Пыж
Юын тӧдчӧ гӧрбыля мыш,
Кывтӧ изйӧн чукйӧдӧм пыж.
Мӧдлапӧлӧ ректас да бӧр —
Юсӧ вундӧ амыся гӧр.
Весиг здук-мӧд прӧста оз ов,
Изсӧ новлӧ оз ӧти во.
Важмӧм пыжлӧн рыжмӧма ныр,
Пытшкас муртса ваыс оз пыр.
Соссӧ уджӧ некод оз пудж,
Пыжӧн юсӧ некод оз вудж.
Йӧзыс важӧн абу нин тан,
Бырӧм сиктлӧн кусӧма бан.
Кыръя вадорсӧ кырӧдӧ кад,
Вужъяс йылӧ ӧшйӧма сад.
Воййыв костӧд буалысь тӧв
Войнас ытшкӧ турунзьӧм чӧв.
Тані колип некор оз сьыв,
Сӧмын кисьтӧм вичколӧн кыв —
Тырӧм лола жыннянлӧн шы
Пыжсӧ бовйӧдлӧ, быттьӧкӧ гы.
Изйӧн сӧвтӧм жуялӧм пыж
Чужан сиктлысь бергӧдӧ мыж.
Лодка
Лодка битым камнем полна.
Горка — словно чья-то спина.
Сгрузит и обратно на круг —
пашет реку лемехом плуг.
Возит целый год напролёт —
ни секунды не отдохнёт...
Чёрные гнилые борта
точит ледяная вода.
Починить бы, да одного
не хватает — нет никого.
По деревне здешней давно
не горит окно ни одно,
и повис в непамятных днях
над обрывом сад на корнях.
Буйный ветер, силою рьян,
валит иван-чай да бурьян.
А звучит над ними один
эхом от церковных руин
колокольный сдавленный звон
в медленном качании волн...
Искупая тягостный грех,
возит камни лодка за всех.
