Тысячи
литературных
произведений на59языках
народов РФ

К друзьям

Автор:
Бронтой Бедюров
Перевод:
Михаил Акчурин

Најыларга


Ару кей болсын, најылар!
Артык не де керек јок.
Артканы бойы табылар,
Арга-чагы, тем-јозок.

Ару кей болсын, најылар,
Акту бистиҥ одуда.
Артканы бойы табылар
Амыр јылдар маҥында.

Ару кей болсо,најылар,
Ајыкту эмей јарыш та.
Артканы бойы табылар, —
Алкы-јӧӧжӧ, мал-аш та.

Ару кей болсо, најылар,
Адар јараш таҥдар да.
Артканы бойы табылар, —
Акту эш те, балдар да.

Ару кей болсын, најылар,
Алдыбыста качан да.
Артканы бойы табылар
Амаду да, јаркын да.

Ару кей болор, најылар,
Айладуулу салымда.
Артканы бойы табылар
Ашуулардыҥ сынында.

Ару кей турса,најылар,
Алтайыс та болор кеен.
Артканы бойы табылар, —
Алып јолы, чын эреен.

Рейтинг@Mail.ru