Исмаил Гаспринскийнинъ ферасети
Мадам ки, тиль ве эдебият медениетимизнинъ темели экен, о чалышмакъ ве ялынъыз чалышувынен сакъланып къала билир. Чалыштырылмагъан маден тотланып къала. Тиль де ойле.
Биз, даа, тилимизнинъ догъру я да янълыш чалыштырылгъаны узеринде кениш суретте токътамаймыз. Янълыш теляфуз япылгъан бир сёзни яхут джумлени он кере эшиткен инсан оны догърудыр беллеп къабул эте ве онъа алышып къала. Меселя, «Мейдан»да генч яйын алып барыджыларымыз: «Биз де сизге сагъ ол айтамыз» дегенлери ич де къырымтатарджа дегиль. Бу – русларнынъ «И мы вам говорим спасибо» дегенининъ калькасыдыр. Генчлеримизнинъ яраткъан янъы-янъы тюркюлериндеки «идиотские словосочетания»ларыны (режиссер Говорухиннинъ ибареси) айтып отурмайым. Джанлары агъырыр ве санатымызны быракъып кетерлер. Алла косьтермесин, къаранлыкъ ичинде къалырмыз!.. Медениетимизнинъ башында тургъан экинджи дереджели бир улемамыз ойле де деди: тенкъид этеберсенъиз, бу истидатлы генчлер рус ансамбллерине кечер кетерлер, «йылдызларсыз» къалабилир эмишмиз. Айды, не япайыкъ, ойле олса, барсын, гурьдели осеберсинлер… Не бермеген Алла! – бельки акъикъий санаткярлар догъарлар. Я «Кезлев къапусы», «Эски Къырым минареси», «Акъкъая фестивали» киби шоулар ялынъыз къоджагъа чыкъув боюнджа рекордчы Н. Нурмухамедова ве де яхут тюрк йылдызы Гюнай ичюн отькерильмейдир. Бинълернен пара ботен «ювылмайдыр». Бунынъ бир нетиджеси олур, иншалла! Бельки озюмизнинъ де Наташаларымыз, Гюнайларымыз пейда олур, иншалла…
Афу этинъиз, мевзудан бираз четке чыкътым. Мерамым, тильни яшатмакъ, чалыштырмакъ, инкишаф эттирмек мевзусы эди. Затен, юкъарыдаки фикирлерим де азмы-чокъмы, шу меселенен багълыдыр.
Тиль, оны ташыгъан миллет не ерде олса, о ерде чалыша эм чалышмакъ керек. Эбет, оны эр кунь, эр саат, эр дакъикъа эшитмек, къулланмакъ, онынъ вастасынен язылгъанларны окъумакъ иле чалыша.
Я, миллет ана тилинде окъумаса? Окъумагъа истеги олса биле, ана тилинде язылгъанларны анълап оламаса? Анълагъан шейлери де ич бир тюрлю меракълы олмаса? Не япмалы? Умумен, миллетни ана тилине насыл сарылдырмалы? Окъумагъа джельп этмек ичюн не япмалы?
Бу меселеде де Исмаил Гаспринскийден огренмек мумкюн. О, «Терджиман»да гъает меракълы къыскъа-къыскъа макъалечиклер, хаберлер, икяелер бастыргъан. Шимдики газеталарымыз киби бир къоранта тарихыны яхут бир эмширенинъ хызметлерини саифе-саифе язып окъуйыджыны быкътырмагъан. «Терджиман»нынъ эр бир макъалечиклери, икяечиклери окъуйыджыгъа янъы ачылгъан бир дюнья олып корюльген. Меселя, «Багъчасарайлы яш молланынъ икяелери»ни ал да окъунъыз. Кичик, амма терен фельсефели «Хаджынынъ ферасети» адлы икяе шимди де меракънен окъулыр. «Хаджынынъ ферасети» асылында И. Гаспринскийнинъ ферасетидир. Мына о икяе.
«Мерхум Муслим бабайнынъ учь огълу бар экен. Бол-сал аиледе Джелял, Сабит, ве Джемиль исимли учь къарындашлар гъает раат ве кемликсиз яшай эдилер. Девлетлери еринде, тиджаретлери ревачта (илериде) эди. Бирадерлернинъ буюги Джелял Эфенди сеяхат ве зияретлерни севе ве бабалары вефат эттиктен сонъра ватанында чокъ къалмайып, сеяхат ве Хадж ниетинен ёлгъа чыкъты. Сефери узакъджа олып, бир нидже йыллардан бери узакъ улькелерде зиярет ве сейран иле доланыр – гезер эди. (Урьметли окъуйыджы, икяенинъ тилине эмиет беринъиз! – Ш.С.)
Юртта къалмыш бирадерлери Сабит ве Джемиль Эфендилерге ай бе ай яздыгъы асрет мектюплеринен Рум ве Мысыр къыталарыны гездиктен сонъра Хиджаз-и Мубарекке юзь сюрюп Хадж-ы Шерифин эдасындан сонъра Хинд ве Джава тарафларына ёнельгени ве эр ерде бир ибрет, эр корьгенлеринден бир хиссе ве фикир алгъаныны бильдире эди. Затен, фикири гъафиль, козю корьмез, гонълю сезмез адамлардан олмадыгъындан, дюньягъа ибрет козюнен бакъып, эр корьгенини тюшюндже ве видждан ольчюсине къатып, эр шейнинъ себеплерини, махиетини, файда ве зарарыны анълар эди.
Хаджы Джелял Эфенди секиз сене къадар сеяхатта джурюп (метнде айны бойле – Ш.С.), ахырысы ватанына къайтты. Бирадерлери Сабит ве Джемиль Эфендилер коптен бери эвленмиш ве бала-чагъа сахиплери олмуш адамлар эди. Хаджы Джелял Эфендининъ баба юртуна къайттыгъы бирадерлери ичюн буюк бир байрам оларакъ, нихает дередже мухаббет ве ихтирам ве ферах иле агъаларыны къаршылап алдылар.
Хаджы Джелял Эфенди ханеге кирдиги иле беш я алты яшарлыкъ эки огълан аман къолларына япышып, опип дуасыны алдылар.. Оларнынъ бири Сабитнинъ, экинджиси Джемильнинъ огъулчыкълары эдилер. Хаджы Джелял Эфенди оларны эки тизине алып, бир хайли севди, охшады, бир нидже дуа этип, эр экисине узакъ мемлекетлерден кетирдиги надир шейлерден эдие этип севиндирди.
Чай ичилип, аш ашалып бирадерлер субетке башладылар. Сёз-сёзден келип, Сабит ве Джемиль Эфендилер эвлендиклеринден бахис ачылдыкъта Хаджы Джелял эфенди «Берекаллах, мухаббет ве дюрюст омюр этинъиз. Келин ханымлар пек яхшы валиделер экен. Сиз де балаларынъыз да бахтлы олурсыз», деди
Хаджынынъ бу сёзюне бирадерлер тааджюп эттилер. Келин ханымларны даа корьмейип, бильмейип, яхшы олгъанларыны къайдан бильген экен?
Хаджы Джелял, бирадерлерининъ тааджюп эттиклерине джевап оларакъ деди: «Айткъан сёзлеримни къуру ве бош бир макътав яки ерсиз бир метх деп беллеменъиз… Шу эки сабий, айткъанларыма мени къаний эттилер, юриш-турушларынен манъа келинлерни бильдирип мемнюн къылдылар. Бу сабийлернинъ къолларына козь эттим, тырнакълары кесильмиш ве тырнакъ тюплери темиз олдугъыны корьдим. Боюн ве къулакъларына козь эттим: ич бир ерде кир эсери корьмедим. Бундан, валиделерининъ темизлик ишлерине дикъкъатлы ве беджерикли олдукъларыны анъладым. Эгер бойле омаса эди, сабийлернинъ къоллары, бетлери джувулмуш (метниде айны бойле – Ш.С.) олдугъу хальде тырнакъ тюбинде я къулакъ ичинде кир къалыр эди. Сабийлернинъ кийимлерине дикъкъат эттим: кийимлери адий олдугъундан келинлернинъ исраф-масрафкъа ёл бермегенлерини анъладым ве бахусус бир баланынъ кийиминде ямав корьдюгимден, валидесининъ беджерикли олдугъуны бильдим; чюнки, хамд олсун Худая, истесе огълуна куньде янъы кийим кийдирмеге ал ве вакъытлары бардыр».
Бугуньки неширлеримизде де бойле икметли икяелер, макъалелер чокъджа олса, халкъымызны окъумагъа бираз да олса джельп эте билир эдик.
Мудрость Исмаила Гаспринского
Как известно, язык и литература являются основой культуры и сохранить их можно только при условии, что они находятся в действии. Залежавшийся металл постепенно ржавеет. Так же и язык народа.
Совсем отдельный вопрос: правильно или же неправильно мы пользуемся языком. Услышав десятки раз то или иное неправильно произнесенное слово либо предложение, мы думаем, что это правильно и в итоге просто свыкаемся с этим. Например, на «Мейдане»* молодой ведущий говорит: «Биз де сизге сагъ ол айтамыз», – и это совсем не по-крымскотатарски. Это просто калька с русского: «И мы вам говорим спасибо». Я уже не говорю про «идиотские словосочетания» (выражение режиссера Говорухина), которые встречаются в новых песнях наших молодых исполнителей. Вдруг я скажу, и они обидятся, оставят искусство. Не дай Бог, останемся тогда в полнейшей тьме! Ведь один второсортный деятель, стоящий во главе нашей культуры, недавно сказал: будете критиковать, наша талантливая молодежь уйдет в русские ансамбли. И останемся мы тогда без «звезд». Ну, раз так, что поделать, пусть продолжают «ярко светить»… Авось среди них и настоящий артист появится. Ведь всякого рода шоу у нас проводятся не только ради Н. Нурмухамедовой и турецкого певца Гюная. Не просто же так идет отмывка денег! Будет, надеюсь, и результат! Возможно, появятся наши Наташи, наши Гюнаи…
Извините, я отошел от темы. Ведь хотел написать исключительно о языке, о его спасении, использовании и развитии. Хотя вышеизложенные мысли так или иначе связаны с этой темой.
Язык используется и должен использоваться там, где находится сам народ. Язык живет благодаря тому, что ежедневно, ежечасно мы слушаем родную речь, разговариваем, читаем на родном языке.
А что, если народ не читает на родном языке? Если даже он хочет читать, но не понимает написанного на языке матери? Что тогда делать? Как народ объединить с родным языком? Как привить желание читать на родном языке?
В этом деле можно брать пример с Исмаила Гаспринского. Он в «Терджимане» печатал небольшие статьи, заметки, рассказики. Тем самым прививал любовь к чтению. Он отнюдь не изнурял читателей бесконечными семейными историями на целые полосы или же подробными описаниями заслуг медсестер, как это делается сейчас. Каждая статья или же рассказик, напечатанные в «Терджимане», открывали целый мир перед читателем. К примеру, прочитайте «Рассказы молодого муллы из Бахчисарая». Или же поучительный рассказ «Мудрость паломника», который даже в наше время читается с интересом. «Мудрость паломника» в действительности является мудростью И. Гаспринского. Вот этот рассказ.
«У ныне покойного главы семейства Муслима было трое сыновей: Джелял, Сабит и Джемиль. Они росли в зажиточной семье, не зная забот. Братья занимались торговлей, и дела у них шли в гору. Старший из братьев – Джелял Эфенди – любил путешествовать. Он, сразу же после смерти отца, отправился в далекий путь, заодно намереваясь совершить паломничество. Странствие его затянулось на долгие годы, в течение которых он посетил множество различных городов в разных уголках мира. (Уважаемые читатели, обратите внимание на слаженность повествования! – Ш. С.)
Джелял Эфенди каждый месяц писал письма своим родным – Сабиту Эфенди и Джемилю Эфенди, – описывал места, в которых побывал. Он рассказывал о Риме и Египте, о том, как после Хиджаза совершил паломничество в Мекку, а после отправился в сторону Индии, он писал о том, что многому научился в тех местах, узнал много нового. Впрочем, он всегда был любознательным, душевным человеком, обдумывал все, что видит, пытался дойти до истины, понять пользу или же вред того, с чем приходилось сталкиваться.
Хаджи Джелял Эфенди после восьми лет странствий наконец вернулся в родные края. Его братья Сабит Эфенди и Джемиль Эфенди уже давно женились, у них были дети. Они были счастливы возвращению старшего брата и встретили его с большим почтением, с искренней радостью.
Когда Хаджи Джелял Эфенди вошел в дом, то сразу же к нему подбежали двое мальчишек и по обычаю поцеловали ему руку. Один из мальчишек был сыном Сабита, а другой – сыном Джемиля. Хаджи Джелял Эфенди посадил ребят на колени, обнял их, потом, прочитав молитву, каждому дал подарок, привезенный из далеких стран. Дети были очень довольны.
После того как был выпит чай и началось приготовлению к застолью, Сабит Эфенди и Джемиль Эфенди рассказали о том, как они женились. Хаджи Джелял Эфенди похвалил их и пожелал благополучия в семье. «У вас очень хорошие жены. Будьте и вы, и ваши дети счастливы», – сказал он братьям.
Сабит Эфенди и Джемиль Эфенди, поблагодарив брата, в то же время удивились, так как он еще не видел их жен, но дал им высокую оценку.
Хаджи Джелял заметил, что братья удивлены его словам и пояснил: «Не подумайте, что я просто так похвалил, что это пустая лесть… Дело в том, что я увидел ваших детей и убедился в том, что ваши жены дали им правильное воспитание. Я остался доволен. Я также посмотрел на их руки, их ногти были обрезаны правильно, и они были чистые. Я посмотрел на шеи и уши ваших детей, на них не было следов грязи. Значит, их мамы следят за чистотой и это у них получается. Иначе, даже если бы лицо и руки ребенка были вымыты, под ногтями либо в ушах могла остаться грязь. Я обратил внимание на их одежду: одежда была самая простая, значит, вашим женам не свойственна расточительность, а увидев умело латаный рукав, я понял, какие они хозяйственные. Слава Всевышнему, ваши жены могут достойно трудиться и ухаживать за детьми».
Хотелось бы видеть в нынешних газетах и журналах подобного рода короткие и поучительные рассказы на родном языке. Тогда хоть немного появится у людей желание читать.
* Крымскотатарское радио.
