Кун — ҫул курки
СОНЕТ КӐШӐЛӖ
1
Пӗрпеклӗх ҫук иккен. Эпир ҫеҫ улшӑнмастпӑр.
Ҫулсен алмазӗ ҫеҫ пите шав чӗркелет.
Ӑс-кӑмӑл ÿснӗҫем татах пурнас килет,
Шур ватлӑх анӑҫне пӑхмашкӑн васкамастпӑр.
Мӗн-ма хыпаланас? Хӑех ҫитет черет,
Лӑплан — сан вырӑнна кам йышӑнӗ сӑвапсӑр?
Кун-ҫул кӗрекинче пӗр вӗҫӗмсӗр лармастпӑр:
Хӑналӑх вӑл иртет, ҫул куркипе пӗтет.
Эй, ахӑр самана! Сана манмасть ачалӑх:
Эпир сан чӗрҫÿнте хӑрушӑ вӑрҫӑн урмӑш,
Тискер куҫӗпеле тӑм тивнӗ папкасем.
Ҫав вӑхӑт суранне ҫыхса ҫÿрерӗ халӑх,
Ун йывӑр ҫӗклемне пире йӑттарчӗ пурнӑҫ:
Хыҫра — шӑллӑмӑрсем, мала каякансем.
2
Хыҫра — шӑллӑмӑрсем, мала каякансем.
Юлатпӑр вӗсенчен тӑрса пӗрер-пӗрерӗн.
Кун-ҫулӑн вуллинчен тӗреклӗн те чиперрӗн
Тухаҫҫӗ ешерсе вӗр ҫӗнӗ хунавсем.
Сисмен те! Асилÿ хыптарчӗ йуҫӗ эрӗм —
Пуплетӗп вӑхӑтпа: ӑҫта-ши яш кунсем?
Ҫӗн ÿсӗм шавласа хаваслӑн иртнӗҫем
Хам вӑхӑт сассине пуҫа чиксе итлерӗм.
Унта, хура уйра, пӗрне-пӗри ҫухатнӑн,
Чӗнеҫ пӑравуссем; ыйха татса хӑватлӑн
Салтак уттипеле янраҫҫӗ урамсем.
Хӑй ачисем валли пайтах яшка пӗҫернӗ
Ҫав вӑхӑт каскӑпа — пуҫран шӑлса ҫитернӗ...
Эпир те — ÿсӗмӗн чысне упракансем!
3
Эпир те — ÿсӗмӗн чысне упракансем,
Кунсен хӗвӗшӗвне кӗрсе ҫӗтместпӗр кӑлӑх.
Кам хӑй йышне манӑть, вӑл — пархатарсӑр, тӑлӑх,
Тупӑнас ҫук кунта ӑна ҫӑлакансем.
Ун пеккисем ҫине куҫ харшине пӗрсе
Пӑхать ҫын — чӗрине хурать вӑл тимӗр сӑлӑп.
Тапмашкӑн пӑрахать таса ыр кӑмӑл ҫӑлӗ...
Кӗртмеҫҫӗ мӗскӗне туссен алӑкӗсем.
Эллада ҫӗрӗнче авал пуҫ пулнӑ Спарта
Ҫамрӑкӗсем курсан ӑмсанӗччӗҫ пире:
— Кун пек тÿсӗмлӗхпе эпир тавлашаймастпӑр!
Эй, тӑрӑр, тантӑшсем!.. Асилÿпе, тен, чартӑм
Эп сирӗн вӑхӑта? Ҫук, ырмӗ шух чӗре:
Ман ҫул кутамккине ÿпкелешсе йӑтмастпӑр.
4
Мӑн ҫул кутамккине ÿпкелешсе йӑтмастпӑр —
Кашни куҫа хупса хӑй ӗмӗтне курать:
Юратӑвӗ умне чечек ҫыххи хурать —
Ҫул айккинче ҫапах та канлӗх шырамастпӑр.
Иртни аса килсен чун ыратать, сурать —
Ачалӑх урамне ҫӑмӑлттайла манмастпӑр:
Ӑшша юратнӑ май сивве те парӑнмастпӑр —
Ҫак икӗ енлӗхре ҫын сӑнӗ палӑрать.
Сасартӑк тӗкӗртен эп аптраса ыйтатӑп:
— Ку эрешмен карти пуҫа ӑҫтан ҫакланнӑ?
Ман ҫÿҫ ҫинче иккен паян шур пӗрчӗсем.
Калать шалта пӗр сас: «Каятӑп эп, васкатӑп:
Халь тепӗр ÿсӗмпе утассӑм килчӗ манӑн...»
Ак яшлӑх та пире ал сулчӗ, тӑвансем!
5
Ак яшлӑх та пире ал сулчӗ, тӑвансем, —
Вӗри кӗлеткере арҫынлӑх мар-и юлчӗ?
Хӑй ытамне чӗнсе инҫет тӗнчи йӑл кулчӗ:
«Мана ҫитсе курсан эсир — телейлисем».
Мӗскер сунать шӑпа? Ун шухӑшне пӗлсен
Эп калӑттӑм: «Мана телей, чӑнах, тӗл пулчӗ:
Вӑрттӑнлӑхне шӑпам уҫсан ҫеҫ кӑмӑл тулчӗ —
Унччен-ҫке тӗлӗкре ҫÿрерӗм тӗмсӗлсе?!»
Эй, ҫӑмрӑклӑх! Сана ман ӗмӗтӗм юратрӗ,
Эс шухӑ вӑюпа саркаланса вӗҫме
Ҫӗклерӗн ҫунатна, сан сассуна манмастпӑр.
Шӑпа ҫеҫ паллӑ мар иккӗленÿ ҫуратрӗ —
Чӗнмен хӑна пекех кӗрет-тухать темме,
Ҫапах та ал парса ӑшра уйрӑлаймастпӑр.
6
Ҫапах та ал парса ӑшра уйрӑлаймастпӑр
Ерҫÿсӗр ӗмӗтпе: унпа ҫӗн алӑк уҫ!
Ан типтӗр кӑкӑрти хавхалану — ҫӑлкуҫ:
Ӑна ӗҫсех тӑрсан эпир халтан каймастпӑр.
Тарпа касман чапа нихҫан та ӑмсанмастпӑр,
Эс чыслӑ ӗҫÿпе, ҫын, уншӑн алӑ пус.
Ҫак чӑнлӑха сума сусассӑн эсӗ — тус:
Ҫул куркине сӑмах ҫапнишӗн тыттармастпӑр.
Эп чӗремре ӗҫчен туссемшӗн вут хутӑм!
Тен, вӑхӑт юрӗпе шуралӗ пӗтӗм ҫÿҫӗм?
Хӗлле те пур илем, ӑна кивҫен ыйтмастпӑр.
Хам савнӑ тусӑмрах ҫамрӑклӑха тупам:
Юратупа пире сас парӗ хамӑр усӗм —
Пӗрпеклӗх шыраса пуҫа тек ҫавӑрмастпӑр.
7
Пӗрпеклӗх шыраса пуҫа тек ҫавӑрмастпӑр —
Кун-ҫул улшӑнӑвне куратпӑр хамӑрта.
Ҫакна пӗлмен айван выртать халь авӑрта —
Сив манӑҫ кÿллинчен туртса кӑлараймастпӑр.
Ак пурнӑҫ урапи: тыт, кÿлӗн, ҫавӑрттар
Хул-ҫурӑм тарличчен — сӑмах та шарламастпӑр.
Ҫÿлтен телей кӗтсе ҫул юппинче лармастпӑр —
Кам сывлӑшран кулач пӗҫернӗ ҫӑварта?
Ӑс-кӑмӑл кимминчен шур пир карӑнтарса
Эп, Одиссей пекех, ҫул ҫÿреме пуль тухрӑм
Халь сирӗн тӗнчӗрпе, юратнӑ тантӑшсем?
Хавхалану чӗнсен юрра шӑрантарса
Эп сирӗншӗн пайтах ӑш сӑмахсем те тупрӑм,
Кун-ҫулӑн ҫӗклемне йӑтса пыракансем.
8
Кун-ҫулӑн ҫӗклемне йӑтса пыракансем,
Ӑс-кӑмӑл парӑсне эп сирӗнтен-ҫке илтӗм.
Эп сирӗнпе пӗрлех кӗрешрӗм, ҫӗнтӗм, вилтӗм:
Туйӑмӑрсем — ҫурхи чечеклӗ ҫарансем.
Эсир — ҫак самана чысне упракансем...
Аманнӑ тӗнчене вут-тӑвӑл витӗр килтӗм
Эп сирӗн йышӑрпа: ун чух йӗмесӗр ҫил те
Вӗрместчӗ таврара. Нумайччӗ тӑлӑхсем.
Эп юрӑҫ иккенне, туссем, тен, кӑлӑх шантӑм?
Тертлентӗм — ҫунтӑм пуль Сизиф пек уссӑрах?
Пӗлтерӗр чӑнлӑха куҫран пӑхса хӑюллӑн.
Ку чӑн пулсан ман ят мӑнаҫлӑхпа мӑклантӑр:
Хам сассӑма хам ҫеҫ итлем сура-сура —
Ҫак хупӑ шухӑшпа, ҫук, килӗшмест кун-ҫулӑм.
9
Ҫaк хупӑ шухӑшпа, ҫук, килӗшмест кун-ҫулӑм —
Ҫырать йӑлт палӑртса вӑл хӑй кӗнекине.
Эп чалӑшшӑн пӑхса тус-йыш кӗрекине
Кӗрсе ларассӑм ҫук — ман сас янратӑр хулӑн.
Эп ташлама тӑрсан ура хыптартӑр ҫулӑм,
Ҫÿхеттӗр сарлака урайӑн хӑмине.
Ҫапса уҫар эппин сим пылӑн пичкине —
Сӗм шӑплӑх пӗвине хускаттӑр юрӑ-кулӑ.
Тен, вӑрҫӑ салтакне пӑлхатӗ урӑх ташӑ?
Ҫӗр пÿрт... Гильзӑсемпе чӗтрен тӑпра урай
Тухать те ун умне, юхса анать куҫҫÿлӗ:
«Чӑнах-ши пулнӑ ку? Е юмахра кӑна-ши?
Ӑс-хакӑл ҫӑмхине ҫын шӑппӑн сÿтнӗ май
Иртет кунпала ҫӗр пӗр пек те... улшӑнуллӑн.
10
Иртет кунпала ҫӗр пӗр пек те... улшӑнуллӑн,
Ку ҫирӗп йӗркене ҫын ӑсӗпе туман.
Малашлӑха пӑхса ҫакна каласчӗ ман:
Эс, ӗмӗрӗм, халех каҫ еннелле ан сулӑн.
Ӑш-чикӗ, чунӗ ҫук ҫул айккинчи сив чулӑн —
Пӗрех вӑл пурнӑҫа юратнине туян!
Ҫурӑкӗсем ҫинче кӑтраланса ялан
Чӗп курӑкӗ ÿсет хаваслӑн, тӑрӑшуллӑн.
Епле вӑл хӗвелпе ниме те парӑнмасӑр
Ем-ешӗл калӑҫу пуҫланӑ чарӑнмасӑр, —
Имшер тымарӗпех чул тӗрекне ватать.
Ҫилсен хӑйрипеле гранит та тӗпренмест-и?
Чее вӑйӑҫӑ пек, пирӗнпеле, пӗлместӗп, —
Тен, ҫут ҫантӑлӑк хӑй пытанмалла вылять?
11
Тен, ҫут ҫанталӑк хӑй пытанмалла вылять?
Пуҫарнӑ пирӗнпе вӑл вӑрттӑн чӑркӑш вӑйӑ.
Хӑй пурнӑҫне парса ун тӗлӗнтермӗш вӑйӗ
Е тÿпене ҫӗклет, е ҫавӑрса ҫапать.
Ун еккине тупма ҫын вӗҫӗм туртӑнать:
Кам шелсӗр аллинчен вӗҫерӗнесшӗн хӑйӗ?
Ҫӗр ырлӑхне курма малтан кӗртет вӑл хӑйӗн
Асамлӑ пахчине. Кайран... тÿлев шырать.
Тÿлев-и, парӑм-и — ман тивӗҫ ку, туссемӗр:
Мӗскер илни — манра, анчах ман мар иккен...
Йӗрки ҫапла хушать: тупсан — калла кÿретӗн.
Ҫухалччӑр-и кунсем, кӗскелччӗр-и ҫулсемӗр, —
Тухатпӑр кӗрлесе ҫак ӗмӗр хапхинчен —
Ӑрупала ӑру пыратпӑр ретӗн-ретӗн.
12
Ӑрупала ӑру пыратпӑр ретӗн-ретӗн
Хулпа хул перӗнсе ҫӗpшывӑн ҫÿлӗпе.
Эпир ҫак саманан ванми вут чулӗ пек,
Чун хӗмӗпе хитре, тӑванӑм, пур ҫӗрте те.
Ӑшра хавхаланса: «Ку — ӑраскал-ҫке, — тетӗн, —
Ҫул пачӗ ӗмӗтсен йыхравлӑ ҫутине.
Тÿрех паллаштарса чӑн пурнӑҫ тутипе
Васкатрӗ малалла...» Ача пек хӗпӗртетӗн.
Эс симӗслех ан тат ху лартнӑ ҫимӗҫе:
Ҫанталӑк пÿлминче малтан пиҫсе вӑл ҫиттӗр,
Кайран сӗтел ҫинче ун илемне тӗпчетӗн.
Кун-ҫул шӑпах ҫапла ҫӗклерӗ тивӗҫе
Пире те ҫын пулма: «Тапранӑр, утӑр, ҫитӗр!..»
Эпир те малтисем — ҫухалмӗ ыр тивлетӗм.
13
Эпир те малтисем — ҫухалмӗ ыр тивлетӗм:
Хам ÿсӗмшӗн, эппин, мӗскершӗн кулянас?
Ҫӗтмерӗ ахрӑм пек, туссемӗр,
Пирӗн сас — ун вӑйӗпе те эс, сӑваплӑ ҫӗр, кӗрлетӗн.
Картинӑсен ҫуртне кӗретӗп те хавас —
Чӑвашӑн Рембрандтне курма ҫитет черетӗм.
Ман тантӑш вӑл. Вӗри сӑррисемпе
Ӱкетӗн эс шухӑш ытамне — манса каймастӑн час.
Ак ҫӗнӗ музыка янрарӗ ҫӗнтерÿллӗн
Туссен ҫӗн хулинче — каларӑм ҫӗкленÿллӗн:
— Нихҫан та пӗтес ҫук ӗҫ аллинчи хӑват.
Тӗнче юхӑмӗнче хумсем кӑларакансӑр
Мухтав пики чӗнмест: вӑл пурӑнать никамсӑр —
Тыт ҫул курки, тус-йыш! Тухман-ха пирӗн ят!
14
Тыт ҫул курки, тус-йыш! Тухман-ха пирӗн ят!
Вӗри чӗреллисем ҫӗршыв пилне манмаҫҫӗ...
Ма Муза ачисем философа тухаҫҫӗ?
Вулан та вӗсене — ӑс хӗҫӗ тутӑхать.
Хӑшсем ав кушакран халь арӑслан тӑваҫҫӗ
Е ҫерҫирен — хурчка. Пӗлсессӗн — чӑх кулать.
Ухмах та чап тесен пуҫ кӑшӑлӗ ҫыхать —
Шӑл йӗренсем ӑна чечек татса параҫҫӗ.
Петрарка, эс каҫар! Эп турӑм пӗчӗк кукӑр:
Сонет сатирӑпа пуҫларӗ калаҫу —
Олимп сив куҫпала пӑхнишӗн пит шанмастпӑр.
Кӗҫенӗр, рифмӑсем, таканлӑ ут пек чупӑр:
Ҫул сулнӑкне пӑхсан эсир тӑваймӑр ҫул —
Пӗрпеклӗх ҫук иккен. Эпир ҫеҫ улшӑнмастпӑр.
Магистрал
Пӗрпеклӗх ҫук иккен. Эпир ҫеҫ улшӑнмастпӑр.
Хыҫра — шӑллӑмӑрсем, мала каякансем.
Эпир те — ÿсӗмӗн чысне упракансем
Мӑн ҫул кутамккине ÿпкелешсе йӑтмастпӑр.
Ак яшлӑх та пире ал сулчӗ, тӑвансем.
Ҫапах та ал парса ӑшра уйрӑлаймастпӑр,
Пӗр пеклӗх шыраса пуҫа тек ҫавӑрмастпӑр —
Кун-ҫулӑн ҫӗклемне йӑтса пыракансем.
Ҫaк хупӑ шухӑшпа, ҫук, килӗшмест кун-ҫулӑм.
Иртет кунпала ҫӗр пӗр пек те... улшӑнуллӑн.
Тен, ҫут ҫанталӑк хӑй пытанмалла вылять?
Ӑрупала ӑру пыратпӑр ретӗн-ретӗн,
Эпир те малтисем — ҫухалмӗ ыр тивлетӗм.
Тыт ҫул курки, тус-йыш! Тухман-ха пирӗн ят!
Ствол жизни
Венок сонетов
1
Предела нет, когда шагнул с порога.
Алмаз годов врезается в чело,
А разум жив, и жизни в нем так много,
Седой — закат, а все еще светло!
Зачем спешить? Кто тень твою — до срока
Себе возьмет, вздыхая тяжело?
А там, глядишь, и время подошло:
В могилу упирается дорога.
О сад в огне! О детство, что в слезах!
Измученные вьюгой огневою,
Мы — почки, что горели на ветвях.
Мы — рана, что народ назвал — войною.
И уходя с повязкою тугой,
Вперед идущих — чувствуем спиной.
2
Вперед идущих — чувствуем спиной.
Невольно от братишек мы отстали.
Ствол жизни — стройный, сильный, молодой —
Он говорит о красоте и славе.
Полынью горькой рот наполнен мой:
Где молодость? Вернется ли? — Едва ли.
Пока лучи зари в листве блистали,
Стоял я с преклоненной головой.
Там, в черном поле, тяжелы, как слезы,
Ползут, перекликаясь, паровозы.
Солдатским шагом улицы идут —
Суп в касках варят, детям суп дают.
А время смотрит сумрачно и строго:
С котомкой чести легче путь — намного.
3
С котомкой чести легче путь — намного,
Нет, мы не зря не расстаемся с ней!
Кто честь забыл — с душою однобокой
Он сиротой стоит среди людей.
Такого не спасут слова упрека.
Скользит, глядит в холодный лед очей,
Беднягу не пускает дверь друзей —
Без чистоты и лоно одиноко.
И все же... «Спарта! — Я сказал бы там. —
Ты, Спарта, позавидовала б нам:
В нас чистота, но в нас и состраданье!»
Эй, встань, ровесник! В путь, воспоминанье!
Сливается с небесной синевой
Далекий путь, который под ногой.
4
Далекий путь, который под ногой,
Внезапно мы почувствовали кровью —
Не на откосе тень, а за спиной.
Кладем букет цветов перед любовью.
Душа, душа! Так нелегко порой —
Вновь детство, вновь подходит к изголовью!
И, как цветок, так нужен снег — здоровью,
Двоясь, мы проясняемся душой.
Вдруг зеркалу шепчу я: — В чем причина?
Как к голове прилипла паутина? —
Пришла ко мне сегодня седина.
Зову я молодые имена!
Вот, дорогие, хорошо ли, плохо —
И молодости нет, и нету вздоха.
5
И молодости нет, и нету вздоха,
Зато мужская в теле сила есть!
Даль, обнимая, чистотою слога
И мне о счастье посылает весть.
А высоту и я спрошу высоко:
— Что есть судьба? Как мысль ее прочесть?
Когда бы тайну прочитал я — здесь,
Я б счастлив был, как там — во сне глубоком.
И наяву я вижу сон: лечу!
И рассказать я ласточке хочу,
Как счастье нами тайно верховодит!
Сомненья гость то входит, то выходит,
И тайны — нет. И мыслим: бог с тобой,
Прощай, а все же тянемся душой.
6
Прощай, а все же тянемся душой
К минувшему, грядущее встречая.
Пусть вдохновенье сильной бьет струей,
Нас, как слова в строке, объединяя.
Что слава? Распишись своей рукой,
Что льется славы пот, во лбу сверкая.
Не говорят об истине, болтая,
Но разговор, мой друг, идет — большой.
Просить огня взаймы я не умею.
Пускай от снега лет я побелею,
Есть и зимою красота, иду —
В любимом друге молодость найду!
А молодости за моей спиной
Я, оглянувшись, помахал рукой.
7
Я, оглянувшись, помахал рукой,
Всей пятерней желая обновленья.
Глупец, глупец — кто спорит с новизной,
Он там, в холодном озере забвенья.
Вот жизнь-телега: на! тяни, не стой!
Не пропотел — ни слова одобренья.
Нет, не испечь из речи, без сомненья,
В печи калач, открытый рот — закрой!
На лодку мысли — парус натянул.
Вот, Одиссей, и я волны хлебнул —
И я пока с друзьями уцелел.
По зову вдохновенья я запел!
И теплых слов не берегу, их много.
Что впереди? Судьба — моя дорога.
8
Что впереди? Судьба — моя дорога.
Мы шли, друзья, и не хватало сил,
Но слабость наша не была убогой:
Упал я с вами, умер, победил.
На чести и крови стоит эпоха.
Был ранен мир, цветок, как рана, жил,
Без слез не дул и ветер — ранен был,
Но что слеза? Душа войны жестока.
Друзья, певец ли я? Сизиф ли я,
Что катит камень мысли? О друзья,
Пусть правда будет голой, как пустыня, —
Я голос съем! Во мху заглохнет имя.
Я тьмою стану, но, встречая свет,
С молчаньем мысли не согласен, нет.
9
С молчаньем мысли не согласен, нет, —
Всё отмечает вещая страница.
Пусть басом голос мой звучит! Сосед,
Подвинься, друг, — себя ли мне стыдиться?
Пойду плясать! Оставит пляска след,
Из дуба тоньше станет половица.
Что кружка мне? Дай из ведра напиться!
Пускай частушка ахнет мне в ответ!
О чем ты, брат? Молчит солдат седой.
Землянка... Пол трясется земляной...
Из сердца та слеза. Слеза ответа.
Не усомнишься: было ли все это?
Не изменяют память сотни лет,
У дня и ночи переменчив свет.
10
У дня и ночи переменчив свет,
И меч порядок этот не разрубит.
Мой век, скажу, закат или рассвет
Встречай спокойно — время век не губит.
У камня нет души и сердца нет,
А чувствуешь, что жизнь — и камень любит!
Вот трещина, а в ней кудрявый лютик,
Старательно он солнышком согрет.
Он солнцу что-то шепчет, увлекаясь,
Желтеет, никому не подчиняясь,
И камень слабым корнем он дробит!
От ветра не крошится ли гранит?
Не знаю я, — лукавя небесами,
Природа ли играет в прятки с нами?
11
Природа ли играет в прятки с нами —
Упрямо, тайно? Отдаваясь нам,
То обнимает среди звезд — лучами,
То на съеденье отдает червям.
Мой друг, мой друг, не таковы ль мы сами,
Когда зовем друзей по именам —
В волшебный сад к налившимся плодам —
И угощаем ждущими руками?
А долг иль плата, друг, но долг, он — твой:
Ты взял? Отдай обратно, дорогой,
Будь бескорыстен — вот закон природы.
Мой век, ну что же, что короче годы, —
Выходим шумно из твоих ворот.
Вперед, вперед идем — за родом род.
12
Вперед, вперед идем — за родом род,
За рядом ряд, плечом плеча касаясь.
Мы как кремень, в котором часа ждет
Огонь — душевным даром называясь.
И о себе мы говорим: народ.
А свет звезды, он завязался в завязь,
И, вкусом жизни в плод переливаясь,
Он украшает и лелеет плод.
«Пускай созреет, а потом, потом
Ты красоту изучишь за столом,
С бессмертием соизмеряя опыт», —
Так шепчет мне судьба. И снова шепот:
«Давай, шагай вперед! Еще вперед!..»
Не умирая, жизни ствол растет.
13
Не умирая, жизни ствол растет,
И дева славы не горюет, знаю.
Я крикну — эхо там, в земле идет,
А я ручьем оттуда выбегаю!
Вбегаю в дом с картинами, и вот
Я Рембрандту чувашскому внимаю.
В его объятьях мысли — постигаю
Движенье силы, мощи поворот.
Вот! Музыка победно зазвучала,
И в новом доме так душа сказала:
— Не ослабеет мощь в руке труда.
И воля поднимает города,
А ствол и тут, и там, за облаками —
Он нашими ветвится именами!
14
Он нашими ветвится именами —
Пой до конца, задумчивый певец!
Бегут, бегут с крысиными сердцами
От чистых и возвышенных сердец.
Коты бывают царственными львами.
Узнав — бранится мышь. Глупец венец
Наденет ради славы — тут конец!
Но лев есть лев, со львиными когтями.
Прости, Петрарка! Олимпийский взор
В дрожь не бросает — виноват, ей-богу,
Сонет завел с сатирой разговор.
Подкованной строкой звени, дорога.
Ненастья не боялись до сих пор —
Предела нет, когда шагнул с порога!
Магистрал
Предела нет, когда шагнул с порога.
Вперед идущих — чувствуем спиной,
С котомкой чести легче путь — намного,
Далекий путь, который под ногой.
И молодости нет, и нету вздоха.
Прощай, а все же тянемся душой.
Я, оглянувшись, помахал рукой, —
Что впереди? Судьба — моя дорога.
С молчаньем мысли не согласен, нет,
У дня и ночи переменчив свет,
Природа ли играет в прятки с нами?
Вперед, вперед идем — за родом род,
Не умирая, жизни ствол растет,
Он нашими ветвится именами!
