Жабраил буба
Жабраил буба асул къилихдай халис ватанперес инсан тир. Ам кIвалахди хуьруькай-кIваликай гьикьван яргъариз акъуднатIани, пенсиядиз экъечIнамазди, вичин хзанни галаз хайи хуьруьз хтана. Ватанпересвилелай гъейри и касдихъ мадни са хъсан, эхиримжи йисара тек-бир гьалтзавай кьетIен къилих – жавабдарвал авай. Ихьтин къилихар авачиртIа, адавай гзафни-гзаф йисара яракьан духтурвиле кIвалахиз жедайни мегер?
Жабраил буба, вичин яшариз килигай, гьеле викIегь тир. Хуьруьз хтайдалай кьулухъ, ам са юкъузни кIвале ацукьнач. Ада, хуьре начагъ хьайи инсанриз куьмек гунилай гъейри, вичин балайриз кIвалер эцигиз меслятдин, пулдин куьмекарни гузвай. Идалай гъейри, ада хуьруьн гзаф общественный крарик кьил кутунвай: хуьре кьве чкадал къулай скамейкаяр эцигна ким туькIуьрна, сурарал чапар ягъна, тарар акIурна чIехи авуна ва гьана жемятдиз, чIуру гьава авайла, ацукьдай чардах туькIуьрна. Инсан кьейила сурун кьилик кутадай къванер яргъай гъиз, жемятдиз четин жез акурла, ада бетондикай плитаяр туькIуьрдай регьят къайда хуьруьнвийриз чирна.
И секиндиз акъваз тежер инсандин къвалав агатун, са бязи жегьилриз азаб аквадай. Вучиз? Вучиз лагьайтIа, Жабраил бубадин руьгьдиз ахьтин къуват авай хьи, адан къвалав агатай са касдивайни жибинра гъилер туна, кIвалах тавуна гьакI акъвазиз жедачир. Ам Жабраил бубади ийизвай кIвалахдиз уртах хьуниз мажбур жедай!
Амма гьикьван инсанди гьерекатар авуртIани, аллагьди кхьенвай са вахт атайла, ам яваш жезва. Ингье чи Жабраил бубани са юкъуз кватна начагъ хьана. Кимелай хтай кьуьзуь касдин кьил элкъвена, ифин акьалтна. Къари, аялар теспача хьана, бубадиз мес кутуна, давление алцумна, дарманар гана. Са-кьве юкъуз вири хзанар бубадин кьилел элкъвез хьана. Пудлагьай йикъан экуьнин кьиляй ахварай аватай Гуьлдене бадедиз, къвалав гвай дивандал ксанвай къужа гьатнач. Белки, муькуь кIвализ, я тахьайтIа агъуз эвичIна жеди, - фикирна къариди. Килигин садра зайиф хьанвай итим я, мад кьил элкъведа, алукьда, лагьана, ада тадиз парталар алукIна итимдихъ къекъвез фена. Амма итим санайни жагъанач. РикIиз кичIе хьайи дишегьлиди, къвалав гвай кIвалера уьмуьрзавай вичин чIехи хва Закираз хабар гана. Закир тадиз ким галайвал фена, кимеллай инсанривай хабар кьуна. Амма кьуьзуь итим са кьас фу хьана, квахьна, санайни гьатнач. Вири хзан, къуни-къуншияр, Жабраил буба квахьна лугьуз, теспача хьана.
Акваз-такваз вахт нисиниз мукьва жезвай. И арада, са гьинай ятIани, вилисебетдал алаз хтул Адем пайда хьана. Куьн дарих жемир, за буба исятда ахквада лагьана ада, вичин вилисебет хуьруьн сурар галайвал гьална. Сурар лагьайтIа, хуьруькай са хейлин яргъа ава, дуьз рекьяй фейитIа зур километр кьван жеда. Адем сурариз мукьва хьайила, адаз мишерди кIарас атIузвай ван атана. Кьил хкажна килигайла, бубади гъилин мишердал тараз акьахна кьуру хилер атIузвайди акуна. «Я буба, вун гьинава? Вири хзанарни, къуьни-къуншиярни вахъ къекъвез ава. Дири тахьанмаз, вуна ина вуч ийизвайди я?» - лагьана Адема. «Я чан бала, заз зи кьилел са югъ-йиф къвез кичIезвай. Зи рикIик квай са-кьве кIвалах амай, а кIвалахар кьилиз акъуд тавунмаз, а дуьнядиз физ кIан хьанач. За а кIвалахар къе хъувуна: хуьруьн сурарал цанвай тарарин кьурай хилерни атIана, инал алай са скамейкани туькIуьр хъувуна…» - жаваб гана бубади.
P.S. Зун и мукьвара Жабраил бубадин хуьруьз фенвай. Са йис кьван вилик ам чи арадай акъатна, регьметдиз фенваз хьана. А еке заха авай, жемятдин, элдин паталай жавабдарвал вичел къачуна, кьиляй-кьилиз вафалудаказ тухуз хьайи касдин зегьметдин гелер хуьруьн гьар са патай аквазвай. Ада хуьре, хуьруьн инсанрин рикIера тунвай гелер акурла зун хиялри кьуна. Инсандиз вичин чIехивал, гьейбат къалурун патал адахъ пагьливандин хьтин зурба кIалуб ва еке къуват хьун герек къвезвач. Бес вучиз ахьтин ксар чи арайра югъ-къандавай тIимил жезва?
Дедушка Джабраил
Дедушка Джабраил был большим патриотом родной земли и своего народа. В какие бы далекие края ни кидала работа, сердце его всегда находилось здесь, в горах. Поэтому с выходом на пенсию он недолго думая вернулся с семьей в родной аул. Он был человеком в высшей степени ответственным. Разве смог бы он без этого посвятить столько лет профессии военного врача?
По возвращении на родину он ни дня не сидел дома. Кроме того, что консультировал и лечил больных, он помогал своим сыновьям строиться: деньгами, ценными советами и, что немаловажно, своими большими крепкими руками.
Он инициировал и возглавил в селе несколько общественных дел: на годекане* поставил навес и уютные скамейки. На кладбище починил забор, поставил скамейки, посадил деревья и смонтировал навес, чтобы люди на похоронных церемониях в непогоду не чувствовали неудобств. Когда заметил, что в селе проблема с надмогильными камнями, он предложил простую технологию по изготовлению бетонных плит соответствующего размера.
Некоторые молодые люди избегали встреч с дедушкой Джабраилом. Почему? Да потому что, где бы тот ни находился, чем бы ни занимался, вокруг него всегда возникала такая атмосфера, что любой человек рядом с ним совершенно неожиданно для себя оказывался вовлеченным в дело, которым Джабраил в это время занимался.
Но, как бы там ни было, у каждого из нас есть предписанный свыше день, когда приходится сдаваться на милость Всевышнего. Наступил такой день и для дедушки Джабраила – он заболел. У вернувшегося с годекана старого человека закружилась голова, поднялась температура. Вся семья забегала: кто мерил давление, кто давал лекарства. Постелили постель и уложили больного. Два дня все обхаживали дедушку, спасая его. На третий день проснувшаяся рано утром бабушка Гюльдене не нашла своего старика на соседней кровати. «Может, в другой комнате, а может, спустился вниз? – подумала она. – Вдруг у него снова голова закружится, упадет и повредит себе что-нибудь?» – с такими мыслями она бросилась искать его. Но так нигде и не нашла. Не на шутку испугавшись, женщина побежала сообщить о случившемся старшему сыну, живущему через дорогу. Тот поспешил на годекан, но и там старика никто не видел. К поискам подключились соседи, знакомые. Всё безрезультатно.
Время шло к полудню. Вдруг откуда-то на велосипеде появился его внук Адем. «Вы не беспокойтесь, я сейчас найду дедушку», – сказал он и направился в сторону сельского кладбища. А оно-то находится не близко, по прямой – не меньше километра. Приблизившись к ограде кладбища, Адем услышал, что кто-то пилит ветку. Подняв голову, он увидел дедушку Джабраила, спиливающего сухие ветки дерева. «Деда, что ты делаешь, тебя все село ищет?! Как ты мог, не выздоровев как следует, заниматься этим?» – начал Адем. «Родной мой, – ответил дед, – видишь ли, я боялся, что со мной что-нибудь серьезное случится. А у меня оставалась пара незаконченных дел; не доделав их, мне не хотелось отправляться на тот свет. Вот я сегодня их и доделал: отремонтировал скамейку и спилил с кладбищенских деревьев сухие ветки…»
P. S. Недавно я по делам оказался в селе дедушки Джабраила. Оказалось, что вот уже который год, как нет его с нами. Встречая в разных уголках села следы добрых дел этого щедрого человека, умевшего до последнего дня земной жизни добровольно брать на себя общественную нагрузку, невольно задумался: человеку, чтобы достичь величия, требуется не так уж и много. Ведь все, что он делал, под силу любому из его сельчан и каждому из нас. Но почему же тогда такие люди среди нас с каждым днем встречаются все реже и реже?
* Площадь, на которой собирается взрослое мужское население для проведения досуга и обсуждения насущных проблем.
