Гӏалгӏай автономни область хьакхоллар
1924-ча шера июль бетта 7-ча дийнахьа Гӏалгӏай автономни область хьакхоллар цаховш е ши-шегӏа нийсденна хӏама дацар, цхьан сага е общественни организаце лоӏамах хинна а дацар. Къаман сакхетам лагӏа тӏара лагӏа тӏа а боалаш лакхлуш Гӏалгӏайче исторически дегӏаахара чаккхе яр из, Советски ӏаьдал оттадеча хана тамашийна турпала гӏулакхаш гойтача халкъа – гӏалгӏай къаман боламо хьийгача къина чаккхе яр из.
Къулбаседа Кавказа лоаман халкъий автономех дола дош эттар 1920-ча шера укхаза советски ӏаьдал оттадешшехь. Ховш ма хиллара, цу шерашка уж лоаман халкъаш чудоагӏаш дар Терски областе – дукхагӏча даькъе тӏема-кийчон паччахьалкхен-территориальни вӏашагӏкхетаре, тӏема-казакий доал долаш а цунга хьежжа деррига гӏулакхаш леладеш а йолча.
1883-ча шера июль бетта 1-ча дийнахьа Терски областе чуйоагӏаш вӏашагӏъеллар казакий кхо отдел: Сунженски, Пятигорски, Кизлярски. Гӏалгӏайче Сунженски отделе яр, цун центр Сунже яр (хинна Ахки-Юрт, тахан Къулбаседа Хӏирийчен Пригородни района Сунжа цӏийола юрт). Цу областе Гӏалгӏайче хилар 1905-ча шера Назрановски округ хьакхоллалца.
Боккъала аьлча, лоаман хакъаштеи гӏазкхаштеи юкъера гӏулакхаш а чӏоагӏа кхохкаденна латтар. «Лоамароштеи казакаштеи юкъера гӏулакхаш моастагӏала да; кхыча шахьарашкарча нахаи казакаштеи юкъера гӏулакхаш моастагӏала да; лоамарой къаьст-къаьстача тайпашта юкъера гӏулакхаш дика дац, дукхагӏча даькъе моастагӏала да[1]», – яхаш яьздора Орджоникидзе Сергос Терски областе латта политически хьал дувцаш (Орджоникидзе Г. Статьи и речи. В 2 т. Т. 1. М., 1936, с.73).
Из доацаш а чоалхане латта лоаман халкъий социально-экономически хьал катехха тоаде дезаш дар. Дунен Хьалхарча тӏемои граждански тӏемои чӏоагӏа зе даьдар укхазарча халкъа боахама. Гӏалгӏайче кӏайгвардейцаши хӏалак-яьяр 8 йоккха юрти 13 хутори ((Юсупов П.И. Борьба за ленинские принципы национальной политики в Чечено-Ингушетии (1920-1925 гг.). Грозный, 1969, с. 5).
Гӏалгӏай 5613 коара бахархой баха моттиг йоацаш бисабар. Цудухьа лоаман халкъашта ловра шоай регионаш меттаоттаяра а дегӏакхувлара а шоаш кулгалде.
Лоаман халкъаш шоай регионашта кулгалдара шерра юкъедоаладар керттера дар, хӏаьта из де вӏаштӏехьдацар хӏара халкъа ший паччахьалкхал, ший автономи хилийтара наькъа тӏа мара.
Кавказски наместникашта ловчча тайпара а доацаш, шоай вахар шоаш вӏаштӏехьдаккха гӏерташ халкъаш долга ховш волча Орджоникидзес Сергос хаьттар лоаман халкъашка, шоай вахар мишта дегӏакхувла лов царна, аьнна.
1920-ча шера сентябрь бетта 13-ча дийнахьа Владикавказе из Орджоникидзе председатель а волаш чакхъяьлар Владикавказскии Назрановскии округий окружной исполкомийи парткомийи доакъашхой совещани. Цу совещане тӏачӏоагӏдир Горски автономи оттае езаш хилар. Горски автономи вӏашагӏйолла езаш хилара тӏатайжа хургйолаш кийчйир наьха уйла а.
1920-ча шера ноябрь бетта 15-ча дийнахьа Владикавказе чакхъяьннача Донеи Кавказеи большевистски организацей краевой совещане белгалдир, «… советски ӏаьдал дегӏаахара еррига принципаш лоаман халкъашта юкъе дӏачӏоагӏъяр чакхдаргда, шерра советски цхьанбахара кеп тӏа а ийца, советски ӏаьдал дегӏакхувлача хьинаре дакъалувца лоамарой болабелча. Из де вӏаштӏехьдаргда лоамарой советски халкъаш долхача юкъарча наькъа тӏа баьхача. Из дира нийсагӏчарех цхьа никъ ба аьнна совещане тӏаэц РСФСР чуйоагӏача йистарча автономни республикашта оттаяьча кӏийленаш тӏа лоаман автономни республикаш вӏашагӏйохкар[2]» (Даудов А., Месхидзе Д. Национальная государственность горских народов Северного Кавказа. СПб, 2009, с. 113).
1920-ча шера октябрь бетта 14-ча дийнахьа хиннача РКП(б) ЦК политбюро решене кӏийлен тӏа 1920-ча шера октябрь бетта 27-ча дийнахьа чакхъяьннача РКП(б) ЦК Кавказски бюро заседане лаьрхӏар, «Башкирски Советски Республика кепах Лоамани Дагестанскии лоаман республикаш вӏашагӏйохкар хано дӏадехар да», – аьнна.
1920-ча шера ноябрь бетта 17-ча дийнахьа Терски областа халкъий ӀӀ съездо хьакхайкайир Лоаман Республика.
Владикавказе хиннача цу съезде доклад йир цу хана Россе къамий нарком хиннача И. Сталино. Лоаман республика автономи хьакхоллара хьакъехьа цо аьлар: «Шоана автономи яларца Россе юхалу шоана цӏиймергаша-паччахьашеи цу паччахьий инаралашеи шугара лочкъаяь хинна паргӏатонаш. Из фу яхилга да аьлча, из да шун вахар хила деза шун ӏадатий, шун кхаман оамалий кӏийлен тӏа оттадаь, цхьабакъда, Россе юкъарча Конституце доазонашка[3]» (Сталин И. Собр. Соч. Том 4. М., 1947, с. 400).
Белгала дар Орджоникидзе Сергос даь къамаьл. Цо аьлар: «Цӏе Росси, новкъостий, шоана совгӏат луш яц. Из акт цо нийсхо мара лархӏац[4]» (белгалдяьр со ва. – П. Я.).
1921-ча шера январь бетта 20-ча дийнахьа РСФСР ВЦИКо тӏаийцар «Автономни Лоаман Социалистически Советски Республика хьакъехьа» Декрет. Терски область, е Терски Республика кхы хьоаяцар, из йоацаш дӏаяьлар.
Лоаман Автономни Социалистически Советски Республике (ЛАССР) чуйоагӏаш 6 административни округ яр: Нохчий, Назрановски, Владикавказски, Черсий, Балкхарой, Къаршой.
Лоаман АССРа доазув 73 эзар квадратни километр дар. Нах – 900 эзар гаргга саг вар. екъалора Республика
Дукха ха ялалехьа наха дехар бахьан долаш вӏашагӏъеллар цхьаькха ши округ: Дигорскии – дугарошта лаьрхӏа, Сунженскии – Шолжа линен казакашта лаьрхӏа.
Лоаман АССРа чуйоагӏаш йоацача регионаша вӏашагӏъеллар Терскит область керттера шахьар Георгиевск а йолаш.
1921-ча шера апрель бетта 16-22-ча деношка чакхъяьлар Лоаман республика советий учредительни съезд, цу съезде хьахержар ЛАССР ЦИК, кулгалхо Эльдарханов Таштемир а волаш, хӏаьта цун заместитель хержар Зязиков Идрис. Совнаркома (тахан правительство оал вай) кулгалхо хилар Такоев Симон. Цхьа шу даьлча Лоаман АССР ЦИКа председатель хержар Зязиков Идрис.
Цхьабакъда, лоаццарча юкъа вахар тоаде вӏаштӏехьдаланзар республике. Хӏара округа ший белгалонаш яр, цар чакхдалийтацар Лоаман республикана цхьан форматах доал делга. Партийнии паччахьалкхени болхлой, экономически хьал хӏара регионе эргаш дар. «… чудоагӏача халкъий экономически бувзамашка, къаман-вахареи боахамийи белгалонашка хьежача гуш дар, Лоаман республика цхьоагӏо йолаш, исторически вӏашагӏкхийтта йоацилга, масала аьлча, дуккха къамаш чудоагӏа Дагестан санна»[5], – яхаш яьздора тохкамхочо А. Летифовс (Летифов А. Исторический опыт национально-государственного строительства на Северном Кавказе. Махачкала, 1972, с. 55).
Центра хийттар чакхдоаккхадаланзар исполкомашта а, царна когаметта хьаяьча ревкомашта а. 1921-ча шера август бетта ши округ хьаеш екъа лаьрхӏар Нохчийче – Грозненскии Веденскии. Проблемаш йолаелар Къаршой а.
Лоаман АССР-х дӏакъеста йолаелар цхьаццайола округаш.
Эггара хьалха дӏаараяла лаьрхӏар Черсий округо, из хьа а кхайкадир цо 1921-ча шера август бетта. 1921-ча шера сентябрь бетта 1-ча дийнахьа Черсий округ дӏакъаьстар Лоаман республиках, Черсий автономни область хьайир цар. Цу шера декабрь бетта 7-ча дийнахьа Черсий автономни областах дӏакхийтар Балкхарой округ а, Черсий-Балкхарой автономни область хьа а еш.
Тӏаккха дакъаьстар Къаршой округ.
1922-ча шера октябрь бетта К. Ворошилови, А. Микояни, С. Кирови чубоагӏаш хиннача РКП(б) ЦК комиссе тӏаийцар решени:
1) Нохчийче Лоаман АССР-цара хьакъоастае ший лоӏамах йола автономни область санна Шолжа-гӏалий тӏа центр а йолаш, Нохчий автономни областа чуйоагӏаш а хургйоацаш;
2) Шолжа-гӏала хьакъоастае къаьстта административни единица хургйолаш всероссийскии краевойи центрашта кара а хургйолаш;
3) Шолжа (казакий) округ йита Лоаман АССР чуйоагӏаш;
4) Хӏирийчеи Гӏалгӏайчеи хӏанзарчоа йита Лоаман АССР чуйоагӏаш, «Хӏирийчени Гӏалгӏайчени болхлошта цхьатарра из дезаш хилар» бахьан долаши» шаккхе округа юкъара центр йолаш буротӏе хилар бахьан долаши[6]» (Летифов А. Исторический опыт национально-государственного строительства на Северном Кавказе. Махачкала, 1972, с. 66-77).
Бӏарчча хьаийцача, 1922-гӏа шу чакхдоаллаш Лоаман АССР-е чуйоагӏаКъулбаседа Хӏирийчеи, Гӏалгӏайчеи, Шолжа Округи Шолжа-гӏалеи яр.
1922-ча шера сентябрь бетта Дугарой округи Хӏирий округи вӏашагӏтехар.
Автономе статус хилча мара вӏаштехьдаргдацар халкъий ший паччахьалкхал белгалъе, пайда болаши халкъий хьашташ кхоачашдеши паччахьалкхен оттари къаман дегӏаахари ӏалашдергдола хьашташ хьакхолла.
Н. Гикалос аьннача тайпара, гуш дар, «автономни область хьакхеллача моттиге советски ӏаьдал чӏоагӏлулга, боахамаш тоадалара тӏатовжилга, культура айлулга, наха юкъера машар чӏоагӏлулга, цул совгӏа, лоаман халкъий керртера водар – бандитизм – дӏайоалилга»[7] (Даудов А., Месхидзе Д. Национальная государственность горских народов Северного Кавказа. СПб, 2009, с. 177).
Белгалдеш дола центра тӏаозаш дола, 1922-ча шера хьагучадаьнна Хӏирийчен низаш а, дерригаш а цхьа уйланна тӏатайжа дацар. Дугарой округ ловш яр Владикавказски (Хӏирий) округаца вӏашагӏкхета, Къулбаседа-Хӏирий автономни область хьаяр духьа, тӏехьагӏо из область Лоаман АССР чура дӏаараяргйолаш, цхьабакъда, из тӏаэцацар Владикавказски (Хӏирий) округа дукхагӏболча бахархоша, цудухьа уж Лоаман АССР йоха ма е яхаш бар. Лоаман АССР советий съезда Хӏирийчен делегат вола Кодзоевс, масала аьлча, белгалдир, «Хӏирийче хьакъастаро зе мара дергдац, хӏана аьлча, цкъа-дале, гӏалгӏаштеи хӏириштеи юкъера моастагӏал чӏоагӏлургда, шозлагӏ-дале, Хӏирийче ший культуран центр йола ЮБуротӏе йоацаш юсаргья»[8] (Даудов А., Месхидзе Д. Национальная государственность горских народов Северного Кавказа. СПб, 2009, с. 183). Тӏеххьарча тезисо къаьгга хьагойт Хӏирийче догтийша хинналга Буротӏе гӏалгӏашта хьалургья аьнна.
Къулбаседа Хӏирийчеи, Гӏалгӏайчеи, Шолжа округи Буротӏеи чу а йоагӏаш Лоаман АССР йитара духьала Дугарой округ мара яцар, хӏаьта из уйла хьаллацацар Къулбаседа Хӏирийчен дукхагӏча бахархоша.
Кхоалагӏйола уйла яр Гӏалгӏайчеи Къулбаседа Хӏирийчеи чу а йоагӏаш Лоаман АССР йитача бакъахьа хетар. Из уйла бувзам болаш яр шоаш Лоаман АССР чура дӏаарабайлача шоаш Буротӏе йоацаш бисар кхерар уж.
Из уйла – «автономе чура автономи», хьаллаьцар РКП(б) ЦК комиссе а.
Лакхе цӏераш яьха округаш дӏакъаьстачул тӏехьагӏа Лоаман АССР бахархой 295 эзар саг вар. Царех 150 эзар саг хӏирий бар, 60 эзар саг гӏалгӏай бар, 25 эзар казакаш бар, 60 эзар саг Буротӏара бахархой бар, хӏаьта царех 35 эзар саг эрсий бар.
Цу хана хӏара округе хьалкхийннабар шоай къаман специалисташ. Юкъара советски аппарат езаш яцар. 1924-ча шера июль бетта 4-ча дийнахьа Гороблпарткомо соцам бир паччахьалкхен аппарат дӏаяккха, аьнна.
1924-ча шера июль бетта 7-ча дийнахьа ВЦИК-о тӏаийцар «Лоаман Советски Социалистически республика дӏаяккхара хьакъехьеи, из къаман хьисапех екъа а йийкъа ши автономни область – Къулбаседа Хӏирийчеи Гӏалгӏайчеи хьаяра хьакъехьеи, Шолжа округах губернски испольнительни комитета бокъонаш а йолаш автономни административни единица хьаяра хьакъехьеи, Буротӏе ший доал дола административни единица цох хьа а еш хьакъоастаяра хьакъехьеи»[9] йола М. Калинина кулгъяьздаь Постановлени.
«Лоаман Советски Социалистически Республике дахача халкъий лоӏамца бартбеш, Автономни Лоаман Советски Социалистически Республике чудоагӏаш долча къамий классови кхетам ма хулла сихагӏа дегӏабоалабар духьа, республика къахьегамхой советски паччахьалкхен кулгалдара гӏулакхашта ма хулла дукхагӏа юкъебоалабар духьа, Ерригроссийски Центральни Исполнительни Комитето, 1921-ча шера январь бетта 20-ча дийнахьа тӏаийца ший декрет дӏа а доаккхаш, тӏачӏоагӏду:
1. Автономни Лоаман Советски Социалистически Республика дӏаяккха, из къаман хьисапех екъа а йийкъе ши автономни область – Къулбаседа Хӏирийчеи Гӏалгӏайчеи хьае, Шолжа округах административни единица хьае, Буротӏе ший доал дола административни единица цох хьа а еш хьакъоастае.
2. Къулбаседа Хӏирийчеи Гӏалгӏайчеи Автономни областаш чуйоагӏа Российски Социалистически Федеративни Советски Республике, шоай административни центр Буро тӏа а йолаш»[10] (Ингушская государственность. Нормативно-правовые акты новейшей истории. Москва-Назрань, 1997, с. 15).
Автономни областий Советий хьалхара съездаш вӏашагӏтоххалца йолча хана деррига ӏаьдал йоагйоагӏача революционни комитетий кара дар. Буротӏе, ший лоӏамагӏа йола административни единица ше хиларга хьежжа, юкъарле йоаццаш Ерригроссийски ЦИК-а доалахьа яр.
Шин областеи, Шолжа округеи, Буротӏеи доазонаш белгалдар ВЦИК-а Президиумо хьожавеш вола ВЦИК-а доакъашхо председатель а волаш вӏашагӏйоллача Вӏашийийннача Къаьсттача Комиссена дӏатӏадулаш дар.
Иштта яр цу исторически лоархӏам болча соцама керттера пункташ.
Август бетта 10-ча дийнахьа Мочкхий-юрта хилар Гӏалгӏай автономни область хьакхоллара хетаяь дуккха эзараш болча наха дакъалаьца митинг. Цу митинге къамаьл дир парте обкома секретарь волча Зязиков Идриса. Цигача вӏашагӏъеллар революционни комитет кертелатташ Малсаганаькъан Гӏойтий Иналкъа а волаш.
Хӏирий автономни областа а йир митинг август бетта шийттлагӏча дийнахьа хилар Ардоне.
1924-ча шера август бетта 1-ча дийнахьа денз соцабир Хиннача Лоаман Республика ерригача центральни, советски, партийни учреждений болх.
Политолога Янданаькъан Ӏаддал-Ӏазиса яьзду, «эггара лоархӏамегӏа дар Буротӏен доазон тӏа яда предприятеш, заводаш, кхыйола объекташ керда хьакхеллача областаштеи, округаи, городаи юкъе дӏа-хьа-екъар, цар доазонаш къоастадар[11]» (Жизнь, отданная народу. Саратов, 1996, с. 9).
1924-ча шера июль бетта 17-ча дийнахьа РКП(б) Къулбехьа- Малхболехьарча крайкома бюро хилар, цигача вӏашагӏъеллар Терски окрисполкомеи ВЦИК-а доакъашхо волча Карклинеи кулгалдеш йола Ломан Республика доазув къоастадара а боахам бекъара а комисси. Гӏалгӏайчен оагӏорахьара цу комиссе юкъе вар Малсаганаькъан Иналкъа.
Комиссе ӏалаьмате дукха болх бир лакхехьа хьоахадаь а кхыдола а автономни областа вахара хьакъехьа дола дешаш къоастадеш. Хала а бохаме а дар уж дешаш кӏоастадар, цхьабакъда, нийсхо йолаш чакхбаьккхар комиссе ший болх.
Буро тӏа центр а хургйолаш Гӏалгӏай автономни области Къулбаседа-Хӏирий автономни области, царца Шолжа казакий округи хьа а еш Лоаман АССР дӏаяккхарах йола1924-ча шера июль бетта 7-ча дийнахьара ВЦИК-а Постановлени кхоачашъеш 1924-ча шера август бетта 8-ча дийнахьа тӏаийцача ВЦИК-а № 263 йолча Постановлеца вӏашагӏъеллар Гӏалгӏайчереи, Къулбаседа-Хӏирийчереи, Шолжа округереи, Буро тӏареи викалаш чубоагӏаш йола Комисси, цар административни доазонаш оттадира духьеи боахам бекъача нийслуш дола къовсамаш дашхар духьеи. Комиссе Председатель вайтар ВЦИК-а лаьрхӏа вола уполномоченни, ВЦИК-а а СССР ЦИК-а а доакъашхо вола С. Н. Извеков.
1924-ча шера ноябрь бетта 15-ча дийнахьа чакхъяьлар Гӏалгӏайчен областной партийни конференци, цу конференце хьахержар Гӏалгӏай парте обкома пленумии бюрои. ВКП(б) Гӏалгӏай обкома секретарь Зязиков Бейсолтий Идрис хержар.
1925-ча шера январь бетта 25-ча дийнахьа чакхдаьлар халкъа депутатий Советий хьалхара хоржамаш, хӏаьта цу бетта 30-ча дийнахьа тӏахьийхар Гӏалгӏай автономни областа Советий хьалхара съезд.
1925-ча шера январь бетта 31-ча дийнахьа Гӏалгӏай ревкома Ӏ пленум хилар. Гӏалгӏай автономни областе вӏашагӏъеллай районий бокъонаш йола йиъ округ: Пседахски, Назрановски, Галашкински, Пригородни Буро тӏа центр а йолаш. Из соцам тӏачӏоагӏбир 1926-ча шера март бетта 8-ча дийнахьа тӏаийцача СССР ВЦИК-а Постановленеца. Хьахержар 35 саг чувоагӏаш йола исполком. Цу исполкома председатель Малсаганаькъан Иналкъа хержар.
1925-ча шера январь бетта 31-ча дийнахьа Буро тӏа Гӏалгӏай автономни областа Советий хьалхара съезд хилар. Хьахержар Гӏалгӏай облисполком, Малсаганаькъан Иналкъа керте а волаш, председателя заместитель Горчханов Ӏаьла хержар.
Цхьа шу даьлча, 1925-ча шера август бетта 2-ча дийнахьа Гӏалгӏайче дездир Гӏалгӏай автономни область хьакхоллара хьалхара шу далар.
Область хьакхоллара ди август бетта 1-ра ди дӏакхайкадаьд. Из цӏей дездеш Мочкхий-юрта чакхдаьлар говраш хахкар, кагирхошта лаьрхӏа ловзараши халхараши дир, бахархоштеи хьаьшаштеи кинокартина гойтар, юрта юкъе хьадийлар кортамукъал бахьан долаш къовсам лоаатабаьчарна хетадаь сийленг, Гарданов Торкхо-Хьажий каша тӏа чурт дегӏар.
Митинге дакъалоацаш бар областа кулгалхой Зязиков Идриси Горчханов Ӏаьлеи хьалха а болаш, лоалахарча регионашкара, Моуквера, Гуржегӏара дуккха хъьаьший.
Докладаца къамаьл дир РКП(б) Гӏалгӏай обкома секретарь волча Зязиков Идриса. Парте Къулбаседа-Кавказски крайкома викал йолча Алексеевас аьлар: «Тхона хов, гӏалгӏаша даьр ца даьлга Къулбаседа Кавказерча кхы цхьаккхача халкъо. Оаха лохха ӏочудерзаду тхой кортош шоай халкъа гӏулакх бахьан долаш байнача къовсамхошта хьалхашка[12]».
Митинге тӏаийцача резолюце тӏа аьннад: «Митинго белгалду, Гӏалгӏайчек автономи йола хьалхара шу культурнии боахамеи фронте доккхий толамаш дахарца белгалдаьнналга. Гӏалгӏайчен къахьегамхоша революци бахьан долаш къовсам лоаттабеш байнача новкъостий каша тӏа дош лу къахьегама фронте а денал гойта, революционни къовсама фронте гойтар мо»[13].
Цудухьа бух боацаш дацар 1925-ча шера Гӏалгӏай автономни областа кулгалхоша Зязиков Идрисеи Малсаганаькъан Иналкъаси Нохчийчени Гӏалгӏайчени халкъашта Цӏеча Байракха орден ялар дехаш ВЦИК-га каьхат яьздар. Хетаргахьа, цу дехара тӏеххьа дахар орден ехаш дола дехараш черсий, балкхарой, дугарой халкъашкара а. Гӏалгӏай автономни областа орден яланзар. 1927-ча шера гӏалгӏай йоккхача шин юрта – Экажкъонгий-юртаи Сурхотӏени, елар ВЦИК-а Грамоташ революцени советски ӏаьдалаи цар даь гӏулакхаш белгалдеш.
1925-ча шера ноябрь бетта 2-ча дийнахьа «Сердало» газета оагӏонаш тӏа кепатехар «Гӏалгӏайче баьча белхий итогаш».
Цун автор волча Малсаганаькъан Ибрахӏама Гӏалгӏай область хьакъаьстача хана денз дегӏаахара итогашца белгалду къоали гӏаьрали Гӏалгӏай мехка дукха хӏама ца эшшаш дӏадаьнналга.
Хӏирийченцара, Буроцара, Шолжацара доазонаш къоастадаьд, дисар да Черсий мехкацара доазув къоастадар, цхьабакъда, из дош а дукха ха ялалехьа цхьан кога тӏа доаккхаргда.
Гӏалгӏайче ший доал шийга а долаш хьакъасталехьа укхаза 8 ишкол мара яцар, царех 4 мара болх беш а яцар, хӏаьта хӏанз укхаза 16 ишкол йолаш а я, 4 кхы хьалъеш латташ а я. Цул совгӏв, Наьсаре юрта боахама техникум я, Буро тӏа хьехархой кийчбеш йола техникум я, Наьсар-Керте хӏамаш тегара ишкол я.
Дарба дара хьал хьаийцача, хьалха Наьсаре цхьа больница мара ца хиннача хӏанз Буро тӏа Гӏалгӏай областной больница я 45 маьнги а болаш, Наьсаре округа больница я 40 маьнги болаш, лорий пункташ я Галашка, Онгушта, Аьхки-Юрта, Юкъерча Ачалкхе, Пседахе.
Авторо белгалду, «Гӏалгӏайче автономни область хьа а яь хьакъасталехьа нах чӏоагӏа теӏа бар. Хӏанзарча хана гуш да беррига нах тӏах аьнна болга…».
Гӏалгӏай автономни область 10 шера хилар, 1934-ча шерага кхаччалца, низагӏа из Нохчий автономни областах дӏатоххалца.
1934-ча шера январь бетта 15-ча дийнахьа чакхъяьлар Нохчий автономни областеи Гӏалгӏай автономни областеи Ӏ съезд, цу съезде дӏачакхдаьккхар уж ши область вӏашагӏтохар. Хьахержар Нохч-Гӏалгӏай областа исполком Горчханов Ӏийсай Ӏаьла керте а латташ. Цу исполкоме чубахар А. Мальсагов, М. Ханиев, кхыбараш а.
Цу дийннахье тӏаийцар СССР ВЦИК-а Постановлени, Нохчийчеи Гӏалгӏайчеи вӏашагӏ а теха Нохч-Гӏалгӏай автономни область хьаяра хьакъехьа. Цу областе чуйоагӏаш яр 16 район: Ачалукски, Веденски, Галанчожски, Галашкински, Гудермесски, Итумкалински, Надтеречны, Назрановски, Ножай-Юртовски, Петропавловски, Пригородны, Сунженски, Урус-Мартановски, Шалински, Шаро-Чеберлоевски, Шатоевски.
Патиев Я.
[1] «Отношения между горцами и казаками самые враждебные; отношения между иногородним населением и казаками враждебные; отношения между отдельными племенами горцев не всегда дружественные, а порой и резко враждебные».
[2] «… утверждение всех принципов советского строительства среди горцев станет возможным при том непременном условии, когда широкие горские массы вполне сроднятся с советскими формами общежития и станут активными в советском строительстве. Достигнуть этого можно путем непосредственного вовлечения горского населения в общее советское русло. Одним из наиболее верных способов к этому совещание признает организацию горских автономных республик на тех основаниях, кои установлены для окраинных автономных республик, входящих в РСФСР».
[3] «Давая вам автономию, Россия тем самым возвращает вам те вольности, которые украли у вас кровопийцы-цари и угнетатели царские генералы. Это значит, что ваша внутренняя жизнь должна быть построена на основе вашего быта, нравов и обычаев, конечно, в рамках общей Конституции России».
[4] «Красная Россия не преподносит вам, товарищи, подарок. Она считает этот акт только справедливостью».
[5] «… с точки зрения экономических связей, национально-бытовых и хозяйственных особенностей населяющих ее народов Горреспублика не представляла из себя достаточно цельную, исторически сложившуюся единицу, как, например, многонациональный Дагестан»
[6] «единодушного желания работников Осетии и Ингушетии» и трудности решения вопроса о Владикавказе, общем центре обоих округов»
[7] «там, где создавалась автономная область, советское правительство укрепляется, начинается тяга к хозяйственным улучшениям, культурному завоеванию, создаются мирные настроения и даже главное зло горских народов – бандитизм – уничтожается».
[8] Делегат съезда советов Горской АССР от Осетии Кодзоев, например, отметил, что выделение Осетии «кроме вреда ничего не принесет, так как, во-первых, усилится национальная рознь между ингушами и осетинами, а, во-вторых, Осетия потеряет свой культурный центр – г. Владикавказ».
[9] «Об упразднении Горской Советской Социалистической республики и расчленении её по национальному признаку на две автономные области – Северную Осетию и Ингушетию, на автономную административную единицу – Сунженский округ с правами губернского исполнительного комитета и выделении гор. Владикавказа в самостоятельную административную единицу».
[10] «В согласии с волеизъявлением народностей, населяющих Горскую Советскую Социалистическую Республику, и в целях скорейшего развития классового самосознания национальностей, входящих в состав Автономной Горской Советской Социалистической Республики, а также в целях наиболее широкого вовлечения трудящихся масс республики в дела советского государственного управления – Всероссийский Центральный Исполнительный Комитет, в отмену своего декрета от 20 января 1921 года о Горской Автономной ССР постановляет:
1. Автономную Горскую Советскую Социалистическую Республику упразднить, расчленив ее по национальному признаку на две автономные области – Северную Осетию и Ингушетию, на административную единицу – Сунженский округ и выделив город Владикавказ в самостоятельную административную единицу.
2. Автономные области Северная Осетия и Ингушетия входят в состав Российской Социалистической Федеративной Советской Республики и имеют свой административный центр в гор. Владикавказе».
[11] «самым важным и ответственным был процесс распределения между вновь образованными областями, округом и городом предприятий, заводов и других объектов, расположенных в черте Владикавказа, и территориальное размежевание этих образовавшихся субъектов».
[12] «Мы знаем, что ни один народ на Северном Кавказе не сделал того, что сделали ингуши. Мы низко склоняем головы перед борцами, павшими за дело своего народа».
[13] «Митинг отмечает, что первый год существования Автономии Ингушетии отмечается крупными успехами на культурном и хозяйственном фронте. Трудящиеся Ингушетии у могилы павших борцов за революцию, дают торжественное обещание проявить на трудовом фронте стойкость, такую же как и на фронте революционной борьбы».
Образование Ингушской автономной области
Образование Ингушской автономной области 7 июля 1924 г. не было явлением случайным и спонтанным, волей одного человека или общественно-политической организации. Это был результат исторического развития Ингушетии, прошедшей через определенные этапы роста национального самосознания, деятельности ингушского национального движения, народа, проявившего чудеса героизма во время установления Советской власти в крае.
Вопрос об автономии горских народов Северного Кавказа встал сразу после установления в крае советской власти в 1920 г. Как известно, в те годы горские народы входили в состав Терской области, во многом военизированного государственно-территориального образования с преобладанием военно-казачьего регулирования и соответствующего способа решения всех вопросов.
1 июля 1883 г. в составе Терской области были образованы три казачьих отдела: Сунженский, Пятигорский и Кизлярский. Ингушетия вошла в состав Сунженского отдела с центром в станице Сунженская (быв. Ахки-юрт, ныне с. Сунжа Пригородного района Северной Осетии) и оставалась в таком состоянии до 1905 г., когда был учрежден Назрановский округ. В названиях округов не отражались названия самих народов. Осетия называлась Владикавказским округом. И у обоих округов была единая столица – Владикавказ. Кабарда и Балкария входили в состав Нальчикского округа.
Да и отношения между самими горскими народами с одной стороны и казачьим населением русского народа с другой – были напряженными. «Отношения между горцами и казаками самые враждебные; отношения между иногородним населением и казаками враждебные; отношения между отдельными племенами горцев не всегда дружественные, а порой и резко враждебные…»* – писал Серго Орджоникидзе о политической обстановке в Терской области.
Требовались срочные меры по улучшению и без того сложного социально-экономического положения горских народов. Первая мировая и Гражданская войны нанесли громадный ущерб народному хозяйству края. В Ингушетии белогвардейцы разрушили 8 крупных сел и 13 хуторов**.
Было уничтожено 5613 ингушских дворов. Именно поэтому горские народы хотели сами управлять процессом восстановления и развития своих регионов.
Речь шла о широком вовлечении горских народов в дела управления своими регионами, а этого можно было достичь только путем образования автономий, своей государственности.
Зная о ситуации, складывающейся в регионе со стремлением народов самим строить свою жизнь, а не по лекалам Кавказского наместничества, Серго Орджоникидзе и сделал запрос горским народам: какой они видят свою дальнейшую жизнь?
13 сентября 1920 г. во Владикавказе состоялось совещание членов окружных исполкомов и парткомов Владикавказского и Назрановского округов под председательством того же Орджоникидзе. По итогам совещания была подтверждена необходимость установления Горской автономии. Было подготовлено общественное мнение к образованию Горской автономии.
«…Утверждение всех принципов советского строительства среди горцев станет возможным при том непременном условии, когда широкие горские массы вполне сроднятся с советскими формами общежития и станут активными в советском строительстве. Достигнуть этого можно путем непосредственного вовлечения горского населения в общее советское русло. Одним из наиболее верных способов к этому совещание признает организацию горских автономных республик на тех основаниях, кои установлены для окраинных автономных республик, входящих в РСФСР», – отмечалось на краевом совещании большевистских организаций Дона и Кавказа, проходившем во Владикавказе 15 ноября 1920 г. ***
27 октября 1920 г. состоялось заседание Кавказского бюро ЦК РКП(б), основываясь на решении политбюро ЦК РКП(б) от 14 октября 1920 г., постановило считать «своевременным образование Горской и Дагестанской горских республик типа Башкирской Советской Республики». Уже 17 ноября 1920 г. II съезд народов Терской области провозгласил Горскую республику.
На съезде народов Терской области, прошедшем во Владикавказе, выступил с докладом тогдашний нарком национальностей России И. Сталин, который сказал о цели создания автономии Горской республики: «Давая вам автономию, Россия тем самым возвращает вам те вольности, которые украли у вас кровопийцы-цари и угнетатели царские генералы. Это значит, что ваша внутренняя жизнь должна быть построена на основе вашего быта, нравов и обычаев, конечно, в рамках общей Конституции России»****.
Интересным было выступление Серго Орджоникидзе, который, в частности, сказал: «Красная Россия не преподносит вам, товарищи, подарок. Она считает этот акт только справедливостью (выделено мной. – Я. П.)».
20 января 1921 г. ВЦИК РСФСР принял Декрет «Об Автономной Горской Социалистической Советской Республике». Терская область или Терская Республика уже не упоминалась и перестала существовать как таковая.
Горская АССР делилась на 6 административных округов: Чеченский, Назрановский, Владикавказский, Кабардинский, Балкарский и Карачаевский.
Площадь Горской АССР составляла 73 тыс. кв. км. Население – около 900 тыс. чел.
Вскоре по просьбе населения были образованы еще два округа: Дигорский – для осетин-дигорцев и Сунженский – для казаков Сунженской линии.
Регионы, не вошедшие в состав ГАССР, образовали Терскую область с центром в г. Георгиевске.
16–22 апреля 1921 г. состоялся учредительный съезд советов Горской республики, где был избран ЦИК ГР во главе с Таштемиром Эльдархановым, его заместителем стал Идрис Зязиков. Совнарком (по-современному – правительство) возглавил Симон Такоев. Через год председателем ЦИКа Горской АССР стал Идрис Зязиков.
Но попытки наладить жизнь в республике за короткий срок не имели успеха. Каждый округ имел свои особенности, не позволяющие управлять Горской республикой в едином формате. Потенциал партийных и государственных кадров, экономические возможности у регионов были различными.
«…С точки зрения экономических связей, национально-бытовых и хозяйственных особенностей населяющих ее народов Горреспублика не представляла из себя достаточно цельную, исторически сложившуюся единицу, как, например, многонациональный Дагестан», – писал исследователь А. Летифов*****.
Не оправдали надежд Центра избранные исполкомы, которые заменили ревкомами. Уже в августе 1921 г. было решено разбить Чечню на два округа: Грозненский и Веденский. Проблемы появились у Карачая.
Начался процесс отпочкования от Горской АССР некоторых округов.
Первой решила выйти Кабарда и 13 июня 1921 г. заявила об этом. 1 сентября 1921 г. был оформлен выход Кабардинского округа и образована Кабардинская автономная область. 7 декабря к Кабардинской АО присоединилась Балкария, и 16 января 1922 г. образована КБАО.
Затем вышел Карачаевский округ.
В октябре 1922 г. комиссия ЦК РКП(б), в которую входили К. Ворошилов, А. Микоян и С. Киров, приняла решение: 1) выделить Чечню из Горской АССР в самостоятельную автономную область с центром в Грозном, не включая его в Чеченскую автономную область; 2) выделить Грозный в отдельную административную единицу с непосредственным подчинением всероссийскому и краевому центрам; 3) Сунженский (казачий) округ оставить в составе Горской АССР; 4) Осетию и Ингушетию временно сохранить в составе Горской АССР ввиду «единодушного желания работников Осетии и Ингушетии» и трудности решения вопроса о Владикавказе, общем центре обоих округов»******.
В целом к концу 1922 г. в составе Горской АССР остались Северная Осетия, Ингушетия, Сунженский округ и город Грозный.
В сентябре 1922 г. Дигорский и Осетинский округа были объединены.
Только в статусе автономии могли народы определить свою государственность, которая создавала условия для эффективного и отвечающего интересам народов национального развития и государственного строительства.
По словам Н. Гикало, было очевидно, что «там, где создавалась автономная область, советское правительство укрепляется, начинается тяга к хозяйственным улучшениям, культурному завоеванию, создаются мирные настроения и даже главное зло горских народов – бандитизм – уничтожается»*******.
Отмечаемые центробежные силы Осетии, проявившиеся в 1922 г., тоже не были однозначно едиными. Стремление Дигорского округа объединиться с Владикавказским (Осетинским) округом, чтобы образовать единую Северо-Осетинскую автономную область с последующим выходом из состава Горской АССР, не было принято большинством населения Владикавказского (Осетинского) округа, и оно высказалось за сохранение Горской АССР. Делегат съезда советов Горской АССР от Осетии Кодзоев, например, отметил, что выделение Осетии «кроме вреда ничего не принесет, так как, во-первых, усилится национальная рознь между ингушами и осетинами, а, во-вторых, Осетия потеряет свой культурный центр – г. Владикавказ»********.
Последний тезис ярко свидетельствует о том, что Осетия была уверена в безусловной передаче Владикавказа Ингушетии.
Против сохранения в составе Горской АССР Северной Осетии, Ингушетии, Сунженского округа и Владикавказа выступал только Дигорский округ, но эта точка зрения не получала поддержки у большинства населения Северной Осетии.
Третья точка зрения была в том, чтобы сохранить в составе Горской республики Ингушетию и Северную Осетию. Эта точка зрения была связана с тем, что в случае их выхода из Горской АССР они могут лишиться Владикавказа.
Это же мнение по поводу «автономии внутри автономии» поддержала и комиссия ЦК РКП(б).
Оставшееся после выделения названных выше округов население Горской АССР составляло 295 тыс. чел. Из них 150 тыс. осетин, 60 тыс. ингушей, 25 тыс. казаков и 60 тыс. жителей Владикавказа, из которых 35 тыс. составляли русские.
К тому времени в каждом округе созрели свои национальные кадры. Необходимость в центральном советском аппарате отпала. 4 июля 1924 г. Гороблпартком принял решение о ликвидации госаппарата.
7 июля 1924 г. ВЦИК за подписью М. Калинина принял Постановление «Об упразднении Горской Советской Социалистической республики и расчленении ее по национальному признаку на две автономные области – Северную Осетию и Ингушетию, на автономную административную единицу – Сунженский округ с правами губернского исполнительного комитета и выделении гор. Владикавказа в самостоятельную административную единицу».
«В согласии с волеизъявлением народностей, населяющих Горскую Советскую Социалистическую Республику, и в целях скорейшего развития классового самосознания национальностей, входящих в состав Автономной Горской Советской Социалистической Республики, а также в целях наиболее широкого вовлечения трудящихся масс республики в дела советского государственного управления – Всероссийский Центральный Исполнительный Комитет, в отмену своего декрета от 20 января 1921 года о Горской Автономной ССР постановляет:
1. Автономную Горскую Советскую Социалистическую Республику упразднить, расчленив ее по национальному признаку на две автономные области – Северную Осетию и Ингушетию, на административную единицу – Сунженский округ и выделив город Владикавказ в самостоятельную административную единицу.
2. Автономные области Северная Осетия и Ингушетия входят в состав Российской Социалистической Федеративной Советской Республики и имеют свой административный центр в гор. Владикавказе»*********.
Временно до созыва первых съездов Советов автономных областей вся полнота власти принадлежала соответствующим революционным комитетам. Владикавказ, являясь самостоятельной административной единицей, подчинялся непосредственно Всероссийскому ЦИКу.
Установление границ двух областей, Сунженского округа и города Владикавказа должно было производиться Особой Смешанной Комиссией под председательством члена ВЦИКа, назначаемого Президиумом ВЦИК.
Таковы были основные пункты этого исторического решения.
Население Ингушской автономной области на период ее образования составило 66 744 чел., из них ингушей 66 020 чел.
10 августа в с. Базоркино состоялся многотысячный митинг трудящихся Ингушетии, посвященный образованию Ингушской автономной области. На митинге выступил секретарь обкома партии Идрис Зязиков. Образован Ингушский революционный комитет во главе с Иналуком Гойтиевичем Мальсаговым.
Осетинская автономная область провела митинг в с. Ардон 12 августа.
С 1 августа 1924 г. распускались все центральные, советские и партийные учреждения бывшей Горской Республики.
Как пишет политолог Абдул-Азис Яндиев, «самым важным и ответственным был процесс распределения между вновь образованными областями, округом и городом предприятий, заводов и других объектов, расположенных в черте Владикавказа, и территориальное размежевание этих образовавшихся субъектов»**********.
17 июля 1924 г. на бюро Юго-Восточного крайкома РКП(б) образована комиссия по территориальному размежеванию и имущественному разделу Горской Республики под руководством Терского окрисполкома и члена ВЦИК Карклина, от Ингушетии в комиссию вошел Иналук Мальсагов.
Была проведена большая и кропотливая работа по вышеуказанным и другим вопросам, касающимся всех сторон жизнедеятельности автономной области. Решение некоторых из этих вопросов было полно драматизма и напряжения. Но справедливость была обеспечена.
8 августа 1924 г. Постановлением ВЦИК № 263, во исполнение Постановления ВЦИК от 7 июля 1924 г. «Об упразднении Горской АССР и расчленении ее на Ингушскую и Северо-Осетинскую автономные области с центром во Владикавказе и Сунженский казачий округ», образована Комиссия из представителей Ингушетии, Северной Осетии, Сунженского округа и г. Владикавказа для установления их административных границ и разрешения всех споров, возникающих при разделе имущества. Председателем Комиссии назначен Специальный уполномоченный ВЦИК, член ВЦИК и ЦИК СССР С. Н. Извеков.
15 ноября 1924 г. состоялась первая областная партийная конференция Ингушетии, на которой избраны пленум и бюро Ингушского обкома партии. Секретарем Ингушского обкома ВКП(б) избран Идрис Бейсултанович Зязиков.
25 января 1925 г. в Ингушетии прошли первые выборы Советов народных депутатов области, а 30 января созван первый съезд Советов Ингушской АО.
31 января 1925 г. состоялся I Пленум Ингушского ревкома. В Ингушской автономной области образованы 4 округа на правах районов: Пседахский, Назрановский, Галашкинский и Пригородный с центром во Владикавказе. Районирование утверждено Постановлением ВЦИК СССР от 8 марта 1926 г. Избран исполком в составе 35 человек. Председателем избран Иналук Мальсагов.
31 января 1925 г. во Владикавказе состоялся первый съезд Советов Ингушской АО. Избран Ингушский облисполком во главе с Иналуком Мальсаговым, заместителем председателя стал Али Горчханов.
Через год, 2 августа 1925 г. в Ингушетии отметили первую годовщину образования Ингушской автономной области.
Официально днем образования области объявлено 1 августа. В честь праздника в с. Базоркино были устроены конные скачки, национальные игры и танцы для молодежи, населению и гостям показана кинокартина, в центре села был открыт памятник борцам за свободу, памятник на могиле Торко-Хаджи Гарданова.
На митинге присутствовало руководство области во главе с Идрисом Зязиковым и Али Горчхановым, многочисленные гости из соседних регионов, Москвы, Грузии.
С докладом выступил секретарь Ингушского обкома РКП(б) Идрис Зязиков. Представитель Северо-Кавказского крайкома партии Алексеева сказала: «Мы знаем, что ни один народ на Северном Кавказе не сделал того, что сделали ингуши. Мы низко склоняем головы перед борцами, павшими за дело своего народа».
В принятой на митинге резолюции сказано: «Митинг отмечает, что первый год существования Автономии Ингушетии отмечается крупными успехами на культурном и хозяйственном фронте. Трудящиеся Ингушетии у могилы павших борцов за революцию дают торжественное обещание проявить на трудовом фронте стойкость, такую же как и на фронте революционной борьбы».
Не случайно в середине 1925 г. руководством Ингушской АО в лице И. Зязикова и И. Мальсагова было решено ходатайствовать перед ВЦИКом о награждении народов Чечни и Ингушетии орденом Красного Знамени. Вероятно, что следом пошли ходатайства о награждении этим же орденом Кабарды, Балкарии и Дигории. Ингушская АО не была удостоена награды. Лишь в 1927 г. крупные ингушские населенные пункты Экажево и Сурхахи получили Грамоты ВЦИК за заслуги перед революцией и Советской властью.
2 ноября 1925 г. в газете «Сердало» опубликованы «Итоги работы в Ингушетии».
Автор Ибрагим Мальсагов в качестве итогов развития области за время ее автономного существования указывает на то, что воровство и грабежи в Ингушетии почти полностью изжиты.
Определены границы с Осетией, Владикавказом, Сунжей, остается закончить определение границ с Кабардой, но и этот вопрос будет скоро завершен.
Если до выделения Ингушетии в самостоятельную область было всего 8 школ, из которых работали только 4, то теперь их 16 и 4 строятся. Кроме того, имеются сельхозтехникум в Назрани и педагогический техникум во Владикавказе, школа кройки и шитья в Насыр-Корте.
В лечебном деле против единственной Назрановской больницы есть Ингушская областная больница во Владикавказе на 45 коек, Назрановская окружная больница на 40 коек, врачебные пункты в Галашки, Ангуште, Ахки-юрте, Ср. Ачалуках, Пседахе.
Автор подчеркивает, что «до выделения Ингушетии в автономную область настроение населения было подавленное. В настоящее время замечаем бодрость настроения массы».
Ингушская автономная область просуществовала десять лет, до 1934 года, когда ее насильственно объединили с Чеченской автономной областью.
15 января 1934 г. состоялся I Съезд Советов Чеченской и Ингушской автономных областей, завершивший объединение двух областей. Был избран Чечено-Ингушский областной исполком во главе с Али Исаевичем Горчхановым. В его состав вошли А. Мальсагов, М. Ханиев и другие.
В этот же день принято Постановление ВЦИК СССР об объединении Чечни и Ингушетии в Чечено-Ингушскую автономную область в составе 16 районов: Ачалукский, Веденский, Галанчожский, Галашкинский, Гудермесский, Итумкалинский, Надтеречный, Назрановский, Ножай-Юртовский, Петропавловский, Пригородный, Сунженский, Урус-Мартановский, Шалинский, Шаро-Чеберлоевский и Шатоевский.
2017
*Орджоникидзе Г. Статьи и речи: в 2 т. Т. 1. М., 1936. С.73.
** Юсупов П. И. Борьба за ленинские принципы национальной политики в Чечено-Ингушетии (1920–1925 гг.). Грозный, 1969. С. 5.
*** По кн.: Даудов А., Месхидзе Д. Национальная государственность горских народов Северного Кавказа. СПб., 2009. С. 113.
**** Сталин И. Собр. соч. Т. 4. М., 1947. С. 400.
***** Летифов А. Исторический опыт национально-государственного строительства на Северном Кавказе. Махачкала, 1972. С. 55.
****** Летифов А. Исторический опыт национально-государственного строительства на Северном Кавказе. Махачкала, 1972. С. 66–77.
******* По кн.: Даудов А., Месхидзе Д. Национальная государственность горских народов Северного Кавказа. СПб., 2009. С. 177.
******** Там же. С. 183.
********* Ингушская государственность. Нормативно-правовые акты новейшей истории. М., Назрань, 1997. С. 15.
********** Яндиев А. Жизнь, отданная народу. Саратов, 1996. С. 9.
