Кайдозокыс пӧднассис
Кыдз сё жӧ казявтӧг пышшӧны-сылӧны годдэз! А дзарнитны кӧ бӧрланьӧ, не быд морт вермас ошшасьны, что сылӧн олан чулаліс бытшӧма. Кинлӧ сія вайис только бурсӧ, кинлӧ — ӧтік нёштӧм рӧммез. А мукӧдыслӧн сія быдкодь сора и рӧма. Кыдз баитсьӧ, и бурыс тырмис, и нёштӧмыс вӧлі. Нем он кер — этӧ олан.
Неважын шедіс пантасьны тӧдса морткӧт, кӧдӧ тӧді эшӧ учӧтсянь. А талун и сія пӧ ни лоӧма пенсионеркаӧн. Радуйтчы бы, пукав гортын, шоччись али кер ассит удж, мый сьӧлӧмви. Но не быд мортсӧ, тыдалӧ, гажӧтӧ эта кадыс. И причинаэз эта вылӧ адззисьӧны. Вот и тӧдсаӧлӧн настроеннёыс буракодь дзугсьӧма, чапликасьӧ-пӧрласьӧ шуштӧм-гажтӧм. Жыв кинкӧ сьӧлалӧма ловас али нырыштӧ сійӧ сьӧкыт шогӧт. Нем он кер, и этадз овлӧ. Но кыдз тӧді сёрӧнжык, ӧбидитӧм инькасӧ — да мед бергӧтіс пӧ этадз жӧ аслыныс господьыс кӧркӧ тожӧ — пенсионнӧй фонд.
Аскадӧ Татьяна Кузьмовна бӧрйис ас понда бухгалтерлісь профессия. И чожа мыйись ӧддьӧн ни шоныт местаӧ шедіс. Кураліс деньгасӧ сымдаӧн, мымда коліс. Да и мыйсянь сія сылӧн лоас учӧтӧн, кӧр уджаліс частнӧй предприниматель дын и не ӧтік дас год сьӧрна вӧлі главнӧй бухгалтерӧн? Конечно, винаӧн эз горшав, сёйис-юис мый сьӧлӧм корис, паськӧмыс ас вылас чегис, нельки миян кодьсӧ эз адззы сэк и эз тӧд. А эшӧ ӧтік кадӧ небис сьӧрсьӧн-бӧрсьӧн кык благоустроеннӧй квартира, а сёрӧнжык — и пуовӧй керку. Ӧтік кылӧн, босьтіс оланісь быдӧс, мый коліс и мый вермис.
Конечно, нем бӧбӧтны, кыдз бухгалтер, сія вӧлі вынаӧн. Разь ылӧсттӧм специалистсӧ видзис бы предпринимательыс, кӧда дын уджалісӧ и ӧнӧдз уджалӧны не ӧтік сотня морт? А эшӧ Татьяна Кузьмовна неумӧля тӧдӧм и сійӧ, кыдз позьӧ «кӧмӧтны» государствосӧ. И этадз кыссис не ӧтік дас год. И документация сылӧн порядокын, и налоговӧй органсянь некытшӧм замечаннё. Мыля? Да сійӧн, что ны торговӧй предприятие вылын, кыдз и мукӧд контораэзын, волькыта муніс и ӧнӧдз эм кыкпӧвса документация. Этасянь и зарплатаӧн абу некытшӧм проблема: ӧтыс — неыджыт законнӧй, мыйись вештіссьӧ подоходнӧй налог, мӧдыс — конверттэзын.
А ӧні Татьяна Кузьмовналісь уна годдэз кежӧ олансӧ дзугӧма не кин и не мый-либо, а пенсионнӧй фонд. Бытьтӧ пуктӧма бур уджалісьлӧ пенсиясӧ сымда, жыв сія уна годдэз сьӧрна миссьӧтӧма джоджжез умӧлик контораын али желльӧма-вийӧма асьсӧ кытшӧмкӧ киссьӧм колхозын.
Жаль, конечно, инькасӧ, что сылӧн зарниа кайдозокыс пӧднассис. Мый эстӧн позьӧ содтыны? Думайтсьӧ, только ӧтікӧ: кыдз тай отирын баитсьӧ, Еныс пӧ не Тишка, адззӧ быдӧс. А поди, сідз и эм? Кысь бы сэк сія казяліс отир коласісь и Татьяна Кузьмовнасӧ?
Кормушка прикрылась
Как скоротечно убывают-тают наши годы! А если мысленно заглянуть в ушедшее, не каждый может похвастаться, что его жизнь удалась. Кому она дарит счастливые моменты, а кому — лишь чёрные полосы. Ну что тут прибавить — это наша жизнь со своим своеобразием красок.
Как-то случилось свидеться с давней знакомой, с которой выросли в одно время. А сегодня и она оказалась в отряде пенсионеров. Наслаждайся бы жизнью, живи в своё удовольствие, никаких проблем и забот. Но не каждого радует, видать, это время. И причины у всех разные. Вот и у знакомой настроение, кажись, на нуле. С кем не бывает. Но как выяснилось впоследствии, обидел её не кто-либо, а пенсионный фонд.
В своё время Татьяна Кузьмовна выбрала для себя неплохую профессию — бухгалтера. И вскоре судьба подарила ей прекрасное место работы. Зарплата — всем бы по столько. Да и с чего она окажется мизерной, ведь женщина рулила как высококлассный специалист бухгалтерским учётом у крупного предпринимателя? Слава богу, шальные деньги не испортили её, не сдружилась с горькой, не пошла по наклонной, а стол ломился от того, чего душа желала, даже круто обновила свой скромный гардероб и обзавелась нужными драгоценностями. А ещё — двумя благоустроенными квартирами и частным домом. Одним словом, обеспечила себя всем тем, что считала нужным.
Конечно, как специалист, она была толковой, сообразительной. Разве никудышного бухгалтера держал бы предприниматель, у которого трудилось порядка двух сотен человек? Но самое главное, Татьяна Кузьмовна с легкостью разбиралась в тонкостях, как можно объегорить государство. И так продолжалось порядка двадцати с лишним лет. И с документацией у неё всё в порядке, и с налоговыми органами никаких проблем. Почему? Очень просто: в торговом предприятии, как и в некоторых конторах, легко шла и по сей день идёт двойная документация.
А нынче, перешагнув за пенсионный возраст, Татьяну Кузьмовну, по её словам, до глубины души унизил пенсионный фонд (да будь он проклят) со своей позорной подачкой. И вправду, как будто она трудилась поломойкой в какой-то захудалой конторе или спустя рукава горбатилась в разваливающемся колхозе.
Жаль, конечно, женщину, что рано прикрылась её золотая кормушка. Что тут добавить... Думается, только одно: как говорится в народе, Бог не Тишка, всё видит. А может, так оно и есть? Откуда бы тогда он вычислил в людской толпе и Татьяну Кузьмовну?
