Нариман Агъанынъ лятифелеринден
Акъмесджит-Кефе ёлунда, Безбайлянны кечкен сонъ «У Наримана» адлы бир къаве бар. Оны Аблязиз Велиевнинъ койдеши, къозлы Нариман агъа тута. Куньлерден бир кунь Судакътан къайткъанда, эр сеферки киби, онъа тийип кечтик. Нариман агъа пек мусафирчен, гонълю ачыкъ ве бол судакълылардан бири. Гедже-куньдюз къавесининъ къапусыны япмай, барсанъ севингенинден орьсенлеп отуртмагъа ер тапмай. Онынъ инсаниетлиги тек бунынънен сынъырланмай. О шенълендирмеге де биле. Нариман агъанынъ ичи толу анекдот. Занымызджа оларнынъ эписини озю уйдура. Эм миллий мевзуда ве колоритте уйдура. Мына о лятифелерден бири.
«Къырымгъа Америка президенти келе. Сюргюн олунгъанларнынъ яшайышыны корейим, деп ёлгъа чыкъа. Онынъ къайсы ёлдан кечеджегини бильген бир къырымтатар ёл кенарына чыкъа да, элине бир тутам тобан алып чайнап тура. Президент буны корип токътай ве не ичюн тобан ашайсынъ? – деп сорай.
– Ватангъа къайттыкъ, ачмыз, фукъаремиз. Эв къурмагъа дегиль, ашкъа биле парамыз ёкъ, президент эфенди, – дей. Президент эки пачка доллар бере. Татар эки афтада эвини къурып битире. Буны корьген пакъылджы къомшулардан бириси, олян, насыл яптынъ да бойле тез къурып битирдинъ, бу къадар параны къайдан алдынъ, я? – деп меракълана. О да, иште, президент келе эди, ойле-бойле яптым, деп меселени анълата. Бир къач куньден сонъ Кучманынъ келеджегини айта.
Кучма келеяткъанда къомшусы гъарип ёл кенарында пичен чайнап тура. Кучма токътай.
– Ничюн тобан чайнап турасынъ, сизинъ ерлешювинъиз ичюн бу къадар пара ёлладым, – деп ачувлана.
– О паралар бизге етип кельмеди, президент эфендим, иште бойле алгъа къалдыкъ.
– Ойле олса, сен шимди ешиль от аша, тобанны джый да къышта ашарсынъ, – дей Кучма».
Халкъымыз арасында бойле шенъ, истидатлы, ирадеси къавий инсанлар бар. Онынъ бу къавени насыл къургъаныны сёйлесе, гузель бир къысса язмакъ мумкюн. Ах, нидже-нидже мевзуларны, эсер къараманларыны къачырамыз!
Анекдоты от Наримана-ага
По дороге Симферополь – Феодосия, недалеко от места Безбайлан, находится кафе «У Наримана». Хозяин заведения – Нариман-ага* из села Коз, он односельчанин нашего писателя Аблязиза Велиева. В один прекрасный день, возвращаясь из Судака, мы заглянули в гости к Нариман-ага. Он очень гостеприимный, хлебосольный человек, коих в Судаке много. Когда бы кто ни пришел, он обязательно его радушно встретит и накормит. Но, кроме этого, он может любого человека развеселить. Короче, ходячий анекдот. И, по-моему, большую часть из них он сам и придумывает. Да еще с национальным колоритом.
Вот один из его анекдотов: «Приезжает однажды в Крым Президент США. Решает он узнать, как же живут депортированные, и посещает разные места. Узнав об этом, один из крымских татар встал у дороги и стал жевать солому. Президент проезжая мимо увидел его, остановился и спросил, почему же он жует солому.
– Мы вернулись на родину, но голодаем. Не то что на дом, на еду денег нет, – жалобно отвечает наш человек.
Президент США посочувствовал ему и дал пачку долларов. Татарин за две недели выстроил себе дом. Его сосед, увидев это, тут же поинтересовался: «Как же тебе удалось так быстро дом построить?» Татарин объяснил, как все было, и добавил, что через пару дней, оказывается, в Крым приедет Президент Кучма.
Сосед-завистник тоже встал у дороги и стал жевать сено. Проезжавший мимо Кучма остановился и с недовольным видом спросил:
– Почему сено жуешь, я ведь столько денег выделил на ваше обустройство?
– Так деньги же до нас не дошли, господин Президент, поэтому мы оказались в таком положении.
– Ну, тогда ты пока что зеленую траву кушай, а сено на зиму оставь, – сказал Кучма».
Вот такие веселые, талантливые, стойкие люди как Нариман-ага были и есть среди нашего народа. О том, как он построил свое кафе, можно целую повесть написать. Жаль, очень часто мы столько тем, столько героев упускаем!
* Ага – почтительное обращение к старшему.
