карачае и на основе историко-этнографических исследований опубликовали научные статьи. Существенные из них — труды А. Н. Дьячкова-Тарасова и В. М. Сысоева. Это очень основательные и скрупулезные научные труды о жизни и быте карачаевцев.
По данным учебника истории 1897 года, полеводческие и сенокосные угодья Учкулана расположены между каменных глыб и каменных оград и поливались из оросительных каналов. В конце XIX века старшиной села был Алботов. В начале XX века упоминается имя Хаджи-Махмута Байчорова. Архивные документы, связанные с Учкуланом и дошедшие до нас, датируются 1871 годом. При составлении названий родовых (фамильных) кварталов мы опирались на эти документы.
Фамильные кварталы Учкулана
В Большом Карачае черты характера той или иной фамилии можно было угадать по кварталу проживания. Длина родовых кварталов в среднем составляла 7 верст. В Нижнем Учкулане было 13 кварталов, остальные 22 родовых квартала располагались в Кюн-Бет и Верхнем ущелье Учкулана. По статистическим данным, существовало 800 дворов, в 1898 году количество сельчан достигало 6820 человек.
Как и в Карджурте и Хурзуке, в Учкулане нет квартала богатых биев. Учкулан был образован узденями. Большинство родов — выходцы из трамовцев и наурузовцев, из рода Будиана представителей меньше всего.
Родовые кварталы Нижнего Учкулана: 1) Аджиевы; 2) Кипкеевы; 3) Каитовы; 4) Кочкаровы; 5) Коркмазовы; 6) Джанибековы (Джалмеклары).
На правом берегу реки Учкулан находятся кварталы Коркмазовых и Джанибековых. Как говорилось выше, в конце XIX века здесь открылся первый базар в Карачае, он находился чуть ниже квартала Коркмазовых. С тех пор один из атауулов (ветвей) Коркмазовых носит название Базарчылары, подчеркивая их способность к торговле.
У Коркмазовых (ветвь Эчкибашлары) находятся могила родоначальника Трама, его сына Гиназа, его внуков Большого Коркмаза, Джаная, Соги.
7) Байрамкуловы; 8) Гаппоевы; 9) Кобаевы.
Так как квартал Кобаевых и часть квартала Ёзенчиевых примостились у подножья горы на западной стороне, в тени, отбрасываемой горой, три месяца в году лучи солнца к ним не попадали. Поэтому их прозвали Кюнтиймезлери (Неженками). Однако в самые жаркие дни лета воздух здесь был просто волшебным…
10) Акбаевы; 11) Алботовы; 11А) Темрезовы (двор).
В первое десятилетие XX века существовали дворы Адурхановых, Гюзюевых, Курмановых, Хаджилаевых.
12) Бостановы; 13) Биджиевы.
Фамильные кварталы Биджиевых и Бостановых располагались рядом на просторах между Нижним и Верхним Учкуланом. Вокруг этих кварталов есть земля, отведенная под пашню, и луга. Есть каналы с водой, которая орошает эти земли. Река, которая течет в Учкулане между Биджиевыми и Семеновыми (ветвь Бычаксызовы), считается самой чистой на этих землях. Напротив этих кварталов на левом берегу Кубани располагается Кюн-Бет.
Фамильные кварталы Кюн-Бета: 14) Абаевы; 15) Эркеновы; 16) Байчоровы; 17) Дотдуевы; 18) Долаевы; 19) Абайхановы (двор); 20) Текеевы; 21) Тамбиевы.
Ближе к берегам Кубани расположились кварталы Текеевых и Тамбиевых. Эту местность еще называют Кылды (букв. «мокрый»). Мост с глинистым покрытием — Кылды кёпюр, — перекинувшись через Кубань, соединяет правый и левый берега Учкулана.
22) Семеновы (ветви Хыджи, Айдабул, Белкъау, Гурпай, Зака, Къабдырмаз); 23) Шидаковы; 24) Батдыевы; 25) Каппушевы.
В стороне Кюн-Бет в селении Учкулан можно увидеть природное чудо. В период солнцестояния в кварталах Семеновых и Тамбиевых солнце встает два раза. Как? После восхода солнце прячется за гору, затем показывается со стороны горы. Поэтому люди этих двух кварталов встречают восход солнца два раза в сутки.
Известный народный певец Карачая сын Унуха Семенова Исмаил родился в квартале ветви Хыджи и жил там до переселения. Сегодня в месте, где располагались шесть фамильных кварталов Семеновых, сохранился единственный дом, как памятник роду и давно ушедшим дням.
Сын Исмаила Джырчы Азрет Семенов в своем рассказе про Учкулан «Орта илипин» («Средний оросительный канал») о родовых кварталах Кюн-Бета пишет:
Как утверждает внук Семенова Калтура, Семенов Хусейин хаджи, отец силача Хасана из рода Семеновых, умер в 1936 году, прожив больше 100 лет. Первым в Кюн-Бете, на правом берегу Кубани, обособившись от Коркмаза и Джанибека, построил свой дом Семен.
В те времена ущелье было заполнено густым лесом. И Семен построил свой дом посередине этого леса из бревен. Там же расчистил землю под пашню. Его девять сыновей жили рядом с ним на солнечной стороне, так образовался фамильный квартал. В Верхнем ущелье, чтобы закрепить земли за собой, построил дома для своих сыновей — Тинибека (Бычаксыз), Джиджиу, Мырзачыка.
Могилы большого Семена и его девятерых сыновей находятся у Шидаковых, в землях, ранее принадлежавших Семеновым, на их старом фамильном кладбище.
Через некоторое время в Кюн-Бет пришли и обосновались Тамбиевы, Текеевы, Долаевы. Позже к ним присоединился Шидакъ. Последним был построивший дом у подошвы горы между двумя ручьями Каппуш (Гаппуш). По народным преданиям, потом к ним присоединились Батдыевы (Батды был сыном Каппуша).
Существует еще одна легенда, связанная с Кюн-Бет. Карча, который шел через земли Учкулана в сторону долины Дууут, воткнул свой посох с железным наконечником в землю и сказал:
— Здесь, из этой земли пробьется вода — источник жизни. Тем, кто обоснуется здесь и будет пить эту воду, будут дарованы счастье, достаток, и род их не прервется, пока будет течь эта вода.
Сын Адурхая подумал: «Неспроста Карча так сказал» — и начал ковырять землю, где был воткнут посох. Тут же родниковая вода выбилась наружу. Построил сын Адурхая каменный мост через ручей, расчистил место для своего коня, разжег огонь и поставил вариться мясо. Роды, которые берут начало из рода Адурхая — Байчоровы и Эркеновы, — обосновались здесь, их дворы располагались у родника.
Есть доля истины в этом предании. Одним из богатых и успешных людей Карачая был Тилмек Байчоров. В 1898 году историк В. М. Сысоев в научной работе, посвященной Карачаю, перечисляет землевладельцев Учкулана. В его работе указывается, что Байчоров был очень богатым человеком, не только в Учкулане, а во всем Карачае. В его землях в Теркской области (около Кисловодска), купленных за 3000 рублей, насчитывалось 1500 лошадей, 600 голов крупного рогатого скота, несколько тысяч овец и коз, 300 ульев. Большая семья Тилмека Байчорова состояла из 60 человек, и они ели из общего казана.
Фамильные кварталы Верхнего Учкулана: 26) Семеновы (Бычаксызовы); 27) Айбазовы; 28) Шамановы (Нижние Шамановы); 29) Урусовы; 30) Гемсокуровы; 31) Шамановы (Верхние Шамановы); 32) Тебуевы; 33) Шайлиевы (откололись от Джанибековых и образовали новую фамилию); 34) Кечеруковы; 35) Чегемлиевы; 36) Текеевы (семья Джаубаевых); 37) Акбашевы; 38) Хабичевы; 39) Сылпагаровы (на берегу отдельным островком обосновались ветви Биченчи и Добар); 40) Сылпагаровы (ветви Дженгил и Юфке); 41) Сылпагаровы (Хакоевы); 42) Семеновы (ветвь Джиджиу); 43) Мамчуевы; 44) Лайпановы (ветвь Бехте и Каназ); 45) Сюйюнбаевы; 46) Казанчиковы (одна из ветвей рода Текеевых образовала новую фамилию).
В северной теневой стороне леса обосновались: 47) Мыркаковы (двор); 48) Джантотаевы (двор); 49) Бабоевы (двор).
По количеству людей в Учкулане самым густонаселенным было Верхнее ущелье. Самым большим кварталом был квартал Урусовых. Самая большая мечеть стояла на земле Урусовых.