ЙтшпынхІвахаз сквайчIвагIвыра
Псы зхъам амлыкв ацIыхъва
СтыцIхын стынчхатI араса.
КвайчIвагIвыра сымгIвыхуа
ЙджвыквсцIатI сбзазара кIьаса.
Зны йстахъын млыкв щардата,
Сымшгьи сыцIхгьи асрыфуа.
АшIублашв анцІра йапшта
БзазащакIгьи гIащтIысхуа.
Скыт сгIарылхIвауа рыцIа,
Стдзы йаквгыла-шIагыла,
Амашина сгIазтыцIуа
Йджьарщауа ауагIа йгылу.
УахьчIва йсышву дсырбазтын —
УачIвы шIыцкI азгIасхъвыцуа,
Заджвы йчIвы щардахазтын —
Ауи сыла азкIылцIуа.
Амлыкв сныбыжьгьи афын
СгIашІнарышвтхтI бжакъакъыта.
СквайчIвагIвыра гIасахвын
СаквпшитI, сылахь аквыта.
ЙгьсымбатI зны хIагIаракI,
ЙсырхIазгьи хвы гьамам.
СаквпшитI сылахь агъвгъвара —
СынцIра тынчракІгьи гьалам.
МцырадзапI стыдз чIарачIа,
Спещква пша рыгIвнауыуитI,
Ауандыр аларчIачIа
ГылапI, царта амдыруа.
Йсышву счгIвыча сгьапшыхуам,
УачIвы гIайырквын сгвыргъьитI,
ТшгIатызчIвакьуа дгьсырхъвыхуам,
АуагIа бзазуштI-хIва сгвыгъитI.
Сгвашв апша йгIанатIрыквын
Сгвы гIащтIызхуаш сизыпшгIитI.
Чай хъагIакI сахварыквын
Щквыр-хIва сгвыла йазысхIвитI.
Йзапшзаманйа санбзазуз?
РыцIа йагъьыз запшыйа?
Амлыкв сныбыжь анафуаз?
МомкIва ужвы сынцIра хыйа?
ЙахъызгІвылгІаргьи цкьата
СквайчІвагІвыра йгІащтІысхыз —
ЙгьгІанымхушма тшпынхІвата
АхальатІква йанысххыз?
Запятнанный черновик
Не гонюсь за обновой,
И покой обретаю.
С опозданием снова
Жизнь свою начинаю.
Мне богатства хотелось,
И оно меня съело.
Жизнь вслепую вертелась,
Словно крот неумелый.
А мечтала о чуде —
Лучший дом и машину,
Восхищались чтоб люди,
Чтобы ахали в спину.
В круговерти летучей
Каждый день наряжалась,
У кого-нибудь лучше —
Разгорается зависть.
Жизнь меня разжевала,
Чтобы выплюнуть... пусто...
Черновик я достала
И гляжу в него грустно.
Ничего не добилась —
Все-то было мне мало.
Для чего суетилась
И покоя не знала?
Дом богатством набитый —
Ветер в доме гуляет,
Драндулет мой разбитый
Под окошком скучает.
Все равно, что надену.
Радость утра — в тетрадке.
Новым дням знаю цену —
Пусть живут все в достатке.
Ветер, дух поднимая,
В окна ухает вольно.
Выпью сладкого чаю,
Улыбнусь и довольна.
В прежней жизни кипучей
Лучше ль было, гадаю,
Или все-таки лучше
Жить безгрешно? Не знаю.
Черновик неказистый
Этой жизни невнятной —
Все исправлено чисто.
Но останутся ль пятна?
