ЖожагIате
– Iодотта цIаькха, – цIогIа техар Къурейша. – ДIамаргда вай ер! ГIажаша хий мелача хáна, къонахаша къаракъ мийннад.
– Фуд хой хьона, – аьлар Iийсас, – сога моллас фу аьлар хой хьона? Даьра аьлар, къаракъа пела менна саг жожагIатенна юкъе латт, аьнна-м.
– ХIама дергдац, Iийса, – айдир пела Мухьмада. – Цхьаькха пела моле, чакхлелхаргда вай жожагIатенах.
– Фу жожагIате я оаш ювцар? – йистхилар Йоакъап. – Ер-м ялсмалера малар ма дий.
Тамерлан эгаш вагIар. ГIанахьа мо хозар цунна новкъосташа дувцар. Из дикка кеп йоалаш вар, бIарьгашка дохк латтар. «Допп», аьнна, вежар эгаш ваьгIа Тамерлан. Дехко къайладаьккхар деррига…
– Аьъ, фу моттиг я ер? Мичахьа кхаьчав со? – цецваьнна вар Тамерлан. – Ма баьде я... Мишта кхаьчав со укхаза? Селхан къаракъ а ийца, тика тIара чувена-м дагадоагIа сона... ТIаккха фу хилар? Новкъостий ма барий соца... Уж мича бахар хьогI?.. Ийккха бáла боал ер корта а...
Ишта, ше-шийца къамаьл деш водаш, цхьан метте нийсвелар Тамерлан. ХIанз кIеззига сийрдагIа яр. Баь тIа латташ чона яьш дар, кIалха йоккхий цIераш а йоагаш, гонахьа лелаш гаьзарий яр.
«Со-м хIанз а кеп тIераяланза хила веза... Гаьзарий шин кога тIа лелаш яйнаяц сона– м».
– Цып, цып... Тьфу... Мишта кхайкар газага?.. Хьаелл укхаза, хьаелл!
– Хьанга кхайк хьо? – ер цец а воаккхаш, йистхилар цхьа «гáза».
Ше латтача, гонаш мелденна, Iолохвелар Тамерлан. «Уж-м яц гаьзарий, шайтIаш да-кх... ЖожагIате я-кх ер?! Хетарьгахь со веннав?!» – шийх къахийтта, бIарьгех хий даьлар. Дагадехар сийсар новкъосташца ше менна къаракъ а, цхьанне цига аьннар а: «Къаракъа пела менна саг жожагIатенна юкъе латт».
– Хьога лув со! Хьаала хьай цIи! МалагIча отделенера веддав хьо? Хьайистхила! – тIачувхар шайтIа.
«Даьра вIаштIехьа-м дац ер гIулакх!», – аьнна, хьал а гIетта, дIаиккхар Тамерлан. ТIехьа цIогIарч даьлар: «ДIа ма вахийта!..» «...ма вахийта!..» «...вахийта!..». ГIар чIоагIагIа айлуш йоагIар, керта чу гон етташ мо хетар...
ЦIаьхха пенах кхийттар. «ХIанз-м дIадаьннад садар, кхехкаш латттача яь чу кхоссаргва со шайтIаша», – аьнна, хийтар Тамерлана.
Из-мукъагI пен хиннабацар – ий хиннадар. БIарьгаш хьадийлар Тамерлана. Лерьгашка-м хIанз «зIузз» доаллар: «ДIа ма вахийта! ДIа ма вахийта!» Мала вар из цIогIа хьийкхар? БIарьгех хIама хьекхар цо. ДIа-хьа хьежар.
– Оффой, – аьнна, доаккха са даьккхар, истола кIалха ядача яьссача шушаех бIарьгкхийтар цун. – Даьра я-м я жожагIате, лехачоа кораергйолаш а ма я.
ГIатта велар из.
Ад
— Налей еще раз, — крикнул Курейш. — Выпьем! Когда гуси пили воду, мужчины пили водку.
— Знаешь что? — промолвил Иса. — Знаешь, что мне сказал мулла? Клянусь, он сказал, что человек, выпивший стакан водки, стоит прямо посредине ада.
— Ничего, Иса. — Магомед поднял стакан. — Если выпьем еще стакан, проскочим ад.
— О каком аде вы говорите? — подал голос Якуб. — Это же райский напиток.
Тамерлан сидел, качаясь. Голоса товарищей он слышал как бы во сне. Он уже был сильно пьян, перед глазами его был туман. И вдруг Тамерлан рухнул. Туманом заволокло все...
— Ой, что это за место? Где я нахожусь? — Тамерлан был удивлен. — Как темно... Как я оказался здесь? Помню, как вчера купил водку и вернулся из магазина... Что произошло потом? Со мною же были товарищи... Куда же они делись?.. И голова раскалывается...
Тамерлан шел, разговаривая с самим собой, и оказался в незнакомом месте. Сейчас было немного светлее. На поляне стояли чугунные котлы, вокруг которых ходили козлы. Под каждым котлом горел большой огонь. «Наверное, я еще под хмельком, — подумал Тамерлан. — Я до сих пор не видел коз, которые ходили бы на задних ножках».
— Цып, цып... Тьфу... Как же подзывают коз? Иди сюда, подойди!
— Кого ты зовешь? — произнес один «козел», удивив этим Тамерлана.
У него подкосились ноги, и он медленно присел. «Это не козы, это шайтаны, — мелькнуло в голове. — Это ад?! Наверное, я умер?!»
Ему стало жалко себя, и он даже прослезился. Он вспомнил вдруг, как вчера пил с товарищами и как один из них говорил, что тот, кто выпил хоть стакан водки, стоит посреди ада.
— Я к тебе обращаюсь! Назови свое имя! Из какого отделения ты сбежал? Говори! — прикрикивал на него шайтан.
«Это все как-то ненормально!» — подумал Тамерлан и, вскочив, побежал. Сзади послышались крики «держи его!», «держи!». Крики усиливались, в голове как будто бы стучал молоток...
И вдруг он ударился о стену. «Теперь конец мне, — подумалось Тамерлану. — Шайтаны бросят меня в кипящий котел».
Но стукнулся он, оказывается, не об стену, а об пол. Тамерлан открыл глаза. В ушах все еще звучали крики «держи его! держи его!». Кто же это кричал? Он протер глаза. Огляделся.
— Ох ты, — с облегчением подумал он, разглядев пустые бутылки под столом. — Есть, оказывается, ад. И тот, кто ищет, найдет его.
Он попытался встать.
