Гьеле фад я!
Мусамман
Алатзава йикъар бейгьал,
Варцар сефил, йисар бейгьал,
Ава рикIе шумуд суал,
Шумуд мурад, шумуд хиял,
Кьуьзуь жедай авач мажал,
Аллагь, яргъаз ая ажал!
Зи уьмуьрдин гатфар, гад я,
Гьеле фад я, гьеле фад я!
Гьеле чиниз хъуьрезма рагъ,
Къацуз ама бахчани-багъ,
РикI куькIвенма — саки чирагъ,
Рам хъийида за шумуд дагъ,
Руьгь кьуьзуь туш, руьгь язва сагъ,
Худа, на зал чIугвамир тагъ!
Зун са къацуз амай хвад я,
Гьеле фад я, гьеле фад я!
Чилел къветер зав рахазма,
Цава гъетер заз аквазма,
РикI хуруда зи юзазма,
Гьеле жув-жувал алазма,
Рабби, зун ви вилик квазва,
Зун ви ажуз бенде язва,
Зи уьмуьр вал аманат я,
Гьеле фад я, гьеле фад я!
Зулжалал, зак кватIан тахсир,
Гъил къачу на, гумир фикир,
Зун дервиш я, кесиб, факъир,
Чир тахьанвай дуьньядин сир,
Сирерин зун хьанва есир,
Муьгьлет це заз, тухун уьмуьр.
Ийизвайди дад-бидад я,
Гьеле фад я, гьеле фад я!
Вилик рекьер кума фидай,
Вилик никIер кума, гуьдай,
Гьеле чилер ама, хуьдай,
Гъетер ама, цавай гъидай,
Хирер ама, сагъ хъийидай,
Зи крар лагь ни ийида?!
Зун са чIехи кьвалан пад я,
Гьеле фад я, гьеле фад я!
…Алатзава йикъар бейгьал,
Варцар сефил, йисар бейгьал,
Первердигар, я Зулжалал!
РикIе аваз агъзур суал,
Ви вилик зун къвазнава лал,
Вуна яргъаз ая ажал!
Зи уьмуьрдин гатфар, гад я,
Гьеле фад я, гьеле фад я!..
Пока еще рано
Мусамман
В бессилье дни мои уходят прочь,
И месяцы, и годы канут в ночь.
Терзания в душе моей точь-в-точь
Пчелиный рой, что одолеть невмочь.
Мне некогда стареть… Молю помочь
Тебя, Господь: мой смертный час отсрочь, —
У матери единственный я сын,
Пока мне рано в даль Твоих вышин!
Пока мне светит солнце, и я рад,
Что зеленеет луг, цветет мой сад.
Мечты в горячем сердце пир творят,
Вершины, где я не бывал, манят,
И молода душа, и дух крылат,
Господь, не отнимай небесный клад, —
У матери единственный я сын,
Пока мне рано в даль Твоих вышин!
Пернатые беседуют со мной,
Сияньем звезд любуюсь и луной,
Биенью сердца радуюсь душой,
Еще со мной холодный разум мой,
Я вот стою, Всевышний, пред Тобой,
До дней последних раб смиренный Твой, —
У матери единственный я сын,
Пока мне рано в даль Твоих вышин!
О Всемогущий, если грешен я,
Будь милостив ко мне, прости меня.
Я дервиш нищий в шуме бытия,
Постигнуть тайну мира — цель моя,
Но лишь к Тебе взываю я, моля:
Дай чуть пожить еще, о мой Судья, —
У матери единственный я сын,
Пока мне рано в даль твоих вышин!
Немало впереди еще путей,
Несжатых нив, нескошенных полей,
Земля моя защиты ждет моей,
Достать мне нужно звезды из ночей
И ранам находить своим врачей,
А как мне быть без помощи Твоей? —
У матери единственный я сын,
Пока мне рано в даль Твоих вышин!
В бессилье дни мои уходят прочь,
И месяцы, и годы канут в ночь,
Вопросов рой мне одолеть невмочь,
Терзания избыть молю помочь,
Мне больше нечего сказать: упрочь
Во мне желанье жить и смерть отсрочь! —
У матери единственный я сын,
Пока мне рано в даль Твоих вышин!
