Абазара
— АчIвыйа АБАЗАРА ззырхIвауа, Дада? —
Ахвыц йабаду дицIгIитI щымтадза.
— УызгIвадахатI, спачкIвын, гвыбзыгъарадзата
ЙгIасутIтI уа ари азцIгIара хъададза.
ХIабазапI хIара — хIара хIыбызшва, хIцIасква
ГIарбагата йхIымапI абаза уагIа,
АнцIра йгIанаргылитI йара ацIгIасква,
Ауат урыздырцитI бжьара-гIзара хIагIа.
АбазарапI йхIылу ахIбара-айцIбара,
ХIара хIадызкIылуа агвбайа гьалас,
ЙазхIыму хIцри Псадгьыл йцIолу абзибара,
ХIызрыпшдзауа асас йызхIыму ацIас.
АбазарапI цIаста йхIымрыдзуа хIагвлара,
ЙхIыдырбалуа хIара Абаза Кърар.
АхIба йуасаражвра йангIалуа ашлара
ПIатIура азызчпауа хIа хIычкIвын джьгар!
АбазарапI уышта, упсабара азхъвыцра,
Амарда ахъымсра, ащаквкIыра пшдза,
АпхъанчIви цIасла йгIанылыз ашIыцра,
Ан-аба хвы рзычпара ацIас бзидздза.
АбазарапI зымгIва-зымгIва йрапхъадзата
ХIара хIызлачважвауа хIыбызшва цкьа!
Абазара — солнце в душе абазина
Скажи мне, что значит АБАЗАРА, Дада? —
У деда однажды спросил его внук.
— Всё то, чем душа абазина богата,
Всё, что в Абазаште ты видишь вокруг.
АБАЗАРА — стержень родного народа,
Духовность его и его этикет,
И СЛОВО родное — подобие кода,
И ДУХ наш — народа заслон против бед.
АБАЗАРА — Солнце в душе абазина,
Традиции предков. Достоинство. Честь.
АБАЗАРА воля народов едина.
Летит во Вселенную с ней наша весть.
— И я ее часть, получается, Дада?! —
У внука в глазах загорелся огонь.
— Конечно, надежда моя и отрада,
Теперь приложи к сердцу с клятвой ладонь!
