Адунай йангIалыргIатI хIбзахаща
А Ц И К Л Й А У А П I
1
Сбзахара йагымхатI ауасаражвра,
Ауасаражвква бзи йызбитI сара.
Збзахара цкьу цкьадза йызгIайитI ажвра,
ЙакIвымла йгьахъипсум ауи йынцIра.
ЙгьгIасщтиуам саргван са ахъамабзира,
Ахърыкъьари ахъцари гьбзазум спны.
Анчва сйызцIабыргпI, йтапI са сгвы разыра,
СгIагылитI ансимшгьи сара шарпны.
Ргвква сыквдырпсауа йчважваргIатI агвпIайква,
Сбзахаща дырджьарагIатI йамакIуа.
Ауат йрымгвапхарагIатI йсшвысцIаз айква,
Йа сныкъваща, анхарта санцауа.
Сызбзазауа агвпIайква рыхъаз гьакIвым,
Агвыцкьаква сыргвыргъьарныс сбзахитI.
Агвымхара, йыздыритI, псапа гьацым,
Ауи сахьымсуа сагIвситIта счIвырхъитI.
2
Агвымхара, йыздыритI, псапа гьацым,
ГIвычIвгIвысра злу зынгьи ауи гьдмыртшхъвастI.
Анчва хIара йгIахIитыз ауи гьакIвым,
Анчва йгIахIитыз йбзираква гьхIымшвастI.
ХIдунай шлашару апшта сгвгьи лашарапI,
Анурква йрапшпI слапшымгIва анкIкIауа.
Сыззынхауа сара самайчуа — пшдзарапI,
Ауи апхъапI сара закI анзыгIвуа.
Агвымхара йзыгIвуала сапшIагылитI,
Сбзахаща апынгьи йгьайауам мгIва.
МшигIайгьи стдзы абзираква гIашылитI,
Ауат йгIарылцIитI са йсчпауа зымгIва.
Абзазара ахIврапшдзаква сгвы йгьтыцIуам,
Ауат ласцIитIта срайгвыгIвитI сара.
Абзазара ацкьара са сгьакъвыцIуам,
Ауи сымрыдзуа сгIайхьатI са хъара.
3
Абзазара ацкьара са сгьакъвыцIуам,
Ауи сара мшигIайгьи йсхьынсыршитI.
Ауи са сыпшцIа зынзаджвыкIгьи йгьпшцIыцIуам,
Ауи са сгвала шIыцква гIаннаршитI.
ЙснардыртI ауи сара абзирахара,
Апсапа йамагIну ауи йснардыртI.
ЙгIаснахIвтI ауи йзапшу ачвгьарахара,
ЙгIаснахIвтI ауи йзапшу Анчва йхIатыр.
Ауи сара сгIанахчауата йсымапI,
Ауи сара йгIасхъыжвжвгIауа йсхъарпапI.
Ауи сара тшгIасыланашан йсылапI,
ЙызнымкIва сара сыхъазла йхъадапI.
Абзазара ацкьара гIвычIвгIвысагIапI,
Абзазара ацкьара ъадаб пшдзапI.
Абзазара ацкьара нцIра хIвапсагIвапI,
Абзазара ацкьара уыс нардзапI.
В согласии с миром
Из цикла
1
Склоняюсь перед мудростью несметною
И для себя о мудрости молю.
Чья жизнь чиста, у тех и старость светлая;
Кто мудр, зазря не губит жизнь свою.
Я не приемлю самолюбования,
Ни в чем переизбытка не терплю.
Всем сердцем Бога славлю благодарно я,
Когда с рассветом каждый день встаю.
Пусть обо мне сердца судачат темные,
Склоняя жизнь мою наперебой;
Моя походка кажется неровной им,
Претит наряд неприхотливый мой.
Нет, не для них живу на белом свете я,
Звучит для чистых сердцем голос мой.
Я знаю, не коснется зло отпетое
Того, кто выбрал в жизни путь прямой.
2
Я знаю, не коснется зло отпетое
Того, кто зла ни разу не хвалил.
Но требует Господь от нас не этого,
А чтоб добро добром ты оплатил.
Мой взор сияет — радостно мне, грустно ли,
И льется свет из сердца моего.
Я красоту стремлюсь творить без устали,
Ее поставив во главу всего.
Воздвигнул, как барьер, злодейству слово я.
От зла, Господь, избавь меня, прошу.
И день за днем добро приходит новое,
Благословляя всё, что я пишу.
Цветы, что в сердце я взрастил, прекрасные
Лелею нежно и боюсь спугнуть.
Я жизни чистоту не растерял в себе
И оттого сумел пройти свой путь.
3
Я жизни чистоту не растерял в себе,
Я причащаюсь светом чистоты.
Мой разум озаряя, как на празднике,
Она рождает новые мечты.
Мне принесла она благодеяния
И состраданья прочную печать;
Она разоблачила злодеяния
И Божий дар позволила познать.
Я ею, как щитом непробиваемым,
Укрыт надежно в жизненном бою.
Она слилась со мной и пребыла во мне,
Чтоб до краев наполнить жизнь мою.
Мы жизни чистотой — вочеловечены,
Нас жизни чистота — спасет от пут,
В ком жизни чистота — Творцом отмечены,
Ведь жизни чистота — свершенный труд.
