Къырым дженнет дегиль, достлар
Къырым дженнет дегиль, достлар,
Берильсе де Алладан,
Мында чокътан не урийлер,
Не мелеклер къалмагъан.
Къырым дженнет дегиль, достлар,
Сиз дженнетке къызманъыз.
Алландырып-балландырып
Ялан ресим сызманъыз.
О, тек Къара денъиз дегиль,
Сазлыгъы бар, голю бар,
Сувындан туз дамы кельген
Къаврап къалгъан чёлю бар.
Дюльбер олып корюнсе де
Къарагъанда тышындан,
Къасым айы киргенден сонъ,
Джан тюнъюлир къышындан.
Къырым дженнет дегиль, достлар,
Пек хорлангъан, денъишкен,
Мында нидже ёл айрылып,
Нидже ёллар кесишкен.
Нидже йыллар мында аякъ
Басмагъанлар къалмагъан.
Сельбилерге торбасыны
Асмагъанлар къалмагъан.
Нидже йыллар ешиль ада
Олгъан керван сарайы.
Емиш биткен багъларында,
Чёллеринде къорайы.
Зеэр-ляджсыз берекет ёкъ
Багъчасында-багъында.
Сув къалмагъан Къарасувда,
Салгъыр деген агъымда.
Кельмешекнинъ эр бир сою
Алайым деп тырышкъан.
Кентлер-койлер борукъсыгъан,
Тютюнлернен къарышкъан.
Къырым! Къырым! Бир заманда
Бельки дженнет эдинъ сен.
Энди исе джеэннемнинъ
Къапысына кельдинъ сен.
Къайтып келе санъа, янъы
Джан береджек тамырынъ.
Шу тамырынъ иле багълы
Эр бир гъыданъ, эр сырынъ.
Къырым! Сени къуртарырмыз,
Сонъ макъсадкъа етермиз,
Я да сендай тапталыр да
Олюп-сёнип кетермиз.
Къырым, бельки биревлерге
Сен бир дженнет-мекянсынъ.
Бизге исе дженнет дегиль,
Къырым, бизге Ватансынъ!
Крым прежде и теперь
Нет, Крым не рай земной, конечно,
Хотя и дар Аллаха он,
Здесь ангелов давно не слышно,
И гурий с давних нет времен.
Нет, Крым не рай земной, конечно.
Не злись — что может, то даёт.
И не придумывай картинку
Его невиданных красот.
Крым — это ведь не только море,
Озер тут много и болот,
Суровый зной степей в июле,
Тяжелый вкус соленых вод.
Крым знают ярким и красивым,
Когда глядят издалека.
Здесь в ноябре колючий холод,
Зима и вовсе нелегка.
Нет, Крым не рай земной, конечно,
Бывает грустно и ему...
А сколько тут путей скрестилось,
Схлестнулось и ушло во тьму.
И чья нога тут ни ступала,
И кто здесь только ни бывал...
На кипарисе в час привала
Котомку путник оставлял.
Раздолье было караванам
В зеленых много лет краях,
Теперь плоды в садах с изъяном,
Нет даже хвороста в степях.
Сад и бахча не плодоносят
Без химии... о новый мир!
Как обмелела Карасевка!
Почти совсем усох Салгир...
Кто б ни пришел сюда — старался
Все отобрать. Народ привык,
В степи селенья сиротливо
Смирялись с новым дымом их.
Ах, дивный Крым! А ведь когда-то
Ты нам и вправду раем был.
А нынче, как в преддверье ада,
Стоишь без воли и без сил.
Но молодой пробился корень,
И сила воскресает вновь,
Из корня жизнь растет и тайна,
И это — к родине любовь.
О, Крым любимый, возрождайся!
Пускай взойдет твоя звезда.
Тебя мы восстановим или
С тобой погибнем навсегда.
О, Крым! Быть может ты для многих
Чудесный теплый рай земной,
Для нас — родимый край, Отчизна,
Единственный наш дом родной!
