Лораде вай воай ӏалам
Укх дуненчура деррига а куцаш санна, ши духьа я ц1и. Эца ховчоа дикаш да цунца, цаховчоа зенаш да. Санитарно-экологически боарамашца дийхка да арг1а йоацаш ц1ераш еттар. Цхьабакъда вайцига каст-каста коара-картара нувхаш: докъаденна г1а, баьцаш, гамаш, кхыйола нувхаш йоагаю бахархоша. Данне а мегийташ дац цхьаккха тайпара нувхаш, овлаш т1а яг1аш йола йоарх1аш йоагаяр. Из бахьан долаш дукхача, з1амигача дийнатий-мозий, н1аний, чоапилгаш, зунгатий б1енаш доагаду. Х1аьта уж лотаярах хьабоала к1ур мел зене ба дика хов цу хьаькъехьарча говзанчашта-санитарно-эпидемиологически, экологически т1ахьожам бара службай болхлошта. Вай замах, гонахьарча 1алама, лаьттанна, хишта, фена зе хьадоала бахьанаш дуккха да, са яь ца валлал. Царех да массе а тайпара транспорт, промышленни предприятеш, юртбоахама производстваш ди-денга мел доал совъюлаш хилар. Цунца цхьана бахархой экологически говзал лакхлуш яц, цу хьаькъехьа хаданза газеташ, телевидени, радио хоам беш къахьегаш яле а. Каст-каста телевизора чуг1олла го йиш я, арг1а йоацаш хин, юрта йистошка 1окхийса нувхаш. Наггахьа нийслу пластик, полиэтилен, хьамча йоагаеш моттигаш. Из в1алла де йиш йолаш дац, цох хьадола зе доккха хилар бахьан долаш.
Укх т1ехьарча хана вай мехка дувца даьккхад, нувхаш шо-шоай арг1ах, къаьст-къаьста гулъе а чакхъяха а еза яха дош. 1алаьмате боккха, вай заман лоарх1ам бола г1улакх да из. Укхаза аланза далац вай республике нувхаш гулъяра г1улакх цхьан боарам т1а долга. Цхьабакъда царех х1ара нувхий тайпаш къаьст-къаьста гулъяр кхоачашдеш дац. Хила-м дезар! Ц1ихезача 1илманхоша телевидене г1олла яхачох, цхьан шера Российски Федераце бахархоша кховзткъеи итт (70) миллион тонн нувхаш 1оаю, кхалажаш т1а. Царех массехк 3-5 процент мара чакхъяхац. Х1аьта Европа цхьадолча мехкашка 70-90 процент нувхаш чакхйоахаш я, хьакъ дола санитарно-эпидемиологически боарамаши бокъонаши лора а еш. Цул совг1а, йохкалуш мел йолчарех биогаз 1алашъю, йохкаенна яьннарех кхашка, парникашка, бешамашка ше-ший хьакъ дола удобренеш хьаю. Х1аьта Швеце мехка бахархоша, шоайцигара нувхаш чакхъяьха ца 1еш, лоалахарча мехкашкара яраш маьхах хьа а ийеш чакхйоахаш экологически, рузкъан пайда эц, кхыметтел из дика масал дунен мехкашта гойташ кхетам баларца а.
Вай заман цивилизацен беркат, вахара хьалаш атта хиларца цхьана, гонахьарча 1алама зе хьадоала куцаш а дукха да. Царех ларх1а йоаг1а экологически зене, кхыметтел дохьаже йола кечалаш: массе а тайпара батарейкаш, аккумулятораш, ртуть доалла лампаш, иштта компьютераши цунца бувзам бола сканераш, принтераш, фусамашка лелаю барзкъаш дутта машенаш, микроволнови пишкаш, телевизораш, радиоприемникаш, й1овхал лу яьш, хий д1оахду колонкаш, пхьег1аш юла машенаш. Вай заман говзалца хьаяь йола уж а кхыйола а кечалаш 1алама зе даргдоацаш утилизаци яра бокъонаш белгалъяьхай санитарно-экологически боарамашца. Х1аьта уж толхаярах хьахулаш бола бехктокхам белгалбаьб, дувцача дешаца бувзам болча Федеральни законаша, Г1алг1ай Республика законаша.
Вай дахаш дола ер Маьлха Дуне 1алаьмате йоккха тамаш йолаш, Айлама к1оаргалга диллача, ше санна цхьаькха кхы доацаш хьакхеллад Дала. Адамаш мукъа дитад Цо дика а во а шоашта ловча тайпара кхоачашде. Укх т1еххьарча 120-150 шера дунен цивилизаци совъялара бахьан долаш, дукхача дийнатий фу хаьдад, ц1енденна лаьттан букъ т1ара д1адоалаш. Фу хада гаргадахараш а дац к1езига. Доккха зе хьадувл лаьттанна, хьунашта, фена, хишта. Кхыметтел Дунен доккхийча фордаш чу (океанаш) дуккха миллионаш тонн нувхаш я г1айренаш а хинна хица д1а-хьа лелаш яхаш белгалду 1илманхоша. Царца дукхаг1ъяраш пластиках яь я. Хиво йошаяь д1аэяьраш мел хургья яха хаттар жоп доацаш дусс. Дунен боккхача форда чу долча полиэтиленови т1ормигашеи пластикови кечалашеи цхьа (1) миллион форда дийнат дув х1ара шера яхаш белгалду (хьажа:www/ ecosever.ru/artiole/20046htl)
Укхаза хьоахаде дезарех да, дукха баьцаш, зизаш, к1отаргаш, гаьнаш фу хаьда е хада гаргаяха хилар. Духхьал тропически хьунаш хедаю, х1ара минота 100 акр т1ара гаьнаш тедаш. (хьажа:www/ ecosever.ru/artiole/20046htl). Иззал сихеи дукхеи гаьнаш хоадае аьттув бале а уж хьалкхее-м итташ шераш деза.
Вай республике 1аяха дукха промышленни предприятеш яц 1алама зенаш де. Цхьабакъда нонаг1о транспорт я, нувхаш т1акхаьчча кхаьчача 1окхувсараш ба. Х1аьта лаьтта к1езига да. Цудухьа ма тарлу хиш, лаьтташ, фе, вешта аьлча еррига гонахье ц1ена хилийтара къахьега деза, вай даьша яьха «Хи йист, наькъа йист, юрта йист ц1ена лелаелаш» яха дешаш дага а кхоабаш.
Давайте беречь нашу природу
Как и всё в этом мире, огонь обладает противоречивыми качествами. В умелых руках он может принести пользу, в глупых – вред. Санитарными и экологическими правилами предписано, как и где можно разводить огонь. Но у нас жители часто сжигают бытовые отходы (сухие листья, траву и другой мусор) где попало и без соблюдения правил пожарной безопасности. Это категорически запрещается, как и поджог травы на корню. Ведь тем самым разрушаются места обитания многих живых существ: мух, червей, жуков, муравьев. А вредность дыма от сжигания мусора хорошо известна специалистам – работникам службы санитарно-эпидемиологического и экологического надзора.
В наше время неисчислимо много производств, наносящих вред природе: земле, водам, атмосфере. Неуклонно растет количество промышленных и сельскохозяйственных предприятий, транспортных единиц. А экологическое сознание населения сильно отстает, несмотря на усиленную пропагандистскую деятельность средств массовой информации. Мы часто видим кучи мусора на окраинах населенных пунктов или на берегах наших рек. Имеются случаи сжигания полиэтиленовых или резиновых изделий, а также изделий из пластика. Это недопустимо, так как вред от их сжигания огромен.
В последнее время у нас начали поговаривать о необходимости раздельного сбора бытовых отходов и их переработки. Несмотря на большую важность этот вопрос у нас в республике еще не решен. А надо бы! Как свидетельствуют известные ученые, жители Российской Федерации в течение года производят 70 миллионов тонн мусора. Переработке же подвергаются только 3–5 процентов от всего мусора. А ведь в некоторых странах Европы этот показатель доходит до 70–90 процентов. И это при соблюдении санитарно-эпидемиологических норм и правил.
Кроме того в Европе уже начали промышленное производство и использование так называемого биогаза, который выделяется при брожении биомассы. После получения биогаза остатки мусора перерабатывают в удобрения для полей, огородов, парников. А в Швеции перерабатывают не только свой мусор, но даже закупают его у соседних стран, имея еще и экономическую выгоду. Какой пример рачительности для других стран!
Развитие цивилизации способствует облегчению жизни человека, повышает уровень комфортности, но в то же время цивилизация способна нанести окружающей среде много вреда. Среди отходов, засоряющих окружающую среду, есть и особо ядовитые: батарейки и аккумуляторы всех видов, ртутьсодержащие лампы, портативные компьютеры, принтеры и сканеры, а также микроволновые печи, водонагревательные колонки, телевизоры, радиоприемники, отопительные котлы, посудомоечные комбайны и стиральные машины. Для того чтобы обезопасить природу от вреда, наносимого этими и другими современными бытовыми приборами, установлены санитарные и экологические нормативы их утилизации. Ответственность за нарушение данных нормативов определена действующим федеральным законодательством и соответствующими законами Республики Ингушетия.
Этот Солнечный Мир, в котором мы живем, сотворен Богом уникальным и удивительно глубоким. Бог дал людям свободу, и человек сам решает, что ему выбрать: добро или зло. За последние 120–150 лет из-за промышленного развития цивилизации на Земле исчезло большое количество видов живых существ. Немало животных оказалось на грани исчезновения. Огромный ущерб наносится почве, атмосфере, флоре и фауне. Ученые бьют тревогу: в Мировом океане образовались целые дрейфующие острова из мусора массой многие миллионы тонн. Очень много пластика. А сколько мусора растворилось в воде, даже представить невозможно. Из-за полиэтиленовых сумок и других изделий из пластика в Мировом океане ежегодно вымирает до 1 000 000 (одного миллиона!) животных.
Здесь следует отметить, что многие виды трав, цветов, кустарников и деревьев либо исчезли, либо близки к исчезновению.
Только в тропических лесах каждую минуту вырубаются деревья на площади в 100 акр. Спиливают их, как мы видим, с огромной скоростью, но для того, чтобы вырастить эти деревья, понадобятся годы.
В нашей республике не так уж много промышленных предприятий, наносящих вред окружающей среде. Но много транспортных средств, загрязняющих атмосферу; многие люди, сваливают мусор где попало. А земли мало. Поэтому мы должны по возможности сохранять чистоту полей, рек, водоемов, атмосферы – всей природы, памятуя завет наших предков: «Содержите в чистоте берега рек, обочины дорог и окраины аулов».
