Дженнетнинъ бир кошеси...
Дженнетнинъ бир кошеси,
Ер юзюнде сакълангъан.
Эвель заман инсанлар,
«Къырым» деп адландыргъан.
Къырым ери мухтешем,
Айретте къалдырыджы.
Табиат, гузеллиги,
Мукеммель, шашыртыджы.
Салкъын рузгяр уфюре,
Хош дуйгъулар догъура.
Денъизнинъ далгъалары,
Къаяларгъа урула.
Не заман мында кельсенъ
Юреклер раатлыкъ сезе.
Орман, дагъ денъизлерден
Салкъын, серин ель эсе.
Бу къоджаман ерлерни
Инсан севе, арзулай
Бу ерде йылдыз башкъа
Кунеш башкъа, башкъа ай.
Тылсым иле багълы ер,
Инсанларнынъ нешеси.
Айтмай бошуна эр кес,
Дженнетнинъ бир кошеси.
Райский уголок
С моря, гор, лесов прохладный
Веет ветерок.
Есть на этом белом свете
Райский уголок.
Со времен еще древнейших
Он зовется Крым,
Дух захватывает неба
Высота над ним.
Блеск, покой, великолепье —
Просто волшебство,
Ослепительно величье
Берегов его.
Место силы человека,
Радость и мечта.
Здесь любым движеньем сердца
Правит красота.
С восхищенным гулом бьется
О скалу волна.
Здесь совсем другое солнце,
Звезды и луна.
Крым — любовь моя и чудо,
Солнечный цветок.
Говорят не зря ведь люди —
Райский уголок.
