Лъэпкъым ишъэо кIас
Советскэ Союзым и ЛIыхъужъэу, сикIэлэегъэджагъэу Нэхэе Даут Ерэджыбэ ыкъом щыIэныгъэ гъогу гъэшIэгъон къыкIугъ. Ащ игъашIэ кIэкуагъэми, ыныбжь илъэс 38-м нэмысыгъагъэми, бэмэ алъыIэсынэу игъо ифагъ. Ащ ищыIэныгъэ зэрэщытэу и Хэгъэгу, советскэ цIыфхэм щыIэкIэ дахэ яIэным, ныбжьыкIэхэм гъэсэныгъэ-пIуныгъэ дэгъу ягъэгъотыгъэным афигъэIорышIагъ.
Комбат лIыхъужъым Лениным, Быракъ Плъыжьым, Александр Невскэм, Жъогъо Плъыжьым яорденхэр, Хэгъэгу зэошхом иорденэу я 2-рэ степень зиIэр, Дышъэ Жъуагъом имедаль, Польшэм имедальхэу «За Варшаву 1939–1945», «Заслуженным на поле брани», «За Одру, Нису, Балтику» зыфиIохэрэр ыкIи нэмыкIхэр къыфагъэшъошагъэх.
ИзэолI гъогухэр
Нэхэе Даутэ Теуцожь районымкIэ къуаджэу Очэпщые 1917-рэ илъэсым шэкIогъум и 23-м къыщыхъугъ. Адыгэ кIэлэегъэджэ училищыр къызеух нэуж илъэс нахьи Iоф ымышIагъэу ышнахьыжъэу Нэшъэрдинрэ ежьыррэ дзэм зэдащагъэх. ЗэшитIумэ азыфагу илъэсищ къыдафэщтыгъэми, ахэр зэныбджэгъу шъыпкъэхэу, яакъыл зэхэлъэу, зэрэлъытэжьхэу, анаIэ зэтетыжьэу къулыкъур ахьыщтыгъэ. АкIыб къэгъэзагъэу узяплъыкIэ ахэр зэхэшIыкIыгъоягъэх. Апэрэ мэфэ шъыпкъэм перекличкэ щыIэ зыхъукIэ ашIузэхэкIуакIэхэу хъугъэти, «Апэрэ Нэхай», «ЯтIонэрэ Нэхай» аIозэ къяджэхэу аублагъ.
ДзэкIолIмэ ащыщхэр къяхъуапсэщтыгъэх зэшитIури зэкIыгъоу дзэ къулыкъур зэрахьырэм пае, Кавказ къыращхи Белоруссием къэсыфэхэ зэгуащыгъэхэп. Джыри мары нэбгыритIур зы отделение зэдыхэтых. ЕтIанэ Белоруссием икъалэу Пуховичи дэтыгъэ дзэ пехотнэ училищым чIахьэхэшъ, 1941-рэ илъэсым мэкъуогъум и 15-м лейтенантыцIэ къафаусы.
Къулыкъур зыщылъагъэкIотэнэу зыдагъакIохэрэр Мурманскэ хэкум ит къалэу Кандалакшэ дэжь. Даутэ зэу къэзыгъэгушIуагъэр ягъогукIэ Ленинград апэ зэрилъыр ары. МэфитIум къыкIоцI зэшитIумэ уцуи гъэпсэфи ямыIэу къалэр къакIухьагъ, къаплъыхьагъ.
1941-рэ илъэсым мэкъуогъум и 24-м Нэхэе Даутэ зыдагъэкIорэ дзэр зыдэщыIэ чIыпIэм нэси, шхончэо ротэм ивзвод икомандирэу агъэнэфагъ. Ащ лъыпытэу нэмыц-фашист техакIохэм язаоу ыублагъ. Мэфэ зытIущ нахь темышIагъэу Даутэ ышнахьыжъэу Нэшъэрдини нэмыкI взвод ыIыгъэу а зы ротэм къыдыхэтэу заощтыгъэ. Ау шIэхэу Даутэ хьылъэу къауIи, охътэ бэкIае госпиталь зэфэшъхьафхэм ащырихыгъ, ышнахьыжърэ ежьыррэ ащ щызэгокIынхэу хъугъэ. Зэо ужым зэшитIур янэ ыпашъхьэ щызэIукIэжьыгъэх ныIэп.
Даутэ иуIагъэхэр зэхъужьхэм Ленинград иухъумакIохэм ахэтэу Волховскэ фронтым щызэуагъ, я 3-рэ шхончэо дивизием ибатальон иадъютант шъхьаIэу щытыгъ. Ащи ятIонэрэу хьылъэу къыщауIи, мэзиплI Iэпэ-цыпэ госпитальхэм ащигъэкIуагъ. Ылъакъо къызэрэтеуцожьэу фронтым Iуагъэхьажьынэу ялъэIугъ. 1942-рэ илъэсым жъоныгъуакIэм и 3-м нэс псэемыблэжьэу зэуагъэ.
1942-рэ илъэсым ишышъхьэIу мазэ Гупчэ фронтым хэхьэрэ я 12-рэ дивизием автоматчикмэ яротэу хэтым икомандирэу агъэнэфагъ ыкIи илъэс имыкъупэу ащ щызэуагъ. Партиеми мыщ щыхэхьагъ. КапитаныцIэр иIэу командирхэм яIэпэIэсэныгъэрэ яшIэныгъэрэ зыщахагъэхъорэ курсэу Апэрэ Белорусскэ фронтым щыIагъэм 1943-рэ илъэсым агъэкIуагъ.
1944-рэ илъэсым ижъоныгъокIэ мазэ а курсыр къыухи, майорыцIэр къыфаусыгъэу я 69-рэ Дзэм хэхьэрэ я 312-рэ дивизием ибатальон икомандирэу агъэнэфагъ.
Д. Нэхаим ибатальон къалэу Ковель ыкIи нэмыкI чIыпIэхэр шъхьафит шIыжьыгъэнхэм пхъашэу ахэлэжьагъ. Польшэм игъунапкъэ апэу зэпызычи, Вислэ псыхъо пыим IуишIыхьэгъэ пытапIэхэу Гитлер лъэшэу зыщыгугъыщтыгъэхэм якIолIагъэхэм ащыщыгъ.
Д. Нэхаим ибатальон зыхэхьэрэ полкым Вислэ зэпырыкIынышъ, адрэ нэпкъым зыщигъэпытэн фаеу 1944-рэ илъэсым ишышъхьэIу мазэ унашъо къыфашIыгъ. Икъоу зыфэбгъэхьазырынэу уахътэ щыIагъэп. Пыим ипцэшIуащэ жэхэтхэу пхъэ такъырми, орзэ дзыоми къаIэкIахьэрэр агъэфедэзэ, зэпырысыкIынхэу ежьагъэх. Iашэрэ щэ-гынрэ шъхьаджи ежь ыплIэIукIэ зэрихьан ылъэкIыщтым фэдиз ныIэп аштагъэр. Джаущтэу адрэ нэпкъычIэу пыим ищэхэр къызлъымыIэсрэм щызэрэугъоигъэх. Ащ пэмычыжьэу мыжъо нэпкъ лъагэм я XVI-рэ лIэшIэгъум ашIыгъэгъэ пытэпIэ ин тетыгъ. Фашистмэ ар зэтырагъэпсыхьагъэу, ежьхэми ыкIоцI зыщагъэпытагъэу екIолIапIэ иIагъэп. Д. Нэхаим ибатальон ар пыим къытырихын фэягъэ. А пытапIэми ар зыдэт къэлэ цIыкIоу Яновеци мэхьанэу яIэр зэрэиныр нэужым дзэпэщэ инхэм хагъэунэфыкIыгъ.
ПытапIэу Яновец заштэ нэуж нэмыкI зэо пхъашэхэми ахэлэжьагъ Нэхаим ибатальон. Пыим техникэу, Iашэу къытырахыгъэри макIэп. Ащ дакIоу 1945-рэ илъэсым ищылэ мазэ рагъэжьэгъэ наступлением бгъу пстэумкIи зафигъэхьазырыгъ. Къалэу Курошув дэжь лагъымэхэр зыхэлъ шъофым сапермэ фашIыгъэ лъагъохэмкIэ батальоным идзэкIолIхэр шъэфэу пыим игъунапкъэхэм якIолIагъэх, етIанэ зэикIэу зыкъаIэти, чIытIырхэм задатэкъуагъ. Сыхьатныкъо нахь темышIэу пыим иоборонэ зэщагъэкъуагъ.
Вислэрэ Одеррэ азыфагу мэфэ 23-рэ щыкIогъэ заоу Хэгъэгу зэошхом ихъишъэ хэхьагъэмэ ащыщым Берлин екIурэ гъогур къызэIуихыгъ.
Познань къаухъурэйи, ащ зыщамыгъэгужъоу тидзэхэр ыпэкIэ лъыкIотагъэх. А къалэм къыдэнэгъэ гарнизоныр дэзыукъэбзыкIыжьыщтмэ Нэхэе Даутэ ибатальони ахэтыгъ. Нэмыцмэ къалэр зэрэхъураеу къадзыхьэу, фортхэр, дотхэр хэтхэу пытапIэхэр Познань щызэтырагъэпсыхьагъэх, чIыгу чIэгъми ущызекIонэу гъогухэр иIагъэх. Гупчэ шъыпкъэм пытэпIэ зэтегъэпсыхьагъэу Кернверк итыгъ. Ар метрипшI зикуогъэ ыкIи зишъомбгъогъэ кэнау дэтIыкIыгъэкIэ къэухъурэигъагъ, имыжъо дэпкъмэ метритф яIужъогъагъ. Гитлер ащ гарнизонэу къыдигъэнагъэр нэбгырэ мин 60-м ехъущтыгъ, Iашэу, щэ-гынэу, гъомылапхъэу дэлъыр мэзищым нахь мымакIэу телъытэгъагъ.
Джары кIочIабэ мы къалэр шъхьафит ашIыжьынэу къызкIагъэнэгъагъэр. Мыщ унэу дэт пэпчъ Вислэ нэпкъ тетыгъэ пытапIэу «джынэ уцупIэкIэ» зэджагъэхэр Нэхаим ыгу къагъэкIыжьыщтыгъ. Батальоным ивзводхэр, иротэхэр а зы мафэм пчъагъэрэ атакэм кIощтыгъэх, а зы унэ кIоцIым зы этажыр пыим ыIыгъэу, адрэ этажыр тидзэкIолIмэ аIыгъэу щызаохэу макIэп къызэрэхэкIыгъэр. Джаущтэу батальоным квартал 36-рэ пыим къытырихыжьыгъ, нэбгырэ 400-м ехъу ригъэтэкъохыгъ, гъэрэу ыубытыгъэри макIэп. 1945-рэ илъэсым мэзаем и 23-м – Дзэ Плъыжьым и Мафэ ехъулIэу пыйхэр зэрэщытэу къалэм даукъэбзыкIыжьыгъэх.
Ащ ыуж мэфэ заулэ нахь темышIагъэу батальоным къэбар гушIуагъо къылъыIэсыгъ. СССР-м и Апшъэрэ Совет и Президиум 1945-рэ илъэсым мэзаем и 27-м къыдигъэкIыгъэ Указым теткIэ батальоным икомандирэу майорэу Нэхэе Даут Ерэджыбэ ыкъом Советскэ Союзым и ЛIыхъужъыцIэ къыфаусыгъ.
Берлин екIурэ гъогур
Познань заштэ нэуж Берлин екIурэ гъогум тетэу Нэхаим ибатальон ыпэкIэ лъэкIуатэ. Мэлылъфэгъум и 22-м нэфшъагъом Нэхаим ибатальон зыхэхьэрэ дивизиер ылъэ тетыгъ, Берлин нэсынхэкIэ къэнэжьыгъэ щыIагъэп. Апэ къифэрэ фашистхэр зэхагъэтакъохэзэ, ащ екIущтыгъэх. Мафэм сыхьатыр зым псыхъоу Шпрее нэмысыпэхэу батальоным кIэу унашъо къыфашIыгъ. Берлин екIурэ гъогум текIынышъ, сэмэгумкIэ щыIэ мэзым игъэхъунэмэ ащыщ горэм къинэгъэ пый купышхор зэхикъутэн фэягъэ. Гъогум зыдэхыхэм мэзым псынкIэу зыщызэбгыратэкъуи, зи апэ къимыфэу тIэкIурэ лъыкIотагъэх. ЕтIанэ апэрэ фашист купым IуупIагъэх. Бащэ рамыгъэкъудыеу ащ иIоф ашIи, джыри лъыкIотагъэх.
«Ар кIуакIэ хъунэп, – ыгукIэ зэриIожьыгъ Даутэ. – ЧIыпIалъэр зыфэдэр зэгъэшIэгъэн фае». Шым тетIысхьи, артиллеристэу батальоным кIыгъури игъусэу Iэгъо-благъор къызэпачъыхьагъ. КIохэ зэхъум фашистхэм аIыгъ гъэхъунэр къыдаухьагъэу хъугъэ. Къызагъэзэжьым блэгъэ дэдэу ащкIэ къырекIокIыжьыгъэх. Батальоныр атакэм зэрежьэу къыпэгъокIынхэм гитлеровцэхэр фэхьазырыгъэх.
Артиллеристыр ыпэ итэу, Даутэ ыужэу къэчъэжьхэзэ, ошIэ-дэмышIэу шъхьэр зэтыричэу, тхьакIумэр ыудэгоу мэкъэшхо къэIугъ. Шэу Даутэ зытесыр лагъымэм теуцуи къыгъэуагъ, ащ лъыпытэу зэхэфагъ. Ардэдэм «фауст-патронхэмкIэ» къызэреуагъэхэм Даутэ гу лъитагъ. Нэужым а чIыпIэм щыхъугъэ пстэури фызэхэфыжьыгъэп. Лагъымэм риутыгъэ машэм илъэу, ылъэкъо лъэныкъуи шым чIиубытагъэу автоматыр фашистхэм атыриунакIэщтыгъэ. ЛIыхъужъым иаужырэ щэхэр зэошхом щыригъэкIыжьыщтыгъэх.
А пстэури къэзылъэгъугъэ артиллеристыр псынкIэу кууагъэ:
– Санитаркэр елбэтэу къэжъугъэс!
А гущыIэхэр Марие (Наталье) Шатохинам, санитар отделением икомандир, зызэхехым ыгу чъыIэ-чъыIэу зыгорэ къыхэпыджагъэм фэдэу къыщыхъугъ. Iалъмэкъэу шIохэлъагъэр IэкIэ диIыгъэу, дзэкIолIэу зэхэзыхыхэрэри зэкIэ ыуж итхэу илI къызщауIэгъэ чIыпIэмкIэ чъагъэ.
Нахь благъэу зекIуалIэм, Марие къызэхафэ пэтыгъ: Даутэ ылъэкъо лъэныкъо шы укIыгъэм ычIэгъ чIэлъыгъ, адрэ лъэныкъор… адрэр лъэгуанджэм нэсэу пытыжьыгъэп. Плъыр-стырым хэтэу Даути ащ гу лъитэжьыгъэн фаеп. ДзэкIолIхэу къышъхьарылъэдагъэхэри комбатым ылъакъо зэрэпымытыжьыр къызалъэгъум зы такъикъ горэм аIощтыри ашIэщтыри амышIэу къызэтеуцуагъэх. ЕтIанэ ащыщ горэ ымакъэ Iэтыгъэу къяджагъ:
– Комбатым пае! Сауж шъукъихь! Зы фашист къыханэу мы мэзым тыкъыхэкIыщтэп!
А ежьагъэхэр къызэтезыIэжэн кIуачIэ къэгъотыгъоягъ. Гъолъыщтыгъэхэп, чъыг къогъу зашIыщтыгъэп. МэшIо лыгъэм фэдэу чъэм дыхэтхэу, гухьэ-гужъ пстэоу агу щызэтырихьагъэр зэкIэ атыракъутэу гитлеровцэхэр мэзым хаукъэбзыкIыщтыгъэх…
Лъэкъо пыутыгъэм лъэу кIэчъыгъэр бэ. Марие ынэпсхэр къетэкъохыхэзэ псынкIэу ар пипхыкIыгъ, ышъхьагъкIэ дэIэбайи, лъыр къымытIупщынэу хьашъо тырилъхьагъ. Даутэ зи ыIощтыгъэп, иакъыли щыощтыгъэп. Шызэкъоку горэ псынкIэу къыIуагъэзыхьи, зэуапIэм къыращыгъ. Гъогум къызэсхэм санитарнэ машинэм рагъэгъуалъхьи, Марие игъусэу апэрэ госпиталэу зыIукIэхэрэм къыщыуцунхэу ежьагъэх.
Джырэ ныIэп, гъогум тетхэ зэхъур ары, къэхъугъэ пстэуми Даутэ зягупшысэжьыгъэр. ШIу ылъэгъурэ чIыгум лъэкъуитIукIэ егъашIэм теуцожьын зэримылъэкIыщтым игукIае ар зэ къыгъэтхыуагъ. Машинэм тIэкIу зыдедзыем хьылъэу зэрэхэщэIукIыгъэм фэшъхьафкIэ зы гущыIи къымыIоу, ынитIу зыгорэм тегъэдыкъагъэу еплъырэм фэдэу щылъыгъ. Iубыбэщт пшIошIэу Iуплъыхьэу, зы гущыIэ ыжэ къыдэзыхэщтмэ къыпхъотэнэу хьазырэу Машэ ащ шъхьарысыгъ. Узым къызэрэфыригъашIэрэм нэмыкIэу Даутэ ынэгу гупшысэ нэшхъэй горэ зэрэкIэлъыри хэпшIыкIыщтыгъэ. ИуIагъэ зэрэузырэм пае зыфэмыщыIэжькIэ е гумэхагъэ къыхэфагъэу ылъакъо пымытыжьмэ щымыIэшъущтым енэгуекIэ арыгъэп. Даутэ зэгупшысэрэр нэмыкIыгъ. Сыда джы ежь щыIакIэм хишIыхьажьын ылъэкIыщтыр? АщкIэ гуцэфэ тIэкIу Машэ ышIыгъэми, Даутэ зи риIуагъэп, егыигъэп. Ащ гупытэу кIоцIылъым пстэури зэрэзэпичыщтым, а гур къытеофэ щыIакIэм игупчэ зэритыщтым ицыхьэ телъыгъ.
Бзылъфыгъэ блан
СыхьатитIу хъугъэу кIощтыгъэх, госпиталь горэми IукIэщтыгъэхэп. Ащ Марие лъэшэу ыгъэгумэкIыщтыгъэ. Тыдэ къыщыбгъотына госпиталь мыщ фэдэ чIыпIэм? Фронтыр псынкIэу зэрэлъыкIуатэрэм фэд, ахэри зы чIыпIэ итхэрэп. Сыхьат заулэрэ лъыхъуагъэхэу госпиталыр зэрэчIэтыгъэр пшIэнэу зы унэ горэм екIолIагъэх. Ау цIыфыпси къыщыхъыещтыгъэп. Машэ псынкIэу унэм илъэдагъ. Зэренэгуягъэу госпиталыр лъагъэкIотагъ. НэбгыритIу унэм итэу аужырэ Iэмэ-псымэхэр зэкIоцIащыхьажьыщтыгъэх.
– Хэта шъуитIу язэу врачыр? – кIом дыхэтэу яупчIыгъ Марие.
– Сэры, – ыIуагъ нахь лIы хэкIотагъэм.
– Ухирурга?
– Ары.
– УIагъэ горэ къэсщагъ. ПсынкIэ шъыпкъэу операцие шIыгъэн фае. Ылъакъо пытыжьэп. Ащ нахьыбэ тешIэмэ пышъуупкIынкIэ щынагъо!
– СшIын слъэкIыщтэп, – къыпиупкIыгъ врачым. – СызэреIэзэни икъунэу сIыгъэп, сыздэкIожьыщтми къыщысэжэх.
– УмышIы хъущтэп! – Марие къызэкIэкIуагъэп. – НекIо, уIагъэм еплъ.
– СшIын слъэкIыщтэп, сеплъын ау, – ыIозэ врачыр унэм къикIыгъ.
Машинэ шъхьэихъуагъэм зэрихьагъэм тетэу апэ ынэ къыкIидзагъэр Дышъэ Жъуагъоу Даутэ ыбгъэгу къыхэжъыукIырэр арыгъэ. ЫIон ымышIэу тенагъ. УIагъэри къыплъыхьи, Марие зыкъыфигъэзагъ:
– Угу ихъыкIырэр къызгурэIо. Мощ фэдэ лIыхъужъым сэри семыбгъукIо сшIоигъу. Ау зэхэшIыкI: зэрэсшIын наркоз икъоу сиIэп. Лъакъор пыхыгъэн фае. Пхъэхыжъ цIыкIу горэ нахьи сIыгъэп. Операцие хьылъэ хъущт, фэщыIэнэп. Хэти къыздеIэщт?
– Сэ сыбдеIэщт! – теубытагъэ хэлъэу къыпиупкIыгъ Марие. — Сыд ихьылъагъэми ыщэчыщт. Ащ блэкIымэ къехъулIэщтыр сэщ нахь дэгъоу о ошIэ!
Врачыр къезэгъыгъ. ИщыкIэгъэщтхэр зэкIэ агъэхьазырхи, Даутэ столым тырагъэгъолъхьагъ, операцием фежьагъэх. Новокаин тIэкIу врачым ыIыгъти хикIагъ. Зыми ымыгъэгумэкIырэм фэдэу Даутэ къяплъы. Къупшъхьэр пахынэу фежьагъэх. Машэ врачым деIэ, загъорэ Даутэ дэжькIэ реплъэкIышъ, адрэм ынэгу лъы гъуаткIо кIэмытыжьым фэд. Ау ыжэ къызэтырихэу зы щэIу макъэ къыгъэIурэп. Хъэдэн фыжь Iабгъоу къыIэкIэфагъэр пытэу цапэкIэ зэтырикъузагъэу, ыпшъэ зэшIуищыгъэу щылъ. ЫнатIэ пкIэнтIэ ткIопсышхохэр къытелъэдагъэх. Марие а чIыпIэм къыщыгурыIуагъ наркозым ишIогъэ хъатэ къызэрэмыкIуагъэр. Къупшъхьэр джыри ныкъопыхыгъ. Машэ фэмыщыIэу ыIитIу ынэгу кIилъхьи зызэригъэзэкIыгъ, IукIынкIэ фежьагь. Врачри ышIэщтыр ымышIэу къызэтеуцуагъ. Мыдрэр демыIэу изакъоу фыпыхыщтгъагъэп.
Даутэ аужырэ кIуачIэу иIэр къызэкIиугъуайи къэкууагъ:
– Наташа, къэгъаз!
Машэ ынэпсхэр къыкIэтэкъухэзэ псынкIэу къыIулъэдэжьи, ерагъэу ылъакъомэ атетэу сыдэу щытми къупшъхьэр врачым дыпихыгъ…
РишIылIэщтыр зэкIэ зеухым, пкIэнтIэпсыр зэрилъэкIэхызэ, врачым куоу жьы къыщагъ, ежь зыфиIожьырэм фэдэу къыупсэлъыгъ:
– Заор къызежьагъэм къазыфагу сэ госпитальхэм ренэу сачIэтышъ, ащ нахь щэIэгъэ пытэ иIэу цIыф сырихьылIагъэп.
ЕтIанэ Машэ къыриIуагъ:
– Джыдэдэм мыр бгъэхъые хъущтэп, сыхьат заулэ горэм рэхьатэу щылъын фае. Сэ госпиталым сызэрэнэсыжьэу рызепщэн плъэкIынэу машинэ къылъызгъэкIощт…
Пчыхьэ кIасэ хъугъэу машинэр къылъыкIуи госпиталым ащагъ, Марии ащ дэкIуагъ. Даутэ нэфшъагъом дэжь тIэкIу хэчъыягъ. Къызэущыжьым Марие къеджи къыриIуагъ:
– Наташа, сэ сынахьышIуIу. Чэщ-зымафэ хъугъэ батальоным укъызыхэкIыгъэр. ДезертиркIэ уалъытэн. Джыри заор аухыгъэп. Батальоныр зыдэщыIэр къэгъотыри ахэхьажь. Джы сэ сыIофыжьэп. УкъатIупщыжьэу къэбгъэзэжьмэ мы госпиталым укъыщысIукIэжьыщт…
Даутэ къызфиIорэр тэрэзыгъ. Машэ ынэхэр ыкIыбкIэ щыIэу батальоным кIэхьажьынэу ежьагъ. Ау къэгъот плъэкIыщтмэ. Хышхом зы гъуаткIoy хэфагъэм фэд. ЗэупчIырэм «модкIэ кIуагъэ» elo, ащи щигъотырэп, нэмыкI чIыпIэ къырагъэлъэгъу. Мэфэ зытIо джаущтэу лъыхъуагъэ. МыдкIэ Даутэ зычIэлъ госпиталыр джыри лъыкIотэн фаеу хъугъэ.
– Наташэ къэсыжьыфэ сэ мыщ сычIэкIэу сыздэкIон щыIэп! – къыпиупкIыгъ Даутэ.
Медсестра горэ къыдычIани, зыдакIохэрэм иадреси къырати, госпиталыр кощыгъэ. Джыри мэфитIо Даутэ изакъоу чIэлъыжьыгъ. Ащ фэдизми зэмыгупшэсэжьыгъэ щыIэп…
Ящэнэрэ мафэм Марие къэсыжьыгъ. Къэхъугъэр ымышIэу ятIонэрэ этажым псынкIэу дэчъэягъ, ау тыдэкIи кIым-сымыгъ. Даутэ зэрылъыгъэ палатэм ипчъэ зыIуехым изакъоу, ынэIу дэгъэзыягъэу адрэр пIэм хэлъыгъ. Машэ къыIуиути, а чIыпIэм щыгъыгъ.
– Наташа, Наташа! Адэ сыда узыкIэгъырэр? – къыкIэщтагъ Даутэ. – Сэ сызэрэожагъэр…
– СшIэрэп сэри сызыкIэгъырэр, – ынэпсхэр кIилъэкIыкIхэзэ, Машэ пIэ лъапэм къетIысэхыгъ. – А тхьамафэм батальоныр сымыгъотыжьэу къиныбэ сыхэтыгъ. ТызэшIокIодыным сыщыщынэщтыгъ. Джы зэкIэри дэгъу хъугъэ, етIани сынэпсхэр къысшIомыкIонхэ слъэкIырэп. СыкъатIупщыжьыгъ. «А къэнагъэм о утхэмытыжьми фашистхэр тэ тIэкIэкIыжьыщтхэп» къысаIуагъ. Дивизием икомандир фырикъужьэу сыкъагъэкIотэжьыгъ, сэламышхуи къыпфысагъэхьыжьыгъ.
– Наташа, сишъыпкъэу къыосэIо: сшIуабэ дашIэу сыожагъ. Ау укъэмыкIожьыгъэми сыгу обгъэщтгъагъэп, – къыIуагъ Даутэ. ЕтIанэ ышъхьэ ригъэзэкIи къыпигъэхъожьыгъ: – Ылъакъо псаоу сэщ фэдэ горэ бгъотыни…
А гущыIэхэм Машэ зыкъырагъэпхъотагъ.
– Даут, ащ нахьэу цыхьэ къысфэмышIырэмэ, ащыгъум пстэури пкIэнчъ.
– Хьау, сыгу щэч къыпфихьэу зы такъикъи къысэкIугъэп. Ау мы заом къинэу хэплъэгъуагъэм ыуж угу щизэу насыпышIо ухъумэ сшIоигъу.
– Плъакъо зэрэпымытыжьыр титIуи зэдытикъин. Сэ ар къысэпIожьынэу щытэп, Даут. АдкIэ сынасыпышIошъ, а Iофым ащ нахьыбэрэ тырымыгъэгущыIэжь…
Берлин пэмычыжьэ къэлэ цIыкIу горэм пчыхьэм къэкIожьыгъэх. Ащ дэт госпиталым мэфэ зытIущ нахьыбэрэ чIэмылъыгъэу пчэдыжь горэм Машэ гушIом зэрихьэу къилъэдэжьи къыриIуагъ:
– Аухыгъ, Даут, заор аухыгъ!..
Даутэ ылъакъо зэрэпымытыжьыри щыгъупшэжьыгъэм фэдэу къызщылъэтынкIэ фежьагъ. Ау уIагъэу къызыкIырыугъэр къызэузым ышъхьэ ыгъэтIылъыжьыгъ. Ардэдэм ащ пстэуми апэу ыгу къилъэдагъэхэр ибатальон хэтыгъэ кIалэхэр ары. Тыдэ щыIэх шъуIуа джыдэдэм ахэр?
Къоджэгъумэ ягущыIэ фаб
Джыри тхьэмафэ горэ тешIагъэу Очэпщые къикIэу письмэ Iужъу хьазыр Даутэ къыфэкIуагъ. Письмэу къыIукIэхэрэр зэкIэ къэзытхыхэрэр конвертымкIэ ышIэжьыщтыгъэх, ау мыдрэр инэIосагъэп. «Хэта мыр къэзытхыгъэщтыр?» ыIозэ зэтыритхъыгъ. Мары ащ итхэгъагъэр:
«ТилъапIэу Даут!
ТилъапIэхэу дзэкIолIхэр, командирхэр!
Правительствэм макъэ къызэрэтигъэIугъэмкIэ, Отечественнэ зэошхор текIоныгъэр тиеу тыухыгъэ. Пыим зыкъитыгъ. Советскэ народыр мэгушIо. А къэбарыр зыщызэхэтхыгъэ охътэ шIагъом сэлам лъапIэр шъо къышъуфэтэгъэхьы.
Мэфэ гушIуагъоу тызажэщтыгъэр къэсыгъ. Мамыр щыIакIэм изэтегъэпсыхьажьын игъо хъугъэ. Заор кIо зэхъум зэкIэ тигупшысэхэр шъо къышъопхыгъагъэх. Шъо пыим шъузэребэнырэр дгъэпсынкIэным, текIоныгъэр къыдэтхыным апае тэ тлъэкIырэр зэкIэ тшIэщтыгъэ.
IофшIэнышхо тыIут джыдэдэм. КIэлэцIыкIухэри, лIыжъхэри, Отечественнэ зэошхом хэлэжьагъэхэри, пшъашъэхэри, кIалэхэри – зэрэкъуаджэу джыдэдэм тызфэбанэрэр текIоныгъэшхор рыхэдгъэунэфыкIынэу лэжьыгъэ бэгъуагъэ къэтхьыжьыныр ары.
Тышъожэ тэ, тикIасэхэр, шъукъэсыжьыфэ. Зэрэкъуаджэу тыкъышъупэгъокIыщт. Унагъо пэпчъ шъоркIэ гупсэфыпIэу, рэхьатыпIэу хъущт. Тэ гъогухэр, щагухэр тэукъэбзых, чэукIэхэр тэшIыхьэх, чъыгхэр тэгъэтIысых – а пстэури шъощ пай, тилъапIэхэр!
ТыпфэгушIо, Даут, текIоныгъэшхом пае. ТафэгушIо зэкIэ дзэкIолIхэми командирхэми. Насыпрэ псауныгъэрэ шъуерэI.
Къуаджэм илэжьакIохэм пшъэрылъ къызэрэтфашIыгъэм теткIэ: Хъут Теуцожь, Нэхэе Хьатхъохъу, Шъхьэлэхъо Мач, Нэхэе Сэфэрбый, Абайдулина Гайдия, Кушъу Сэфэр, Лъэустэн Аюб, Нэхэе Щэриф».
Письмэр зэриIыгъэу Даутэ пIэгум къитIысхьагъ.
– Наташа, моу бэщхэр къысэтых. Зы лъакъомкIи боу пытэу сытетыщт сэ а чIыгум джыри. Хьау, ащ нахьыбэрэ сыщылъыжьын слъэкIыщтэп, къуаджэр зэрэпсаоу къытэжэ. ЩыIэкIэ шIагъо тапэкIэ къэт…
Госпиталь заулэмэ къыщяIэзагъэхэу, ипсауныгъэ нахьышIу хъугъэу Даутэ Мария Сергеевнари игъусэу якъуаджэ къэкIожьыгъ. КIымэфэ чъыIагъ. Ащ пае къэмынэу, письмэм къызэрэратхэгъагъэу, зэрэкъуаджэу, зэрэ Советэу лIыхъужъым къыпэгъокIыгъ. Машэ мы чIыпIэ пстэури ищыпэлъэгъугъ. Даути зыфэгъэплъэкIыжьыщтыгъэп. Боу афэзэщыгъагъ ахэм.
Щэрифэ игушIуагъуи гъунэнчъагъ. Ыкъуищи – Мыхьамоди, Нэшъэрдини, Даути псаухэу зэошхом къыхэкIыжьыгъэх. НымкIэ ащ нахь насыпышIуагъэ сыд къэхъужьын! Ыкъо нахьыкIэу нахь зытегуIыхьэщтыгъэри нахьыпэрэм фэдэу джыри зэрэчэфыгъ, нэгуихыгъагъ, сэмэркъэушIылагъ…
Мафэхэр кIощтыгъэх. Даутэ нахь гумэкIэу, чIыпIэ имызагъэу къыригъэжьагъ. Зэгорэми Марие ыпашъхьэ къыщыхиIукIыгъ:
– Маша, моущтэу Iоф сымышIэу сыщысын слъэкIыщтэп. СIэхэр псаух, сшъхьэ псау.
Джа ыпшъэкIэ къызэрэсIуагъэм фэдэу, егъэджэн Iофым, еджапIэм пэщэныгъэ дызехьэгъэным шIэхэу апыхьажьыгъ. Ипсауныгъэ арэу зэрэмыхъатэзэ, IофшIэн къаIихынэу Даутэ зэрэфежьагъэр Щэрифи, ышнахьыжъитIуи, Маши агъэшIэгъуагъэп. Ахэм дэгъоу ашIэщтыгъэ Даутэ ыIитIу зэтедзагъэу зэрэщымысыщтыр. 1946-рэ илъэсым къыщегъэжьагъэу Очэпщые иублэпIэ еджапIэ ипащэу Iоф ышIагъ, 1947-рэ ылъэсым иIоныгъо къыщегъэжьагъэу ПчыхьалIыкъое гурыт еджапIэу № 2-м идиректорыгъ.
Хэгъэгу зэошхом зэщигъэкъогъэ еджапIэр зэтебгъэуцожьыныр, еджэн Iофыр зыпкъ ибгъэуцожьыныр къиныгъэ: зэреджэщт тхылъхэр, тетрадьхэр, нэмыкI Iэмэ-псымэхэр икъоу щыIагъэхэп, кIэлэегъаджэхэри афикъущтыгъэхэп. КъэIогъэн фае еджапIэм зэрэщыригъаджэщтыгъэхэм, пэщэныгъэ зэрэзэрихьэщтыгъэм адакIоу Даутэ нэмыкI Iофхэми чанэу зэрапылъыгъэр. Ар лэжьэкIо депутатхэм я Краснодар край Советрэ ПчыхьалIыкъое къоджэ Советымрэ ядепутатыгъ, партием и Адыгэ хэку комитетрэ и Теуцожь райкомрэ ахэтыгъ. Советскэ Союзым и ЛIыхъужъыцIэ къызыфагъэшъошэгъэ Даутэ фронтым къызекIыжьми гупытагъэу иIэр чIинагъэп, ыгу етыгъэу, ыкIуачIэ къызэрихьэу, щыIэныгъэм ипчэгу итэу лэжьагъэ.
Пшъэрылъэу иIэхэмкIэ ащ апэ ригъэшъыщтыгъэр кIэлэцIыкIухэм япIун-гъэсэн ары. ТэркIэ, ащ ригъаджэхэрэмкIэ, ар кIэлэегъэджэ, директор къодыеу щытыгъэп. Заом щызэрихьэгъэ лIыхъужъныгъэмкIэ, зышъхьамысыжьэу зэрэлажьэрэмкIэ, шэн пытэ зэриIэмкIэ, цIыф гупсэфэу, зафэу зэрэщытымкIэ, ныбджэгъуныгъэм уасэ зэрэфишIырэмкIэ, цIыф къызэрыкIоу, гупцIанэу зэрэщытымкIэ, сыд фэдэрэ Iофи еIолIэнчъэу зэригъэцакIэрэмкIэ, и Хэгъэгурэ илъэпкъэгъухэмрэ шIу дэдэ зэрилъэгъухэрэмкIэ тэркIи, нэмыкI къоджэдэсхэмкIи Нэхэе Даутэ щысэтехыпэшIоу щытыгъ.
СикIэлэегъэджагъэм идунай 1955-рэ илъэсым мэзаем и 1-м ыхъожьыгъэми, мы цIыф шIагъор зышIэщтыгъэхэми, ащ ищыIэныгъэ гъогурэ лIыгъэу зэрихьагъэмрэ ащыгъуазэхэми Советскэ Союзым и ЛIыхъужъ зытетыгъэм тетэу тыгу къинэжьыгъ. Ар джыри щыIэныгъэм къыщыдгот. СикIэлэегъэджэ кIасэ фэгъэхьыгъэу Нэхэе Руслъан усэ зэхилъхьагъ, сэри документальнэ повестэу «СыщыIэфэ» зыфиIорэр стхыгъэ, Шъхьаплъэкъо Хьисэ ипьесэ техыгъэу спектаклэ титеатрэ щагъэуцугъ. Икъоджэ гупсэу Очэпщыйи пэщэныгъэ зыщызэрихьэгъэ ПчыхьалIыкъое гурыт еджапIэу Нэхэе Даутэ ыцIэ зыфаусыгъэми исаугъэтхэр адагъэуцуагъэх. ПчыхьалIыкъое гурыт еджапIэми, районым ит нэмыкI еджапIэхэми ачIэсхэм мыхэр якIуапIэх. Нахьыжъхэу щыIэкIэ дахэ къязытыгъэхэм яхабзэхэр зэрэлъагъэкIотэщтхэмкIэ, я Хэгъэгу зэрэфэшъыпкъэщтхэмкIэ ныбжьыкIэхэм тхьарыIо ахэм апашъхьэ щашIы.
Нэхэе Даутэ лъэуж дахэ чIым къытыринагъ. Зэо гъогухэр къыдызэпызычыгъэ, цыхьэшIэгъу шъхьэгъусэу иIэгъэ Шатохина Мария Сергей ыпхъур опсэуфэ ПчыхьалIыкъое гурыт еджапIэм бухгалтерэу щылэжьагъ. Идунай зихъожьыгъэр илъэсищ хъугъэ. Даутэ икIалэу Юрэ 1947-рэ илъэсым къэхъугъ, ищыIэныгъэ зэрэщытэу комсомол Iофым, партийнэ-советскэ IофшIэным афигъэIорышIагъ, джыри мэлажьэ. Ыпхъоу Людмилэ 1951-рэ илъэсым къэхъугъ, медицинэ институтыр къыухыгъ. Адыгэ республикэ клиникэ онкологическэ дипсансерэу М.Хъ. Iэшъхьэмафэм ыцIэ зыхьырэм щэлажьэ, «Урысые Федерацием изаслуженнэ врач» зыфиIорэ щытхъуцIэр къыфагъэшъошагъ.
СынапIэ джыри зызэтеспIокIэ, сикIэлэегъэджэ кIасэ сапашъхьэ къеуцо. Шинель зыщыгъ хъулъфыгъэ лъэпэ-лъагэм, зэкIужьым, шъхьац шIуцIэ Iужъу зытелъ, теубытэныгъэрэ пхъэшагъэрэ зынэгу къычIэщырэ кIэлэегъаджэм СССР-м и Конституцие къытфызэхефы. Я 7-рэ классым ащ фэдэ предмет тагъэхьыщтыгъ. Я 9–10-рэ классхэм кIэлэеджакIохэм якомитет итхьаматэу сыщытыгъэти, мафэ къэс пIоми хъунэу еджапIэм ипащэ сыIукIэщтыгъэ. ИлъэсипшI пчъагъэ зэрэтешIэжьыгъэзи, ащ нахьыбэу хэлъыгъэр къэсIонэу джыри сшIэрэп: пытагъэр, теубытэныгъэр, зышъхьамысыжьэу сыд фэдэрэ Iофи зэригъэцакIэщтыгъэр, лIыгъэшхо зэрэхэлъыгъэр, цIыфхэм зэдыряфедэм зэкIэри ригъэгушIунхэ, ахэр зэкъуигъэуцонхэ, зылъищэнхэ зэрилъэкIыщтыгъэр ара, хьауми игупцIэнагъэ, ишъырытныгъэ, цIыф къызэрыкIоу зэрэщытыгъэр, щхыпэ шъабэу ыIупэ телъыгъэр, нэмыкIхэм, анахьэу сабыйхэм, лъэшэу зэрафэгумэкIыщтыгъэр ара?
Хэгъэгу зэошхом къыкIэлъыкIогъэ илъэсипшI къинхэр зэпызычын фаеу хъугъэ цIыфхэм а пстэури ящыкIэгъагъ. ЗышIэщтыгъэ пстэуми агу Нэхэе Даутэ къызэринэжьыгъэр кIэлэегъэджэ, пэщэ, депутат чанэу, цIыф гумэкIылэу, лIыгъэшхо зыхэлъ цIыфышIоу ары.
Герой войны, труда и жизни
Жизненный путь Героя Советского Союза, моего любимого учителя – Даута Ереджибовича Нехая – был хоть и коротким, но очень насыщенным. Коротким, потому что он ушел в мир иной в 37-летнем возрасте. Насыщенным, потому что вся его жизнь полностью была посвящена служению Родине, советскому народу и воспитанию подрастающего поколения.
Отважный комбат награжден орденами Ленина, Красного Знамени, Александра Невского, Отечественной войны 2-й степени, Красной Звезды, медалью «Золотая Звезда», тремя польскими медалями: «За Варшаву 1939–1945», «Заслуженным на поле брани», «За Одру, Нису, Балтику» и другими.
По военным дорогам
Даут Ереджибович Нехай родился 23 ноября 1917 года в ауле Вочепший Теучежского района. После окончания Адыгейского педучилища, проработав учителем лишь год, он был призван в армию вместе со старшим братом Насурдином. По пути с Кавказа в Белоруссию братьев не разлучили. Они стали служить в одном отделении. Некоторые бойцы им завидовали. Несмотря на разницу в возрасте (3 года), братья были очень дружны, привязаны и внимательны друг к другу, заботливы, всегда советовались. С самого начала они несли службу вместе. Со спины их трудно было различить. С первых же дней во время переклички, чтобы не перепутать, их стали называть «Первый Нехай» и «Второй Нехай».
Позже, вместе поступив в военное пехотное училище в белорусском городе Пуховичи, 15 июня 1941 года окончили его в звании лейтенанта.
Затем их направили в часть, которая дислоцировалась в районе города Кандалакши Мурманской области. Даут обрадовался тому, что их путь лежал через Ленинград. В течение двух дней братья без устали ходили по историческим местам и музеям города. По прибытии в часть 24 июня 1941 года Даут Нехай принял пулеметный взвод стрелковой роты и сразу же вступил в бой с немецко-фашистскими захватчиками. Через несколько дней старшего брата Насурдина так же назначили командиром другого взвода той же роты. Но тяжелое ранение Даута надолго их разлучило. В течение продолжительного времени младшему брату пришлось лечиться в разных госпиталях. Братья встретились только после окончания войны, вернувшись домой.
После выздоровления Даут снова вернулся на передовую, на этот раз оказался среди защитников Ленинграда на Волховском фронте в должности старшего адъютанта батальона 3-й стрелковой дивизии. Воевал отчаянно до 3 мая 1942 года. Но вновь тяжелое ранение вывело его из строя на 4 месяца.
Едва встав на ноги, в августе того же года после настойчивых просьб получил назначение на должность командира отдельной роты автоматчиков в составе 12-й истребительной противотанковой дивизии на Центральном фронте. Там он воевал почти год и вступил в ряды Коммунистической партии Советского Союза.
Своими мужеством и отвагой, организаторскими способностями, умением смело и решительно вести за собой солдат на выполнение любых заданий Даут Ереджибович обратил на себя внимание старших командиров. И в 1943 году в звании капитана он был направлен на фронтовые курсы усовершенствования командного состава при 1-м Белорусском фронте.
После окончания курсов в мае 1944 года уже майора Д. Е. Нехая назначили командиром первого стрелкового батальона 1083-го стрелкового Краснознамённого полка 312-й Смоленской Краснознамённой орденов Суворова и Кутузова стрелковой дивизии в составе 69-й армии на 1-м Белорусском фронте.
Батальон под руководством Д. Е. Нехая в июле 1944 года принимал активное участие в боях за освобождение города Ковель и других населенных пунктов и был в числе первых, кто пересек польскую границу и вплотную подошел к завислинским сильно укрепленным оборонительным рубежам противника, на которые Гитлер возлагал большие надежды.
Полк, куда входил батальон Д. Е. Нехая, в августе 1944 года получил приказ форсировать Вислу и укрепиться на противоположном берегу. Времени для подготовки не было. Под градом вражеских пуль бойцы на подручных средствах переправились на другой берег, захватив столько боеприпасов, сколько можно было унести с собой, и сосредоточились на узкой песчаной отмели, над которой возвышались отвесные кручи. Немного в стороне, на каменистом берегу стоял замок, построенный в XVI веке и превращенный фашистами в неприступную крепость. Противник закрепился в замке, к которому не было подхода. Батальону Д. Е. Нехая нужно было отвоевать его у врага. Впоследствии главнокомандующие отмечали большое стратегическое значение завоевания этой крепости и городка Яновец, где она располагалась. После взятия этой крепости батальон Даута Нехая участвовал еще и в других ожесточенных боях. В них наши бойцы захватили немало техники и боеприпасов врага.
В ходе зимнего наступления наших войск, которое началось в середине января 1945 года, в авангарде 69-й армии находились части 312-й дивизии. В ходе Висло-Одерской операции батальону Д. Е. Нехая приказали прорвать в районе Курошув глубокоэшелонированную оборону фашистов с минными полями, противотанковыми рвами, траншеями, дотами и дзотами. Бойцы были тщательно подготовлены к наступлению. Отделения и взводы прошли по тропам, проложенным в минных полях, а затем сплошной и несокрушимой цепью двинулись на врага. Атака была настолько стремительной, что первая линия долговременной обороны противника была преодолена за полчаса.
Висло-Одерская наступательная операция, длившаяся 23 дня и вошедшая в историю Великой Отечественной войны как одна из крупнейших операций Второй мировой войны, открыла путь, ведущий на Берлин.
Окружив город-крепость Познань, наши войска двинулись на запад к фашистскому логову. Для разгрома Познаньской группировки противника были оставлены значительные силы 8-й гвардейской, 69-й общевойсковой и 1-й танковой армий. Среди тех подразделений, которым предстояло выполнить эту трудную задачу, был и батальон Д. Е. Нехая. Фашисты опоясали город несколькими оборонительными рубежами с многочисленными, сильно укрепленными фортами, дотами. Под ними была разветвленная сеть подземных сообщений, позволяющая пройти весь город. В центре находилась цитадель Кернверк со стенами пятиметровой толщины, окруженная рвом глубиной и шириной не менее 10 метров. Фашистский гарнизон в городе насчитывал более 60 тысяч человек, а запасы оружия, боеприпасов, продовольствия были рассчитаны не менее чем на три месяца.
Здесь каждое здание напоминало Дауту Ереджибовичу тот «чертов» замок в местечке Яновец на берегу Вислы. В решающие дни штурма роты батальона не раз ходили в стремительные атаки, в рукопашные схватки, отбивая у врага этаж за этажом, здание за зданием. В критические минуты Даут Ереджибович появлялся в цепи атакующих, личным примером ведя бойцов за собой. В ожесточенных боях с противником батальон овладел 36 кварталами, уничтожил более 400 и взял в плен десятки солдат и офицеров, захватил много оружия и боеприпасов. Освобождение Познани заняло у наших войск около месяца. К 23 февраля 1945 года – ко дню Красной Армии – город был очищен от врагов.
Через несколько дней до батальона дошла радостная весть. Указом Президиума Верховного Совета СССР от 27 февраля 1945 года Дауту Ереджибовичу Нехаю было присвоено звание Героя Советского Союза.
На пути в Берлин
После освобождения Познани батальон Д. Е. Нехая уже воевал на подступах к Берлину. 22 апреля на рассвете дивизия, куда входил батальон Д. Е. Нехая, уже была на ногах. До Берлина было рукой подать. Наши бойцы рвались туда, разя попадавшихся им на пути фашистов. Перед тем как переправиться через реку Шпрее, в час дня комбат получил приказ повернуть батальон налево и очистить лес от засевших там фашистов. Сойдя с дороги, бойцы быстро разбрелись по лесу. Вначале им никто не попадался. Затем они наткнулись на группу фашистов, уничтожив которую, двинулись дальше.
«Так дело не пойдет, – подумал Даут. – Надо осмотреть местность». И вместе с артиллеристом верхом на лошадях стали осматривать всю окрестность. Они обогнули поляну, занимаемую фаустниками. А когда уже возвращались назад, оказались на близком расстоянии от них. Гитлеровцы уже были готовы к отражению атаки советских бойцов.
Артиллерист ехал впереди, а Даут за ним. И вдруг раздался оглушительный звук. Конь Даута, ступив на мину, подорвался. В это мгновение командир батальона заметил, что в него стреляют фауст-патронами. Потом у него в голове все перемешалось. Он не помнил четко, что произошло дальше. Одна его нога была придавлена конем. Но, лежа во взрывной воронке, Даут автоматной очередью стрелял по врагам. Это были последние пули отважного комбата, выпущенные им во время Великой Отечественной войны.
Артиллерист, сопровождавший его, ставший свидетелем случившегося, громко крикнул:
– Быстро сюда санитарку!
Когда до Марии Шатохиной, командира санитарного отделения, донеслись эти слова, она почувствовала, как холодом кольнуло ей сердце. Рукой придерживая свою санитарную сумку, побежала она в сторону того места, где ранили мужа. И все бойцы, до которых донеслись эти слова, тоже побежали вслед за ней. Когда Мария подбежала к нему, она увидела страшную картину: одна нога Даута оказалась под убитым конем, а другая нога… другая была оторвана до колена. Даут в горячке, наверное, не заметил этого. Подбежавшие к нему бойцы, увидев, что комбат потерял ногу, какое-то время стояли в замешательстве. Затем один из бойцов громко крикнул:
– За комбата! Следуй за мной! Не покинем этот лес, пока всех фашистов до единого не уничтожим!
Никакой силой их невозможно было уже удержать. Они не ползли, не прятались за деревьями. На бегу бойцы яростно разряжали свои автоматы, выплескивая всю накопившуюся ненависть на гитлеровцев…
Комбат потерял много крови. Мария, в слезах, поспешно перевязала его поврежденную ногу, наложила шину. Даут лежал молча, не теряя сознания. Быстро подогнав подводу, его забрали с места боя. Доехав до дороги, перенесли в санитарную машину. Вместе с Марией они тронулись в путь, чтобы получить помощь в ближайшем госпитале.
Даут только теперь, во время поездки, начал обдумывать, что с ним произошло. Мысль о том, что он больше не сможет ходить по родной земле на обеих ногах, на миг ужаснула его. Он лежал молча, глядя в одну точку. Комбат простонал лишь, когда машину подбросило. Маша сидела рядом с мужем, пристально вглядываясь ему в лицо, готовая исполнить любое его желание. Кроме нестерпимой боли на лице Даута читались печальные мысли, угнетавшие его. Это было связано не с тем, что у него уже не было сил терпеть боль, и не с тем, что он не сможет прожить с одной ногой. Даут думал совсем о другом. О том, какую пользу он сможет принести. Хотя у Маши были кое-какие догадки о том, что его волнует, она ничего не сказала, не стала приставать к нему. Она была уверена в нем, надеялась, что благодаря своей стойкости он преодолеет все преграды и до последнего вздоха будет в гуще всех событий.
Отважная женщина
Уже прошло два часа с момента их отъезда, но никакой госпиталь им не попадался. Где же ему взяться в такой местности? Они быстро перемещались подобно фронту. После нескольких часов поиска они подъехали к бараку, где прежде размещался передвижной госпиталь. Но там было безлюдно. Маша быстро вбежала в барак. Как она и предполагала, госпиталь переехал в другое место. Два медработника уже собирали последние медицинские приспособления.
– Кто из вас двоих врач? – спросила их сходу Мария.
– Я, – ответил мужчина преклонного возраста.
– Вы хирург?
– Да.
– Я привезла раненого. Ему нужно срочно прооперировать ногу. Нельзя упускать время, не то придется ее ампутировать!
– Я не могу его оперировать, – категорично отрезал врач, – у меня нет соответствующего оборудования, да и ждут меня уже в другом месте.
– Нельзя не прооперировать! – Мария не сдавалась. – Пойдемте, осмотрите раненого.
– Я не смогу сделать раненому операцию, но осмотрю его, – сказал врач и вышел из барака.
Как только он поднялся в крытую машину, первое, что бросилось ему в глаза – Золотая Звезда Героя, блестевшая на груди Даута. Он опешил, осмотрел рану и обратился к Марии:
– Я понимаю, что творится у Вас в душе. Я б и сам не хотел оставить без помощи такого героя. Но поймите, у меня нет достаточной дозы наркоза. Ему нужно ампутировать ногу. Кроме единственной пилы, у меня больше ничего нет. Операция будет тяжелой, он ее не выдержит. И кто мне будет ассистировать?
– Я буду Вашим ассистентом, – ответила Мария с решимостью. – Как бы ни было тяжело, он выдержит. Вы лучше меня знаете, что с ним произойдет, если не оказать ему помощь!
Хирург согласился на проведение операции. Подготовив все необходимое, они уложили комбата на стол и приступили к операции. Хирург ввел немного новокаина, который оказался у него в наличии. Даут лежал спокойно, глядя на них так, словно у него ничего не болело. Начали отпиливать кость ноги, чтобы обработать, как следует культю. Ассистировавшая хирургу Маша, иногда поворачивалась к мужу и видела его побледневшее лицо. Но он не издал ни одного стона. Даут лежал с напряженной шеей, стиснув в зубах белый лоскутный жгут. На его лбу выступили крупные капли пота. В тот момент Мария поняла, что новокаин не подействовал. Кость ноги до конца еще не была отпилена. Маша отвернулась, не выдержав, закрыла лицо руками и собралась выйти. Хирург приостановился, не зная, что делать дальше. Без ассистента он не смог бы ампутировать ногу раненому.
Тут Даут, собрав весь остаток сил, крикнул ей:
– Маша, вернись!
Маша, плача, вернулась и, еле держась на ногах, продолжила ассистировать… Хирург, закончив операцию, вытерев пот со лба, глубоко вздохнул и, словно обращаясь к самому себе, сказал:
– С начала Великой Отечественной войны я работаю в разных госпиталях. Но такой выдержки ни у кого не встречал.
Затем врач обратился к Марии:
– Сейчас нельзя его перемещать, он должен несколько часов пролежать спокойно. Когда вернусь в госпиталь, пришлю вам машину, на которой вы сможете его перевезти…
Поздно вечером его доставили в госпиталь. Мария сопровождала мужа. Даут заснул только на рассвете. Проснувшись, он позвал Марию и сказал ей:
– Маша, мне стало полегче. Прошли сутки с тех пор, как ты покинула наш батальон. Тебя могут посчитать дезертиром. Война еще не закончилась. Найди место, где расположился батальон и присоединись к нему. Не переживай за меня, сейчас есть дела поважнее. Когда тебя отпустят, возвращайся, встретимся здесь…
Даут рассуждал правильно. Маша, отправилась на поиски своего батальона. Но как его найти? Он как в воду канул. Кого она ни спросит, все указывают на разные места. Но нигде его не оказывается. Так провела она несколько дней в поисках. А госпиталь, где лечился Даут, опять переместили в другое место.
– Пока Маша не вернется, я отсюда никуда не уйду! – отрезал Даут.
Оставив с ним медсестру и написав ей новый адрес, госпиталь переехал в другое место. Еще два дня Даут провел здесь один. За все это время какие только мысли не лезли ему в голову…
На третий день Мария вернулась. Она быстро поднялась на второй этаж, но там было тихо. Открыв дверь палаты Даута, она увидела мужа и расплакалась.
– Маша, Маша! Почему ты плачешь? – испуганно спросил Даут. – Я тебя так ждал…
– Я сама не знаю почему, – ответила Маша, вытирая слезы и присаживаясь на край постели. – Я многого натерпелась, ища новое месторасположение нашего батальона. Я боялась, что мы разминемся. Хоть все и закончилось благополучно, но я не могу не плакать. Меня отпустили к тебе. По словам командования, они и без меня добьют фашистов. Все меня провожали, в том числе и командир дивизии. Они все шлют тебе привет.
– Маша, я говорю тебе серьезно, что ждал тебя с нетерпением. Но я бы не обиделся, если б ты даже не вернулась, – сказал Даут. Затем отвернувшись, продолжил: – Ты достойна лучшей доли, ты могла бы встретить другого мужчину со здоровыми ногами.
Эти слова заставили Машу вспыхнуть:
– Даут, если твое доверие ко мне на этом заканчивается, тогда все бесполезно.
– Нет, я ни на минуту в тебе не сомневался. Но я хочу, чтобы после этой страшной войны ты обрела настоящее счастье.
– Потеря ноги – это наша общая беда. Даут, ты можешь даже не говорить мне об этом. В остальном, я счастлива. Давай не будем больше это обсуждать…
Однажды вечером их перевели в маленький городок под Берлином. После нескольких дней нахождения Даута в местном госпитале как-то утром Маша радостная забежала в палату и воскликнула:
– Даут, закончилась, война закончилась!..
Позабыв о своей ране, Даут попытался привстать. Но нестерпимая боль заставила его откинуться обратно на подушку. Первыми, о ком он подумал, были бойцы его батальона. Где они сейчас могут находиться?
Письмо от жителей родного аула
Через неделю после этого радостного события к Дауту пришло объемное письмо от жителей родного аула Вочепший. Авторов приходящих к нему ранее писем он определял по конверту. А этот был ему незнаком. Он распечатал письмо, размышляя: «Кто бы мог его написать?» И вот что там было:
«Дорогой Даут!
Дорогие бойцы и офицеры!
По сообщению Правительства Советского Союза, Великая Отечественная война закончилась, мы одержали Победу. Враг сдался. Советский народ ликует. Как только до нас дошла эта радостная весть, мы направили вам приветственное письмо.
Наступил радостный день, которого мы так долго ждали. Настало время для восстановления мирной жизни. Во время войны все наши мысли были заняты вами. Мы делали все, чтобы облегчить вашу борьбу с врагом, приблизить день Победы.
Сейчас мы заняты большим делом. И дети, и старики, и участники Великой Отечественной войны, и молодежь – все жители аула стараются отметить Победу ударным трудом, рекордным урожаем.
Родные, ждем встречи с вами. Встретим вас всем аулом. В каждой семье вы найдете покой. Мы очищаем дороги, дворы, строим новые изгороди, сажаем деревья – все это для вас, наши дорогие!
Даут, поздравляем тебя с Победой! Поздравляем также всех бойцов и офицеров. Крепкого вам здоровья и счастья.
От имени трудящихся аула Вочепший: Теучеж Хут, Хатхоху Нехай, Мач Схаляхо, Сафербий Нехай, Гайдия Абайдулина, Сафер Кушу, Аюб Тлюстен, Шарифа Нехай».
Держа в руках письмо, Даут сел на кровати.
– Маша, подай мне костыли. Я смогу еще твердо стоять на земле одной ногой. Нет, я больше не могу лежать, весь аул нас ждет. Нас впереди ждет прекрасная жизнь…
После того, как Даута подлечили в нескольких госпиталях и его состояние улучшилось, он с Марией Сергеевной вернулся в родной аул. Стояла холодная зима. Но, несмотря на это, как и было написано в письме, весь аул вышел встречать Героя Советского Союза. Маша впервые видела эти места. Даут же не мог наглядеться. Он очень соскучился по ним.
Радости Шарифы не было предела – трое сыновей: Махмуд, Насурдин и Даут – вернулись живыми с Великой Отечественной войны. Большего счастья для матери нет! Младший сын, о котором она всегда больше заботилась, как и прежде, был весел, приветлив и шутлив…
Шли дни. Даут становился тревожнее, не находил себе места. Как-то раз он сказал жене:
– Маша, я не могу так сидеть без дела. Руки целы, голова цела.
В скором времени Даут Ереджибович вернулся к преподавательской деятельности, нес людям свет, сеял добро, дарил любовь. Ни мать, ни старшие братья, ни Мария не удивились тому, что он приступил к работе, еще до конца не восстановив свое здоровье. Они хорошо знали, что Даут не будет сидеть сложа руки. С 1946 года он работал заведующим начальной школы аула Вочепший, а с сентября 1947 года стал директором Пчегатлукайской средней школы № 2.
Нелегко было восстанавливать разрушенную войной школу, налаживать учебно-воспитательный процесс при острой нехватке учебников, тетрадей, оборудования, учителей. Нужно отметить, что его деятельность не ограничивалась только работой в школе. Он был избран депутатом Краснодарского краевого Совета депутатов трудящихся и депутатом Пчегатлукайского сельского Совета, был членом Адыгейского обкома и членом Теучежского райкома партии. Герой войны, вернувшись с фронта, продолжал свой трудовой подвиг.
И все же главную свою задачу Д. Е. Нехай видел в воспитании детей. Для нас, его учеников, он был не просто учителем и директором школы. Все его прошлое и настоящее, его спокойный волевой характер, справедливость и дружелюбие, простота и скромность, и, самое главное, самоотверженность в любом деле и горячая сыновняя любовь к своей Родине, к своему народу стали живым примером для всех, окружавших этого замечательного человека.
Хотя мой любимый учитель ушел из жизни 1 февраля 1955 года, но и сегодня он остается таким же для всех, кто знал его лично или знаком с его жизнью и подвигом. Он не ушел из нашей жизни, а шагнул в бессмертие. Его светлый образ запечатлен в поэтических строках, в документальной повести, на сцене театра. Памятники ему поставлены в ауле Вочепший на высоком берегу реки Псекупс, недалеко от дома, где он родился, и во дворе Пчегатлукайской средней школы, которая носит имя героя. К этим памятникам часто приходят учащиеся местных школ, и часто звучат около них слова клятвы, верности молодежи традициям старших поколений, защитивших нашу светлую счастливую жизнь.
Его боевая и жизненная спутница Мария Сергеевна Шатохина до конца своей жизни работала бухгалтером в Пчегатлукайской средней школе. Ушла из жизни лишь три года назад. Сын Юрий, родившийся в 1947 году, всю свою жизнь отдал и сегодня отдает комсомольской, партийно-советской работе, хозяйственным делам. А дочь Людмила (1951 года рождения) окончила медицинский институт и по сей день трудится в АРКОД им. М. Х. Ашхамафа, является «Заслуженным врачом РФ».
До сих пор перед моими глазами стоит высокий, стройный человек в военной шинели – со строгим волевым лицом, с густой черной шевелюрой и разъясняет Конституцию СССР (был такой предмет в 7 классе). А в 9–10 классах мне, председателю ученического комитета школы, приходилось почти ежедневно встречаться с ним. Даже по истечении стольких лет трудно сказать, что в нем преобладало: железная воля и твердость, неподдельное мужество и самоотверженность в любом деле, умение подчинять все общим интересам, сплачивать и увлекать за собой людей или простота и скромность, добродушная мягкость, трогательная забота о других, особенно о детях.
Все это вместе взятое нужно было людям трудного послевоенного десятилетия. Он остался в сердцах всех, кто его знал, не только как герой, директор, депутат, но и как добрый, мужественный, заботливый человек.
