Котькытын уло удмуртъёс
куддыръя йöтэ мыным
та дунне вылын котькытын уло удмуртъёс
мон пумитай соосты котькытын
малпай озьы уг быгат луыны
со дыр ишанэз синалданэз
мынам удмурт визьылэн
котьма ке но со вал удмуртъёс
мон тодам ваисько кызьы соос
Костромаын сабыр учкылӥзы
панель коркаослэн сэрегъёссы сьöрысь
кызьы соослэн учкемъёссы
мертчиськылӥзы тыбырам
мон бызи соос доры ӟыгыртыны
кесяськи та мон удмурт вынды
тодмотэм кылъёс гинэ
лобыса пыризы гужемлэн вöлъям укноосаз
лобӟизы куасаськем антеннаос но дугдылонниос вылтӥ
мон тодмай удмуртъёсты Львовын
Високий замок паркын но Ринок карлудын
соос ӵекто вал пучы вайёс
востэм вунэтсконэ усем бамъёс
монэ öз адӟылэ
малпаназы вал кыдёкын соос
Львов черкъёслэсь вылӥынгес
мон тодӥсько
удмуртъёс вал кырӟасьёс пöлын
Лиго праздникын Межапаркын
Рига котырын
отын вал сомында удмурт!
рута сяськалэсь чебер керттэтъёсын
бöрдӥзы но горазы
шунды пужыоссы
дырекъязы горд бабляоссы
мон öй оскы аслам синъёсылы
малы удмуртъёс сокем чебер но ӝож
нёръяло сумбрес валантэм кылын
малы пальпотӥсько ке
удмурт-ӟуч суро-пожо вераськыкум
соос шуак палэнско
мон пумитай удмуртъёсты
Мехиколэн шор карлудаз
соос шöдӥзы мон соос пöлысь шуыса
кескич кырмышъязы исаллязы монэ
чильым кыскизы конялэс ӵындыса
пельпумам чабкылӥзы
öтизы монэ пöртмаськон-лул берганэ
нош кылзэс соос вунэтӥллям ини
тодон дискъёссы ӵушиськиллям
сутӥсь шунды соосты туж воштэм
мон ке ортчисько Ижкар урамъёстӥ
вутудӟонлэсь курадӟыло соос
я лымыос улын мырдэм чидало ӝокаса
Инмарелы вазиськыса
удмуртъёсме пумитаны весь турттӥсько
киме мычысал соослы
тонэ шедьтысал тодмасал соос пöлысь
нош мон азьын буш кар
шöй ульчаос
мурт ымныръёс
аслым мон мурт татын
мынам удмуртъёсы татын оло уг уло ни…
Везде живут удмурты
порой мне кажется
что на этом свете повсюду живут удмурты
я их видел везде где успел побывать
мне думалось что такого не может быть
что это морок мираж марево
прихоть моего удмуртского воображения
но нет это были удмурты
я помню как они
робко выглядывали из-за углов панельных хрущёвок в Костроме
как их взгляды
вонзались мне в спину
я бросался к ним хотел обнять
кричал та мон удмурт вынды
и только эхо незнакомых слов
влетало в открытые окна лета
пролетало над согнутыми антеннами и
остановками
я разглядел удмуртов во Львове
в парке Високий замок и на площади Ринок
они предлагали веточки вербы
скромные суровые лица
смотрящие сквозь меня
их мысли были далеко
выше львовских костелов
я точно знаю
удмурты были среди
поющих на празднике Лиго в Межапарке
под Ригой
там было столько удмуртов!
в красивых венках из руты
плакали смеялись
веснушки и дрожали
рыжие локоны
я не верил своим глазам
почему удмурты так красиво и горько
поют на непонятном неродном языке
зачем отворачиваются
от моих улыбок
русско-удмуртского суржика
я встретил удмуртов
на центральной площади Мехико
они почувствовали что я свой
хитро улыбались трогали меня
курили трубку обдавая сладковатым дымком
хлопали по плечу
вовлекали меня в хоровод-пöртмаськон
только они забыли свой язык
стерлись диски памяти
и горячее солнце
сделало их совсем другими
но когда я иду по ижевским улицам
пережившим очередное наводнение
новый снежный плен
уповая на милость Инмара
пытаюсь встретить их моих удмуртов
хочу протянуть им руку
перекинуться парой фраз
узнать тебя среди них
но предо мной вымерший город
промерзшие переулки
чужие закрытые лица и сам я себе чужой
мои удмурты кажется здесь больше не живут
