Араса хIбзаззитI. ХIызшIпшуаш дабоу?
“Абзибари ацIабырги рдин пшдза ауагIа йрылазгарныс мурадта йансчпа сара саргванква зымгIвагьи рыцхIащара рымдырхуата хIахъвыла йгIасысуа йалагатI… Ужвы аурамла санбжьысуа лакъырды сырчпауа сабадырбитI. “ШвипшыстI ани, дхIапшызларныс йхъа йгьаквнаймыргузтI, – рхIвитI ауат. – Йыжвбума ужвы дшфакъру, дшнаспынтшу! Швичвымахатша ауи!..” ЙагIвсыз асквшышв агIан уысагIвкI йгIвыз арат ажваква йара ужвыбырдзакI йгIаншазшва йаъапI. Ауи гьакIвымма? УахьчIва ауагIа урылалта абзибари агвчIагIвчпари, ацIабырги апшдзари, акърари анамыси йрыквгIазшIутуа, йырзубжьауа уалагарквын хIахъвыла йыгьгIауымсуашзапI, ауаса угIвыбжата уырпхьадзарныс закIгьи гьазхIвам. Йыншаз ачIвыйа? УачIвы йыншуш ачIвыйа? ЗынцIра апны закIы йазхъазцIуз, закIы йайгвгъуз абанпара ахIбаква адунай йыквцIхта закIгьи йазхъазымцIауата йгIадзынгылуа арат айцIбачва ауат ртара йгIатагылырквын адунaй шпацуш, йшпацуш абзазара? Сара заджвыла арат азцгIараква уахъгьи тшынгьи сгьдыртынчуам. Сара сымщтахь стынхаква ари адунaй апны йбзазуштI. МшахъамшацIыхъва нагIлат гьгIасарымхуашмищтI ауат? Ари нымшара ахIатырла сара съадзабзаркIву, скъару ъадзатаркIву амаль амамква закI счпара шатахъу гIасгвынгIвитI, Ауаса ачIвыйа йсчпара атахъу? Йсзычпушйа?..
ЙыздырхитI хIара хIангIадзынгылуаз агIан хIанчви хIабачви хIгIадырчIвунта араса йгIахIылабжьун: “ШвгIвычIвгIвысха, швымгъычын, мцы швымхIван, заджвы дшвымрыгвмачIын, швапхьа, анхара бзи йыжвба, ахIбачва рхъа пшцIарцIата йшвзыгIархчаз шв-Псадгьыл швазцIабыргызла”. Йара ауи акIвын апхьарта апны йгIахIархIвуазгьи, аинститут апны хIыззырбжьузгьи. Ужвы, йшгIацIцIызла, ауатква кIапIикIалашвкI йгьапсахым. АщардагIв рылаква ртарала акIапIикIаква тадырчIван ауатла адуней йыквпшитI. Асабиква йшырбумцара анчви абачви рхъа рчIвыхымкIва йсудагьаритI, йгъычитI, йшвапачитI. Апхьарта апынгьи аинститут апынгьи арыпхьагIвчва ахчала оценка дыргылитI. Заджвгьи закIгьи гьцIайкIыхуам, закIгьи дгьачвшвахуам. ЙамгIаныйа аратква зылапш йыцIата йгIадзынгылуа асаби йылайкIуаш? ДзачIвыйа ауи йбзазара апны дызшIпшуаш, дызшIыбжьуш?
Ажва ахъазла, сара сангIадзынгылуаз агIан швабыжта йстахъын хъацIарала, кърарла сабаду сйапшхарныс. Ауи йапхъахуз аколхозква гIанзыршаквуз дрыуан, айсра ангIалага абджьар найахвын агъа дипшIагылтI. АгIгIвысабичва шйымазгьи йхъа дамайгьдзауата й-Псадгьыл ахъазла йхъа пшцIайцIатI. РыцIа сандуха сара йачIвата йсзыгIакIкIун хIреволюционерква КIвыждза Рамазан, Шан КIарней, Дзыба АсхIад, хIуагIа рарыпхьагIв-уасаражвква Макьар Умари Тобыль Тольыстани, Совет Союз а-Фыр Къвныжв ЗамахIщари, айсра апны хъацIара ду гIазырбаз Дарыкъва ХIаджьгьари, Дагвжвей Хмара датшагьи щардагIвы. Ужвы йгIаншатI гIазаб щарда зыла йыцIсыз, ауаса зджьарагьи щтахьла йгIатымхъауата ауагIа рыхъазла йбзазаз ауат агIвычIвгIвыс хахваква йырчпазгьи йырхазгьи закIгьи йашIысымкIва зхIварыз зджьакIы. Ужвы йгIадзынгылквауа рыхъазла “йфыру” ахча машаквла йынкъвызгауа, аимпорт машина йаквчIву, импорт чгIвыча зшву йакIвпI. Ауи йахчи йымлыкви йыргIалцIырту заджвгьи уыс гьазйымам.
“Уара упатриотрагьи удатшагьи заджвгьи дгьазыбжам. УжвыбырдзакI укIахIарквын угIазыргылхуаш дгьаъам, зымгIвагьи йуыхвынгылта йухъысуаштI. Ауи ахIатырла зджьакIы ргвыргIва уаламылуата ухъамаль шубуш ацIыхъва утагыл. ЗымгIва утйы йгьи йухвгIа анауазара, шIас уымамкIва ахча “чпа”. Ауи акIвпI йгIаумайжьахуаш”, – ари апш хъвыцща рыцIа-рыцIа тшауацIнахитI, ащайдзаква арыбагъьитI. ЙалкIгIата – чкIвыныргIа рпны. ЙашвхIаусыгIвугьи гвынгIвырапI: ауат йырбитI “пшдзата” убзазарныс ахъазла акъыль ду шатахъым, апхьарта апны агIылахIва йапхьуз рынбжьагIв йаба ахча йщардазтын йаттестат хвбамкIва закIгьи анымкIва йшизыгIапшцIгауа, рахIа йрылкъьаз аинститут дшзыцIалуа, згIвакI гIайыдсылызтын рыцIа йагъьу ахъвшвквала рыцIа йагъьу аврачква шгIайайъазауа, йгвы йгIаташвазтын агIвыма къраль ларпшра дшзыцауа, ауасамца.
Зны сынбжьагIвкI йцIабыргдзата араса дгIасыдашшылтI: ”ХIсабиква “чесната” йыгIбжьитI” – хIхIвумца йхъхIырчIватI, ари абзазара швапача йаквыргIапсымкIва йгIадзынхIыргылтI. Ужвы сырпшитIта сжьы сыхьитI. Ай, хIгIващатI ани йагIвсуа алагьи закI гIацрыркъьауата йгIадзынхIыргылра атахъын”. Дгьзаджвым араса “згIващара” йайгIваджьуата йзызгIамгхуа, ауаса – йхъашвцIа-йхъашвымцIан, йшвтахъызтынгьи слагата сшвпхьадза – сара заджвыла ауи “сгIващара” сгьайгIваджьхуам. СзамайгIваджьхуагьи швасхIвуаштI. Ахъахьыла йгIашIыспхьадзаз зымгIва – згIвапI, хIкъральи хIыжвлари йнарахвыз згIва хьантапI. ЙалкIгIата йзшварагIваругьи йъашIашIкIгIару акIвпI. Ауи хIамайъазарквын хIшкъраль шабгу, хIыжвлара шабгу хIыквчвгIуштI, кьангьаш азгIажвымгын. ХIызлайъазуш ачIвыйа? Дара ауат “ймодахым” агIвычIвгIвысагIа, ахъацIара, анамыс, агвчIагIвчпара, апатриотра, акультура хIаракIы, ацIабырг, апшдзара ракIвпI. Датша ъазагIва гьаъам.
Зны хIуысагIв ЧквтIу Микаэль йгIасайхIвыз хабар джьащахъвакI гIасгвалашвахитI (сымгIващузтын поэматагьи йгIвыхтI). Апхъазаман агIан йыншаз уыспI ари. УагIахъа рыцхIакI бзазун. ЙызрыцхIахазгьи ари акIвын: ауат зынгьи рхъа гьгIащтIырымхуазтI, адуней лашара йгьгIаквымпшуазтI, уахъгьи тшынгьи рхъа наркъвыта адгьыл рбгъьатIун, щайдзакI гIараута йшырфуш акIвымкIва закIгьи йгьазымхъвыцуазтI. Дара драпшымкIва заджв дрылан ауат. Ауи йуагIа ари адуней апшдзара ъарымбауа йгвы йасуан. Рхъаква гIащтIырхта ажвгIванд шчIыхву, амара шлашару, айачIваква шджьащахъву дйырбара ахIатырла атоба ахъыкв дгIахвынгылуанта мышхъвлагIандзакI ашва йхIвун. Ауаса заджвгьи йхъа гIащтIихта ауи йахьыла дгьхъампшылуазтI. “Ауи нымхахъа лага дызцIыруа ачIвыйа” – рхъа йтахъвыцуа йбгъьатIун ауат. МышкIы ауи йбжьы гьрымгIахтI. “Йызни ачIвыйищтI?” – хIва рхъаква ангIащтIырх ацIла апны дкIныхIата дырбатI – ауат ахъахьыла йхъайырпшылра ахIатырла тшкIнихIахтI. Датша амаль гьимауызтI. АуагIа зымгIва ауыла йхъапшылуан. Ргвы йычIагIвуа йпшуан ауи, рынцIра апны йапхъахауата йырбун ажвгIванд чIыхвгьи, йырбун амара лашарагьи, йапхъахауата дара-дарагьи ахъвахъвлапшуан, йырбун алакта пшдзаква, йырбунта йджьарщун. Ари алахъвгIахъасра йгIашIарышвта акIвпI ауат ангIвычIвгIвысха, йануагIахъаха. Ауи ахъазла зхъа пшцIазцIаз рыгIвычIвгIвыс заджвгьи лакъырды дгьрымчпатI, йхабар пшдза анцIрала йуагIа йырзыгIанхатI.
Сара аджвырагIв йара арасабырг йчпарныс даквгIазшIыстуата гьакIвым ари ахабар згIасгвалашвахыз. ДатшапI йсхIвара стахъу. ХIара агвымхара хIашIпшуата бзиракIгьи хIгьзазынадзушым, знымзара зны хIара-хIара хIабафхуаштI акIвмызтын. Ауи агIан йазхIхIвхIваз амлыквгьи, йгIагIгъычыз ахчагьи закIгьи йгьашIысызлушым. Ауи нымшара ахIатырла йгIахIхъатагваз агвалымсра ачва хIгIалкъьата хIара уахьчIва йхIмагIныз йхIбзазащахаз, хIапхъахьыла хIылахь шцуш хIазшвырхъвыц. ХIсабиква гIащаквхата гIвычIвгвыс турасы йтата йбзазара хIтахъызтын х-Псадгьыл, хIуагIа ртурых, рцIасква рыладхIшвыркI, хI-Псадгьыл афырква, ахьыз пшдзата йзыргаз агIвычIвгIвыс дуква ршвапхала йхIшврыбжьа. Ауат ркьазу ангIадзара дара рсабиквагьи ауаса йырбжьахпI, йабацара.
ЙацсцIахуаш ари акIвпI. “ХIсабиква йырбалакI рхъа дгIаквчIва, ршIацIахъвы ршIих йауата йуыбаджьыбата йгIадзынхIшвырргыл”, – хIва швгьаквгIазшIыстуам. “Абзира напIыршIашIа амазара атахъыпI,” – хIва ажважвкI аъапI. ХIара йхIтахъу зхъагвы акву, зхъамальгьи, зуагIа рамальгьи ззыбауа, абзазара йаквыргIапсу абанпара згIвадапI. Ауат ракIвпI йалпIлаз хIкъраль наспынтша ззыгIащаквыргылхуаш. НапI цкьала йучпауа ауыс акIвпI йцкьахауа, напа цкьала йнуцIуа абзазара акIвпI йпшдзахауа. Ауаса йанаъазара, “Абзибари ацIабырги рдин” гIабзахIшвырргылх. ЗныкI ахъазла зджьакIы “хIгIвыбжата” хIырпхьадзарыгьи уадыргIвана хIгIаргвынгIвыхпI.
Так и живем. На кого равняться?
«Когда я решил донести до людей религию любви и правды, близкие начали беспощадно забрасывать меня камнями… Теперь, когда я иду по улице, они смеются надо мной, показывая на меня пальцем. “Посмотрите-ка на него, не хотел быть похожим на нас, — говорят они. — Видите, какой он несчастный, нищий! Не общайтесь с ним!..”» Эти слова, написанные поэтом в прошлом веке, звучат, будто они сказаны сегодня. Не так ли? Если сейчас начать учить людей любви и милосердию, правде и красоте, чести и совести и призывать их к этому, можно прослыть придурком. Что случилось? Что будет завтра? Что станет с этим миром, как изменится жизнь, когда уйдут старшие, жившие с верой и надеждой на лучшее, и останется это поколение молодых? Мне эти вопросы не дают покоя ни днем, ни ночью. После меня на этой земле будут жить мои потомки. Не проклянут ли они меня когда-нибудь? Чтобы этого не случилось, я должен, пока я жив и полон сил, сделать что-нибудь. Я понимаю это. Но что я должен сделать? Что я могу?..
Нас наши родители воспитывали так: «Будьте людьми, не воруйте, не лгите, не приносите никому горя, учитесь, любите труд, будьте верны Родине, за которую сложили головы наши старшие». То же самое нам говорили и в школе, и в институте. А теперь выходит, что все это не стоит ни гроша. Многим вместо зрачков вставили монеты, и ими они смотрят на мир. На глазах детей родители занимаются спекуляцией, воровством, крохоборством. В школе и в институте оценки можно получить за деньги. Никто ничего не скрывает, ничего не боится. Чему научится ребенок, который видит всё это? На кого он будет равняться в жизни, с кого будет брать пример?
Я, например, в детстве очень хотел быть похожим на своего деда, который славился силой и честью. Он создавал первые колхозы, а когда началась война, взял в руки оружие и пошел на врага. Оставив восьмерых детей, он сложил свою голову за Родину. Когда я стал чуть старше, для меня звездой сияли наши революционеры Рамазан Кужев, Корней Шанов, Асхад Дзыба, наши просветители Умар Мекеров и Татлустан Табулов, Герой Советского Союза Замахшери Кунижев, павший на войне смертью храбрых Хаджигери Дударуков и многие другие. Теперь появились те, кто обесценивает всё, что сделали эти великие люди, перенесшие много страданий, но жившие ради народа. «Героями» для сегодняшней молодежи стали «денежные мешки», ездящие на импортных автомобилях и одевающиеся в импортную одежду. Каким способом добыты эти деньги и богатство, никого не интересует.
«Твой патриотизм и всё прочее никому не нужны. Если упадешь сейчас, никто тебе не поможет подняться, растопчут и пойдут дальше. Поэтому оставь думы о других и позаботься о себе. Раз всё продается и покупается, неустанно “делай деньги”. Они тебя не обманут», — такое мышление становится всё более распространенным и укрепляет свои корни — особенно среди молодежи. Понятно почему: они видят, что для того, чтобы «красиво жить», сегодня большого ума не надо — их ровесники, которые в школе были «ни бэ, ни мэ», благодаря кошелькам своих отцов получают «отличные» аттестаты, поступают в лучшие вузы, лечатся у лучших врачей и разъезжают по заграницам.
Как-то один мой знакомый всерьез сокрушался: «Старались учить детей быть честными и погубили их, они абсолютно не приспособлены к сегодняшней продажной жизни. Теперь смотрю на них — и душа болит. Эх, ошиблись мы, надо было учить их и с пробегающей мимо собаки что-то урывать». Не один он жалеет о своей «ошибке», но — можете считать меня дураком — я о такой своей «ошибке» не жалею. Скажу почему. Всё перечисленное мной выше — это болезнь. Тяжелая болезнь, которой заболели наши государство и общество. Особо опасна она тем, что она заразная. И если мы не сможем ей противостоять, и государство, и общество исчезнут, можете не сомневаться. Как противостоять? Теми самыми «немодными» теперь человечностью, мужеством, честью, милосердием, патриотизмом, высокой культурой, правдой, красотой. Других способов лечения нет.
Вспоминаю легенду, которую рассказал мне наш поэт Микаэль Чикатуев (по-моему, он даже поэму написал по ее мотивам). Было это в старые времена. Жил один несчастный народ. Не было у него счастья потому, что люди никогда не поднимали головы, не смотрели на окружавший их мир, днем и ночью копались в земле, чтобы найти там какие-нибудь корешки, годные для еды. Был среди них один, не похожий на остальных. Ему было обидно, что его народ не видит красоты вокруг. Он поднимался на гору и целыми днями пел песни, чтобы заставить сородичей поднять головы и дать им возможность увидеть синее небо, яркое солнце, удивительные звезды. Но никто даже не смотрел в его сторону. «Чего этот лодырь там орет?» — недоумевали они, копошась в земле. Однажды они не услышали его голоса. «Странно, что с ним?» — подумали они и, подняв головы, увидели его, висящего на дереве, — он повесился, чтобы они взглянули наверх. По-другому заставить их это сделать он не смог. Люди смотрели на него. Им стало его жалко. Но они впервые увидели синее небо и яркое солнце, впервые взглянули и друг на друга, увидели красивые лица и удивлялись. И только с этого мгновения они стали людьми, народом. И никто не смеялся над тем, кто ради этого пожертвовал собой, — легенда о нем навсегда осталась в народе.
Я сейчас не призываю никого повторить тот подвиг. Другое хочу сказать. Зарясь на плохое, мы никогда не добьемся хорошего, лишь перегрызем друг друга когда-нибудь. И тогда всё, что было накоплено каждым из нас, не будет стоить ничего. Чтобы этого не произошло, давайте очнемся от этого сна равнодушия и подумаем о том, кто мы, кем мы стали и что ждет нас впереди. Если мы хотим, чтобы наши дети выросли людьми и жили по-человечески, давайте прививать им любовь к Родине, к истории, к традициям, воспитывать их на примерах настоящих героев нашей Родины, принесших ей добрую славу. И они, когда настанет их черед, так же воспитают своих детей.
И последнее. Я не ратую за то, чтобы любой мог садиться вашим детям на голову или отбирать у них их кусок хлеба. Говорят: «Добро должно быть с кулаками». Нам нужно уверенное в себе, знающее свое дело и умеющее жить здоровое поколение. Только оно способно возродить наше общество. Чистым может быть только дело, выполненное чистыми руками; красивой может быть только прожитая с чистой совестью жизнь. А раз так, давайте возродим «религию любви и правды». Даже если кто-то сначала и сочтет нас «придурками», потом поймут нас.
