Кыв
Кыв —
Чӧвлун...
Мыйта мӧвп сійӧ вермӧ чужтыны.
Кутшӧм джуджыд овлӧ чӧвлун юкмӧсыс...
Но кывйыд сыын вермас и не чужны.
Кыв —
Нимкыв.
Лыддян сійӧс ваӧ.
Юан-юан,
И быттьӧ визувлӧн везйысь мынан —
Сідзи личавлӧ лолыд.
Но мыйтаысь шуӧм кывйыд
Аслыд жӧ
Октылӧ
Лэч.
Кыв —
Туйбок турун вылын лысва.
Либӧ синва,
Кытчӧ йиджӧма кодлӧнкӧ шог,
А гашкӧ и, радлун.
Öтмында — шогыс и радлуныс...
Эзысь войтъяслы колӧ сӧдзӧдчыны лов пыр...
Ловлы колӧ сӧдзӧдчыны эзысь войтъяс пыр,
Мед чужны выльысь.
Лоны — кывйӧн.
Но лысвасӧ кӧ пыркнитас тӧвру?..
Кыв —
Ю.
Нэм бӧрся нэм ми гумлалам вежа васӧ.
Но мӧвпыштлам-ӧ,
Мый и тайӧ юыс вермас косьмыны,
Бырӧ кӧ сыын коланлуныс?
Ву берег дорӧ ме вужйӧда и вужйӧда пуяс.
Мед нэриник вужъяснас найӧ йитчасны пӧльяслӧн
пуяскӧд...
Тэ колан менам пуяслы,
Лов пыр визувтысь ю.
А берегыс буждӧ и буждӧ...
Слово
Слово рождается молчаньем.
Мысли растут, как деревья.
Самыми глубокими бывают колодцы тишины.
Но даже в них слово может и не родиться.
Слово —
молитва, произнесённая над водой.
Пригубив эту воду,
обретаешь покой.
Но сколько раз
слово, сказанное невпопад,
стоило жизни...
Слово —
роса на придорожной траве.
Чьи-то слёзы?..
Радости...
Или горя.
Этим капелькам
нужно просочиться сквозь твоё сердце,
твоему сердцу нужно просочиться
сквозь эти капельки,
чтобы они вновь
обернулись словом.
Ну а если росу уронит ветер?..
Слово —
река,
где люди черпают воду.
Но задумываемся ли мы,
что и эта река может высохнуть,
если не будет надобности в ней?..
Сколько хватит сил, населяю деревьями
берега говорливой реки,
чтобы корни моих деревцев
соединились с корнями деревьев моих прадедов.
Ты нужна моим деревьям,
сквозь сердце текущая река.
А берега осыпаются и осыпаются...
