Дошоча эппазо Любай дайдаь лазар, е Дарбан тамаш
Ши бутт бар Люба юкъ д1а а лаьца лела. Вешта, лелар-м ала йиш йолаш дацар цунгара хьал. Дукхаг1а маьнгеца дар цун хьоашал. Ма хетта, е 1оерза ца луш, е хьалъерза ца луш, йисаяр из т1ехьарча хана.
Ши кулг в1ашка ца дулаш, лела 1емача сага цул доккхаг1а 1у дий?! Г1абаш техача санна, юссаш латтар из биъ пена юккъе. Иштта ше йисар кхераш, чухь са дацар цун, дезала д1ахойта ше дего ца юте а. Къона йолаш массанахьа кхоачаш, массанахьа кхоаеш, къахьегаш хьаенача Любайна ший низ а са а цхьан метте латташ санна хеташ долчоа тара дар… Иштта ца хилча, араяргьярий из дезалах лечкъа, бешара коартол чуэца. Ший во1и йи1и балха дахача, чехка шийна х1ама т1а а йийха, гуйре чуерзаергья-кх аз, аьнна, араяьлар къахьегамхо.
– Акхар балхара мукъа деношка хьийжача, хац хаоттам хувцвалой. Ханнахьа ца даьр шозза де дийзад, яхаш ше-шийца, коартол хоарцае йолаелар вай турпалхо. Къоначоа а могачоа а хала да, дог1аш то1адаь латта лаьтта к1алт1атасса.
Болх кадай бе г1ертар Люба, «зулам» деш йоаллаш ший дезала гучаялар кхераш.
– Доацар-м паччахьа а ийшад. Болх-м хьабича хьа1ов, къахьегамца мара дац сага ираз яхаш, хьалха д1аяхача хана вай даьша балха иллаш доахаш мо, ше-шийца лувш, оаз йохийташ, йоалар Люба беша юккъе. Гуйран беркато дог хьестар цун. Ший д1аяха ха йицъелаяр, бел к1алт1а массаза тох, бургацаш мо, беркате коартолаш гучаювла йолаелча. Юкъ-юкъе бакълувш хиннаб уж телевизор чура дер-дайнаргаш – «лаьтто кхоаб вай» яхаш, уйла кер чу ессар, кха мел-д уллача овсаре хьувкъама б1арг т1аэттача. Маркъилг мо кадай лелар беркатеча хьувкъамо дог ураоттадаь Люба. Ше хьахоарцаяь коартолаш галешка чу а ехка, къоала вена къу мо, ший фос хьулае уйла йолаш, ах гали ги тасса аьнна г1ортташехьа, юкъага г1олла ч1оаг1а лазар а дена, 1огора яхар «зуламхо». Д1аяхача хано баь хоам бар из, т1ехьаг1о мара къахьегамхочо из кхетабаьбеце а. Хано-м аьшк а дохаду, мел ч1оаг1а из дале а. Юкъага денача лазаро деррига дуне баьддерзадир болхлочоа. Ший ло1амах доацаш, хи тоатолгаш лега доладелар б1арга чура. Кхайкача т1ава саг воацаш, беша юккъе яьхъенна уллар Люба. Юстара бахар ераш, уллув вахаш саг вацар. Ког-кулг д1аюха хьоа ца луш, деррига дег1 д1алаьцадар цун.
Иштта алла йийзар шин-кхаь сахьата, балхара йо1 чуялца. Балхара чу а ена, нана лохаш беша 1очуяьлча, кер тохалуш сурт дайр Аьсета: галешта юккъе ежа уллар укхан нана. Цига телефон теха, балхара воша чу а вийха, ц1аг1а чуйигар акхар шоай къахьегама турпалхо. Т1аккха во1ас ваха Любай тайпах хулаш йола лор йоалайир. Массане дика кхеташ я, оалар цох. Ч1оаг1а хьажар хьайоалаяь лор 1айшет. Дукха лер доацаш, язде хайр из, унахочунга хьажа яьнначул т1ехьаг1а.
Дезало дов дича, ший чу т1ара ялацар Люба:
– Ай, сайна сало1ама беша 1очуяьннаяр со, ма бала ба акхар сога бахьар. Ше-шаь кулгаш бела т1а кхайдар. Цига коартол мишта хиннай хьожаргя-кх со аьнна, дагадехар. Цхьа гув баккха лаьрх1а мара яцар со, шо ца теше а. Цига цу дошоча беркато тувлайир-кх. Цхьаннена т1ехь шиъ, шиннена т1ехьа кхоъ, гув боаккхаш д1аяхар-кх со. Айса беча балхах яшаш, дог ураэттадар са. Из са бехк мичаб?! Дего ма леладой вай долла х1ама. Ше баьккха лоам боккха ма хетий!
– Дог ураэттадале а, хье-м ураоттаргьяц хьо хан-замах аьнна, г1ожа хоададир 1айшето Любай къамаьл. Истола т1ара хьал ца ерзаш, дарба яздеш йоалар из. – Дог д1а ура а лоаттадеш, хье д1аулларгья хьо х1анз, е аз язъеш йола дарбан курс чаккхъялалца.
– Ай, метта ала еза са? Кхы а маьхий детт деза сона?
– А, ше-шаьг1а ерзаргья хьо. Маьхий дийттача, г1улакх хуладалар.
– Со нанас йичахьа цхьа маха тоханза я-кх со.
– Х1анзолца ца дийтта маьхий юхаметта-м даьра оттаргда, цох хьона сало1ам хуле. К1езигаг1-бале безткъа маха тоха беза хьона.
– Фу ях 1а?! Цар-м са деррига ц1ий толхадерг ма дий.
– Из-м талха дезаш дац. Хьай г1улакх доацар 1айха леладешшехьа, хаций хьона из талхалга? Маьхаш толхадац ц1ий, керто толхаду.
– Хьона бегаш хете а, в1алла шун лорий дарба т1ера яц со.
– Даьра, укх наькъах тхо доацаш меттара хьалъай-м лургьяц хьо, хьашт-дале т1ера а хила, е ца хулаш 1е. Х1анз ховргда хьона галех г1ийртача фу хул?! Ер цхьабола вайнаьха кхалнах кхетабе ца могаш хьайоаг1а со укх ткъаь итт шера. Бакъдар д1ааьлча, г1ожа я ма оалий оаш. Шоай ха йовза, шоай ди а довза, цул совнаг1а шоаш кхалнах долга диц ма де. Къонахчун низ эшаш бола болх ба 1а баьр. Малаг1а г1од хьаьрча чуяьннай хьо цу беша? Малав цу галех хьога г1ерта аьннар? Ма бе шоай дезала бала, шоашта-м шоай ло1ама бора оаш из.
– Хоза къамаьл долаш лор я хьо, са йиша я яхаш яле а. Даькъазчоа даь ц1аг1ара йоаг1а энгар яхилга ер да-кх!
– Хьа йиша се йоландаь, бакъдар д1аях аз хьога, кхычо аргдацар. Уж энгараш йоацаш шо мегаш дац! Галех г1ерта а, шийлача лаьтта илла а, к1ал долчча лазара шортта 1от1атехад 1а. Лорашка ихаяц яхаш, хье могаш лийннай аьнна, хетий хьона? Хандроз а артроз а хьона доацаш лазар мича дар! Лораяла мегаций къаеннача дийнахьа мукъа? Х1анз аттаг1а дий?! Цкъа дахача г1олла кхыметтел хий а додац, оалаш хезадий хьона? Д1аяьннай хьона, уст мо, хьо г1ийрта ха-зама. Саг воаккха ме хул, могашал чухьйоал. Къона йолаш даьр, тахан дулац. Из кхетаде мара яхац аз хьога а, хьо мо барашка а.
Дукха хезар Любайна цу дийнахьа г1ожа а к1аьда а, цхьабакъда хабаро-м атта хувцац сага оамал. Цох дола тешал т1ехьаг1о гучадаргда вайна.
Ши к1ира даьккхар Любас меттара хьалъай ца луш, юхе йо1 яг1аш. Балхара отпуск ийца, ц1аг1а 1ийнаяр из. Дика хьажар Аьсет ший наьнага. Чот йоацаш дийттар маьхий. Оамала г1ожа хете а, къахетаме саг яр 1айшет.
Шийна хетар духхьал д1аоалар цо. Дийнахьа кхозза Любайна маьхий детта ихар из.
Ма д1аьха дар унхочоа денош а бийсаш а метта уллаш. Шера нийсса хетар х1ара ди. Бакъда, ший ло1амах йоацаш ала йийзар Любай. Д1а-схьа хьоаялийтацар юкъо. Маьхий дийттачул т1ехьаг1а, чухьдаьлар лазар. Х1аьта а лазаро ма хетта хьахецацар Люба. Хьалг1атта а шорттига чу-ара яла а в1ашт1ехьадоалар. Х1аьта а, юкъ-м тоаяла гаьна яр. Из 1айшетас а аьннадар цунга. 1о-хьал ерзаш, ч1оаг1а лазар дора.
Лазар дайденначул т1ехьаг1а, ший наьнаца яг1а йиший йи1иг хьал а йоалаяь, Аьсет балха араяьлар. Пхи-ялх шу хургдолаш йи1иг яр Фатима. Метта ч1оаг1а ира бер дар из. Иштта цунца ха д1ахьош, ц1аг1а яг1аш, цхьа к1ира даьккхар Любас. Фатимас сагота даллийтацар ший наьн-наьна. Вешта, моллаг1чунца таръяла ховргдолаш йи1иг яр из, сакъердаме оамал йолаш. Каст-каста арайоахар йи1иго ший наьн-нана, фега дикаг1а да хьона яхаш. Иштта ара а баьле, го боаккхар акхар коа а беша г1олла.
Цхьайолча хана лоалахой бераш долча йодар Фатима. Бера-м ший берий дар ма дезий миччахьа из дале а.
Цкъа Фатима иштта лоалахой болча д1ачуяхача хана, беша 1очуяьлар Люба. Т1ехъяха гуйра яле а, латташ хоза ха яр: къаьга хьежаш малх, дошох дийрза латта 1алам. Ер беша 1очуйоаллашехьа, кхий долчахьа яхар. Кхоачаш укхо кхий ни1 хьаеллалехьа, ер яйза 1еха доладелар 1асилг. Биъ бутт баьнна 1асилг дар из.
– Ай, нана яха хьа! Укх хозача дийнахьа кхий чу, баьде каша чу мо, д1аоттадаь латтаций!?
Дика йовза оаз шийна хьахезача, геттара боча даьнна, Любайна хьесталуш, мотт хьекха доладелар биъ когара хьайба.
– Цхьа во зулам даь зуламхо мо, чуделладеций са 1асилг. Ай, хьона укх чу цхьаь сагота йолга кхетадац укх къонабараша. Бежан-м самукъа хила ма дезий. Шоаш чубохка безар ераш, иштта на1араш къайла, т1аккха ховргдар акхарна хьогара хьал! Хьо-м са дошо эппаз ма дий, даггара акхар дохка аьлча, аз ца дохкаш, леладеш дола деза са син эппаз. Иштта леладайта йиш йий хьо?!
Бераца мо къамаьл дувцаш, 1асилг хьесташ оамал яр Любай. 1асилга мочхалах м1араш хьекхаш, вокхо куро бат д1аухийташ, цхьа юкъ яьккхар акхар латташ. Юкъ-юкъе безаме оаз йохийташ, 1ахаш, б1аргаш сеттадеш, на1аргахьа д1аг1ерташ, Люба 1ехае аьттув баьллар 1асилгий.
– Ай, са дошо син эппаз, аренга сатессад 1а?! Аз хьох бехк-м баккхац, хьогара хьал сона дика довз. Къаенна йоллашехьа, сона а к1ордабаьбар из биъ пен. Хьа дог-м къона ма дий! Даьра, хьа г1улакхага хьай к1аьда нанилг хьожаргья. Х1анз укх даьла сахьаташке, сона б1аьха муш хьакорабича, вай шиъ дуненах б1арг тоха арадовргда. Акхар яхар де дезаш мичад вай! Кхы суд яь чудехка доахкаш а дац вай! Го баьккха латташ яьсса аре, б1арг ма кхоачча гувнаш… Дийхка чуоттадаь са дошо эппаз… Чаккхдала йиш йолаш х1ама дий ер?!
Ай, хьо б1аргдайча, хьо укх маьлха дунен т1а долга хайча, са-м лазар а дай ма лой! Доле хьо, 1охьалха дала сона, сийрдача дунен т1а фу доал хьожаргда вай, – аьнна, 1асилг хьалха а долаш, кхий чура араяьлар Люба.
Ч1оаг1а хозача бахар Любар, лакхе айеннача, к1алг1олла 1ододаш Шолж а долаш. Юстара даг1ар акхар ц1енош. Коара араваьлча, шерра улица, тамашийна эри дада лаьтташ. Гонахьа дадача лаьтта даьй дукхаг1бараш городе бахар. Акхарна юхе-м 1асилга меттел, 1улла а парг1атта дажа моттиг яр.
Коара арадалалца шорттига Любайна т1ехьа д1адахар 1асилг, Дала сабар ч1оаг1а денна бежан да-кх хьо аьнна хетаргдолаш. Цу г1улакха ч1оаг1а раьза к1аьда нанилг а яр. Х1а, аьнна, ераш коа на1арах арабовллашехьа, д1аиккхар 1асилг, Люба т1ехьа а йодаеш. Сабар коа а дусаш, арадаьнна хиннадар из. Цхьан юккъа юкъ йицъе йийзар унхочун. Хьаьстача а човхадича а, соцаш дацар дошо эппаз. Из юхасоцаде низ укхан а д1акхачацар. Ма хетта г1орта йишйолаш лазар а дацар. 1асилг-м, боккхача трасса т1а яьнна машин мо удар, т1ехь-т1ехьа кадайг1а а додаш. Хьахеташ, арено дог цун а ураоттадаьдар. Ше 1ойожар кхераш, 1асилга т1ехьа меттел, цул хьалха удар Люба. Даьра удар, пхийттара яьлча мо. Хьахеташ, олимпийский яхьашкара спортсменаш сел кадай идда хургбацар. Мировой оалаш йола ши-кхоъ рекорд-м цу дийнахьа майрра яьккхай ала йишйолаш дар г1улакх. Ца ховш 1оежа, цо токхаяь х1ама хуле, ц1аг1арчар шийна бергбола т1ом а, ший юкъага хургдола хьал а, дика кхетадора Любас. Цудухьа ший деррига денал ураоттадаь, баьха го бар из. Ший нанас йичахьа цул халаг1а ди денадац цунга. Лоам т1а яжа 1аьма газа мо, гув т1а хьалт1адодаш, юха 1ок1алдодаш, го, го бар цо тийсар а Любайга тийсатар а. Спидометр латташ даларе биъ когара хьайбаш, б1аь километр никъ-м тешшаме хьагойта хургбар цо. Хьахеташ, шийна а ма дарра ший хьинар цу дийнахьа мара дайзанзар вай турпалхочоа.
– Сел се кадай йий ца ховш, лаш ма хиннайий со-м, йоахар цо ше-шийца, 1асилга т1ехьаудача хана. Ший хана говр къахка яйнаяр Любайна, бакъда 1асилг къахкар духхьашха гуш яр из.1оудаяь, хьалъудаяь Любай гой са д1а а дихьа, цох шийна сало1ам баь, таккхалча дажа эттар 1асилг. Миска Любай-м г1оарал доадаьр цо. Еррига ювхьаш, 1оъухаш хьоцар а долаш яр из, 1асилг к1аьдденача хана. Сийрдача дуненах б1аргтоха арадаьккхача 1асилго е деррига дуне баьддерзадир Любайна.
Муш б1аьха хиларах аьттув а баьнна, юстара яг1ача дака хенах д1адийхкар укхо 1асилг. Дажа хайра моттиг яцар цига. Водар-воаг1ар цу гаьна к1ал 1охувшаш, бераш массаза ловзаш лела моттиг яр из. Цудухьа дукха когаш т1абийтта баьцах мукъа яр из моттиг. Бакъда, цига меттел, сийнача кхерий т1а из д1адехка кийча йолаш яр Люба.
«Г1арч» аьнна 1овашка йихьаяр из ший дезача дошоча эппазо. Х1анз цу эппазага к1аьда дош ала в1алла дог а даг1ацар, метта бухье ихараш сардамаш дар, ший ло1амах доацаш. Юкъег1олла, цхьа Даьла иразах саг т1а ца кхоачаш, удайир со укх г1од хьарчарго яхаш, ше тейора укхо. Кертагара даьнна когашка кхачалца 1о-хьай удаш санна хетар, юкъо 1отела лазар. Сала1а 1оха дика лоарх1а ца еш лаьтта, х1аьта а 1олохъелар ер гударга т1а. Кхы латта са дацар, юкъ хоам беш яр, лазара туржа1 хоза наьха санна т1адоаг1аш хиларах. Цхьа аьттув болаш, бераш ловза гулъяь хена гударгаш ядар цига. К1езига 1охайна шийна са а ле1а, ший лазара 1имадаш аренга д1а а кхайкаяь, г1атта еллар Люба. 1асилг сабаре долаш, к1езига дажа кхычахьа д1а а дийхка, чуяха уйла хиннаяр цун. Цхьабакъда хьалъайла низ д1акхаьчанзар, юкъага лазар ч1оаг1а латтар. Х1аьта а яг1а йишйолаш дацар г1улакх. Хена юхе уллаш кагъенна бела 1ерж нийсъенна, из лаьттах 1ог1орттаяь, хала хьалъайялар. Во хьал дар цунга. Цига цун сурт даьккхача, цо ше цхьаккха дош ала ца дезаш, е ренген даккха ца дезаш, дег1агара хьал юхь т1а дар. 1ержа б1арахьежаш лаьтта, цхьа х1ама дага а деха, шорттига 1асилга муш а лаьца, йолаелар Люба. Йодаш, ц1аьхха юхасецар. Лаьтта 1очуйода къорг коръяь, шийна дошо гали кордича мо, г1адъяхар. Бакъда, цига ше т1а ца кхоачарг дошо гали д1ат1адала кийча йолаш, эттар т1ехьа т1адоаг1а г1улакх.
Х1анз укхаз е 1ерж 1очу а теха, е 1асилг д1а а дийхка, чуяха 1оюжаргья-кх со, аьнна уйла кер че ессар цун. 1асилг шийна юха чудига могаргдолаш дацар цунгара хьал. 1ерж чутоха кхера а леха, хоза 1ерж 1онийсъяь 1очутоххашехьа, къорга чура «зов» делла, унзара ц1оз арадаьлар. Б1арга чу дохк эттача мо, къоарза дерзадир деррига дуне архьийддача нокхармозаша. Укхан доакъазла никх хиннабар цу къорга чу 1еш. Люба хинначох кхеталехьа, го бир мозаша цун. Ювнаш етта уж доладеначул т1ехьаг1а мара, ше никха к1алйисалга хайнзар укханна. Цига бера 1ерж д1а а кхесса, д1аиккхар вай турпалхо. Мух мо сиха йодар Люба. Вешта, миха скорость-м бе-бе хул. Реактивни оалаш дола кемал хьалхаэккхаргйолаш едар из, мозий т1ахьийддача. Ше иштта едача, уж т1ехьардаргда моттар укхан. Ай, мича, шоай сатем боабаьр иштта атта д1ахеца лаьрх1а дар вожаш! Готара доаг1а тхо яхаш, истара му1а т1а баьг1ача моза а дайна, т1ехьа дайда хало е ца езаш, укхан дег1а т1а даг1ар ч1ирхой. К1езигаг1-бале массехк эзар моза хургбар укхан та1зар де кечбеннар. Сов корзаг1яьннача Любай бера 1асилгий муш д1ахеца кхетам тоъацар. Х1анз 1асилг укхан т1ехьакхоадацар, лаьтта ког ца кхеташ, сел кадай ер йодаш. Шийна т1ехьа текхадора цо из. Хьайба меттел г1атта дода оалхазар т1ехьакхоадергдацар цун цу юкъа. Къона-къаяллалца хайра ца хоаяь маьженаш ше-шаь мукъаяьлар адарца. Цхьа к1аьд 1от1аоттабел моттиг йисаяцар цун дег1а т1а, моза т1а боацаш. Гаьннара хьежача, из фуд ца ховш цецваргвар хийла да. Иштта тамашийна сурт б1аргдайр лоалахошкара чуйоаг1аш латтача Фатимайна. Никъ д1алаьца, г1атта йоаг1а къоарза гурмат яйча, шийна гур шайт1ай мух ба аьнна хийттар йи1ига. Б1аргдайначох цецъяьннача латтийсар из. Кхерам чубоссаш латтар цун дег чу. Нанас шийна 1омадаь «ашх1ада» даьккха, к1иръенна хьажа эттар из «шайт1ай михах» фу хул. Цу михо шийна т1ехьа т1екхаду, хьаж юккъе к1ай к1аьд баг1а 1асилг дайзача, юхейисар кхераелар йи1иг. Фатимай б1арг т1ехьакхачацар, кадай кхестача гурмата. Гув т1а, маркъилг мо кадай ураг1хьадаш из гурмат, юха гучаэккхаш, кхестар. Доккха х1ама дар мозаш шоай б1и бохабаьчо т1аоттдаьр. Хьалхаг1а юхь т1ара болабир цар шоай къиза болх, т1аккха кулгашта юв етта даьлар. Цигара ший ло1амах йоацаш д1ахийцар Любас бера муш. Из бахьан 1асилгага кхаьчар йоккха парг1ато яр. Лувчадича мо, хьацар к1ур бар цун дег1а т1а баьлар. Миска юстара 1одижар из, ше мукъадоалийташшехьа. Къематди кхаччалца кхий чу доалларгдолаш дар вож-м, из ди шийна т1аооттадайтачул. Дег1а мозаша юв массаза 1отт, цхьа во узам беш, мозашта лаьрх1а шийна арг1а-арг1а энже х1амаш етташ, удар Люба. Лакха ца ховш, харцахьа-бакъахьа п1елгаш детташ, 1ехаеш йолча мукъам боахача инструментий мо яр, Любай багара иха оазаш. Унахц1ена болаш, спортах ка йоалаш бола, кхе лета к1аьнкаш байдача а, е цар говраш хаьхкача а, Любайл хьалха бала могаргдацар цу наькъа. Юкъ-м в1алла шийх йоаллий хоалацар, мозех удача хана. Адам тешаргдацар, цу хана из б1аргаяйча, юкъ д1алаьца, къоаналгахьа д1алеста кхалсаг я из удар аьлча. Бакъда, б1ена духьалъэтта т1ом бе безаш хилча, ха йицъеш хиннай.
Уне вале а, айпе вале а сагал ч1оаг1аг1а, сагал сихаг1а х1ама доацилга, дика кхетадир Любас цу дийнахьа. Мозаш ювний болх сихбича, шийна т1ера цхьацца барзкъа доаккхаш, из мозашта лестадеш, ада яьлар из. Хьалхаг1а керта т1ара йовлакх даьккха лестадир, т1аккха мозаша кулгашта юв йийтта, д1ахийцар из а бера. Т1аккха кухта яьккхар, из а вож мо д1ахеца йийзар. Иштта пазаташ т1а яьлар. Дорхденнача мозашта духьал ше леладер цхьаккха герз доацилга кхетадацар б1ухочо.
Цига шоай наьн-наьна барзкъаш дайза, Фатимас оарц даьккхар. Сиха яха ц1аг1а д1ачу а ийккха, телефон д1а а теха, ший наьна-йишийга кхаъ баьккхар цо:
– Даьци, вай нани йийрзай. Сов ше йийрза г1адъяха, аре яьккха удаш, «стрептиз» халхаювлаш лел из, т1а мел дола барзкъа 1о а кхувсаш. Лийг мо гув т1а ювлаш, юха к1алъювлаш, доккха х1ама да цун г1адъяхар. Михо ловзадеш лел цун барзкъаш. Сихаг1а чудувла шоай кадай яьннача наьнах б1аргтоха.
Цу тамашийна хоамо, сихбаь дезал чукхаьчача, ийрча сурт дар хьагуш хиннар. Мозаш юв йийтта, адама йовзаргйоацаш, еррига йийста, ког д1а а кхийтта, коа юккъе ежа уллаш Любаи, унзара яьнна, мухь бетташ лела Фатимаи дар. Дагабоаллам хургбоацаш, шоай дог 1аббалца ч1ир лийха, Люба коа чуийккхача, шоаш къахьийга даьнналга лаьрх1а, д1адахадар мозий.
Иштта ший дошоча син эппазах син бала хилар Любайна. Амма, бакъда, лазар из бахьан дайдаьдац ала йишйолаш-м яцар Люба идда ха. Вешта, шийна т1ехьа дика доацаш, во даг1ац ма йоахий. Мозий ювнаш ч1оаг1а дарбане я а ма оалий…
– Юв мел техача дарба хуле, хьахеташ са могаш йоацаш цхьа маьже хургьяц, йохар Любас ше тееш латтача ший дезалга а, юха оарцаг1а йоалаяьча 1айшетага а.
Лекарь Золотой эппаз, или Чудо исцеления
Последние два месяца Люба ходила с болью в пояснице. Она не могла нормально ни нагнуться, ни разогнуться и больше дружила с кроватью. Может ли быть большее наказание для нее, привыкшей работать не покладая рук? Все шло к тому, что она может оказаться запертой в четырех стенах, словно закованная в кандалы. Она очень этого боялась, хотя не подавала виду. С молодости привыкшей успевать везде и всюду, постоянно быть занятой, Любе казалось, что ее жизнь остановилась. Иначе чем объяснить то, что она решила втайне от дочери и сына выкопать картошку в огороде? Когда они ушли на работу, Люба оделась соответственно и пошла в огород. «К тому времени, когда у них будут выходные дни, погода может испортиться. Работу, которую не сделал вовремя, приходится делать дважды», — говорила она сама с собой, начиная уборку урожая. Даже молодым и здоровым не всегда под силу копать землю, уплотненную дождями. Люба спешила, боясь, что дети застанут ее за «преступлением». «Того, чего нет, даже царь не может себе обеспечить. А картошка — вот она, если поработать, то результат будет. Счастье человека только трудом и добывается». Она произносила эти и другие похожие мысли вслух, и со стороны могло показаться, что она вполголоса поет трудовую песню, как пели наши предки.
Осенняя благодать ласкала ее сердце. Видя, как каждый раз лопата выкапывает благодатные картофелины, подобные мячикам, она совсем забыла о своем возрасте. Оглянувшись и увидев богатый урожай по всему раскопанному участку, она согласилась с утверждением этих телевизионных бездельников, что земля нас кормит. Люба, воодушевленная этой картиной, крутилась как волчок. Она собрала в мешки выкопанную картошку и, как воришка, забравшийся в чужой огород и стремящийся побыстрее замести следы своего преступления, попыталась взвалить на спину полмешка, но в тот же момент почувствовала острую боль в пояснице и невольно опустилась на колени. Это давал о себе знать ее радикулит, и труженица поняла это сразу.
От боли в пояснице у Любы потемнело в глазах, потекли слезы. Она лежала посреди огорода среди мешков с картошкой. Звать на помощь было бесполезно — все равно никто не услышал бы, потому что жили они на отшибе, вдалеке от соседей. Все тело как будто онемело, и она не могла двинуть ни рукой, ни ногой.
Так ей пришлось лежать два-три часа, пока дочь не вернулась с работы. Ася в поисках матери пошла в огород, где увидела страшную картину: Люба лежала посреди мешков. Ася позвонила брату, и, когда тот приехал, они вместе отнесли в дом «героя труда». Сын поехал за врачом и привез Айшет — двоюродную сестру Любы. Все говорили, что она толковый врач. Айшет осмотрела больную и без долгих разговоров начала писать.
Как дети ни ругали мать, она стояла на своем:
— Да я просто для собственного удовольствия пошла в огород, что вы ко мне придираетесь, — оправдывалась она. — Руки сами потянулись к лопате — хотела посмотреть, какая уродилась картошка. Я вообще-то хотела выкопать только одну лунку, но картошка была — просто загляденье, и я увлеклась. Выкопала одну лунку, за ней вторую, третью и так до конца. Я была довольна своей работой, и настроение у меня поднялось. Я же не виновата в этом.
— Настроение-то у тебя поднялось, но сама ты нескоро поднимешься, — грубо оборвала ее Айшет. Она выписывала рецепт. — Настроение пусть у тебя будет приподнятое, но самой тебе придется лежать, пока не пройдешь курс лечения, который я тебе прописала.
— А мне придется лежать? Да еще нужно колоться?
— Нет, сама собой вылечишься, — съязвила Айшет. — Скажи спасибо, если уколы помогут.
— Меня ни разу в жизни не кололи.
— Могу тебя обрадовать — мы восполним это упущение. Курс лечения включает восемьдесят уколов.
— Да что ты говоришь? Они же испортят всю мою кровь.
— А ей не надо портиться, она уже испорчена. Об этом свидетельствует хотя бы то, что ты занялась не своим делом. Кровь портят не уколы, кровь портит голова.
— Ты можешь шутить сколько хочешь, но я совсем не люблю это ваше врачебное лечение.
— Любить или не любить — это твое дело, но без нас ты на этот раз с постели не поднимешься. Будешь знать, как таскать мешки. Вот уже тридцать лет я не могу воспитать некоторых наших женщин. Когда вам говорят правду, вы обвиняете в грубости. Вы забываете свой возраст, свои силы, забываете, что вы женщины. Вот ты, например, взялась за работу, для которой требуется мужская сила. Кто тебя погнал в этот огород? Кто тебя заставлял таскать мешки? Для тебя это удовольствие, но для детей-то не создавай проблем.
— Приятный у тебя разговор, хоть ты и называешься моей сестрой, — съязвила Люба. — Как говорится, для несчастной соперница найдется и в доме отца.
— Я потому и говорю тебе правду, что я твоя сестра, другая не сказала бы. Вы-то не можете без этих «соперниц». Своей попыткой поднять мешок, а затем и лежанием на холодной земле ты к своим недугам добавила много других проблем. Может быть, ты и не посещала врачей, но неужели ты думаешь, что ты не болела? Сколько болезней у тебя — хондроз, артроз! Надо же беречься, хотя бы на старости лет. Теперь легче? Слышала, наверное, что и река не всегда течет по одному руслу? Ушло время, когда ты могла трудиться как вол. Здоровье человека с возрастом постепенно ухудшается. Сегодня ты не сможешь делать то, что могла в юности. Я только это пытаюсь втолковать тебе и другим таким, как ты.
Две недели пролежала Люба в постели. Дочь взяла на работе отпуск и все время была рядом. Ася старательно ухаживала за матерью. Они потеряли счет уколам. Айшет была милосердной, хоть и казалась грубой — свое мнение она всегда высказывала прямо. В день три раза она посещала Любу, чтобы провести необходимые лечебные процедуры.
Какими длинными были для больной дни и ночи, проводимые в постели! Каждый день казался чуть ли не равным году. Но лежать приходилось: поясница не давала двинуться с места.
После уколов болезнь несколько отступила, но не ушла совсем: боль в пояснице не проходила. Но теперь она могла встать и даже походить немного.
Когда больная почувствовала облегчение, Ася привезла к матери свою племянницу Фатиму, а сама вышла на работу. Фатиме было лет пять-шесть. Но остра была на язык.
В разговорах с ней Люба провела где-то неделю. Фатима не давала бабушке скучать. Обладая веселым характером, девочка легко сходилась с людьми. Она частенько выводила бабушку на свежий воздух, и они вдвоем обходили двор и огород.
Иногда Фатима уходила играть к соседским детям — ребенок есть ребенок, где бы он ни был. Как-то во время очередной отлучки Фатимы Люба пошла в огород. Несмотря на то, что была уже поздняя осень, погода стояла чудесная: ярко светило солнце, украшая золотом природу.
Люба сразу же пошла к хлеву. Не успела она открыть дверь, как, признав ее, замычал четырехмесячный теленок.
— Дай бог твоей матери долгих лет!* Почему в этот яркий день ты стоишь в хлеву, как в темной могиле?!
Услышав хорошо ему знакомый голос, животное подошло к ней и начало лизать ей руку.
— Моего теленка заперли, как какого-нибудь преступника. Эти молодые не понимают, что тебе здесь одиноко и плохо. Животное должно быть свободно. Надо бы их самих запереть на замок, тогда бы они знали твое состояние! Ты-то мой золотой эппаз**, который я не продаю, несмотря на все их попытки избавиться от тебя. Дорогой для моей души эппаз. Разве я могу им позволить так обращаться с тобой? — все сокрушалась Люба.
Она имела привычку ласкать животное, как ребенка. Она начала почесывать горло теленка, а тот стоял, вытянув голову, и явно был доволен. Жалобно мыча, вращая глазами, порываясь в сторону двери, теленок смог-таки разжалобить Любу.
— Золотой эппаз моей души, — проворковала она, — соскучился по свободе? Я тебя понимаю. Даже мне, уже старой, надоели эти четыре стены. У тебя-то сердце молодое! Твоя добрая мама решит твою проблему. Вот как только я найду длинную веревку, мы вдвоем пойдем смотреть на мир. Мы же не должны во всем подчиняться этим извергам! Мы же не осужденные! Кругом свободное поле, куда ни глянь — холмы. Разве с этим заточением можно согласиться? Да ведь у меня и боль успокаивается, когда я вижу тебя, когда я вспомню о том, что на этом свете у меня есть ты. Пошли! Иди впереди, посмотрим, что творится на белом свете.
Длинную веревку не пришлось долго искать. Люба нашла ее там же в хлеву и, обвязав, как ей показалось, крепко шею теленка, вышла с ним во двор.
Жили они в красивом месте, на возвышенности, под которой протекала Сунжа. За двором их была широкая улица, за ней лежали поля. Их хозяева в большинстве своем жили в городе. На этих полях не только теленок, целое стадо могло бы пастись свободно.
Теленок шел за Любой так послушно, что со стороны могло показаться, что это самое спокойное животное на свете. И «добрую мать» ничего не тревожило. Но как только они вышли за калитку, теленок бросился наутек, увлекая за собой Любу. Оказывается, его спокойствие осталось во дворе. Больная была вынуждена на время забыть про свой радикулит. Ни ласки, ни окрики не могли остановить золотой эппаз. А у Любы не хватало сил его удержать. Да и боль в пояснице не способствовала излишнему усердию. А теленок несся, как машина по широкой трассе, все набирая скорость. Наверное, воля воодушевила и его. Люба, боясь упасть, бежала не только за теленком, но иногда и впереди, обгоняя его. Бежала, как пятнадцатилетняя девочка. Вряд ли спортсмены на Олимпийских играх бегали так резво. Наверняка она в тот день побила несколько мировых рекордов. Люба прекрасно понимала, что ей устроят домашние и каково будет состояние ее поясницы, если она упадет и, не дай Бог, теленок протащит ее по земле. Поэтому она напрягала все свои силы. Никогда в жизни она не знала более трудного дня.
Теленок то взбегал на холмы, подобно козленку, всю свою жизнь пасшемуся на горе, то сбегал с холма — и все время тащил Любу за собой. Если бы у них были установлены спидометры, то они намотали бы не меньше ста километров каждый. Кажется, и Люба только в тот день узнала, сколько у нее энергии.
— Я могла умереть, так и не узнав, какая я прыткая, — говорила она сама с собой.
Когда-то Люба видела, как понесло коня, но чтобы теленка — это она видела в первый раз.
Теленок бегал туда, бегал сюда, довел Любу до изнеможения, до дрожи в коленках и, удовлетворенный этой гонкой, начал спокойно пастись. Бедная Люба уже на ногах не держалась. Она тяжело дышала и обливалась потом. Белый свет померк для нее благодаря теленку, которого вывела посмотреть на этот самый белый свет.
Люба воспользовалась тем, что веревка была длинной, и привязала теленка к росшему неподалеку тополю. Места попастись там было не так уж и много. Дети, любившие играть под этим деревом, и взрослые, которые искали тень, вытоптали под ним всю траву. Но Люба готова была привязать его даже на голом камне. Ее дорогой золотой эппаз довел ее до полного изнеможения. Она даже теплое слово не могла найти для него — на язык непроизвольно просились лишь проклятия. «Хорошо хоть, что никто не видел, как этот теленок, будь он неладен, гонял меня по всему полю», — успокаивала она себя.
Боль, которая раньше находилась в пояснице, теперь, казалось, блуждала по всему телу — от головы до пят. Она долго стояла, не решаясь присесть отдохнуть, но в конце концов не выдержала и присела на пенек, так как сил уже не было. К счастью, под деревом лежали пеньки, собранные здесь детьми для игры. Поясница уже сигнализировала о наступлении боли. Немного отдохнув и стонами сообщив полю о своей боли, Люба захотела встать. Она хотела привязать теленка в другое место, пока он был спокоен. Но встать не было сил, страшно болела поясница. А сидеть было нельзя. У дерева она нашла сломанный черенок от лопаты и, опершись на него, выпрямилась. Ей было плохо. Если бы ее сфотографировать в этот момент, то для того, чтобы понять состояние ее тела, не понадобились бы ни слова, ни рентгеновский снимок — все было написано на ее лице.
Люба постояла, глядя на черенок, взяла веревку и двинулась потихоньку: видно было, что она что-то задумала. Отойдя на некоторое расстояние, она увидела нору в земле, чему очень обрадовалась, будто нашла мешок золота. Но через некоторое время она уже была бы готова отдать мешок золота, лишь бы не видеть эту нору.
Люба решила воткнуть в эту нору черенок, привязать к нему теленка, а потом уйти домой, чтобы спокойно лечь и отдохнуть. Отвести теленка обратно домой она, конечно, не смогла бы. Она приставила черенок к норе и начала забивать его в нору камнем, который нашла тут же. Из норы вылетел жужжащий комок пчел, которые окружили Любу и заслонили для нее белый свет, как будто перед глазами встал какой-то пестрый туман. Оказалось, что, к ее несчастью, в этой норе обитал пчелиный рой. Люба не успела ничего понять, как пчелы окружили ее. То, что она наткнулась на пчелиный рой, она начала понимать только после того, как пчелы начали жалить ее. Наша героиня тут же откинула черенок и бросилась наутек. Она мчалась как ветер. Впрочем, ветер дует с различными скоростями. Поэтому точнее будет сказать, что она бежала быстрее реактивного лайнера. Она надеялась, что при такой скорости она сможет убежать от пчел. Но те не собирались так просто отпустить возмутителя своего спокойствия! Подобно мухе, которая сидела на роге вола и утверждала, что они пахали весь день, мстители уже сидели на теле Любы, так что им даже не приходилось тратить усилия, пытаясь догнать ее.
По меньшей мере тысячи пчел собирались наказать ее за несанкционированное вторжение в их жилище. Любе даже в голову не приходило отпустить веревку, и она буквально тащила за собой теленка, который просто не поспевал за ней, так быстро она неслась. Да что там теленок — наверное, даже летящая птица не смогла бы ее догнать. На ее теле не было свободного от пчелы места. Любой, кто увидел бы эту картину издалека, был бы страшно удивлен, не в силах понять, что это такое. И эту картину увидела Фатима, которая к тому времени возвращалась от соседей. Увидев несущийся на нее пестрый клубок на всю ширину улицы, она подумала, что это небольшой тайфун. От удивления она застыла на месте. Страх наполнил ее душу. Она произнесла молитву, как ее учила мать, и стала внимательно смотреть, что же произойдет с этим вихрем дальше. Когда же она узнала увлекаемого этим вихрем теленка с белым пятнышком на лбу, девочка испугалась не на шутку. Фатима не могла уследить за этим вертящимся клубком, который то возносился на пригорок, то вновь скатывался с него.
Пчелы сильно наказали ту, которая разрушила их гнездо. Начали они с лица, затем перешли на руки, после чего Люба непроизвольно отпустила веревку и теленок наконец-то освободился. Он весь был мокрый от пота. Бедняга сразу отбежал подальше и прилег. Ему, наверное, лучше было бы до Судного дня находиться в заточении в хлеву, чем претерпеть все это.
Люба бегала, как-то странно вскрикивая при каждом укусе пчелы и нанося себе грубые удары, которые предназначались пчелам. Изо рта ее вырывались звуки, похожие на звуки расстроенного музыкального инструмента, когда его терзает музыкант-дилетант. Обогнать Любу, когда она бежала, не могли бы и молодые спортивные ребята, даже если бы они сели на скакунов. Поясницу она вообще не чувствовала. Никто бы не поверил, что это бегает пожилая женщина с прихваченной поясницей. Но когда приходится противостоять войску, о возрасте забываешь, оказывается.
В тот день Люба поняла, что сильнее и быстрее человека нет никого, даже если этот человек болен или инвалид. Она не спеша снимала с себя одежду и отгоняла ею пчел, не прекращая бег. Сначала она отгоняла пчел платком с головы, но руки так болели от укусов пчел, что она выронила платок. Потом она сняла кофту, но вскоре потеряла и ее. Пришлось вооружиться чулками. Она не понимала, что ее противодействие разозленным пчелам слишком слабое.
Наконец-то Фатима узнала по одежде свою бабушку и позвала на помощь. Потом она быстро забежала домой и, позвонив своей тете, сообщила ей радостную весть:
— Дяци, наша нани*** выздоровела. Она на радостях бегает по всему полю, скидывает с себя одежду и танцует стриптиз. Она, как лань, то взбежит на пригорок, то скатывается вниз с пригорка — уж очень она радуется. Ветер играет ее одеждой. Приходите поскорее домой, чтобы увидеть свою разошедшуюся мать.
Когда удивленные этой странной вестью домочадцы спешно вернулись домой, они увидели страшную картину. Прямо посреди двора лежала Люба, до неузнаваемости опухшая от укусов пчел, а вокруг бегала ревущая от испуга Фатима. Пчелы же улетели, решив, что свою миссию они выполнили сполна.
Таким образом, золотой эппаз обернулся для Любы горем. Хотя как знать? Ведь говорят же, что нет худа без добра. И еще говорят, что укусы пчел могут быть лечебными...
— Если пчелиные жала лечат, то у меня не будет ни одного больного органа или сустава, — говорила Люба своим домочадцам, которые пытались ее успокоить, и Айшет, которую в очередной раз позвали на помощь.
* Устойчивое словосочетание, формула пожелания.
** Эппаз — двадцатикопеечная монета. Дошо эппаз (золотой эппаз) — устойчивое словосочетание, применяется в отношении очень дорогого для души человека, ребенка.
*** Нани (инг.) — бабушка.
