Васасул ургъел
Эменги васги рачун рачIун руго ханасухъе. Ханас буюрун
буго кIиясдаго нус-нус тIил кьабеян. ТIоцебе кьабун буго
инсуда. Гьесул цониги нухалда гьаракь борчIун гьечIо. Хадуб
ирга щун буго васасде. Гьесда цо тIил кьабурабго ахIдезе,
угьдизе лъугьун вуго эмен.
— BaxI, дуда щвана нусго тIил. Дур цониги нухалда гьаракь
борчIичIо, гьанже васасда кьабулелъул щай мун ахIдолев? —
ан гьикъун буго ханас.
— Дур бетIерчIахъаяв хан, доб дида кьабураб нусабго тIил щвана
дир черхалда, дица гьеб хIехьана. Амма васасда кьабураб цо тIил
дир рекIелъ щвана ва дида кIвечIо гьеб хIехьезе, — ян жаваб кьуна
инсуца...
Биценалдаса
Цо гIажаибаб хинаб гьури бахъана. ТIабигIаталъго цо батIияб гIамал гьабулеб букIана сверухъе. Гьороца рагьун рачIарал гордалги къан, бакъани мехги щун бугин, гьав вас щайдай къавуде вуссунареван макьилъго ракIалдеги ккун, ТIагьир Хирачида хадув вахъана. Цо щибалиго абизе бокьун, хIалуцун хIухьелги босулаго, дадаянги ахIулаго векерун вачIунев Хирач вихьана гьасда. Азбаралъув жаниве лъугьунев вукIарав вас кавуда аскIоб эхетун букIараб белги хъущтIун цебе бачIун, гьелда нахъаги ван битIун белалда тIад гIодов речIчIана. Гьесухъе гIедегIун вортулев вукIарав ТIагьирил кIиябго хIетIе, кигIан гьас яхI бахъаниги, цебе бахъун бажарулеб букIинчIо. Синуда рекIарал жалгIадин, гьасухъ гIенеккуларого цого бакIалда чIун хутIун рукIана хIатIал. ТIаде вахъизе хIаракат бахъулев вукIарав Хирач нахъойги гIодов ккана. Гьесдаса би чвахулеб букIана...
«Хирач, дир вас», — ан ахIулеб жиндирго гьаркьихъе ворчIана ТIагьир. «Аллагьасде рецц, макьилъгIаги батидал», — ан ракIалдеги ккун, цIорораб гIетIги бан, бихьараб макьуялъул хIисабалда вукIана ТIагьир ворчIун хадусаги.
Жеги гьитIинго эбелги хун, гьелъул хIеренлъи лъачIев, эбелалъул веэдиялъ гогьдаризавизе щвечIолъиялъищ, яги хъизамалда бищунго гьитIинав вукIиналъищали, цогидал лъималаздаса батIаго хирияв вукIана ТIагьирие Хирач. КIудияв васги ясги ригьнада тIураралги рукIун, цо гьав вукIана рокъов хутIарав чи.
— Лъади ячине ккелаТIагьир, гьедин гьанже мун тIуваларо. Дургоги васасулги тIалабги гьабизе, рацIцIалъиги цIунизе чIужугIаданалъул кверал къваригIуна, — ян абулаан вацас чIечIoгo гьасда.
— Хирач, рукъалде тIувачIого хъизан гьабизе бокьилароан дие, ниж нижецаго тIуран руго, — ян жаваб кьолаан ТIагьирица вацасе.
— ЧIужугIаданалъул гIадаб бербалагьи букIунаро, мун жеги херав чиги гурелъул, Хирачиеги санагIалъи букIина. — Дица батIаго квешищ гьев хьихьулев вугев Багьавудин. Гьай, гьай, гьесие эбел дица хисиларо, — ян абулаан гьес. АнцIго класс лъугIигун цIализеги витIана гьас Хирач.
— Эмен, дунги гьечIого цо мунго ялгъузго вукIинаха мун, кинабго дудаго тIадеги ккун захIмат букIинарищ, — ан абуна Хирачица цIализе унелъул.
ТIаде-гъоркье яс ячIун, нус ячIун гьезги гьабулаан гьазие рукъбакIалдаса гIебеде кIвараб кумек. КIудияв васас жиндаго аскIове вачулелъулги инкар гьабуна ТIагьирица.
— Дир ургъел гьабуге, дир вас. Дун ругьунлъун вуго дицаго тIуван. Ккараб жоялъе кумек нужерги камуларо, Хирачги вачIинев цIалудаса гьоркьо-гьоркьовгIаги щвезе, — ян абулаан гьес.
...Гьале жакъаги каникулаз росулъе щвезе вачIунев Хирачихъ валагьун чIун вукIана ТIагьир. ВихьичIого гьоркьоб гIемер заман ун букIинчIониги, цо батIияб тIагIанбахъи букIана гьасул рекIел жакъа. Хасго нолъ бихьараб макьуялъги хутIарабги рахIат хвезабун букIана гьасул.
Гьеб букIана къалъул гIужги араб, бакъанимехги щвечIеб гьоркьоб заман. Жакъа Хирачги вачIине вугелъул, лъикI цIаги бакун, тIаде тIурччиги бан лазаталда хинлъизабун букIана ТIагьирица рукъ. Автобус бачIине заманги щун гьечIилан, щугоялдехун гурого гьебги бачIунарелъул, гIадада вукIинчIого да — гьаб цIулгIаги бичIун телилан, азбаралъуве къватIиве вахъана ТIагьир. Гьениб мачIу гьабун лъун сонго кIудияв вас Мухтарица бичIун лъураб цIулахъги валагьун, гьав жанивехун лъугьана. Хинаб рокъов жанив чIинчIиниялда рекIун бугеб цIадухъ гIинги тIамун, газетаги кодобе босун чIалгIарав чи гьеб цIализе лъугьана ТIагьир.
Гьелдаги гIемерго санагIатаб жоги батичIого, цояб рахъалда гьебги лъун, гьадинго диваналда гIебеде чIвана. Амма гьеб парахалъиялда ракIалъ кинго толев вукIинчIо гьав. «Гьа вахъа тIаде, гьа бичIе цIул», бачунеб букIана ракIалъ. Кинго хIалхьиялда течIого вахъана тIаде. ТIад букIараб керенсвериги бахъун рехана, гьаб ретIизе ккараб хIал квачалъул гьечIин къватIибехун ан ракIалдеги ккун. Турун букIун хуриса къотIун босараб куракул гьотIол цIулги бичIун лъугIун, къвал цIун-цIун босун гьеб мачIуялда сокIкIун рекъезабуна гьас. Цойги гьабизе жо щибдай азбар-къоноялда бугоян сверухъеги валагьун, партал-магIалалдаса xIyp кIутIана ТIагьирица. ГIащтIиги кодобе босун, гьелъул балапда кьуж рехун бугин абун, гьебги чархида ккуна гьес. Гьел хIалтIабазда вугев гьасул тохлъукьего бер речIчIана азбаралъуб кавуда хьибилалда эхетизабун бугеб белалда. ЦIакъ рекIее гIечIо ТIагьирие нолъги макьилъ бихьун букIараб бел жакъаги гьениб батизе. «Гьаб баркат гьечIеб къулгьу къавулъго тезе бокьиларо», — ян щибго гIайиб гьечIого эхетун лъун бугеб бел босизеги босун хIохьода тIад лъуна ТIагьирица. Цин бан гIащтIигун кIихIи къотIун рехана гьес гьеб. Цинги хьвагIун цоги кьабун биччан тана гIащтIи. Ма, речIчIун бачIана бегIераб рахъ бугеб гIоркьалъул бащалъи битIун ТIагьирйл квегIаб бералда. Гьеб лахIза талъ гьесда ккана лъикI багIаризабураб чарамул гъецI бегьанин жиндир бадибе жанибеян.
Бадиса цIаги пирхун, гIундулги гъугълъун, танкан гIодов ккана гьев. Дагьавго вигьиндал, рекIеде вачIарав чи, бигьа гьабун тIадеги вахъун, щибгIагидайха лъугьараб жоян бералда квер чIвана гьас. Бидул цIураб квер бихьана гьасда. BaxI бердайха дир бахъараб, — ан матIуялъуве валагьана гьав. ХIалалъ бихьана гьасда бида чвахулеб бугеб бер. Гьеб чуризе лъин жаниб бугеб гулгун балагьулев ТIагьир вукIадго тIаде вачIана шагьаралдаса вуссарав Хирач.
— Эмен, вихьидал виххун, хIинкъун лъугьана Хирач.
— Эмен, дуе щиб лъугьараб, мун лъица? — янги абун къвалакьа гьевги ккун диваналда гIодов чIезе гьавуна гьес ТIагьир.
— Дицагоха, дир вас, дицаго, — ян бетIер кIибикIизабуна гьес.
— Гьеб кин ккараб, эмен, щиб гьабулевгIаги мун вукIарав? — ан гьанже лъикI валагьана Хирач инсул ругъун бугеб бакIалъухъ.
— Балагь букIуна бачIарабги, бачарабги, Хирач. Гьаб дицаго диего бачараб балагь ккана, — ян ТIагьирица ккараб таралъул бицана васасда.
— Унгоха балагье, бер бахъизе дагьаб хутIун буго, — ян чара хун вукIана Хирач. ЦIорораб биччараб чIортоги босун ругъун бугеб бакI бацIулев, чурулев вукIана гьев. ТIагьирие лъугьарабжо лъарав кIудияв васги вачIана гьасухъе щвезе.
— ХIалхьиялда вукIине лъалароха, эмен, дуда, дуего хIалтIи балагьулев вукIуна, — ян абуна Мухтарица.
— Ккелилан гурелъул жо кколеб, Аллагьасул хъвай гьадинаб букIун бугоха, — ян нахъойги диваналда гIодов чIвана ТIагьир. Нахъеги лъикI валагьана Хирач ругъуналъухъ.
— АскIоса кьенсерги лъикI бекун бихьула, — ян абуна инсул бетIералда кверги лъун гьес.
— Кьенсерни сахлъилаан, бералда щиб гьабилеб, — ан абуна ТIагьирица тIаде вахъине кумекалъе Хирачихъе кверги кьолаго. Берзукь бер сверараб гIадин лъугьун гIодов чIана нахъойги. Щуго анцIго минуталдасан байбихьана квешго бер унтизе, хIехьезе кIвеялдаса унеб букIана.
Гьаз ТIагьир больницаялде вачана. Ругъун бихьарал тохтурзабаз абуна бералъул лъикIаб хIал гьечIила хех гьабуна вехе вачизе ккелилан.
Гьенисанго шагьаралде больницаялде ана гьел...
Гьелдаса хадуб ана чанго моцI. Лъабго нухалда операция гьабуна ТIагьирил бералъе. Кинго хIасил ккечIо. ТIубанго беццлъана бер, тIадежоялъе кваранабаб бералъулги канлъи загIиплъана...
Гьанже Хирач институталда цIалиги рехун тун, росулъго парахалъана инсуе кумекалъе. Жакъаги инсул рукьги ккун мажгиталде рузманалде унел рихьула кIиявго...
Забота о сыне
...Отца и сына привели к хану. Тот приказал
высечь обеих плетью — по сто ударов каждому.
Первым высекли отца. Он не издал ни единого
стона. Потом очередь дошла до сына. После
первого же удара по спине сына отец стал кричать
и охать.
— Ты получил сто ударов, но не издал ни звука.
Теперь, когда бьют сына, почему ты жалуешься? —
спросил его хан.
— Те сто ударов я получил по телу, и я их выдержал.
А этот один удар по сыну попал мне прямо в сердце,
и я не смог его выдержать, — ответил отец.
Народное предание
Время обеда уже прошло, но и не наступило время заката. Тагир затопил печь дровами и углем и готовился встретить сына из Махачкалы. Тагир по-особенному любил Хирача. Может быть, потому, что тот осиротел еще в детстве и не получил материнской ласки, или оттого, что он был самым младшим в семье. Старшие брат и сестра уже имели свои хозяйства, и он один оставался с отцом дома. Вот и сегодня отец с нетерпением ждал сына, приезжающего на каникулы в селение. Хоть разлука и была недолгой, но Тагир ощущал смутное беспокойство. И вчерашний сон еще больше усиливал его.
«Автобус придет еще не скоро — может, мне еще дров наколоть?» — подумал Тагир и вышел во двор. Во дворе уже была сложенная куча дров, и не было необходимости колоть еще. Тагир вернулся в дом. В жарко натопленной комнате он сел читать газету. Но и здесь не нашел ничего интересного, отложил ее и прилег на диван. И здесь тревога его не оставляла. Тагир встал, снял теплую безрукавку и вновь вышел во двор. Расколол абрикосовые пни и сложил их в поленницу. Почистил одежду от пыли и щепок. Снова оглядел двор в поисках еще какой-нибудь работы. Взял топор — проверил, наточен ли. Потом взгляд его упал на лопату, что стояла за воротами. Ему стало не по себе: вчера она ему приснилась... Как ни старался, он не мог забыть этот сон...
...Подул удивительно теплый, мягкий ветер. Природа сама стала какой-то другой. Закрыв распахнувшиеся от ветра окна, Тагир вышел в надежде встретить запаздывающего сына — день уже склонил к вечеру. Навстречу ему бежал Хирач с криком «отец, отец!», будто хотел сообщить ему что-то важное. Тогда-то из-за ворот и упала лопата, и Хирач, задев ее, упал прямо на острие. В эту минуту Тагиру показалось, что его живот пронзили раскаленные щипцы.
«Хирач, сынок!..» — воскликнул Тагир и проснулся. «Этой проклятой лопате не место в доме», — подумал он и, схватив за черенок, разрубил ее топором на пне, затем решил и оставшиеся куски тоже разрубить. И тут отскочила щепка и попала ему прямо в левый глаз. Из глаз полетели искры, зазвенело в ушах, и обессиленный Тагир упал. Очнувшись, в растерянности он приложил руку к глазу и понял, что тот кровоточит. Дома никого не было, и он кое-как поплелся за помощью к младшему брату, жившему по соседству.
— Что случилось, что с тобой! — выбежал ему навстречу встревоженный брат. Тут же подоспела и невестка Зайнаб, приготовив намоченные холодной водой марли.
Брат внимательно осмотрел Тагира, оказалось, что у того и лоб разбит.
— Лоб-то выздоровеет, а что делать с выколотым глазом? — спросил Тагир, глядя в зеркало, висевшее на столбе.
Через несколько минут Тагир ощутил нестерпимую боль. Брат уговорил его пойти в больницу. Врачи же сказали, что глаз может вытечь и нужно срочно ехать в город. Хирач, по приезде узнав о случившемся, поехал с отцом в больницу в Махачкалу...
С того времени прошло несколько месяцев. Тагира трижды оперировали, но не смогли вернуть зрение. Более того, пропало зрение т на правом глазу. Хирач же оставил учебу в институте и вернулся в село, чтобы помогать отцу. Вот и сегодня они, взявшись за руки, направляются на предзакатный намаз в мечеть...
