Двадцать шесть

Автор:
Марина Аникина
Перевод:
Ирина Ермакова

Тейне — комсь котува


Эряфть пяльксканц мон ётайне-ласькине,
Тячи кизодон топодсь комсь котува.
Корхтайхть, кись аньцек молити сяськови.
Шкаень лезксфтома кись кали ётави?!.


Тячи рананянц пачк явась онозе,
Мяльхне-варматне перьфкаван ашкоряйхть.
Латцихть-кодайхть синь эряфонь морозень
И крнякс прясон орадыхть-тапаряйхть.


Зрнянь валдсь кудсонк танцтиста эренди,
Матфан, саворне арьсян эсь потмован.
Латцян питне тиф, апак тик тевненди:
Тевдон — пефтома, тейне — комсь котува…


Тёждя кит, тёждя тефт афи вешендян,
Тядянь-алянь лийкстань лямбе пизоста.
Ризфонь даволда ковга аф кяшендян.
Мезе сатонь-прдань тняра кизоста?


Кода маштан, ста шаштан, коль покодян,
Валда мяльхнень мусайне эсь цёрастон.
Симдян-андан, кит ширезон токадихть,
Масторть шнаса и стихса, и мороса.


Монь мзярс нинге аяш эсь кудозе,
Марлюнь озафтомс перезе-садозе…
Алуветть стака мяльсь туза-шудеза,
Валда мяльхть Пингонь ляйсь тейне кандоза.


Афи сёпондса — улихть и пежене,
Мувихть эсонга корхтафтыхть фталганя.
Шкайсь ужяльдемань, ули и нежезе —
Мала ломанне улихть и ялгане!


Стака мяльть седиботмостон ёрдаса,
Аф утясазь катк ярмакне зепозень.
Тячи ялгане, сяньге мон содаса,
Пара валса кундасазь монь лемозень.


Кадок кисна срадсть масторонь ошева,
Фкя шра ваксс тячи мархтон аф озадот,
Кие кенярди инксон монь, мокшавать,
Кие копордай, кие, шять, озонды.


Кда эрявксты, сайхть-лиихть курокста,
Ризфс аф кадсамазь, пичефкста нельгсамазь.
Хуш и шачендыхть стихоне шуроста,
Эсон сюцихть, а сяка вдь кельгсамазь!


Тячи кизодон топодсь комсь котува,
Кадок корхтафтыхть салава фталганя…
Шкаень лезксфтома кизе аф ётави.
Шкайсь ужяльдемань — улихть монь ялгане.

Двадцать шесть

 

Жизнь летит без оглядки на бреющем:
Двадцать шесть мне сегодня исполнится.
Путь осилит идущий и верящий,
Без Господней не справиться помощи.


Рано сон мой рассеялся утренний,
Мысли вьются, кружат, разбегаются,
Вяжут песенку жизни запутанной
И клубком в голове завиваются.


В доме свет золотой просыпается,
Вот лежу в тишине я и думаю:
Что сбывается, что получается…
Двадцать шесть мне, а дел — просто уйма ведь!


Лёгких дел не искала я, кажется,
Из родного гнезда улетела я
И ни бурь не боялась, ни тяжестей,
Что успела я в жизни, что сделала?


Как умею кручусь, жизнь не балует.
Сын мой — радость и свет, мне с ним весело.
Напою-накормлю — кто пожалует.
Жизнь восславлю стихами и песнями.


Дома нет своего у меня ещё,
Негде мне посадить пока яблони…
Пусть тоска уплывёт снегом тающим,
Пусть мне свет принесёт река времени.


Не святая, не ангел, я — женщина.
За спиной ходят слухи обидные.
Бог со мной — мне опора обещана —
Люди близкие, души открытые.


Прогоню горьких мыслей кружение,
Хоть сижу и с пустыми карманами,
Знаю точно я, что в день рождения
Добрым словом помянут друзья меня.


В города поразъехались разные,
За столом не сойдёмся, как водится,
Но бокалы поднимут, отпразднуют,
За меня, за мокшанку, помолятся.


Если надо, примчатся и выручат,
Мои верные, самые лучшие,
Кто умеет утешить и выслушать,
Хоть ругают меня, а ведь любят же!


Двадцать шесть мне сегодня исполнится.
За спиной моей сплетни упрямые…
Без Господней не справиться помощи.
Бог со мной — у меня есть друзья мои.

Рейтинг@Mail.ru