Тысячи
литературных
произведений на69языках
народов РФ

Непредвиденный случай

Автор:
Расул Багомедов
Перевод:
Расул Багомедов

Хабарагарси анцIбукь

 

Ну пикриикIулра: «XIepaгy ца, тIабигIятлара адамталара баркьудлуми секьяйда цаличи ца мешутил! Марлира, ил Аллагьла баркьудив, юхса?! ТIабигIятлизир кадиркути баркьудлуми Аллагьла диабну, нушала?!» Илди пикруми акIахъубти кIел анцIбукьличила бурес дигулра, дила узи-урши.

ТIабигIят. ХIеб. Жявли савли. ДигIянали шивхьванбухъи, хапли бурям чебухъун, гушси жаниварван, ва шими-шагьуртала юртанала хъулчри ихъесбииб, мякьязирад къябдарили, галгуби рахиэсбииб. ГьатIира вайси — уркIи кахбируси тIама. Илра се биэса, рахIятли пукьалихIи кабихьунси бунагьагар чяка, гъармука улугьливан хъямбарили, гьарахъси, балхIебалуси Ханих къадалихIи лайбакIиб, цундешлизи — дигалли акIи, дигалли бебкIи.

Адамти, иш анцIбукь биубсири вецIал-имцIа дус гьалаб Берлин шагьарлизиб.

Мушлукьябала абзани детурхулри, шагьуртала ва гIяскуртала вакилти-ургар. Ургабси битIакIла мушлукьяби кьалтинничи жибарибхIели, дулай някъбазир тапгъунти гIемснар, бецIван серхурси нарт дуравхъун.

— Кьалтинничи дуравхъи сай СССР-ла гIяскуртала вакил МяхIяммадов Вали! — ахъли, саркъахъили багьахъурхIели, стадионнизи кабиибтазивад ца, лихIбала гIелаб хапли туп къяйкаибхIеливан, тямхъухъун, вяхIла ранг тамашали дарсдиуб, гIязабла ва разидешла гъудурмайла зим чархлизи бухIнабикиб. Чи сайри ил, МяхIяммадов Валила у бурибхIели илцад варсиубси? Илала паспортлизи хIердизахIелли, бучIулра: «ФРГ-ла гражданин Маннесман Вайс». Амма ил белкIличи чилра вирхаэс хIейри: гамса рангла дяхIнякъра, шинкья цIудара хIулбира, кьяркьти хIяна гъезра, чIакала къудкъудигъуна къянкъра сайра урегцIанну шура-имцIа дус виубсигъуна адам сайри. ГIе, гIярмицличи бекIлил мешуси ахIенрину ил, нушала кьамличи, дубурланничи, мешусири. ХIебиалли, сен илгъуна у бедибси илис — Маннесман Вайс? Ил кьалли немецунала у саби. Белики, верша виэс, немецла уличил ишав хIеркайруси! Камлив дунъяличиб илдигъунти, хаинти!

Тамашала кьалли адам: виалра, илини букуси ца кьацI саби, дужути цадехI шин сари, гьарилли хIяри архутира цадехI капан сари, амма цабехIтала масличиб хIули лукъули ахIен, мас багьандан вершаби бетарули саби.

Юх, юх, вегIли гIяхIил хIебалуси секIайчила, адамличила илкьяйда викIни бунагь саби. Белики?!

...Баягъи МяхIяммадов Вали кьалтинничив чедиикибхIели, Вайсла ляжубачирад хъара-хъарагъунти нургъби чяхIдухъун. Се нургъби сарри илди: разидешла яра кьутIкьудешла?! Яра...?!

...Абзани тамандиубхIели, мушлукья Вали кьакьала дуравхъайчи, Вайс дурав иличи хIерлири. Гъалмагъунала кьукьяличил СССР-ла мушлукья дуравхъунхIели, Вайс иличи гъамиуб ва я разидешла, я пашмандешла мягIна агарси тамашала руржуси тIамаличил урус мезли хьарбаиб:

— Чевверхи, xIy чинавадсири?

— Дагъистайзивадсира.

— Чиди миллатла сайри?

— Дарган.

— Кутти районна сайри? — муирила лугъатличил хьарбаиб илини. Вали тамашавиуб, тIакIизур, илала садерхурти хIулби журугдиуб:

«Нушала мез далуси чи немец яра урус вируси иш?! Германиялизив?!»

— Дахадаевла.

— Кутти шан сайри?

— Дибгаклан.

— БегIти...?

— ХIачули къаршивикара биккасси, цархIил милликив, дикилла хабар бургьара, — иб ХIелусини. Иличил хIисаб-суал дахъдарес Валила заманара аги, юлдашунира хIерлири. Сунела лугъатличил гъайикIуси иш адам чи саял хIегьурли ватес асубирару! Шилизи чарухъунхIели, шантази сейкIуси! Гьеч, чи саял белгихIебарили ватес асухIебирар! Сай хIерируси мер буриб ва чараагарли сунечи вакIахъес тиладибариб.

Чумал бархIила гIергъи ил адам Валичи пяхъли дурайкиб, сунечил рарх ца исбагьи рурсира сарукили.

Командирли документунира ахтардидарили, чумал сягIятлис иличил Вали вархьиб.

Вайсли сунела сагаси «Мерседес»-личибад савгъатунани бицIибси халаси таврара касили, парклизи хIябалра батбихьиб. Скамейкаличи кабиибхIели, цаличи ца гIяхIцадхIи суайчил хIербикIи, ихтилат селичибад бехIбирхьусил хIебалули. Амма илдала гьариллис саби-ургаб сегъуна-сабил гъамдеш, бирхауди гьанарусиванри. Ахирра Вайсли вякьсайзурли сунечи хIерсайкIуси сунелагъуна къянкъла вегI Валила хъуцIарличи някъ кабихьиб, гIyp хапли кIапIуциб — Вайсла ляжубачирад хъара-хъарагъунти нургъби гердикIесдииб. ГIур ил ватаили, хъатли нургъби душкиб ва чеб-чебудуси, руржуси тIамаличил иб:

— Ну ишав Вайс ветаурлихьалли, дила у Вали саби. ХIуни дила у бихулри: ну — хIела хала дудеш сайра, хIела дудешла дудеш! — бекI гIяшбуцили, гIязаблизив лехIкахъиб ил.

ВиштIал Вали уркIухъун: «Дила хала дудеш?! Дудешла дудеш?! ИлкIун дургъбазив кавшибсири! Муэру иш хIуруцIу?!»

Вайсли сунечила хабар даимбариб:

— Дергъла майдайчив декIли вяхъира. ГIур биубси хIебалас — немецунала лазаретлизив чевсаргъира. Бурули бири, ясиррикибси санитарка урус рурсили верцахъибсири или. Игъбарлисван, сагъиубхIели лагерьлизи архIевкили, узахъес давлачевсиличи арукира. ГIярмиялизи арукайчи ну МТС-лизив механикли узусири. Дила ил санигIят хIясибли, давлачевла мастерскаябазив узира. ВегIли балуси секIал чинаб-дигара багалабирули буили саби. 1944 ибил дуслизив ну гIярмиялизи аркьухIели, хIела дудеш МяхIяммад ца дус виубли левсири. Гьанна ил 47 дус виубли сай. Саю?  — ГIе, сай.

— Дила неш Хамис кьалли жявлил ахиратлизи аррякьи рургар?

— ХIела узи ГIяли дургъбазив кавшиб или цIудара кагъар бакIибхIели, илис гIергъи — хIелара, децI-шишимайзир ребкIибси сари.

— Аминат, дила хьунул, хIела хала неш, мицIирли лералу? Валини илхIяйзиб жаваб чархIебариб: илис хала неш, илала хабурти ва шишимти гьандикиб.

Ил ребкIила хIябал дус сарри дикибти. Мурул дергълизив кавшиб или кагъар бакIилихьалли, рирххIерули, мурт-биалра чарухъесгу или лехIихъули, цархIиллис шери хIерякьи, ца уршира айкьурли, гамъали гIямру деркIибтири пякьирли. XIepaгy, иш биалли иша дигIянкайубли хIерирули! ГIур сунела жавабличи хIерси ил хIисабварили, гьанкIлизивад хапли чеваргъибхIеливан тIатIбатур:

— Юх, ребкIиб. Ит хIечи даим хIерсиригу, сен хъули чархIевхъунри? — гьими бухIнаси тIамаличил хьарбаиб.

— ХIела уркъбяхъ бархьси саби, дила урши. Амма нура, нугъунти цархIилтира хъули чардухъахъес ихтияр лугули ахIенри. Чарбухъес бикибтира туснакъбирулри, Сибирьлизиб бубкIахъулри. ВатIайзи, вегIла кулпетличи чарухъес чис хIейгахъу, — илала хIулбазирад гIyppa нургъби дурадикиб. ЛехIкахъиб. ГIур кьанниван чеб-чебудуси тIамаличил иб:

— Ишгъуна бииши Аллагьли наб белкIунси кьисмат.

Ишав хъайчикайира ну. XIepa, иш дила рурси сари. Илини рурсилизи немец мезли серил иб. Рурсили Валис някъ гьабатур ва, пишряхъили, муиран лугъатли иб:

— Н-а-б Лаура би-кIар, ди-ла у-цци-ла дар-хIа.

Илди дугьби дудешли иша сарукес гьалар дяркъяхъурли дурги. Валила хумарси вяхIлизиб пишяхъни гьанаурли, рурсила някъра цIацIабарибхIели, дудеш талихIчевли пишяхъиб.

Ил — сунела хала дудеш виъниличи ташмишдеш кахIелун, сенкIун илини сунела агьлуличила дурути лерилра дархьти сарри, хIятта дудеш акIубси дус булан, иличи че — чула шила лугъатра. Сунени бихуси у дургъбазив кавшибси хала дудешла биъниличила бегIтазибадра чуйнара аргъибсири. Гьар се-секIал или диалра, хапдешли уркIи иличибад тяйдибирахъусиванри, ятли халирулри. Уршила уршила ил хIял ухънани иргъули вииши, ил пикриикIулри: «ГIе, жагьси адамлис, къиян-жапа чехIедаибсилис, кIел журала гIямру чехIедаибсилис гьарли-марси хIякьикьат таманни аргъес къиянни саби. Амма нуни ишизи ца секIал бурис — сунес дигуси бараб. Нушала пачалихъли (СССР-ли)» вегIдешлизи дехла автомашина яра трактор аcахъес адам валтули ахIенри, вачар бузахъес къадагъабирулри, шагьарлизиб кIидерхIла юрт барахъес хIелтулри. Ахъри леблихьалли, адам яшав гIяхIбарахъес хIелтулри. Ишаб биалли (Германиялизиб) ил шайчиб азаддеш саби. БекI бузуси адам давлачеввиэс вирули сай. Белики, ишарти аги-кьяйда дагьалли, цачумал дус набчив калес, пачалихълизибад ихтиярра сасили, сунела гIурла гIямрулис багалабиахъес напакьа кабихьайчи. Мушул вашнилашалра ишабтачил вягIда бигьес вирар». Илини Вализи иб:

— Ишаб гьанна дила гIяхIси яшав леб. Халаси жагаси юрт леб, ну вегIти автомастерскаяби лер, — гIyp илини итатIибван тIашкаибси сунела «Мерседес»-личи тIул бяхIчиаиб, — итдигъунти хIябал автомашинара лер. Ит хIела саби — хIед нуни пешкешбирулра. Ишав заманалис набчив калес рахли кьабуликадли, правительстволичи кагъар лукIехIе. ХIела яшавла даража гIяхIбухъунхIели, ВатIайзи чарухъес вируд.

— Юх, — иб Валини, вахъхIи-декIар пикрихIейкIули, — давлалис вегIла пагьмура, бузерира, гьунарра дирцуси адам наб хIейгахъис. ВегIла ВатIайчила пикриикIуси сай.

Ил кьяркьси жавабли ухънас децIагахъиб: мурт хъумартурсири гъари сунени ВатIан! Дугели кайхьунхIелира, цунухъунхIелира, гьаннара гьанбиркулигу.

«ХIяй вегIебш, ВатIан, ВатIан! ПавлихIиб бикьурси куркбала цIа..., бемжализиб берцIибси буцIар-буцIарси нешла кьацIла тIем..., савлира бархIехъра улгъилизир дучIути къакъбунала макьамти..., арцIикьяна рурсбала гьайбатти далуйти..., шиличир кIайдяхIибти чIакнала азаддеш... ГIе, ясирикира — набзивад ну вебкIес хIейубра...» — лерилра илди зимдухъун чархла азиралра биркIайзир.

— ХIебиалли, — гIяхIцад лехIкахъили гIергъи иб ухънани, сунела уркIиличибси хIял хIебагьахъурли, — набчила дудешличи кагъар белкIен. Рурсира кили, шадир вакIес кьасбирис. Гьанна пачалихъуни-ургаб гьава гIяхIбиубли саби — ихтияр сасес виишагу. Нушала ВатIан, дубурти чедаэс рурсилисра дигули сари. Имкан бакIибхIели, xIeлa автомашина арбукес вакIи. Дила хъалицIара чедиид, гIяхIси шадибгьунира бирехIе.

Ма ишди савгъатунира — хIедра, хIела гьалмагъунасра, — илини секIай бицIибси халаси таврара сунела адресра дедиб.

— ГIяхIна. Баркалла, — иб Валини.

Непредвиденный случай

 

Думаю: «И в природе, и в человеческой жизни бывают непредвиденные случаи». Хочется напомнить вам об этом, родные мои.

Природа. Весна. Раннее утро. Вдруг откуда ни возьмись появляются чёрные тучи. Страшный гром — земля дрожит. Молния разрезает небо. Начинает падать град — сначала редкие горошины, а потом всё сильнее, сильнее. Град уничтожает все посевы. Ураган с корнем вырывает деревья, разрушает мосты. Выхватывает безгрешную птичку из гнезда и бросает в глубокую пропасть: хочешь, живи, хочешь умри.

В человеческой жизни бывает ещё хуже. А мне хочется рассказать не о страшном, а об интересном и очень неожиданном. Это случилось в Германии, в послевоенные годы. Шли соревнования борцов между представителями городов и воинских частей. Когда вызвали на ковёр борцов среднего веса, на арену вышел парень, у которого мышцы на руках были как маленькие мячики. Объявили, что это Вали Магомедов — представитель воинской части СССР. Когда какой-то человек, сидящий на стадионе, услышал эти имя и фамилию, он вскочил, как будто у него нод ухом из пушки выстрелили. Горе и радость охватили его.

Кто же он? Почему, услышав эти имя и фамилию, он так разволновался?

В его паспорте было написано: «Гражданин ФРГ Вайс Маннесман». Но никто не поверил бы этой записи, потому что у него темноватый цвет лица, чёрные глаза, седые грубые волосы, и нос, похожий на клюв орла. Наверное, этому человеку было лет шестьдесят пять. Да, он не был похож на немца, больше всего напомниал горца.

Тогда почему у него такое имя — Вайс Маннесман? Оно ведь немецкое. Может он предатель, который живет здесь под чужим именем? Мало ли на свете таких! Интересна природа человека: еда у всех одинаковая, воду все пьют одинаковую, и в могилу с собой уносят только лишь саван, но при жизни некоторым все не хватает богатства, из-за денег они становятся предателями. Нет, нет, о незнакомом человеке так говорить грешно...

...Когда Вали Магомедов одержал победу на ковре, Вайс заплакал — слезы стекали по его щекам и падали, как горошины. Что это за слёзы: от счастья или от горя?! Когда завершились соревнования, Вайс ждал на улице, пока Вали выйдет. Когда борец СССР вышел с друзьями, Вайс подошёл к нему и спросил его на русском языке:

— Извините, откуда Вы?

— Из Дагестана.

— Какой национальности? — Даргинец.

— Из какого района? — спросил Вайс на муиринском диалекте даргинского языка. Вали удивился, глаза его округлились: «Что за немец, который знает наш язык? Или русский? В Германии?!»

— Дахадаевского.

— Из какого села? — опять на муиринском диалекте спросил.

— Дибгак.

— Родители?.. Хотел бы с Вами встретиться, чтобы рассказать о себе, — сказал незнакомец.

У Вали не было времени, чтобы выслушать незнакомца, товарищи ждали его. Но ведь и так дело нельзя оставить, не узнать, что за человек, который разговаривает на родном Вали языке. Борец сказал, где он служит и попросил, чтобы этот человек обязательно к нему пришёл.

Через несколько дней Вайс приехал к Вали, с ним была очень красивая девушка. Командир, проверив документы гостя, разрешил Вали выйти с Вайсом на несколько часов.

Тот приехал на новой машине «Мерседес». Достал большой пакет с гостинцами и они втроём пошли в парк. Когда сели на скамейку, Вайс и Вали долго смотрели друг на друга, не зная с чего начать беседу. Но каждый из них чувствовал, что между ними есть какая-то связь и близость. Наконец Вайс положил руку на плечо Вали, потом внезапно обнял. С щёк Вайса начали падать крупные капли слёз. Потом, отпустив парня, он стер их ладонью и прерывистым голосом сказал:

— Хотя здесь меня все зовут Вайс, на самом деле моё имя — Вали. Ты носишь моё имя: я твой дедушка, отец твоего отца!

Он опустил голову и замолчал.

Младший Вали удивился: «Мой дедушка?! Его убили на войне! Это сон или действительность?!» Вайс продолжил разговор:

— Меня тяжело ранили на поле боя. Что случилось потом, не помню — очнулся в немецком госпитале. Говорили, что наша медсестра, попавшая в плен, спасла меня. К счастью, когда я вылечился, меня не послали в лагерь, а отправили работать к богачу. До армии я работал в МТС механиком. И в мастерских богатого немца стал работать по той же специальности. Когда в 1944 году меня мобилизовали в армию, твой отец Магомед был годовалым мальчиком. Теперь ему 47 лет. Да?

— Да, сорок семь.

— Моя мать Хамис, наверное, давно умерла?

— Твой брат Али был убит на войне. После этого с горя умерла.

— Аминат, моя жена, твоя бабушка, жива?

Вали сразу не ответил: он вспомнил бабушку, её рассказы и страдания. После её смерти прошло только три года.

— Когда получила чёрную весть о твоей смерти, не поверила этому. Думала, что когда-нибудь вернётесь, не вышла замуж, все годы прожила вдовой... Смотри-ка, а он здесь спрятался! Вали сурово посмотрел на дедушку и сказал с укором:

— Нет, умерла. Она всегда тебя ждала. Почему не вернулся домой?

— Твоё обвинение правильное, внучок. Но ни мне самому, ни мне подобным вернуться домой не разрешили. Тех же, кому удалось вернуться домой, арестовали уже там и отправили в Сибирь. Кто же не захочет вернуться домой, к семье? — опять у него начали капать слёзы. Он замолчал. Потом сказал дрожащим голосом:

— Наверное, такая судьба была уготована мне Аллахом. Здесь я женился ещё раз. Вот дочка. Он что-то сказал девушке на немецком языке. Та подала Вали руку и, улыбнувшись, сказала на даргинском языке:

— Меня зовут Лаура, племянник мой.

Наверное, она выучила эти слова наизусть, отец научил ее перед приходом сюда. Увидев, он Вали улыбнулся и пожал руку его дечери, Вайс обрадовался. Вали поверил, что перед ним родной дедушка, потому что всё, что он говорил об их семье — правда, даже год рождения отца. Плюс к этому и их язык (говор). Он не раз слышал от родителей, что носит имя погибшего на войне дедушки.

И хотя всё было так, но между ними всё же оставалась какая-то отчуждённость.

Дедушка почувствовал настроение внука и подумал: «Да-а, молодому человеку трудно поверить в то, что я рассказал. Он еще не видел, не знает о том, что жизнь двулика, не видел ее жестокости. Я скажу ему об одной вещи — пусть сделает, что хочет. В нашем государстве (СССР) не разрешали купить грузовую машину или трактор, запрещали торговать, строить в городе двухэтажный дом. Даже если были возможности у человека, не разрешали ему развернуться. Если он узнает о здешних условиях, то, может, согласится остаться на несколько лет здесь, со мной, взяв у государства согласие? Здесь он мог бы заработать на свою будущую жизнь. Можно договориться и о том, чтобы занимался спортивной борьбой».

Он сказал Вали:

— Здесь я хорошо живу. У меня большой хороший дом, собственные автомастерские, — он показал рукой на свой «Мерседес», — таких легковых машин у меня три. Эта — твоя, я дарю тебе ее. Может, согласишься на несколько лет остаться у меня? Попросим разрешение от правительства. А когда твое материальное положение поправится, вернешься домой.

— Нет, — прервал его Вали, не долго думая,— я не люблю тех, кто за богатство продаёт свой ум, свои способности! Надо думать о своей Родине.

Этот жёсткий ответ не понравился старику. Разве он забыл о своей Родине?! «Все эти годы, каждый раз когда ложился спать в одиночестве вспоминал о ней. Да и теперь она в сердце. Да-а, Родина, Родина! В родном доме у камина огонь из кизяка... вкус домашнего хлеба... утром и вечером пение куропаток, песни девочек, возвращающихся с полевых работ... парящие над селом свободные орлы... Разве можно это все забыть? Попал в плен. Не смог пойти на самоубийство...», — думал старик.

— Тогда, — сказал он после паузы, стараясь скрыть свои чувства, — напиши отцу обо мне письмо. Я постараюсь приехать в наше село с дочкой. Теперь между нашими государствами отношения улучшились, я постараюсь получить разрешение. И дочка, твоя тётя, хочет увидеть наши горы. Как только у тебя будет возможность, приходи за своим «Мерседесом». Заодно увидишь мой дом, как я живу. Хорошо отдохнёшь. Это подарки для тебя и твоих товарищей, — он отдал внуку большой пакет с подарками и свой адрес.

— Хорошо. Спасибо, — ответил Вали.

Рейтинг@Mail.ru