Ежэ мэфакIэм
Нэфшъагъом чэмахъом
ХъупIэм ефы Iахъор.
ТыгъэкъокIыпIэр нэбзый шIэткIэ
ЧIэу тызтетым тыгъэр къызфыкъокIкIэ,
Чэщым техъоныр ыщыхьажьыгъахэу,
Къежэ лэжьакIом губгъо жъожьыгъахэр.
Набгъом бзыу быныр къеущыхьажьы,
Орэд чэфым бзыумэ падзэжьы.
Уцым ыIапэ огум фещэи,
Уцым ытхьапэ осэпсыр къытещы.
Ныбжьыкъуи, жьауи хахъо амышIыгъэу
Ежэ мэфакIэм тынэу къафихьыгъэу,
Бжыбэу, гужъуакIэу, Лэбэ мыжъуакIэу
КъаIэкIигъэхьащтым мыбэу-мымакIэу.
Псыхъохэм ягъогу-лъагъо хащыжьы,
Ыпэ регъэхъу ти Шъхьэгощэжъи.
Ожидание
Едва восток сверкающим лучом
Являет свет, уже пастух, бичом
Пощёлкивая, выгоняет скот
На пастбище, и новый день встаёт.
Уже свернула покрывало ночь,
И поле просит пахаря — помочь.
А птицы песню радости поют,
А травы к небу тянутся-растут
.Горят в росе травинки и листки.
Ещё деревьев тени коротки,
Все ждут, что удлинится к полдню тень,
Все ждут, что принесёт им новый день —
Как гальку принесёт со дна Лабы
За пазухой или в горстях судьбы.
А реки всё бегут, а жизнь идёт.
И Белая река течёт вперёд.
