Lehmäižen holed
Runosarn lapsiden täht
Runosarnan henged:
NINA-ČIKA
HÄNEN VELLÜT
KAŽI
LEHMÄINE
Ezitanhal, pertin pordhil ištuba Nina-čika, hänen velüt i kaži.
NINA-ČIKA STARINOIČEB:
Pordhil ištuim koumen kesken:
Sizar, vel’l’ i kaži keskes.
Meihe lehm sid’ kacuhti,
Pehmdoil hulil märehti.
VELLÜT:
Kacu, lehm, sä oled rindal!
Midä toi-se tänna sindai?
Kuna nügüd’ sinä astud?
Linneb vihm, sä lujas kastud.
LEHM:
Läksin minä oiktale!
NINA-ČIKA:
Mihe läksid oiktale?
LEHM:
Sikš mä lähten oiktale,
randaižele korktale:
Verez heinüt sigä kazvab,
ližadab se maidho razvad.
NINA-ČIKA:
Kuna möhemba sä lähted?
Midä völ-se sinä tahtoid?
LEHM:
Lähten minä hurale.
VELLÜT:
Mikš sä lähted hurale?
LEHM:
Sikš mä lähten hurale,
Normudele surele:
Sigä kazvab imič maged,
Duhukaz i lujas saged.
KAŽI:
Midä möhemba sä teged?
Kuna oigendad sä väged?
LEHM:
Lähten minä järvele!
KAŽI:
Mikš sä lähted järvele?
LEHM:
Sikš mä lähten järvele:
Andan lebud sarvile,
Udarele andan lebud.
Järven randal seištas kegod,
Venun niiden kuvahaižes,
Jon mä vedut järvenlainhiš.
KAŽI:
Kuna möhemba sä lähted?
Ed-ik ota meid, hot’ kahten?
LEHM:
Lüpsajid lähten ecmaha.
KAŽI:
Mikš heid lähted ecmaha?
LEHM:
Sikš mä lähten ecmaha,
Kaikjal ümbri kacmaha:
Tahtoin lahjan tehta teile.
Midä ehtal jot – sä, vellüt?
Navedit tö joda maidod!
Otkat ehtal padad täuded.
KAŽI:
Min sä, lehm, a kutak minä?
Minus meletand ed sinä!
Minä-ki ved’ joižin maidod!
I ku maidod – padad täuded,
Kenak minei maidod valab,
Minus unohta sä ala!
NINA-ČIKA:
Ala holdu, kaži, neciš,
Tedan, maidod sinä ecid
Homendesel, öl i ehtal!
Maid jo astjas, joda kehta!
VELLÜT:
Navedim mö maidod joda,
Pudrod maidonke-ki söda,
Tehta hüvid jomižid…
Vaiše, lehm, sä oližid
Külläine i terveh tanhal.
KAIK ÜHTES:
Siloi maidod jom mö kauhal!
Заботы Коровушки
Пьеса для детей в стихах
Действующие лица:
НИНА, старшая сестричка
БРАТИК Нины
КОШКА
КОРОВУШКА
Во дворе дома на крыльце сидят дети и кошка.
НИНА
На крылечке места хватит
Всем: со мною кошка, братик…
Поднялись — и сели снова:
Со двора идет корова!
БРАТИК
Сядь, коровка, рядом с нами!
Что ты шлепаешь губами?
Со двора куда идешь?
Попадешь, гляди, под дождь.
КОРОВУШКА
Я пойду сейчас направо!
НИНА
А чего там делать, право?
КОРОВУШКА
Если я сверну направо,
Забреду в густые травы,
На высокий бережок —
Молочко возьмет жирок.
НИНА
А затем куда пойдешь?
Снова к дому повернешь?
КОРОВУШКА
Я потом пойду налево!
БРАТИК
Ну а там какое дело?
КОРОВУШКА
Много летом дел, дружок,
Зелен ждет меня лужок:
Клевер сочный там растет,
Сладкий, вкусный, словно мед!
КОШКА
На лужок… Была охота.
Дальше-то о чем забота?
КОРОВУШКА
Я на озеро пойду!
КОШКА
Что за прихоть? Не пойму…
КОРОВУШКА
Манит к озеру дорожка:
Дам желанный роздых ножкам,
Нужен вымечку покой.
Лягу я под стог сухой,
Отдохну на бережочке
И попью воды в тенечке.
КОШКА
А потом — в обратный путь?
Позвала б кого-нибудь...
КОРОВУШКА
Поищу хозяйку я.
НИНА
В чем заботушка твоя?
КОРОВУШКА
Без хозяюшки-доярки
Пропадут мои подарки…
Кто готов от сливок сладких
Отказаться, а, ребятки?
Приходите вечерком
Угощаться молочком!
КОШКА
Ну а как же я, подруга?
Мне за что такая мука?
Обожают просто кошки
Сливок глиняные плошки:
От парного молока
Я красива и гладка!
НИНА
Не фырчи сердито, киска,
Возле печки твоя миска —
Молоком полным-полна!
Хоть весь день лакай до дна!
БРАТИК
Весела коровка наша —
С молоком вкуснее каша!
Много силы и здоровья
Молоко дает коровье.
Потому невпроворот
ВСЕ ВМЕСТЕ
У Коровушки забот!
Занавес
