Назрань

Автор:
Лейла Тамасханова
Перевод:
Ирина Ермакова

Наьсаре гIолла Iуйре яьржай


Массаза Iурре гIотт со хьал,
Бакъдар аьлча хоза-м хет сона чIоагIа:
Хьагучадоахаш са Наьсарен загI,
Дохк а лелхадеш, къаьга Iуйре йоагIаш.


Са Наьсаре лоа а кIаьда дуж,
БIаргногIараш тIа лег из, боча хьесташ.
ХIаьта догIа-м ма дий сигле зувш,
ГIоздаьнна оалхазараш хул цу чу кхесташ.


Укхаза седкъий малхаца халхадувл
Шоайла къасташ дац уж вIалла
ХIаьта бетто, нах, шо цец ма дувла,
Кемаш хехк тха шовдашта гIолла тийна.

 

Лоацца аьлча, тамашийна да
Са Наьсарен Iалам, хоза вахар,
ХьоашалгIа дувла, шоана а бIаргагургда,
ТIаккха шо а Iергда укхаза даха.


Массаза Iурре гIотт со хьал,
Бакъдар аьлча хоза-м хетт сонна чIоагIа:
Хьагучадоахаш са Наьсарен загI,
Дохк а лелхадеш, къаьга Iуйре йоагIаш.

Назрань

 

Просыпаюсь рано, чтоб в тумане,
Рассыпающемся на глазах,
Очертания моей Назрани
Проявились в солнечных лучах.


Мягкий снег летит, лаская лица,
Нежный снег у нас, а летним днём
Дождь такой, что небо в нём искрится,
И резвятся птицы под дождём.


Звёзды с солнцем затевают танцы,
Чтоб не расставаться, а в реке
Проплывает лодочником ясный
Месяц с золотым веслом в руке.


Что Назрань богата чудесами,
Повторять могу я битый час,
Приезжайте, посмотрите сами, —
Навсегда останетесь у нас.


Просыпаюсь рано, чтоб в тумане,
Рассыпающемся на глазах,
Очертания моей Назрани
Проявились в солнечных лучах.

Рейтинг@Mail.ru