Кадлöн ловья ю
Журналисттэз мымдаöнкö вачкисьлöны Данайлöн ныввез вылö,
кöднö еннэз тшöктiсö тыртны ваöн пыдöстöм кöньöс.
Карел Чапек
Отирлö, кöдна чужöмась чулалöм веклöн нёльдасöт–витдасöт годдэзö, ковсис пешлыны ас выланыс да адззывны уна: войналiсь шыэз, кöдна гымалiсö кытöнкö сэтчин, ылын рытланьын, Москва дынын, война бöрся годдэзлiсь сьöкытсö да радсö, витдасöт–сизимдасöт годдэзся бур да шуда олан видзчисьöм, застойнöй годдэз да перестройка, ыджыт, уна национальносттеза государстволiсь жугалöм-разьсьöм, быдкодь кризиссэз… 2000 год – рубеж, кадлöн чегöм-вежсьöмыс, кажитчис, лоас кытшöмкö визьöн, граньöн, кöда торйöтас важсö локтан виль, вöвлытöм кадкöт, кöда йитсяс надеяэзкöт, вöрддэзкöт…
И вот виль тысячелетиелöн чулалiсö ни кыкдас год. Кадыс мыдзлытöг вежö-панö отирлiсь оланнэз, жалейттöг вашöтö нiйö олан туйез кузя, пуктö ны чужöммез вылö ассис пöрисьтан пассэз…
Кад тэ, кад… Ешты дзир лыддьыны годдэз…
Галина Григорьевна Бажина чужис 1940 годся февраль 13 лунö. Журналисттэзлöн профессияö сiя локтiс 1962 годö Пермскöй государственнöй университетiсь филологическöй факультет кончитöм бöрын. Локтiс дыр кежö, пыр кежö, быдсöн олан вылö. Оланыс топыта йитiс сiйö округись «По ленинскому пути» газетакöт (бöртiжык пондiс шусьыны «Парма») кузь нёльдас вит год кежö. Газетаын уджавны пондöтчöмсянь кык год чулалöм бöрын том нывка Галина вöлi примитöм СССР-ись журналисттэз Союзлöн членöн. Сылöн вöлiсö тöдiсь велöтiссез: опытнöйöсь, требовательнöйöсь, профессиональнöйöсь. Да и ачыс сiя журналистикаын лоис не случайнöй мортöн – олан туй вылас вöлi гижöм: уджавны периодическöй печатьын. Öнöдз сылö аслыс кажитчö вöвлытöмöн сизимöт классын сiя случайыс, кöр велöтiсь юалiс, кинöн сiя мöдö лоны. А нылочка аслыс видзчисьтöг висьталiс: «Журналистöн». Петö, что одзлань кежö ни олан туйыс вöлi кöсйöм-лöсьöтöм.
Уджалiс Галина Григорьевна корреспондентöн газеталöн сельскохозяйственнöй отделын, сэсся письмоэз отделын, а рубрика «Письмо корö туйö» сетiс вöвлыны сылö Коми-Пермяцкöй автономнöй округись быд пельöсын, мед пантасьны ныкöт, кин гижлiс письмоэз газеталöн редакцияö, мед адззыны правда да справедливость. Сiя тöдсасьлiс быдкодь профессияэза да судьбаэза морттэзкöт и – гижис, гижис… Оз позь висьтавны, кыным блокнот да тетрадь вöлiсö тыртöмöсь гижöмнас командировкаэз коста…
Галина Григорьевна олiс принцип сьöртi, кöда гижöм Игорь Губерман поэт строчкаын: «Ловья чушыктöмöн строчкаэз шонт, а эн сет тиражö халтура…» И гижöм вотöдз журналист пыр «шедтiс»-кошшис фактическöй материал, сведеннёэз, морт йылiсь информация. Сылöн петавлiсö уджалiсь морттэз йылiсь зарисовкаэз, юралiссезкöт интервьюэз, искусствоын да наукаын уналö тöдса морттэз йылiсь очерккез, олан йылiсь историяэз, интереснöй факттэз йылiсь заметкаэз, событиеэз чулалан местаэзiсь репортажжез да отчёттэз, округись населеннёлöн общественнöй олан йылiсь паськыт содержаннёа статьяэз. Журналист кужис да вермис гижны быд газетнöй жанрын. Отирлöн оланнэз мунлiсö сьöлöм пыр, шонтiссьывлiсö сы лолöн, гижсисö радейтöмöн.
Бажина уджын некокнит туйдöтöн вöлi правоохранительнöй органнэз йылiсь, нравственность да мораль темаэз вылö корреспонденцияэз гижöм. Газетаас сiя гижлiсне только датаэз, событиеэз, отирлöн олан йылiсь, но и воспитывайтiс лыддьöтiссезöс. Сы публикацияэзын вöлi правда, добро, тыдалiс уважительнöй отношеннё геройез дынö. Сiя гижис «сьöлöмсянь петан да сьöлöммезöдз жö йиджан кыввезöн» (древньöй поэт-мудрец Назими сьöртi). Кужис гижны не только удж йылiсь, но и осьтны лыддьöтiсь одзын морттэзлiсь ловвез да характеррез.
И öнi, кöр Галина Григорьевналöн юбилей кежö охота гижны сы йылiсь ас йывсис «вылын стильöн» да благодарностьöн ны нимсянь, кин йылiсь сiя гижис джын век сьöрна, то вежöртана, что этö могсö тыртны нач некокнит. Мыля? Да сiйöн, что Галина Григорьевнаыс профессиональнöй журналист, кытшöммес нач етша Коми-Пермяцкöй округын; морт, кöда преданнöй аслас профессиялö, кöдалö еныс сетöм шоча пантасьлан козин-дар – кужны пользуйтчыны Кылöн. Сiя пыдына чувствуйтö Кывлiсь магиясö да вынсö. А журналистыслöн эд Кылыс – медтöдчана инструмент, удж понда орудие, да и просто оружие, кöда пессьö нёштöмкöт да умöлькöт… Эстöн колö вайöтны американец Уильям Федералiсь кыввез: «Ми пыр пондам буржыка уважайтны морттэзöс сы бöрсянь, кöр пешлам керны нылiсь удж». Сiдз и ме. Пешлi лоны журналистöн. И öнi почти тöда (вежöрта), мый лоö джын век гöгöр лунiсь лунö гижны, гижны… кошшыны да адззыны быд морт понда очеркын нето зарисовкаын (любöй материалын) дзир нiйö кыввесö, кöдна лöсялöны быдыслö… Сэтчö и шусяс: «Гижны, кыдз пыдöстöм кöньöсö». Эта адскöй, сьöкытся-сьöкыт удж, сьöкыт эшö и сысянь, не лэдзны кö гижикас халтура.
Сёрöнжык, кöр вöлiсö ни Галина Григорьевналöн опыт да журналистскöй удж тöдöм, сiя уджалiс газетаас ответственнöй секретарьöн. Организуйтiс да контролируйтiс отделлэзлiсь удж, печать кежö материаллэз качественнöя лöсьöтöм, керлiс газета полосаэзлiсь макет, лыддьöтлiс корреспонденттэзлiсь материаллэз. Öтiк кылöн кö висьтавны, – вöлi газеталiсь быд номерлöн «конструкторöн».
И эшö кынымкö визь сы портрет дынö. Уна годся бур удж понда да Пермскöй областись (крайись) профессиональнöй журналистикаö тöдчана пай пуктöм понда Галина Григорьевна наградитöм Россияись журналисттэз Союзлöн Почётнöй грамотаöн. Сiя – Аркадий Гайдар нима журналистскöй мастерство сьöртi областнöй конкурсын лауреат, унаись сетлiсö сылö «Журналистская весна» конкурсiсь быдкодь номинацияэзын дипломмез, ны коласын – номинацияын «За верность профессии».
Медбöрья годдэзö сiя гижис книгаэз, кöдна посвятитöмöсь уджалiсь отирлö Кудымкарскöй районiсь «Россия» колхозлöн, «ДСУ-3» (г. Кудымкар) строительнöй организациялöн юбилейез кежö. Ыджыт уваженнёöн «Парма» (кöркö шусис «Гöрись», «Ленин туй вылöт») газетаись сотрудниккез дынö да аслас коллегаэз дынö Г.Г. Бажина гижис газеталiсь история «Живая река времени». Рам сьöлöма, но öгралан лола, ассис профессия радейтöмöн, сiя öктiс-лöсьöтiс Коми-Пермяцкöй округ историяын газеталiсь кузь туй, кöдалöн кузяыс 90 год. Öктiс, медбы историялöн тöвчиккез эз мырддьö-лэбзьöтö, эз öштöтö важ оланiсь событиеэз, датаэз да дона ниммез нылiсь, кин козьналiс периодическöй изданнёлö, а сiдзкö, отирлö, ассиныс вын, олан, творчество.
Пурга-падераа февраль месяц быдкодь годдэзö сетiс Пармалö (коми-пермяккезлöн олан мулöн поэтическöй ним) уна тöдса творческöй морттэзлiсь ниммез: активнöйезöс, повтöммезöс, неравнодушнöйезöс, кöдна торйöтчисö асланыс уджöн отиркöт, колисö тöдчана визь коми-пермяцкöй народлöн историяö. Ны коласын Галина Бажина – профессиональнöй журналист, мам, баб, прабаб, уналöн медбур ёрт, олан радейтiсь, лыжница, роднöй странаöт путешествуйтiсь. И быдöс эта сылöн олансö да отирсö радейтöмсянь. Сiя шуда морт. И мед шудыс да гажыс олöны сы лолын, а лолыс и одзлань кольччö пöттöмöн ас гöгöрся мирсö тöдöм понда, мед сы дынын лоöны вежöртiсь ёрттэз, да мед радейтöны медматiсь морттэз. А эта понда мед эз быр сылöн природаöн сетöм здоровье.
Живое дыханье газетных строк
Журналисты несколько схожи с Данаевыми дочерьми,
которых боги приговорили наполнять водой бездонную
бочку.
Карел Чапек
Людям, родившимся в 40—50-е годы прошлого века, удалось испытать и созерцать многое: отголоски гремевшей где-то далеко под Москвой, там, на западе, войны, радость и трудности послевоенного периода, ожидание счастья и благополучной жизни в 50–70-е годы, застойные годы и перестройку, распад великого многонационального государства, кризисы… 2000 год — рубеж, перелом времени, казалось, будет какой-то чертой, гранью, разделяющей прошлое от наступающего неизведанного будущего, связанного с надеждами, мечтами, новой жизнью… И уже новое столетие и тысячелетие отсчитали два десятка лет. Время неумолимо распоряжается людскими судьбами, безжалостно гонит их по дороге жизни, накладывая на их лица свой рисунок возраста…
Время, время… Успевай считать годы…
Галина Григорьевна Бажина родилась 13 февраля 1940 года. Пришла в литературно-публицистическую деятельность (в журналистику) после окончания филологического факультета Пермского государственного университета в 1962 году. Пришла надолго, навсегда, на всю жизнь. Судьба накрепко связала её с коми-пермяцкой окружной газетой «По ленинскому пути» (позже стала называться «Парма») на долгие 45 лет. Уже через два года после начала работы в газете Галина была принята членом Союза журналистов СССР. У неё были достойные наставники: опытные, требовательные, профессиональные. Да и сама она оказалась в журналистике неслучайным человеком — на роду было написано: служить периодической печати. До сих пор ей самой странным кажется тот случай в седьмом классе, когда учительница спросила, кем она хочет стать. А девочка неожиданно для себя ответила: «Журналистом». Выходит, уже всё было предопределено свыше.
Работала Галина Григорьевна корреспондентом в сельскохозяйственном отделе газеты, затем — в отделе писем. А рубрика «Письмо позвало в дорогу» давала возможность объездить весь Коми-Пермяцкий автономный округ, проверяя правдивость описанных в них проблем. Она знакомилась с людьми разных возрастов, профессий, судеб и — писала, писала… Невозможно представить, сколько же было исписано во время командировок дорожных блокнотов, записных книжек, обычных тетрадок…
Галина Григорьевна жила по принципу, выраженному в строчках поэта Игоря Губермана: «Живым дыханьем строки грей, а не гони в тираж халтуру…» И прежде чем писать, она всегда добывала фактический материал, сведения, информацию о человеке. У неё получались зарисовки о людях труда, интервью с руководителями, очерки об известных людях искусства и науки, житейские истории, заметки об интересных фактах, репортажи и отчёты с мест событий, подробные статьи, связанные с общественной жизнью населения округа. Перу журналиста были подвластны все газетные жанры. Людские судьбы пропускались через сердце, согревались её дыханием, писались с любовью.
Одним из непростых направлений её журналистской деятельности было освещение работы правоохранительных органов, корреспонденции на темы нравственности и морали. Газета не только фиксировала даты, события, жизнь людей, но и воспитывала читателя. Её публикации без пошлости, без ёрничания, без передёргиваний, как это бывает в настоящее время в некоторых газетах, несли правду, добро, сердечность, уважительное отношение к героям публикаций. Она писала, по словам древнего поэта-мудреца Низами, «словами, идущими от сердца, проникающими в сердце». Умела описывать не только дела, но и раскрывать для читателя человеческие души и характеры.
И теперь, когда к её юбилею хочется написать о ней самой «высоким стилем» в знак признательности и благодарности от имени всех тех, о ком она писала в течение почти полувека, понимаешь, что справиться с этой задачей нелегко. Почему? Да потому, что она профессиональный журналист, каких очень мало в Коми-Пермяцком округе, человек, преданный своей профессии, обладающий редким даром — владением Словом, прекрасно чувствующий его магию и силу. А у журналиста Слово — главный рабочий инструмент, орудие труда и вообще оружие, которое борется с несправедливостью, с ложью, с проблемами… Здесь уместно процитировать американца Уильяма Федера: «Мы всегда начинаем больше уважать людей после того, как попробуем делать их работу». Так и я. Пробую быть журналистом. И теперь почти знаю (могу представить), что значит около полувека изо дня в день писать, писать... находить адресные слова для каждого человека в очерке или зарисовке — в любом материале… Невольно скажешь: «Писать как в бездонную бочку». Это адский, мучительный труд, тем более если не допускать халтуры.
Позже, имея опыт и знания журналистского труда, Галина Григорьевна работала ответственным секретарём. Занималась организацией и контролем работы отделов газеты по планированию и качественной подготовке материалов к печати, составлением макета будущих полос газеты, вычиткой материалов, подготовленных отделами, — одним словом, была «конструктором» каждого номера газеты.
И всё же ещё несколько штрихов к её портрету. За многолетнюю плодотворную работу и значительный вклад в профессиональную журналистику Пермской области (края) Галина Григорьевна награждена Почётной грамотой Союза журналистов России, является лауреатом областного конкурса журналистского мастерства имени Аркадия Гайдара, неоднократно получала дипломы конкурсов «Журналистская весна» в разных номинациях, в том числе «За верность профессии».
За последние годы ею написаны книги, посвящённые людям труда, к юбилеям колхоза «Россия» Кудымкарского района, строительной организации «ДСУ-3» г. Кудымкара. С бережным отношением и большим уважением к сотрудникам газеты «Парма» (в прошлом «Пахарь», «По ленинскому пути») и к своим коллегам Г. Г. Бажина написала книгу об истории газеты «Живая река времени». Имея щедрое сердце и неуёмную душу, в знак преданности и любви к своей профессии, она восстановила долгий путь газеты, длиной в 90 лет, чтобы ветер истории не вырвал из прошлого и не разнёс в небытие события, даты и дорогие имена тех, кто служил главному периодическому изданию Коми-Пермяцкого округа, а значит, людям.
Вьюжный февраль в разные годы дал Парме (поэтическое название места обитания коми-пермяков) многих известных творческих людей: активных, даже страстных, неравнодушных, отдающих себя труду ради людей, оставляющих заметный след в истории коми-пермяцкого народа. Среди них Галина Бажина — профессиональный журналист, женщина-мать, бабушка, прабабушка, многим верный друг, оптимист, лыжница и путешественница по родной стране. И всё это благодаря её неистовой любви к жизни, к людям. Она счастливый человек. И пусть ощущение счастья сопутствует ей, пусть душа остаётся неуёмной к познанию необъятного мира, пусть окружают её верные друзья и пусть купается в любви родных людей. А для этого пусть не скудеет здоровье, данное природой.
2021
