Санъа бинъ шиир итаф этсем, анам...
Санъа бинъ шиир итаф этсем, анам
Аякъларынъ тюбюне гуллер эксем,
Санъа олгъан севгимни анълатамам
Сёзлернен анълатылмаз, билесинъ сен.
Къаршылыкъсыз оламаз ич бу дуйгъу
Ана-эвлят севгиси къаршылыкълы
Мейва пишсе далындан айырыла,
Лякин ана-бала къальби эп багълы.
Бизни умман, ёллар айырса, анам
Базылары булунмасанъ янымда
Икметли сёзлеринъни ич унутмам
Козьлеринъ, назик сесинъ эп анъымда.
Дюнья манъа аркъасыны чевирсе
Назик, йымшакъ эллеринъ сарар мени
Мугъайсам ве фелякетлерден безсем
Айтырсынъ: «Мен янынъдам, севем сени».
Мама
Если тысячи тебе посвящу стихов,
Если путь твой, мама, розами устелю,
Не сумею выразить всю мою любовь.
Что слова? Ты знаешь, как я тебя люблю.
Это чувство не может не взаимным быть.
Мать и дитя — неразрывна наша любовь.
Плод созреет и покинет ветку свою,
Но сердца наши навек повязала кровь.
Если нас разлучат моря, пути, города,
Если рядом и не будет тебя порой,
Не забыть мне мудрых слов твоих никогда,
Света глаз твоих, мама, нежный голос твой.
Если целый мир отвернется от меня,
Твои руки обнимут, снимут боль мою.
Если я загрущу, устану от проблем,
Тихо скажешь: «Я рядом, я тебя люблю».
